انا دائما بدور ببالي سؤال
في المدرسة ارى كثير من الطالبات بتعلقن
بالمعلمات الدرجة انو ما تقدر تستغني عنها
بعض قول لي انو نقص امن و حنان و عطف من اهل
هل هذا صحيح ، هذا شئ له علاقة باخلاق


هالمره جوابي مطابق لاخي الرحال
رح ضيف شي بسيط وتجربه
بصراحه هالسؤال جدا اثر في
وذكرني بشي قديم

بتعرفو امي متوفيه ربي يرحمها
لاحظت بفتره من الفترات
واختي زمان كانت بالمدرسه
انها مهتمه جدا بمعلمتها
لدرجه الجنون والحب
ضليت اراقب الوضع
لعرفت انه المعلمه
بتعطيها ورد ورسائل
انا ما عجبني الوضع
وشكيت انه في شي
فتحت الرساله
فيها كلام حب من المعلمه للطالبه
وهادا شي بخوف
حكيت لاختي تعزم المعلمه عنا البيت
اجت بعد كم يوم
ومعها كم هديه حلوه
رحبت فيها اول شي
وواجهتها امام اختي
في معلمه محترمه
متزوجه وعندها ولاد
بتكتب كلام حب وعشق لطالبه ؟
جدال مني ومنها
قلتلها انتي انسانه منحرفه
وقسما بالله لو حكيتي حرف معها
او تقربتي منها لافصلك من كل التربيه
يلا مع السلامه من غير مطرود
وقعدت اختي وفهمتها
انتي نيتك طيبه واخدتيها بدل امك
لكن هي استغلت الوضع
واقنعتها انه هالشي غلط

انا لازم اعمل هيك
عشان انا مسؤول عن اختي
وتعمدت اواجه المعلمه امام اختي عشان
كانت متعلقه فيها
لدرجه اني حكيتلها
لو كان كل هالحب عندك
ليش ما تعطيه لولادك وزوجك
ليش تعطيه لبنت بعمر بنتك
هاي الحاله موجوده كتير
بشكل او باخر
بين معلمه وطالبه
وهالشي ما حدا بقدر ينكره
وما نبعد كتير
مو كل حدا نيته مو طيبه
لكن مو لدرجه مريبه
شكرا اخي عبد الله
انت كمان شهم ورجال

شو الفرق بين الحاضر والماضي
في الماضي كانت الحياه بسيطه
والعلاقات الاسريه او المجتمعيه قويه
كانت الطبخه تتوزع عكل الجيران
والمحبه تجمع الجيران
كانت ستي تمون عاكبر راس في البيت
اليوم يا خساره
ما في تقدير لكبير
ولا لمدرس ولا لاب وام
اليوم الكل مشغول بالنت
ما عاد في حدا يلعب بالحاره
بنانير وفتبول ولا عاد تشوف
بنات صغار مجتمعين بلعبو
كل واحد في بيته الا من ندر
تعثرنا في الحاضر مع التكنولوجيا والتطور
واصبحنا اسرى وعبيد حتى في بيوتنا
منشغلين بالهواتف وعالم النت الخيالي

هل كلاكما مقنع باجابة الاخر
الى حد ما تفكير الشباب هو نفسه
لانه منعيش في نفس البيئه ونفس العادات
الا انه يمكن انا بعيش في بيئه متحرره اكتر من رحال
لكن ما لاحظت كتير فرق بالاراء والاجابات
والمستوى الفكري
نصيحة بتواجهها للشباب اليوم،بنات اليوم


على الجيل الحالي من شباب وبنات
ان يفهمو ان عليهم دور كبير ومهم
لينهضوا بأنفسهم تجاه ما يراد بهم
وليكونوا حرَّاساً للدين والوطن
تجاه ما يكاد لهم ولمستقبلهم
ليمحو شخصيتهم
باتباع سنن الغرب
والتقليد الاعمى
واهم شي يكون عندهم دين وتقوى
لانهم صناع الامل
ونواه المستقبل

بدك رايي انا بموضوعك
لو ما كان جميل من البدايه
ما وافقت اجاوب
انا بحب هيك مواضيع
لاني بشعر انه لازم اكتب كل شي
بخص المجتمع والشباب
وكل ما يسيئ للدين والوطن وللامه
بالعكس كنت سعيد جدا
وانا بجاوب على اسئلتك
استمري خيتي سمو الاميره
بانتظار ضيوفك الاخرين
وكنت سعيد جدا انه معي انسان راقي
بفكره وصادق بسريرته
مع اني كنت اتمنى حدا يكون مخالف لرايي
عشان تولع المناقشه
بدي انصحك
حاولي تجمعي بين شب وبنت
او تنين بتعرفي ارائهم مختلفه
بالتوفيق الك يا طيبه