|
عادي بشرط يكون مسلم يقولون ان حواء هي اساس الترابط الاجتماعي والعكس هل هذا صخيح يا حواء مع التعليل |
مش شرط ...في نسوان بحبو يروحو ويجو بس جيزانهم ما بخلوهم والعكس صحيح كل واحد بتأثر بالطرف التاني مثلا وحدة جوزها ما بحب يروح ويجي رح تضطر تضل لانه هيك هوي بدو اكتر شي ببكي ادم وبخليه يعيط ؟؟ |
أعتقد أدم ما بيبكي كتير ، الا في مواقف معينة مثلا : _ فقدان شخص عزيز ( ام _ اب _ ابن _ اخ _ صاحب ) _ ممكن يبكي من القهر * قهر الرجال * _ وجع روحو ع شي كبيير ... سؤال لآدم ... لييش دايما وبالأغلب الأوقات الي احنا بنحكيه بتخالفووه ومع العلم بيكون صح ، بس عشان كلمتك انتا هيا الي تمشي ، و بتمسك شغلة انو انتا الرجال وما في بعد حكيك حكي ، متى ناويين تخلصوا هالعادة ، ملينا والله ... |
بصراحة ما فيني انفي هيك شيء للأسف الشديد هناك رجال ينظر لمفهوم الرجولة على أنها حكم وتزمت بالرأي وتسلط وإحتكار في المقابل هناك رجال تعترف بالشراكة وتٌقدس الحوار ويحمل الكثير من الحب والإحترام لحواء لماذا حواء كثيرة ثرثرة وبكاء ؟ |
مو كل حواء واحد .. بس بالاصل حواء مخلوق من ضلع ادم وطبيعي تكون ضعيفة لانو اصلها تابع لحدا من الاساس ، هيا موكتيرة حكي بس ما فيها تضل مخبية بقلبها كتير ، والعياط لانها مخلوق حنون وعاطفي اكتر من ادم ^^ شو الي بيقسي قلب ادم ع حوا ?! |
عندما يشعر أنها لا تستحق وعندما يرى فيها صفات تستحق القسوة كأن تكون إمرأة محبة للكمال إمرأة متطلبة في كل شيء إمرأة لا مبالية وليس لديها اي احساس او شعور لماذا تعتقد الكثير من حواء أنها عندما تتزوج الرجل يصبح ملكها وحده ولا ترغب بأن يشاركها فيه أحد وهي المسلة عن كامل امور حياته بل تصبح رغبة الكثير في تملك الرجل و التدخل في تفاصيل تفاصيل حياته وتعمل بشتى الطرق على السيطرة على شخصيته بحيث تجعله يشعر بأنه شخصية مستخدمة و لست له القدرة على التخطيط لحياته بشكل صحيح ؟ |
حواء كثيرة الاعتقاد والجانب الأكبر على الرجل او بالاصح شخصيةالرجل من تلعب دور اكبر ^^ آدم كيف يكون الشك المرضي في عقله... |
اي معك حق في هناك للأسف شخصيات من الرجل كشخصية أبو بدر للأسف الشديد وبستاهل بصراحة ما بلوم انا زوجته بشيء ما فهمت سؤالك او ما فهمت شو بتقصدي بس بقدر قولك أدم يحب الوضوح ويكره المراوغة ما رائيك بغيرة حواء المفرطة الغيرة التي إلى مرحلة الشك و الشك في كل خطوة يقوم بها والتي تريد تقريرا كاملا على كل خطواته وما قام به طوال أوقاته ؟ |
هههههه ، هون انا ضدك ما في شي بتحسو حوا الا موجود ، خصوصا احساس الخيانة او انو في غيرها هاد أكيد ... لانو ببساطة بتندل ع هادا الشي من افعال الرجل او تغيروو عليها ، ببساطة *ما في دخان من غير نار * أدم شو الي بيخليه يلحق في حوا بعد رفضها الو صراحة هاد اشي مستفز فيكو ^^ |
يعني بصراحة انا اكره الحديث بصيغة الجمع وخليني قولك شيء انا شخصياً لو مهما بلغ حبي لالها ومهما وصل جناني وعشقي فيها لو هيا تركت وتخلت والله لو بدها تضويلي اصابعي العشرة شموع وتعطيني كنور الكون ما بستجديها لترجع الناس مقامات واصناق واشكال وما فيكي تحكمي على كل الرجال بهادا المنطق ليش حواء عندما تتعرض للخيانة او ينتهى الحب بينها وبين الجنس الأخر تصب جم غضبها على الرجال وتنعتهم جميعاً بالخيانة وممارسة كل اشكال المكر والخديعة والخداع ؟ |
ههههههههههه مصارحة * حبك للمرأة واهتمامك فيها جدا جميل * اممم ، اعتقد لانو بالغالب جنس ادم شبه بعضو الا مانذر ، وحاليا انتا شايف كيف الوضع الكل بيتسلى في كلو وما في حب من القلب ، هون انا ما بشمل ، بس في عيناات كتيير سيئة ^^ شي تاني الثقة بتنعطى مرة وحوا لما تحب بتعطي من قلبها وبتكون عاطفتها جدا كبييرة ، هادا الامر طبيعي في حال الخيانة او الخ .... سؤال لآدم نظرتك للبنت الي بتارجل او بتدخن ، وهالنظرة منك ولا عشان المجتمع ?! |
هههه انا مش عارف شو مضايقك بصراحة لا إهتمام عاجب ولا قسوة ونقد عاجب ما علينا نرجع لنقاشك انا ضد أي شيء واي تصرف تقوم به حواء يقتل أنوثتها ويخدش حياؤها حواء خٌلقت لتكون رقيقة وجميلة وعذبة وهيك أمور يجعلها تشبه الرجل الكتاب الأكثر مبيعاَ هذة الأيام https://scontent.fgza2-1.fna.fbcdn.n...73&oe=5A9A021B يا ترى شو سر هالحقد الدفين والكره الشديد لجنس أدم ؟ |
ههههههههه موووتت هادا دابحها من الورديد للوريد ي قصي ، ي ويلي :"( صدقني ادم مافي منو ، شخصية حلوة وسيئة. ، مريح ومتعب ، مهمل ومهتم ، بيضّحك وبينكّد ، بيلوم وبينلام و الخ .... يخي آدم ما في منوو والله ، لك شو الدنيا بلا نكدوو ^^ سؤال لادم بتضل حاقد وما بتتمنى للبنت الي بتتركك الخير ليييه ?! |
ههههههههههههه وربي النقاش معك لذيذ كتير تخيلي نستيني البرد والقهوة طفت عالغاز ^ ^ المهم شوفي لاقولك لو ادم بالصورة الي رسماها والي بتحكي عنها ليش البنات قاتلين حالهم عليه واقصى احلامهم صارت الإرتباط برجال ولا تحكيلي شيء غير هيك لاني مش حقنتع بحرف انا بقولك ومتأكد من هيك شيء تاني شيء انتي بتحكي عن نموذج معين لأدم نموذج غبي للأسف الشديد بس كمان ما فيكي تعممي هيك شيء انا حكتلك مبدأي من باعني بالرخيص بعته بالتراب ومن لم يراني بكلتا عيناه لن أراه بنص عين افهمي يا اختي الرجال مش واحد متل اصابع اليد مختلفين بكل شيء شو مشكلتك مع أدم بالظبط ليه ادم عاملك أزمة كبيرة بحياتك وسارق النوم من عيونك وسالبك راحتك طول الوقت قصف بجبهته ^ ^ ؟ |
ههههههههههههههه ادم ي ادم. * للعلم اول ابن الي هاسميه ادم ^^ * انا مش معك بقصة البنت كل همها الارتبااط. ، هاتلي واحد بغزة ناضج من كل النواحي قادر يحتوي حواا وينسيها كل الدنيا ، اكاد اجزم لا يوجد رجل واحد قادر ع هاد الشي خصوصا في غزة وهادا من سوء الحظ ^^ برجع وبحكيلك مش حب بالارتباط والزواج والمسؤليات وطلبات آدم الي ما بتخلص خاالص ، حباً بس بانو الحياة تمشي وتغير حياتها ولانهاا ناقصة بالفعل من دون ادم ، وبتحتاجو كتيرمعهافي الحياة ، عشان هيك الاختيار الصح بيسعدك ، والاختيار الخطأ هيرجعك عند ماما وبابا ^^ عني انا ( من كتر ما سمعت وشوفت وحليت قصص كرهت تقديس ادم الزائد وسار لازم تصغير حجمو لانو حاليا احنا ما بنفرق كتير عن ادم ، بل نتفوق عليه كتيير ❤ سؤال لأدم مع _ ضد الزواج في سن أقل من 25 سنة ?! |
الله كريم وتسمي أدم وحواء كمان الكمال لله يا أختي ما في شخص كامل سواء ذكر او انثى وطبيعة الحياة الآن وصعوبة العيش والضغوطات الهائلة والمسؤليات الكبيرة الملقاه على أدم خلقت من البعض أدم مختلف وربما قاسي في بعض الأحيان ودعيني أقول لكِ ان أدم في غزة بالتحديد لن تجدي له مثيل ولن يكون له شبيه لا تتأثري كثيراً بالمسلسلات والأفلام التركية والتي تنسج رجال من وحي الخيال ادم الغزاوي يا عزيزتي يعمل ليل ونهار ويتحمل ما لا يتحمله اي شخص أخر بالكون لأجل أن يوفر لقمة العيش لأهله ويسعد أبناءه ولا داعي لأن أخوض في حديث أكبر وأعمق لأقول لأتحدث عن أدم الغزاوي على وجه الخصوص والتحديد وعذراً لو قلت لكِ صغرتي او نزلتي او حتى رفعتي من أدم فأدم يبقى شريان الحياة ونبض الأيام والوطن الذي تلجأ اليه كل النساء وضد الزواج قبل سن ال 25 ما رائيك بالأهل الي بزوجو بناتهم للأقارب من باب رفع العتب والإحراج لا أكثر ؟ |
قصة انو متأثرة بالمسلسلات هاي انساها ، لانو بيختلف كليا الرجل الشرقي المعقد عن الرجل المتفهم لعصره ^^ و قصة انو الغزاوي وهيك ، هاي انا مش معك فيها كمان ^^ ما أعتقد هادا الغباء موجود خالص هاي الآيام ... سؤال لادم ليش الي بتشوفو انتا الصح والي بتشوفو حوا خطأ _ بعض الرجال ي قصي ، ما عممت _ |
امممم خلص ملكيش الا تروحي على ألمانيا وتجيبي واحد بمواصفات خارقة ومتل الي بتتمنيها احنا ما في عنا هيك رجال الرجال بغزة على قد الحال يمكن انا بس الغني فيهم هههه وبالنسبة لالي ما بشوف شيء صح وبحكي عنه غلط الشغلة قناعات انا بحكيش شيء مش مقنتع فيه وشايف انه فيه مبالغة وشيء طبيعي حواء تشوف الاشياء السلبية بتخص ادم اكتر والعكس صحيح واختلاف الرأى لا يفسد في الود قضية بماذا تختلف حواء اليوم عن حواء السابق ؟ |
هههههههههههههه ، صح وهادا الي هيصير باذن الله بس يفتح المعبر عطول يارب كتييير ، حواء اليوم كبرت ، وعقلت ، وفهمت شو قيمتها ، وفيها تعتمد ع حالها ، بتواجه مجتمعها ، يُعتمد عليها ، نورت بالعربي، بتعلن الحب وما بتخاف متل زمان ^^ سؤال لادم .. لو حكينا لآدم تمنى امنية ، ماذا ستكون ^^ |
أتمنى أن تجد حواء كل ما ترنو اليه وأن يحقق الله لها كل ما تحلم به وأن تبقى كما كانت دوماً زهرة الحياة وربيع العمر والبلسم الشافي لكل الأمراض يحب الرجل المرأة “القائدة” أو التي لديها حلول وخطط لكل شئ، يحبها تلقائية شفافة لا تخجل من القيام بأفعال مجنونة أحيانا، فهو لا يحتاج لامرأة جادة صارمة، بل يحتاج شريكة تخرجه من الهم والتوتر بتصرفات ممتعة بعيدة قليلا عن الواقع عندك مشكلة بهيك شيء ؟ او هالحكي بضايقك بشيء ؟ |
ههههههههههه ، ليش حساك متخيلني الي خاطر اتخلص من آدم باي طريقة ^^ لا موافقة كتير ع هالكلام آدم بيحب حوا القوية والناجحة وبنفس الوقت قادرة تحتوية وتطلع من قلبو كل هم لو توهمه بالنسيان ، عالاغلب هيضل معها ويلجأ لالها ع طول ^^ سؤال لادم الست الي بتحبك وبتضويلك حياتك عالاغلب بيتركها وبتستهويه حوا المتعبة او المشاكسة وفي احيان المغرورة ^^ ليش برأيك :") |
مش متخيلك ولا شيء انا متأكد من هيك شيء ولو يصحلك ما بتوفري ^ ^ انا بس لو اعرف مين أدم يلي زاعجك ومزعلك وعامل فيكي هيك شيء ^ ^ وبخصوص سالك انا قريت لالك مرة مشاركة واقتنعت فيها نوعا ما واتفقت معك فيها بس هون انتي بتناقضي حالك انتي قلتي قبل هيك بجواب على سال لماذا ادم ينظر للنساء الاخرين ولا ينظر لزوجته وقلتي هيا ما قدرت تحتويه ولونها ذكية كان قدرت تحتويه وتخليه ما ينظر لغيرها وهون انا شايف في نتاقض ان تعارض مع حكيك القديم على اي حال انا رائيي والي بقوله دائماً حواء الذكية والماهرة هي التي تستطيع إحتواء أدم وتجلعه كالخاتم في أصبعها ولا يروق له النظر لغيرها لأنها إمتلئت به وسكنت جوراحه وقلبه ما رائيك في حواء التي تٌهمل زينتها وشكلها وعطرها ولبسها بعد الزواج ؟ |
ما بتعجبنى حوا لازم تكون عامله 4 ×1 ما تهمل زينتا ولا نفسا ادم رايكككك بحوااا الخجولةة كتير |
ههههههههههه ، عفواً بس شو الي مخليك متاكد وحاسس ... !!! انتا شخص ما بيعرفني ولا تعامل معي واقعياً ابداً ^^ اسمحلي آحكيلك إحساسك غلط _ آدم شو ما كان ما فيه يزعلني او يدايقني بشي بالعكس بيرضيني عطول ^^ _ فوتنا هاي في هااي ، السؤال الي هناك كان بخصوص الزواج وليش الرجال بيطلع برا وع غير مرتوو ، وحكيت وقتها انو عشان ما قدرت تحتوويه ولا قدرت تشبعلو رغباتو ،،،، الخ ^^ هون انا سآلتك اشي تاني وما فوتت الزواج بالموضوع ، لانو الزواج مسؤلية ما فيه ادم يضل يتلعوب من ست لتانية ^^ فهمت وين الاختلاف ، انا ما ناقضت حالي ، انتا فوتت الخطوط ع بعض ي قصي ^^ وبكل الحالات ادم بشر والبشر بيدور ع الراحة وين موجودة ، هتلاقيه موجوود :") بخصوص سؤالك ، هادا ممكن يكون عيب ب حوا وممكن يكون بسبب ادم ، والنقاش هنا مفتوح ^^ سؤال لادم ع طول بيضلو إحساسك غلط لييه ?! |
امممم احيانا الكلمات وطريقة الردود والأسلوب بعطينا فكرة أقوى واكبر من التعامل مع الشخض على ارض الواقع ووجهاً لوجه وانا هيك شفتك هون وعذراً لو أخطأت وما عندي رد لسؤلك بصراحة لاني شخص أمن بما أشعر به وإحساسي لا يكذب فهو مبني على دلائل وشواهد وأمور أخرى ^ ^ الأنثى التي تعودت على حمل المسلية والإعتماد على نفسها لا شيء يكسرها تقع وتننهض من جديد مكتفية بنفسها هل انتي أنثى تحمل هذه الخصائص ؟ |
اوووووه ، آقوى الإناث * الأسدية * بينحكى عني اني ما بيطلع من شي لاني الصغيرة والمدلعة عند اغلب الي بيعرفوني ، بس من ناحيتي انا مش هيك ، انا كتيير قوووية وجبارة ع حالي كتييير ومعتمدة ع نفسي وبحب اعمل كل شي لحالي وما اعتمد ع حدا او اطلب شي من حدا ، بحب حوا القوية وممكن اخليها نموذج قدامي ، ما تنهز من اي شي ، وين ما حطها تعمل لحالها طريق وتمشي فيه تواجه ، تتعب ، توقع ، تنكسر ، بس المهم ترجع توقف ع رجليها تاني ♥ وآهم شي ما تنفذ الي يطلبو ادم الا ازا كان بيناسبها وبيمشي ع هواها وع شي هيا بدها ياه يسير ، غير هيك لا ^^ ويسعد آدم شو قادر يغير الكون في حكمتو " طبعا مش الكل " طيب سؤال ي قصي هلأ نماذج آدم الي بنشوفهم ، الناس ضعيفة الشخصية ، مترددة ، مرجوعو لامو او لست لتملي عليه خيارتها ، شو برآيك سبب هاي الشخصية ?! |
مما لا شك فيه انها صفة سلبية في الشخصية انا برائيي الشخصي ان السبب يعود الى الأهل والتربية من الصغر بحيث يكون الزوج منذ الصغر معدوم الشخصية وقد تعرض للقمع النفسي الشديد من قبل أحد الوالدين أو الأخوة أو أن والدته من قبل زوجته قد لغت شخصية والده وكمان الإختيار الخاطئ للزوجة فهناك الزوجة السليطة والقوية والتي يستسلم لها الزوج بعد سنوات من معاناته معها وفشل معظم الحلول التي قام بها للتكيف معها أو حتى التخلص من علاقته به والبعض منهم يستغل ذلك من ناحية منعه وحرمانه مما يشتهي وما يشبع رغباته ويغزي غرائزه لإستغلاله في أمور كثيرة منها فرض السيطرة وإملاء الأوامر وتنفيذ كل متطلباتها ما رائيك في حواء المتطلبة التي تريد كل شيء وتنظر لمن حولها من الزوجات وتقارن حياتها بها ؟ |
بحسها ع البركة هبلة يعني ههههههه مواصفات المحروسة إللي هتكون مرتك أو حبيبتك ؟ |
يادي المحروسة ما تتصوري اكتر سؤال جاوبت عليه هادا السؤال وحجاوبك تروقني حواء الرقيقة والناعمة والهادئة وصاحبة الملامح البريئة شديدة الحياء وكثيرة الخجل ودمثة الخلق وراقية السلوك وبحب حواء الذكية التي تٌجيد النقاش والحوار ويكون للحديث معها طعم ولون انتي بتصنفي نفسك من أي صنف من حواء ؟ |
أنا مش نوع أنا ألف حاجة عبعضها في حاجة وحدة ، متى بتحس برجولتك ؟ |
عندما أنصف حواء واقف معها في الأمور التي لا ينصفها المجتمع ويقسى عليها الجميع فيها لماذا الكثير من حواء بالبداية يكون حلمها زوج وعندما يأتي الزوج يصبح حلمها كل شيء من إمتلاكه لمحاسبته لمعرفة كل اسراره ؟ |
وليش بالله حضرتك شايف إنه مرتك ما بحقلها تعرف أسرارك ؟ |
لا أقصد ذلك وإنما اقصد المبالغة بالتصرفات لدرجة تشعرك أنك أصبحتي ملك لها ويحق لها التصرف والتدخل كيفما شاءت وكيفما يحلو لها ما رائيك في تأثير المرأة على رجالهم فالعديد من الرجال يقعون تحت تأثير المرأة، ففي موقف ما قد يتصرف الرجل كالاسد في تهديد الزوجة لكنه في صباح اليوم الثاني نراه قد تحول الى حمل وديع حيث توظف الزوجة قدراتها الغريزية لقلب المعادلة لمصلحتها وكثيرا ما يؤيد الرجل زوجته في أي خلاف ينشأ بينها وبين اهله حتى وإن اقتضى الأمر هذا إلى أن يطردهم من بيته..! |
مش لهاي الدرجة .. هاد بكونش زلمة أصلاً ..بس أنا عن نفسي وبشحصيتي بحب لو أكون مع رجل أأثر عليه.. لو حبيت بنت بشعرها وطلبت منها تتحجب وما وافقت بتقبل تتزوجها ؟ |
لن أتزوج بها ولن أٌحب فتاة لا ترتدي الحجاب الحجاب يعني لي الكثير من الأشياء انا ارى الأنثى بحجابها وحشمتها وحياها دون ذلك بالنسبة لي تكون إنثى ناقصة ولا يروقني النظر لها مع إحترامي الشديد للبنات ما رائيك بأدم الشرقي طباع وسلوك ؟ وهل ممكن ترتبطي بأدم لا يعمل لكنه يحمل لكي الكثير من الحب والإحترام ؟ |
صح بحبه وبحبني بس مش ضروري نحب بعض ع باب جامع !! ما رح أتزوج شب ما عنده وظيفة بتاتاً ، مش بقلك الفقر إزا دخل من الباب الحب بهرب من الشباك .. ع الأقل يكون معه شهادة وموظف أي شغلانة مؤقتة.. لو كانت مرتك ما بتجيب أولاد .. وإنت كنت بتحبها كتير .. وحكتلك طلقني لو بدك تتزوج وحدة تانية شو رح تعمل؟ |
برتبط فيه اهم شي الحب والاهتمام والتقدير وكله بيجى بعدين وين المشكلة الفقر وئلة الشغل موعيب مارائك بادام الذى يسب ويشتم وتصل به الاوقات لمد يده ع زوجته |
بخصوص جواب مجرد أنثى لو بحبها صعب جداً أتخلى عنها بسهولة الحب عندي شيء مقدس وصعب أتخلى عنه لأي سبب كان بخصوص سؤال ريتال انا بشوف إنه شخص قليل الدين وعديم الضمير وليس لديه أدنى إحساس ما رائيك بحواء المتابعة لكل المسلسلات وهل المسلسلات أثرت على الكثير من حواء بالسلب ؟ |
بكرهش إشي بحياتي قد م بكره المسلسلاتْ ..يمكن صارت تخلي البنات أتفه .. نفسو ؟ |
خلاها تحلم أحلام كبيرة وجامدة كتير وجعلها تحلم بالإرتباط بأشخاص يشبهون أبطال المسلسلات وبالأخر بتتزوج ابن عمها ربحي الي طالع من السجن بكفالة من كم يوم لأنه سارق شباشب الجامعة الله يعزك لو تزوجتي رجل وإكتشفتي بعد الزواج انه شخص غير مسؤل ولا يقوى على إتخاذ قرار دون الرجوع لأمه وأهله وانتي لا تتمتعين بأي علاقة ود مع أهله كيف تتصرفين وماذا تفعلين وقتها ؟ |
| الساعة الآن 09:00 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.