| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
تعالو قصه جديده الجواري في الحواري
- مرة برمضان الماضي قررت أروح أصلي التراويح أنا و بنت عمتي هدى و بنت جيرانا سارة ، أنا كنت لابسة توب صلاة ، من الشوب كنت لابسة تحتو دشداشة
| | LinkBack | أدوات الموضوع | انواع عرض الموضوع |
|
#1
06-20-2016
| ||||||||||
| ||||||||||
تعالو قصه جديده الجواري في الحواري - مرة برمضان الماضي قررت أروح أصلي التراويح أنا و بنت عمتي هدى و بنت جيرانا سارة ، أنا كنت لابسة توب صلاة ، من الشوب كنت لابسة تحتو دشداشة للركبة ، كسلت ألبس بنطلون ، الدشداشة كاحتة و ملزق عليها أكل و بقع زيت و رسمتها دايبة ، بس مش مهم منا لابسة توب ! المهم وصلنا الجامع ، سارة اعتزلت بالزاوية و ضلت تصلي و تتعبد ، مع إنو سارة أنا صاحبيتها و طول وقتي معها بس ما عمري شفتها بتصلي ! بس سبحان الله التوجيهي شو بعمل ! أما هدى وين فيه حجات عاملات دائرة و قاعدات بسبحو سوا ، تروح تلزق جمبهم و تقعد تصلي ، مع إني برضو بعرف إنو هدى من النوع الي بصوم بدون صلاة ! بس خلص البنت بتدور ع نصيبها حتى بالجامع ! ما علينا الله يهدي الجميع ، أنا الي بحالي ! كنت رايحة أشرب مي من الكولر ، في كاسة شفتها محطوطة ع جنب ، حكيت اكيد ما حدا شارب فيها ، أخدتها و قعدت أعبيها مي ! الي ما كنت أعرفو انو هاي الكاسة لبنت صغيرة جايبتها معها ، و البنت هاي لو انها مش لابسة توب صلاة زهري عليه كلمة فلة ، كان أصلاً بفكرها ولد ! قد ما هي قردة و مشحبرة و وجها كلو شطبات و الها شوارب و بتشبهش البنات ! المهم البنت انجنت ع كاستها و اجت دفشتني و سبت علي ! أنا الله يسامحني بعرفش أطنش ، من كتر ما أنا حمارة قال رحت قرصتها من خدها ! قال بدي اعمل حالي كبيرة ! البنت صارت تعيط و قامت زي المجنونة تلحقني ! أنا خفت ، لإنو منظرها مرعب و شكلها مش ناوية خير ! فما كان بإيدي غير اني أهرب ، و البنت مصرة لسا تلحقني و بعينيها الشر ! هربت برا مصلى النساء ، لما طلعنا برا ع حديقة الجامع طالت البنت حجر و لحقتني كمان مرة ! انا التمست ! مالها هاي ؟! آخر اشي فتت اتخبى بحمامات الجامع ، رحت فتت غسلت و رحت عالحمام من الرعبة ، بس خلصت اجيت أتوضى مشان ارجع أطلع فوق و أصلي ، شلحت تنورة الصلاة و اليانس و شبشبي و حطيتهم ، و قعدت أتوضى ، بس خلصت ، أجيت ألبس توب الصلاة ما لقيت غير اليانس ! طب التنورة وين ؟ و الشبشب وين ؟ متت و أنا بدور ! ضليت أحاول أرن ع هدى بس الحمامات فش فيها شبكة ! و الحمام بطل حدا يفوتو ع حظي ! آخر اشي أتجرأت و حكيت خليني أطلع برا و بسرعة اركض عالدرج و افوت ع مصلى النساء ! و هناك بدبر حالي اول ما طلعت من الحمام لقيت البنت حسن صبي الي كان لاحقني ! لامة كل ولاد الحارة و مجهزين حجار و بستنوني ! اول ما شافوني صارو يركضو وراي المشكلة انو حاصروني و معرفتش أهرب ع مصلى النساء ، قررت أهرب ع دارنا ، و دارنا بالحارة التانية ! و المشكلة صار أي ولد بالحارة يشوف الولاد و همة بركضو وراي ، يجي يركض معهم ! و يرمو علي حجار ! رجموني ! و الي يشدني من يانس الصلاة و الي يشد دشداشتي ! و انا حافية و بركض ! و ما حدا فزعلي ! تاوصلت باب الدار بلهث ! و ضلو لآخر رمضان أهلي يقرأو علي ! و رجلي تيجيهم حالات يصيرو يركضو لحالهم ! - من أرعب ليالي حياتي المصدر: منتديات بنات فلسطين - من قسم: النكت والطرائف juhg, rwi []d]i hg[,hvd td hgp,hvd #hg[,hvd_td_subway_hgp,hvd  |
| الكلمات الدلالية (Tags) |
| #الجواري_في_subway_الحواري |
| أدوات الموضوع | |
| انواع عرض الموضوع | |
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ملل مو ؟ تعالو نغير جو !! | ملك روحي | استراحة الألعاب | 22 | 10-20-2018 06:48 PM |
| تعالو اضحكو شوي معي | حبيب العمر | النكت والطرائف | 22 | 11-18-2015 11:45 AM |
| هييي تعالو شوي | آلعنود | النكت والطرائف | 5 | 04-28-2015 05:56 PM |
| تعالو شوي | اميره المشاعر | النكت والطرائف | 2 | 02-07-2015 09:53 AM |
| حفظ الجوارح | هبة الله | ▪« قطوُفٌ دَآטּـيَة ]≈● | 6 | 05-30-2014 08:27 AM |
الساعة الآن 01:25 AM
