قصه بنت مع ابن عمها سعدو

ولو تعرفو سعدو هو كمان ابن عمي بس اهبل صار عمرو خمس وعشرين ولساه بيلعب بالكل مع الصبيان في الحارة وبيركض زيهم وفش عندو مخ يفكر ومابميزش الصح من الغلط

بكيت ندبت ولولت خلاص هذا نصيبي كان عمي عاملوا دار ل سعدو وعطاه أرض على جيزتو وطبعا عمي سجلها باسمي وقلي ديري بالك على سعدو اه ماأني أمو
😠

سعدو ضل شهر لعرف يتزوجني وكان الناس يتمسخرو على سعدو صارو يتمسخرو على سعدو ومرتو

كعدت في البيت كعدة تفكير واشتغلت براسي هاللمبة

اتصلت على خالتي وكانت بالسعوديه وحكيتلا اني حاب اجي اشتغل ماأني كنت بصالون وبعرف شوي بالقصص مافي شغلة شهر إلا وخالتي عن طريق زوجها بيبعتولي عقد عمل وطبعا لازملي محرم ومين المحرم جوزي سعدو

رحت واشتغلت وبهالفترة حملت وجبت بنوتة زي القمر ووراها جبت ولد وعلمت سعدو مين من سأله عن اسمو يقول أبو فيصل اه مشان القيمه

وصار معنا الحمدلله وكنا كل مارجعنا اجازة اقعد واحكي ابو فيصل جاب ابو فيصل اشترالي وكنت بمشي مع ابو فيصل اخوتي الإثنين خوفا من أي تخبيصات وعبي جيبتو مصاري وهو مبسوط وعايش الدور هيك سنة ورا سنة دخلو ولادي مدارس وجوز خالتي الله يحفظه دبرلو ل سعدو عفوا ل ابو فيصل شغلة على قد عقله أو على قد حاله

وصرنا نشتري بالأرض ونحسن من أمور بيتنا واولادي طلعو فهمانين وبسرعه فهموا مشكلة ابوهن وكانو بساعدوه وبيتفهموه وقت يجي ياخذلهم العابهم أو يوكلهم الأكلات الطيبه

بلا طول سيرة العين تفتحت على ابو فيصل وصار عنده سيارة بسواق وكبر دارو وصارت طابقين وصار مع مرتو ذهب يعني اني

ولفلفلت هالنسوان حوله وصار بدهن يجوزوه اه ما اني ماجبتش غير بنت وصبي لازملو عزوة

وهو متل ماهو فرح بالحكايه وحكالهم اه بتجوز انا رجال انا ابو فيصل ودارت فيا الدنيا على حظي المصخم

وعملت وحاولت فش فايدة وخطبولو بنت صغيرة وأهلها ناس مبينه

عملت حالي رضيانه وصرت اروح معاه وقت يروح وأخذلا هدية للعروس وطبعا هو زي الاهبل بيوزع ابتسامات وقت يحطو الأكل يوكل زي المفجوع

ليوم عزمونا عالغدا حطيتلو بصحنو رشة ملح انكليزي واشتغل الصياح ووفوتت الحمام وكان الحمدلله حتى عالحمام انا الحقوا وعلمو وهو يصحلي قدامهم انعام تعالي فكيلي كشاط البنطلون انعام بطني بتوجعني والناس جايتهم متل الجمدة وقعد بالحمام نص ساعه قلتلها للعروس يلا بكرة انا برتاح وانت رح توخدي سعدو وهمو لاني ناوي أطلق منو بس آمنت انو تزوج هون البنت اصفرت وأهلها انجمدو بعد ماطلع سعدو من الحمام وواجانا فارع دارع وهو بصيح ايش حاطين باكلكو بدكو تسمموني العالم انبهتو بزيادة وكنت مأجرة صبي من الشارع وعطيتو خمس نيرات

فات لعنا الصبي وحكالو ل زوجي سعدو الهبيله تعال اخسرك باقي كلالك جوزي انحمق وحكاله مين انت لتخسرني وحكالي أنعام اعطيني الكلال لورجيه قيمتو طالعت من زداني الكلل وركض ورا الولد وصار يلعب بالحارة هون الجماعه حكولي سامحينا يا أم فيصل مالكم نصيب

وانا احكيلهم ليش الله يخليكم نحنا ارتحنالكم والأم تقلي خلاص ياختي خدي جوزك والله معك واعتبري إنك ماعرفتينا

نزلت واني مبسوطة واتصلت عالسواق اجا أخذنا وخليه طول عمرو

سعدو الهبيله

ولا اصير انعام المقهورة....