| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
 |
| | LinkBack | أدوات الموضوع | انواع عرض الموضوع |
05-24-2017
| #61 | |
 
 |  شي أنا بآمن في كتير .. أنا أريد وأنت تريد والله يفعل ما يريد . فيك تحب وتنحب من نفس الشخص يلي حبيتو بس النصيب م يحبكو لبعض ! هلأ حتى لو سار ألف وعد بينكو لتكونوا سوا وفش نصيب لو اجتمعوا اهل الأرض ما رح تكونوا سوا ولما ما يكون نصيبك شخص وعدك تدعيش تقوليش لو بدو كان راحش ! لانو لو بإيدو كان ضل بس عند النصيب الواحد غصب عنو برضى لانو مش الك اتقدرلو يعرفها اتقدرلو يتقرب منها ويطلبها وتكون نصيبو ويقول بحبها خلص هي نصيبو مش انتي لو ربنا كاتبو نصيبك كان ضل معك بس خلص مش نصيبك ! حبيتي ؟ لو اه بتبرري وبتآمني بيلي ربنا كاتبوا بترضي بالخير الي ربنا رادو من الأساس الحب يكون أو لا يكون ولكنه دائم لا مجال .. قد م تحكي كرهت هتلاقي نفسك بتحب أكتر لانك لو كرهت بدقولش كرهت ! لو قولت كرهت لشخص حكتلو بحبك هادي تفسيرها وجعتني كرمال الله وقف أنا بحبك وهالوجع بالذات بقدرش أشوفه منك بالذات ! اه بس انو تكره حد فات قلبك لأ .. بقولوا لو حبيبها سابها وراح ورجع تاني ييي شوفوا باعت حالها ! قديشو المجتمع تافه اذا حكمت ربنا يخطب ويرجعلها فكلشي نصيب ربنا هيك شايف الخير مين احنا لنعترض ع تدابير ربنا ؟؟ اه راح بس في ثقة دايمة في دعوات من قلبي لربنا وفي أمنيات وثقة بالخير يلي ربنا كاتبو وفي ثقة بالحب .. بس تحب حد فيك تحس في وبمشاعرو من نبرة كتابتو مش بس صوتو اه كتابتو ! الها صوت أسلوبه بالكلام في مشاعر بس تحب حد كتير بتتعمق كتير فبتفهم وبتحس في وبينكو مسافات بتنقز وبتخاف فجأة وبيجي فبالك بتدعيلو بس تشوفو بنظرات عيونكو بتختصرو آلاف المحادثات ، الحب مش كلام ولا انك تكون مع يلي حبيتو الحب انو يدوم تحت أي ظرف بالقلب ورسائل السما .. يمكن راح بس بثق بحبك واني متفشية بقلبك وبتتمنى نكون سوا بس مش بإيد حد هالشي واذا ايئست فأنا لسه الأمل بقلبي بموتش لاني وكلت هالشي لربنا وبكل وقت بتمنى الشي ورح ضل بثقة رح يجي يوم نغرد سوا والقلوب تطير والعين بالعين والحب امعبينا ♥ بمختصر كلشي ربنا يديمك يا فرحة قلبي وأحلى أمنياتي وتسير واقع بأيامي يا أجمل أقداري ♥ | |
 |
|
05-24-2017
| #62 | |
| كنت أحكيلك بحب الشتا كتير لانو بارد بحسو بجوو بعبر جسمي وبفوت ع قلبي من جوا عارف كيف بس تكون بالدفا وتطلع للبرد ؟ اه بالزبط أنا هيك قلبي برتعش .. وبتنطفى النار من قلبي وقلبي ببرد وبسير بدو قلبك حدو لهيك حكتلك خلي قلبك حاضن قلبي بس انت هلأ سبت قلبي وروحت كيف قلبي عادت بدو يدفى ؟؟ قلبي ما بتغطى زاتو حبك اتفشى في وبراتو فش مجال خبي من البرد بس لو احتك قلبي بقلبك بدفى بس انت روحت ... رغم انو أحلى فصل عندي الا انو فهوش مواقف بينا .. بس في وعود ! والله وعدتني نمشي سوا تحت المطر بس روحت ليش ؟؟ طب أنا بستناك لانو بعرفك م بتخلف وعدك الي يمكن شتت اليوم كرمال تيجي ! رح ساويلك شاي وبيتزا وانتظرك يلا تعا لا عاد تخليني ناطرتك أكتر 20 مايو، الساعة 10:54 ص | |
| |
|
05-24-2017
| #63 | |
| بدي احكيلك حكي هو يعني ما هتشوفه بس يمكن قلبك يحس في بلا ما تشوفه ! كيف يعني ؟ عادي قلبك معقود ومشربك بقلبي تشربك ، فاشي طبيعي المشاعر تتوحد وبس يتمتم قلبي قلبك يسمع .. قولتي اني موتت بنظرك شو ضل ؟ اه موتت ! بس مش بمعنى مات الحب والحجات الحلوة لأ بالعكس ماتت بنظري الحجات الي وجعتني منك مات بنظري الشي البشع الي شفتو منك وكلشي بكرهو سار قتلتو بنظري هلأ بهيك بتكون موتت بنظري بس عن جديدك بس أيامك والله عايشة وحاضرة بمقدمة كل ضحكة من قلبي وما ماتت وحتى اني بتمناها ترجع وانت ترجع بتسدق انو قلبي اشتاق يضم قلبك بجرأة ؟ وعيوني تبرق من شوف عيونك بتسدق اني مشتاقة لروحي الحلوة وارجع شيبه وشعنونة ! بس شو أعمل اذا من لما قسيت وروحت اخدت معك كلشي !! كلشي حلو فيا بس والله لساتك معبي قلبي وماخدو كله الك والله بعدي بشوفك بكلشي ! كل همسه وضحكة ما بسمعهم بالناس بصوتهم لا بصوتك انت بسمعهم وقلبي بنبض ما بوقف بدك تحكي مريضة او أي شي احكي عادي بس أنا هضل احكيها بحبك وكتير وهيك رح ضل بعرف ما فهمت شي من حكيي ودايما هيك أنا م بعرف وصل ولا انت فاهمني فحقك تمل وتروح بس قبل م تروح ساويلي شي خلي قلبك يضل حاضن قلبي خلي زاتي كتير بحبك والله ♥ ارجع بعدي ناطرتك .. وما بدي تبررلي ! بكفي انك ترجعلي .. 19 مايو، الساعة 01:01 م | |
| |
|
05-24-2017
| #64 | |
| لا أريد رحيلا عما تعلقت به يا إلهي دعه خيرا وكل خير وارضاه لي ربي ان كان بعده مكتوب فقربه لا يصعب عليك ربي أرني عجائب قدرتك في تحقيق ما أتمنى.. فأنت تغير الأشياء بلمح البصر غير قدري يا إلهي وازرع لي بذور الخير فيه رباه إني أدق بابك راجية فلا تردني خائبة 19 مايو، الساعة 06:43 ص | |
| |
|
05-24-2017
| #65 | |
| لا أعلم لأي مدى وصل حبي لأنه عبر في طرق شتى حاولت أن أجعله يغرق ويموت بعد كل الانكسارت .. دفعته نحو البحار لكي يغرق ولكنه أخذ يطفو فوق الماء ! وضعت الصخر والحب أسفله لأقطعه .. ولكنه حمل الصخر وسار ولم ينكسر حاولت مرارا ولكن حبي في ازدياد لا ينتقص دعوت ربي مرارا دونما يأس دعوته خيرا لحبي وخيرا به .. دعوته كثيرا حتى أصبحت أدعوه بها دونما ادراك ! لا أعلم أي نسيان سيزوا ذاكرتي وقلبي اللذان قد جنو به 19 مايو، الساعة 06:24 ص | |
| |
|
05-24-2017
| #66 | |
|
يلي في طبع عمره ما بغيرو .. وبرضو كمان الي جواتو حد سار يشوف جنتو في والله اشي طبيعي عمره م بطلعه الشخص هادا من جواته أيآ كانت صفته ! صديق أخ حبيب .. في شخص بوصل بحياتك مرحلة الهوس ! اه اشي طبيعي وأقل من طبيعي تسير تهلوس في او اشي مفروغ منو لازم تهلوس في ! هادا يا سيدي ملا إنت .. بفوت بحياتك شخص بعلقك في بتقرب منك بعرف كلشي بخصوصك وانت زي الأهبل بتقول هو بستغلك بفرحك بيلي بتحبو أو يعني نكونش سلبيين تجاههم هما بستغلوناش بفرحونا لانهم فكرونا ناس مميزة بحياتهم سار همهم يكسبونا بضلو ورانا لنحبهم بتغلغلوا جوانا لانو أصلا احنا فارغين من جوا بنص عقل تقريبا ونصوا خربان ! ما علينا منكتر الحب تلقائيا بنقولهم تتركوناش انتو الأكسجين والله وهوبا بمسكوا بالحرف بس طبعا بفهموا العكس ! بنسوا انهم بيوم قالولنا نفس الجملة وحكينا الهم بنبيع الدنيا وبنشتريكو ! وبنسوا انو اخسرنا كتير من حياتنا مقابل نضل معهم .. وعند أول فرصة بروحوا عيب الدنيا أخدتهم وأقنعتهم بالأفضل مش ذنبهم هما كانوش فاهمين مشاعرهم فلشو نلومهم برضو معناش الحق ! احنا كنا مجرد وقت مسرحية وخلصت يا ذاتك بدك تعتزل الفن وتكب حالك فمشاعر زفت وتحرق احساسك وتبطل تحس وتعيش ضمن الجمهور يلي بتجمهر بأربع حيطان بيبكي عالأطلال يا بدك تدفن حالك ! وتموت وانت بتشوف الشي كل يوم قدام يعونك بنبسط مع غيرك وفوق هيك بشوف دموعك وبقولك أنا حكتلك لازم تتأقلم هاد غلط مهو نسي قديش كان يتقاتل معك بس يشوفك مكشر ! اه دموعنا عادي بس كشرتنا هادي بتوجع ! انتو ناس كتير كويسة ساويتو كتير خير بحقنا دوقتونا الموت كتير قبل م نشوفو كتر خيركو بس معلش احنا اقبلناكو وبدنا نتحمل ! هو ليش الناس الي بنثق فيها بتتغير علينا وبتتفنن بتوجيعنا طب ليش ليش هه شو بدي أقول !! عادي الدنيا مشاهد والمشهد بأثر لدرجة خرب باقي مشاهد حياتنا يسعدكو هديتونا ... أحب_من_تريد_ولاتنسى_أنك_مفارقه_شئت_أم_أبيت 24/5/2017 الأربعاء 5:17 | |
| |
|
07-03-2017
| #68 | |
| بس تكون متردد انك تحاكي حد ، بعد ما انك كنت تحاكي بدون أي تردد وموانع يعني كلشي تغير حتى المشاعر اتغيرت وسارت مقرفة .. 1 يوليو، الساعة 12:40 م | |
| |
|
07-03-2017
| #69 | |
| أفقد صوابي مجددآ ، كنت أعلم أنني لن أشفى منك مطلقا ، والآن أسمع صوتك ضمن ضجيج أصوات ، وأصرخ أينك من بينهم أسمعك ولا أجدك ! كنت أراك بعين قلبي بكل المارة ، والآن أراك في زغولة عيناي مستوطن رغم انفجار قلبي ، لا أعلم ماذا يحصل بي ولكن أرى وأشعر أن حياة قلبي قد قاربت على الانتهاء ، أخبرتك أنني لا شيء دونك وبالفعل أنا أبدا لا شيء دونك ! | |
| |
|
07-03-2017
| #70 | |
| يمكن أنا قليلة حظ وأكيد مش يمكن ! مشكلتي بهالحياة بعرفش كون علاقات بالناس بس بعرف أخرب للصح هيك أريح للراس بس للأصح بدون ناس وعلاقات حلوة م في بهجة ! مسلا شعور انك تصحى كل يوم تلاقي رسائل من ناس حاكتك وانت نايم تلاقي ناس بتثق فيك بتحبك وبتعدك سندها القوي حلو حلو كتير ، بس اذا انت ذاتك كنت مهتك من جواك وكنت مش ساند حالك شو بدك تساوي ! يمكن أسوأ شي حاولت أغيره وبزبطش الخجل اني بس أخجل بخبص حكي بتكركب غير اني بتغير والواني بتقلب وبسير أحكي زي أبو سنتين يلي بادي يهجي جديد واذا كان الاشي مأزم بسير أحكي وصوتي زي يلي بعيط هالشي مقرف بشكل !! وغير صفة العصبية يلي بتخليني بغير وعي بقول حكي بتخلي الناس تكرهني وقديش اخسرت ناس !! هو أنا بعرفش محتارة العيب بشو ! هل أنا بستاهلش الحب وأسلوبي غبي كتير ولا الأصح انو هما ما كانوا ماكنين من الأساس كانوا مثال أحسن شي بس حكي ! لانو بأحلك أوقاتي بشوفش حد ! كلهم بختفيوا ! الي بحبك ببلعلك الزلط ! والي بكرهك بوقفلك عالغلط ! يبقى أكيد بحبونيش ! هو لو سادقين كان راحوا ! قديش حبيت ناس الي اتمكنوا جواتي كتير أذوني بعدها وكتير غفرت ولسه بقدر أتحمل منهم لحد م أنتهي بس أنا بديش أكتر شي مهم العلاقات والشي يلي ضاعت كل ثقتي منو العلاقات بكره كلشي وبكره أي شي هلاويس هذيان برم تعب خنقة 15 يونيو، الساعة 11:45 ص · | |
| |
|
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| بروكاست هذيان 2015 , احلى برودكاست هذيان 2016 , برودكاست واتس اب هذيان | عشق ! | برودكاست 2017 , برودكاست بي بي 2017 , Broadcast bb 2017 , رسائل 2017 , توبيكات 2017 | 6 | 06-15-2015 02:51 PM |
| هذيان اوجاع | مڸآکَ آڸصمت | زوايا عامة | 7 | 03-22-2015 11:12 AM |
| هذيان عاشق | النجم الاحمر | همس القوافي , النثر و الخواطر | 6 | 01-10-2015 10:32 AM |
| هذيان أنثى ~ | عشق ! | ابداعات أعضاء بنات فلسطين الشعرية والنثرية | 16 | 10-11-2014 01:24 PM |
| مجرد هذيان | سافوي | ابداعات أعضاء بنات فلسطين الشعرية والنثرية | 4 | 07-21-2013 09:18 PM |
الساعة الآن 05:01 AM
