|
غلاء المهور سبب من أسباب كثيرة من عزوف الشباب عن الزواج ولكن من رائيي انه ليس السبب المباشر والأساسي والجوهري في الموضوع خاصة انه في وقتنا الحالي أصبحت هناك الكثير من الجمعيات والمؤسسات تساعد الشباب في الزواج من خلال برامج التقسيط وغيرها انا برائيي أن السبب الرئيسي هو إنتشار البطالة وقلة فرص العمل لدى الشباب فالشاب عندما يفكر في الإرتباط لا يفكر بالمهر والتكاليف بقدر ما يفكر في طبيعة حياته بعد الزواج ومدى قدرته على العيش وتوفير لقمة العيش لأسرته فالزواج مسؤلية كبيرة ولا يستطيع تحملها الا من كان لديه عمل يعتاش منه ويضمن من خلاله إعالة إسرته وتوفير كل متطلبات الحياة الزوجية من مأكل ومشرب وملبس وغيرها من الأمور كما أنني أود التنبيه والإشارة لأمر هام وهو مبالغة بعض الأهالي في المهور وطلبهم لأرقام خيالية ومبالغ كبيرة خاصة لو كانت الفتاة على درجة كبيرة من الجمال وفي الحقيقة رائيت وسمعت الكثير من القصص قد حصلت مع بعض الأصدقاء عندما تقدم للزواج من إحدى الفتيات الجميلات التي تمتلك عيون زرقاء وشعر أشقر وكان المهر مبالغ به كثير من جانب الأهل وكأن فتياتهم سلعة يتم المتاجرة بها للوصول الى أفضل العروض وأعلى الأرقام النقطة الأخرى ارى ان الكثير من الفتيات ترفض الزواج في بداية حياتها وتضع شروط خاصة للزواج منها كأن يكون الشاب صاحب ثروة او على درجة كبيرة من الجمال او غيرها من الأمور التي تحدث وفي النهاية يفوتها القطار وتصبح عانسة لأنها فوتت على نفسها فرصة الزواج من قبل |
اقتباس:
يعطيك الف عافية اخ قصي |
هل هي السبب الرئيسي في عزوف الشباب عن الزواج؟ ممكن الوضع المادي لانو بصراحة المهر صار اغلى من اول لانو اغلب الاهل والفتاة ما بدورو ع حد يصون ويحترم بنتهم بدورو ع المال والقصور والخيانة كثرة بهاي الايام وهل انتي كفتاه سترضي بالقليل؟ اتكلم عن نفسي لا اشتري الرجل بماله انا بشتري رجل يصوني يحترمني يقدرني المال ما بجيب زلمة ...الزلمة هو بجيب المال بصراحة مبارح نصعقت ب خبر انو واحد رايح يخطب بنت وابو البنت حاط مهر بنته 5 الاف دينار متقدم و 4 الاف تجهيز داره و10 الالف متأخر نصعقت عنجد شو الدعوة ....والله حرام رايكم مهم اتفضلو انا بنت وحكيت رأي بصراحة حرام صح البني الها معر بس بحدود ربنا شكرا لك اخي |
اقتباس:
العفو خيتي صدقيني اهم شي الناس لما بدور عبنتهم بدور على رجل بحق المفروض الفلوس بتكون حاجة ثانوية مو اساسية وبعدين الوضع مابيسمح للشاب الشاب بيتخرج بتلاقية ببيع ترمس او فلافل او سواق اجرة وهكذا .. مش تقليل فقيمة بياعين الترمس وووو .. بس المفروض اللي معو شهادة حقو انو يشتغل عليها صار الشخص يتعلم بس عشان يتعلم وبس :( يعطيكي العافية نورتيني |
اخي زي ما حكيتلك الناس بهاد الوقت بدهم مصاري والله ولو صارت الملايين معاهم ما بتعبي عيونهم بيحكو بدهم كمان انا بالنسبة الى فتاة صح بحب المال وبحب تكون لي دار فخمة بس شعوري هاد ع جنب حطيته انا بدي زوج صالح يحميني ويحترمني ويقدرني وبعدها المال بيجي المهم السعادة بين الطرفين |
اقتباس:
ان شاء الله ربنا يسعدكك ع طوول خيتي ويسعد الجميع نورتيني مرة تانية وشرفني تواجدك :51: |
ما في شك انه غلاء المهور وتكاليف الزواج الكتيره هي سبب من اسباب عزوف الشباب عن الزواج لكن انا كبنت ما بهمني المهر والتكاليف الكتيره وكل هالامور على قد ما بهمني الانسان يلي رح ارتبط فيه وكمل حياتي معه يكون بحبني ويفهمني ومرتاحه معه لكن العادات والتقاليد وتفكير الاهل غير عن تفكيرنا هم لما يفكروا بالمهر بهمهم انه يضمنوا انه بنتهم رح تكون بايد امينه وانه هالانسان رح يكون قادر يفتح بيت ويوفر لبنتهم حياة منيحه الزواج مسؤوليه كبيره وحياة بتختلف عن الحياة العاديه يعني اي انسان حابب يتزوج لازم يشتغل ويأمن حاله وبعدين يقدم على هيك خطوة هلأ الاهل لما بشوفوا هالانسان مو قادر على دفع المهر رح يكون عندهم شك انه ما رح يقدر بصرف على بيته بالمستقبل كمان من ضمن تفكيرهم انه يلي باخد بنتهم بمهر قليل رح يتخلى عنها كمان بكل بساطه رح احكي عن تكاليف الزواج عنا بالقدس ما بتقل عن 120 الف شيكل يعني اي شخص بدو يتزوج لازم يكون معه هالمبلغ لحتى يقدر يتقدم لخطبة اي بنت طبعا انا مو مع هالشي لانه تعجيز للشباب يعني لا يكون المهر قليل وبنفس الوقت ما يكون مبالغ فيه في النهايه ان حب يتزوج الشاب رح بلجأ للدين وبعد الزواج يبلش يسد دينه يلي تراكم عليه القضيه كبيره ولازم يكون فيها تنازلات من جهة الاهل وكمان يكون الشاب بنفس الوقت قادر على تحمل اعباء الزواج يسلمو رحال على طرح الموضوع الواقعي يلي عم يعاني منه معظم الشباب بوقتنا |
اقتباس:
اوووب 120 الف شيكل .. كتير كتير غالي يعني حوالي عشرين الف دينار ........... ووووووووووووووول .... احنا 5000 دينار وغلبانين منها بجد الله يعين الشباب عندكم وصحيح انتي بترضي بالقليل بس انتي رايك مابيحسم القضية اهم شي الاهل والاهل طبعا مخهم متربس مش حيتنازلو عن هيك مبلغ بجد بجد شرفني حضورك خيتي ودايما ان شاء الله |
موضوع مهم اشكرك عليه اخي الغالي رحال وهنا المشكله غلا المهور وتكاليف الزواج يتهربون منه بعضهم عندنا بالسعوديه المهر غالي صراحه لازم تاخذ قرض من البنك هذا من غير الذبايح والحلا وقصر الزواج غالي ما اقول الا الله يعين كل المسلمين ليت ايام اول ترجع ذبيحتين بخيمه وخذ عروستك وتوكل على الله |
اقتباس:
الله يهدي بال الجميع وترخص المهووور حتى الواحد بدل الوحدة يتزوج بالكبشة ههههه ارووع صديق العربي نورتني حيييل |
| الساعة الآن 06:36 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.