|
حقيقه أم أوهام ؟! يسعد صباحكوا / مساكوا .. في موضوع دايما ببالي، بس ولا مره خطرلي اطرحو واحكي فيه غير إسا، يمكن من قد ما عم بصيبني هالفتره وعم ضلني فكر فيه كل الوقت .. مين مننا بحلمش بالليل؟ اكيد كلنا منحلم، واكم مره فقنا مفزوعين من شي حلم حلمناه؟ واكم حلم اثر فينا وضل معلق بذاكرتنا لليوم؟ واكم واكم .. وبتذكر آخر مره حكيت فيها مع اختي المتزوجه عن الاحلام، قلتلي الإنسان لمن يحلم بالليل، بحلم عن اشياء صارت فالماضي او عن اشياء عم بتصير فالحاضر او عن اشياء رح تصير فالمستقبل، وكلمتها الاخيره كتير لفتتني "اشياء رح تصير فالمستقبل"، وهون سؤالي يللي بيطرح نفسه، "هل الاحلام يللي منحلمها ممكن يجي يوم تصير واقع؟ ولا هيي مجرد اوهام؟" والمشكله دايما منلاقي تفسيرات عن اي حلم ممكن نحلمو، في مواقع كتيره بالنت اللي ممكن تفسر اي حلم، وهالمواقع يمكن كافيه لتخلي الإنسان يصدق احلامه مع إنها يمكن تكون وهم ! كمثال؟ صرلي فتره عم احلم بالاسنان، انو شي سن انقلع بين سناني، ولمن كنت اجي احكي لإمي عن هالحلم، فجأه بلاقيها عم بتدمع وتتأثر، ولمن اجي اسالها، بتحكيلي سن مقلوع معناها موت واحد من اهل البيت وبالتحديد يا اب يا اخ، / *هل فعلا الاحلام ممكن تصير واقع بيوم من الايام؟ ولا هيي مجرد اوهام مش اكتر؟ *ولو كانت مجرد اوهام طب لشو خلقوا هالمواقع؟! ولشو انوجدوا هالناس يللي ممكن يفسرولك اي حلم؟ *هل لهالدرجه لازم انصدق كل كلمه بحكوها؟ ولا هالناس بس بتخوثوا فالحكي؟ *ولو كنت بتآمنش بهالشغلات، فا برأيك شو بيخلي هالناس يللي بآمنوا بإنو احلامون ممكن تصير حقيقه؟ في اسباب معينه؟ *شي مره حلمت حلم وصار واقع؟ ما بدي تحكيلي "نعم"، بدي تحكيلي بشو حلمت بالزبط لحتى صار واقع .. حابه اعرف آرائكوا فهالموضوع .. :137: |
موضوع حلو سمره برجع اجاوب بوقت تاني ان شاء الله يعطيكِ العافية |
يسعد مسآكِ سمره انآ و الله مآ عندي معلومآت دقيقة بهالموضوع لكن رح بحكي الشغلاآت اللي عندي ليكِ هلأ حسب اللي بعرفو كلآم الوآلدةة صحيح ان مثلاً بنحلم بشي و بكون تفسيرو شي تاني يعني انآ مرةة حلمت ان اليهود و المستوطنين اخدو بيتنآ و حرقوه بعد كم يوم جرة الكآز عنآ فقعت و سببت حريق بسيط وقتهآ امي احكتلي هاد تفسير حلمتك هلأ في شي اسمو حلم و شي اسمو رؤيآ و في شي اسمو اضغآث احلآم و آخر نوع مآ رح يتحول لحقيقة ابداً لأن هو بكون بسبب تفكيرنآ بكثرة و قبل النوم بموضوع معين في شغلآت بنحلم فيهآ بالليل مش شرط تكون وهم او حقيقة ممكن يكون تحذير من شي شغلة اللي بعرفوو ان مش كل الناس احلآمهم بتتحقق و الغالبية بتكون وهم تحيآتي لكِ |
ممكن عالم الاحلام عالم تاني والو اكتر من تفسير ومن تحليل ومو اي حدا قادر ع التفسير والاحلام عنا قسمين انو حلم عابر او رؤيةة وطبعا الاختلاف كتير كبير بينهم مثلا الحلم هو هلوسة او خرابيش ممكن تصحي تنسيها او حتى ما تعلئ براسكك او نتيجة موضوع ماخد تفكيرك ليل نهار فبتشوفي بالحلم بس الرؤية شي تاني تماما وهو يلي ممكن ندورلو ع تفسير بس مو ع مواقع النت او ع الاقل نعرف مصداقية هالمواقع ونبحث عنها لانو اكيد لالها تفسير ومنا وهم شخصيا نادرا ما احلم وحتى لما احلم بصحى ناسيتهاا واي حلم بعلئ براسي بفتش عن تحليل لالو وبسأل كمان وخاصة لما شوف امي بالحلم وتعطيني شي او اعطيها شي اي بأمن بانو الحلم انعكاس لشي جواتكك بس بدك تفتشي ع هالشي مع الحرص انو ما تلجئي لعالم بعيدين كل البعد عن هالعلم وعن مخافة ربنا بصراحة ولا مرة حلمت بشي وصار حقيقة بس يمكن بصير معي اشيا وبحكي هالموقف صار من ئبل او هالشخص شفتو وحاكيتو ئبل او او او يمكن يكون صار بشي حلم ما بعرف مش عارفة ان كنت اقنعتك بس هي قناعه عندي انو ربنا مرات بيعطينا اشارات من خلال الحلم ومو كلها وهم او خربشة حبيت موضوعك سمرة كتير الف عافيةة لالكك حبيبتي ^^ |
*هل فعلا الاحلام ممكن تصير واقع بيوم من الايام؟ ولا هيي مجرد اوهام مش اكتر؟ أججل إزآ ككآنت رؤيــآإ بسس يللي منن الششيططآنن ككلو كزب ') *ولو كانت مجرد اوهام طب لشو خلقوا هالمواقع؟! ولشو انوجدوا هالناس يللي ممكن يفسرولك اي حلم؟ ففي رؤيــآ بتتففسسر و بتتطع عنججآد بسس ممو ككل النآسس بححلمو ففي رؤيــآ ') *هل لهالدرجه لازم انصدق كل كلمه بحكوها؟ ولا هالناس بس بتخوثوا فالحكي؟ كلـآ ششآنن ففي الههآ نآسس مختصصهه ففي ههآد الششي و كممآنن لو فسرت ححلم ححلمتو مبسسير آبني آححلآممي ع هيكك تفسسير ششآنن ممكن يككون مججرد ححلمم مو رؤيـآإ ') *ولو كنت بتآمنش بهالشغلات، فا برأيك شو بيخلي هالناس يللي بآمنوا بإنو احلامون ممكن تصير حقيقه؟ في اسباب معينه؟ نآهه ممآ بآمنن ففي الآحلآمم ششآنن مسستحيل يسسير مععي رؤيـآ هيهي ') و يلي بآممنو ممكنن بدههم ششوية آممل ') *شي مره حلمت حلم وصار واقع؟ ما بدي تحكيلي "نعم"، بدي تحكيلي بشو حلمت بالزبط لحتى صار واقع .. ككلـآ ') يسسلممو حبيبتي ححبيت الموضضوعع غغريب و ممتعع ')) وردهه |
وأنا كممان عندي خلفيية بسييطة عن هالموضوع .. كانت إميي تحكييلي وانا صغييرة أنو الحلم ببييكون واقف على رجل عصفور لما بتحكي أو بتتفسره رح يوقع على الأرض ويتحقق .. مو شرط على طول بس إحتتمال يصيير بعد فترة .. والحلم الحلو مو غلط نحكيي بس السيئ ف بلا منو وإذا صار عننا فضول كتيير لننحكيي فالأفضل ننحكي لنناس موثوقيين وعارفيين إنهم رح يوصلونا لنتييجه مقننعة و في مرآت رببنا بيبععتلنا رساله صغييرة وبسييطة وبييفهمنا فييها إنو هالشيي إلي ببتعملو صحييح او خطأ .. يعنيي بييكون تنبييه لإلنا وألأحلام والرؤيا والأضغاث .. ناتتجه عن كتيير أشييآء يا إمما من موقف صار قببل او موقف رح يصيير أو من التفكيير الزآييد قبببل لا ننآم بموضوع معيين او تنببييه مثل ما ذكرت قببل .. وبالننسببة إليي كننت أحكيي أحلاميي لإممي بس حالييآ صرت خفف من الشيي لأنو الواحد ما عنندو خلفيية كاممله عن الأحلام وإييش تأثييرها عليينا الأحلام ما مننقدر نحصره من زاويية وحده ي خييتي .. إن شآء الله ساعدتتك لو بإشي بسييط حلو مووضوعك سممرة .. مسسآك وررد ..~~ |
هلا انتي حكيتيها أحلام يلي ثبت عن النبي عليه الصلاة والسلام ان الرؤيا هي يلي بتصدق وبتصير واقع اما الحلم فبيكون من الشيطان وغالبا بتكون احلام سيئة لهيك النبي نهي انو نحكي شو يلي حلمنا فيه وممكن تحلمي باشياء من كتر مابتفكري فيها بالواقع شخصيا انا هيك بيصير معي يعني لما افكر بشغلة بظل احلم فيها اسبوع اما بالنسبة للمواقع اغلبها ضحك وكلام هبل يعني فى علماء مختصين بهاد الشي ومعينين هاد يلي بعرفو انا وان شاء الله حدا بيفيدك تحياتي الك |
انا برأيي الأحلام بتصير لسببين اما بسبب ضغوط نفسية مرهقة و بتتفسر بالعقل الباطني ليلا على شكل حلم مزعج او بسبب راحة نفسية كبيرة بتتفسر ليلا بأحلام جميلة اما يلي بفسرو الاحلام بعتبرهون كاذبين و تفسيراتون عبارة عن خزعبلات وفي ناس بتربط الأحلام بالأبراج و علم الفلك و هالمفهوم خاطئ وللأسف انتشار الجهل و الخرافات و التخلف بمجتمع ما كالهند على سبيل المثال بتدفع فئة غير قليلة من الناس تتبع هيك ناس و هيك مواقع شكرا سمرة :136: |
باختصار حتي لا أطيل في نقاشيْ بالرغم من ان الموضوع بحاجة الى تفصيل ولكن ساختصر النبي صلي اللهًُ عليهِ وسلم قال في حديثهِ الشريفإن الرؤيا ثلاث: منها أهاويل من الشيطان ليحزن بها ابن آدم، ومنها ما يهم به الرجل في يقظته فيراه في منامه، ومنها جزء من ستة وأربعين جزءاً من النبوة". هذا أولاً وثانياً فالرؤيا الصالحة هي ان يُشاهد الانسان امراً محبوباً وجميلاً وهي من الله وقد يُريد اما تحذيره او تبشيره تحذيره من امرٍ قد يحصل او تبشيرهُ بقدومٍ الخيرٍ عليهْ اما الحُلمْ فهو ما يراه النائم من مكروه ، وهو من الشيطان والافضلْ ان يستعيدُ من الشيطانِ الرجيم وان لا يُخبر بهِ احد حتي لا ينضرْ وقد يكون ما يراه ليس حُلم او رؤيا وانما اضغاثُ احلام كان يعُاني المرءْ مثلا من ضغوطات نفسيةْ او مخاوف يُخبرُه بها عقلهُ الباطنيْ فيري ما يتعلقُ بِهذه المخاوف التي يتخوف منها في حُلمه هاد تفصيل للرؤيا والاحلامْ . ف اذا كانت الرؤيا صالحة هذا يعني انها من الله فاما يريد ان يحذره او يُبشره واذا كانت سيئة فهيا من الشيطان ويجب ان لا يحدث بها احد هاد باختصار عوافي |
مزبوط حكيك ميناس، مش دايما ممكن يصير نفس الحلم بالواقع، ممكن يصير العكس متل ما ذكرتي، وهذا اسمه خبره وبتوقع هالخبره معدومه إنك تلاقي شخص يحلم حلم وعارف إنو رح يصير عكس هالحلم، ومشكلة الناس كل ما يحلموا شي حلم خلص بفكرو رح يصير متله بالزبط بسبب تفكيرون المحدود .. حبيت رأيك ملك، إنو الاحلام بتتحولش لواقع، مثالك اكبر دليل لمن كنتي تشوفي امك فالمنام (الله يرحمها)، ممكن شوفتها بالمنام توصلك تنبيهات معينه .. صحيح حكيك ننوش والظاهر صارت الناس تخربط بين الحلم وبين الرؤيا وحبيت كلمتك "الامل" إنه الناس بحاجه إلو من خلال احلامون، مع انه في كتير شغلات حقيقيه وبالواقع يللي ممكن تعطيون اكبر امل، ومن هون منلاقي إنه في نوع من الناس عندون ادمان ع هالشغلات .. حبيت رأيك مي وقريب من رأي ملك، بإنه الاحلام نوعا ما تُعتبر رساله او اشارات من ربنا، وانا بإيدك بآخر نقطه حكتيا يللي ما عندو هالقد خبره بهالشغلات او حتى يللي ما بيآمن فيها كتير، مش ضروري يضل يحكي عن الاحلام وعن كل اشي بيتعلق فيون، رفيقة القمر المشكله بطلنا نميز بين هالناس يللي بيفسروا الاحلام، مين الصادق فيون ومين اللي بتخوث وبكذب ! كماني مزبوط حكيك الابراج اشي والاحلام اشي تاني، والمشكله كل واحد صار يشوف انو بعرف يفسر احلام بيعمل من نفسو عالِم وهو اساسا بفهمش ولا اشي بهالشغلات ! وهذا يللي بصير بمجتمعاتنا حتى بمختلف المجالات إن كان بالسياسه إذا كان بيفهم فيها برشح نفسه او بالغناني والفن كل ما واحد فتح تمو وغنى معناتو صار مطرب !! إلخ .. وحبيت المثال يللي ذكرتو عن الهند، معلومه اول مره بعرفا، بظن بكل بلد بالعالم بكون فيها ناس يللي بميلو لهالشغلات وبتعمقوا فيها .. الظل حبيت هالاقتباس الديني اللي ذكرتو، ومنو منفهم انه الاحلام ما بترتكز ع مفهوم معين .. شكرا ع ابداء رأيكوا فهالموضوع، وواضح إنه مش كل شخص ممكن يميل لهالاشياء ويتعمق فيها ويآمن فيها، وع الارجح بيتعلق كل إنسان وين عايش بأي مجتمع او حتى مش بالضروره، لإنه اوقات في ناس بتخلق بمجتمع عندو ادمان ع كل اشي بيتعلق فالاحلام وتفسيراتها بس ممكن تلاقي بعض الاشخاص بهالمجتمع المدمن عندون ايمان وقناعه واثباتات شخصيه ع إنو كل هالشغلات تُعتبر خرافات .. وعن نفسي؟ مش كتير بآمن بهالشغلات لإنه في اشياء كتير بتأكدلي، وابسط مثال يللي ذكرتو بموضوعي فوق عن الحلم يللي بضلني احلموا كل فتره إنه سني انقلع وعنا بقولو السن المقلوع معناها موت اخ او اب، بس ولا مره صار ع اخواتي وابوي اشي مش منيح لا سمح الله لدرجه انو يتوفوا الله يطوللي بعمرون، والإنسان لمن يموت، مش لإنو كان حلمان بشي حلم، لإنه هيك الله بدو وقرر تكون هاي سيعة موتو، غير هيك بتوقع حكي فاضي .. يعطيكوا العافي .. :137: |
انا بحثت عن الموضوع كتير قبل هيك ولاقيت الاجابة و حدرجلك ياها بالتفصل .. في تفسيرين للاحلام . الاول علمي و التاني روحي .. التفسير العلمي للاحلام .. هلقيت احنا لما ننام بيصير عنا نشاط زايد بكل الجسم اضعاف نشاطنا جسدنا و احنا صاحيين . من ضمن الاعضاء الي بتتعرض للنشاط هوا الدماغ . و الدماغ معروف بانه بينقسم لشقين . "الوعي و اللاوعي" شق الوعي : هوا الشق الي بنستخدمه بحياتنا اليومية للتفكير للتعامل للتخطيط للبديهة وغيره من الامور المباشرة . شق اللاوعي : هوا الشق الي بنتحكمش فيه و هادا الشق بيتحكم بعاداتنا و طباعنا و فطرتنا و الامور العميقة الغير مباشرة بحياتنا . بمراحل النوم بيصير نشاط زايد متل ما ذكرت قبلا .. بيخلي الجسد يقوم بكتير وظائف متل طرد السموم و التنفس بشكل اعمق والنبض بشكل اهدآ و الاحلام . الاحلام بتصير من الدماغ نتيجة من نشاط الدماغ بلحظات النوم . الافكار والاشخاص والمواقف والامنيات والاحاسيس الي بتكون موجودة بشق اللاوعي بنتقل بعضها لشق الوعي بالدماغ بسبب النشاط وقت النوم . وهالشي بيخلق الحلم . بتصير تشوف اشياء غير منطقية احيانا بسبب كمية المعلومات الي بتكون منقولة من شق اللاوعي لشق الوعي وبتخلي في شوية لامنطقية ببعض الاحلام . فعليا هالمرحلة ما بتستمر الا لاقصى حد ل 8 ثواني . وبيرجع السبب لاننا بنشوف الحلم طويل لانو بيكون في تسارع بنقل المعلومات واستقبالها بين اللاوعي والوعي بشكل كبير . و هنا ما بيقدر يستوعب الوعي حجم السرعة لما نكون صاحيين ف بنحس انو حلمنا الحلم فترة طويلة لكن فعليا بنكون حلمنا الحلم باقل من 8 ثواني .. و لما نصحا بنتهي نشاط الدماغ والجسد الي كان فينا بعد دقيقة واحدة تقريبا وبيرجع الجسم لطبيعته واحنا صاحيين . و هادا الشي بيرجع لسبب انو اوقات بنحس انو متزكرين الحلم كلو اول ما نصحا وبعدين بننساه لانو لما نصحا بيكون لسا في تناقل للمعلومات بين اللاوعي والوعي بالدماغ ونشاط الدماغ مستمر ف بتكون افكار الحلم لسا موجودة . و بعد كم ساعة بننسا تماما شو صار وولا كاننا حلمنا لانو افكار اللاوعي رجعت لمكانها و الحلم راح كانه ما كان موجود .. هادا التفسير العلمي . حتبع برد للتفسير الروحي .. |
التفسير الروحي للاحلام .. الاحلام بالمنطق الروحي بيعتمد على اكتر من امر . متل شو كان حاسس هالشخص قبل لا ينام . شو صلة الربط بين حلمه وواقع حياته . وكتير امور الي بتحكي عنو انتي بيندرج تحت مسمى "الرؤية" بالمنطق الروحي . لهيك ما حندرج واحكي الا عن الرؤية مو الاحلام . اولا الفرق بين "الرؤية و الحلم" . الرؤية : هي الحلم بامور رمزية معينة غير منطقية بعض الشيء الها مدلولات معينة و بيشترط فيها احيانا انك كوني على وضوء وطهارة . الحلم : هي الحلم بامور رمزية وعادية غير منطقية احيانا بيكون اللها مدلولات واحيانا لا و ما بيشترط انك تكوني على وضوء لانها ما بتتحقق . الرؤية بتتحقق بعد الفجر و لما ينام الانسان على طهارة "مش دايما" و انا على حسب علمي انها بتكون ك رسالة ربانية او ك علامة للشخص على انه شيء معين حيصير او بيصير . و بترتبط الرؤية عادة بعلاقة الانسان مع ربه . ف احيانا بتكون على شكل انه تحذير او انه في امر سيء حيصير او كذا او كذا . فعليا هيا امور بتندرج تحت "الدين" و ما بدي ادخل بافتائات او حكي ما عندي معرفة فيه . لكن هادي كمية المعلومات الي عندي عن الرؤية او الحلم بالشكل الروحي . و انا شخصيا صار معي انو اجتني رؤية و تحققت . من من هالاحلام انو كان اخويا مسافر وكان بدو يجي ع غزة . صارت عراقيل وقلنا انو مستحيل يجي غزة و فقدنا الامل . بيوم حلمت انو عنا ناس كتير بالبيت جاية ترحب بحدا و جايين الشيوخ من المسجد خصيصا على بيتنا للترحيب بحدا عنا بالبيت . حكيت هالحلم لامي قالتلي شكلو اخوك حيجي . وفعليا بعد اسبوع تقريبا ما بعرف كيف تسهلت الامور و اجا ع غزة والترحيبات الي شفتها بالحلم صارت تماما قدامي .. لهيك انا ما عندي شك بهادي الامور او عندي القدرة على ضحدها .. وبس :) |
بالنسبة للاحلام هم نوعين هي الرؤيا وهي يلي الشخص بحلم فيها بتذكر كل تفاصيل الحلم وهاي كما ذكر الرسول عليه الصلاة والسلام بتتحقق ماما مرة حلمت انها شافت الرسول علية الصلاة والسلام وبتوقع انه ربنا يحققلها هالحلم لانه هي كتير انسانه مؤمنه وكتير عانت واتحملت وفي النوع التاني هي اضغاث احلام وبتكون من الشيطان وبتكون نتيجة الضغوطات والتفكير يلي بتعرض الها الانسان بيومه وحياته وغالبا ما بتتحقق بالنسبة لالي نادرا ما احلم وان حلمت ما بتذكر اي شي بتذكر بس الكوابيس وكتير بصحى من النوم بلاقي الدموع بعيني وما بكون متذكرة الحلم في ناس بتحكيلك بعض الاحلام هي اشارات بتنبهك او بتحذرك من شي في مرة حلمت في سيدي الله يرحمه وكان كتير زعلان تركني وراح رحت قلت لتيتا ولما سألت ناس بعرفوا بالاحلام حكولها انه انتو ما بتروحوا تزوروه كتير ولازم تخرجوا صدقة عنه ما بعرف اذا هالتفسير صحيح او لا في الي كمان صديقة مستحيل تحلم في شي مو منيح بشخص معين الا ما يتحقق لكن بطريقة تانيه متل المثال يلي طرحته ميناس فلما تحلم بتحكيلي دايما الله يستر شو رح يصير على كل حال ربنا اعلم بهيك امور انا مو كتير بهتم لهيك اشيا لاني نادرا لاحلم |
اهلين دارك، بحب اسلوبك فالحكي، حبيت التفسير العلمي، إنه فعلا اوقات بحلم بشغلات غريبه، هي ممكن تكون احلام عاديه بس بتكون مخربطه لدرجه انو اوقات بشوف شخصيات مش لازم اشوفها !! بسبب نقل الاشياء من الوعي ل اللا وعي متل ما انت ذكرت، واللي لفتني بهالتفسير إنه مدة الحلم 8 ثواني ! هاي معلومه اول مره بعرفا .. وحبيت التفسير الروحي، عن نفسي بقدر اميز بين الحلم والرؤيا، خصوصا وقت يحلم الانسان باشياء خياليه بتعنيش اشي، مجرد احلام .. عكس الرؤيا يللي بتكون قريبه من الواقع او من اي حاله بكون عايشيتها بالواقع .. مع إني مش كتير بآمن بهالشغلات، بس في شغلات بتخلي الواحد يآمن، وفي شغلات مش لازم يصدقها، يعني بيتعلق .. دارك شكرا كتير عالمعلومات، انبسطت بمشاركتك :137: |
اقتباس:
لكن بالمتوسط و غالبا بيكون 6 ثواني . ممافي اكتر من 8 ثواني . الشي هادا بيرجع لانو الناقلات العصبية وسرعة نقل المعلومات بالدماغ كتير هائلة . ف المعلومات هادي بيتعامل معها وبيعالجها الوعي بشكل بطيء ف بنشوف الامر بوقت طويل . و لو اجينا لانسان بيحلم و فتحنا عينو وقتها حنلاقيها بتتحرك بشكل سريع جدا ما بتقدري تتخيليه .. وهالشي سببو تعامل العين مع المعلومات السريعة جددا .. سرعة العين وقتها بتكون خيالية .. بيسعدني هالشي :) ربي يسعدك :)) |
اقتباس:
نفس وجهة نظري، مش كتير بتعمق انا بهالشغلات، بس كنت حابه اعرف آرائكوا فهالموضوع لإني صايري احلم كتير هالفتره، واوقات احلام مزعجه وبتخوف، واوقات احلام غريبه واوقات احلام حلوي .. حبيت الحلم يللي حلمته والدتك (الله يطول بعمرها ويشفيها)، ومظنش اي حدا ممكن يشوف النبي بمنامه غير الإنسان المؤمن فيه وبالله .. بتصور الواحد لازم يميز بين الحلم والرؤيا، واوقات الواحد لمن يحس بطلع احساسو بمحلو يعني لمن يحلم حلم معين بحس في من وراه رساله ويطلع هالاشي مزبوط اللي مع الوقت بكتشفو .. وبهالحاله مش لازم يسأل او يدور ع تفسير لحلمو متل ما بعملو اغلب الناس فالبداي، لإنه في كتير ناس بتتخوث بالتفسيرات واغلبون بكذبوا، هو بحالو لازم يعرف هالحلم لشو برمز او شو رسالتو، احساسه ممكن يدلو لإنه ع الاغلب احساس الإنسان دليلو .. لونلي شكرا كتير لمشاركتك .. :137: |
| الساعة الآن 07:07 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.