|
"الطول" السلام عليكم هلا احبابي المرة الموضوع مختلف جداً ما بعرف حدا فكر فيها او لا فالبداية ما بدي حدا يشعر من كلامي اني بتمسخر عليه ايوه هو سؤال طرح عليّ وانا جاوبته ب القصة "انا طولي تجاوز ال 190 سم يعني فارع بالطول فالحادثة صارت معي قبل سنة واجت على بالي اليوم باللي بشوفه بالناس فبحس حالي هيك مختلف عن الجميع وبحس مرات بالغرور قدام الجميع كنت راكب بهونداي 7 راكب رايح على الجامعة فالسواق بسألني شو مال البنات اليوم قصيرات بالمرة ؟؟ صراحة اضحكت من سؤاله فجاوبته من كتر ذنوبهن ربنا بسخط فيهن صار يضحك فحكى فعلاً وملاحظة انه كمان هو قصير فكانت بنت من البنات اللي جلسات معنا بالسيارة ما كملت الطريق معنا وقفت السيارة ونزلت خبطت الباب بقوة صار يضحك السواق وقال شكلك قصفت الجبهة هههههه " الآن بالقصة ما كتبتها لحكي الكو شو صار معي بالضبط او كان جوابي بشكل عفوي بدون مراعاة مشاعر الغير إليّ غرض بالقصة واخد العبرة منها ؟؟ بالنسبة للدول البرة بتلاقي طول الانسان فيه فارع والاجنبيات معلومة عنهن الطول ليش في بلادنا وخاصة غزة قل الطول ويكاد لا يذكر بينا ولما تشوف واحد طويل بتحسه نادر ومختلف عن الكل معقولة اجابتي بعفويتها هي الصح ام شيء اخر ؟؟ وتذكر ابونا ادم طوله وصل الى 30 متراً فبلاقي قل وقل وقل ووصل الى مترين حالياً او اكثر الها دلالة هالشيء ام مجرد توهم ؟؟ بدي رأيكم بالموضوع بصراحة وبالنسبة لطولك راضِ انت ام لا ؟؟؟ دمتم بود |
أبونآ آدم عآش 1000سنة فـ شي طبيعي يكون حجمه متنآسب مع السنوآت الطويلة اللي عآشهآ ومع ظروف المعيشة وقتهآ كل مآتقدم فينآ الزمن بقل عمرنآ وبقل حجمنآ من نآحية علمية في علآقة طردية بين حجم الكآئن الحي وعمره وتعديل بسيط بس انه طول أبونآ آدم كآن 60 ذرآع أي 28متر مش 30 وبالنسبة لطولي فأنآ رآضية عنه الحمدلله وبالنسبة ل ردك ع سؤآل السوآق مآرآح أتفلسف وأنتقدك فيه بس رآح أحكيلك شغلة الذنوب مآاقتصرت ع جنس حوآء وآدم بريء منهآ شبآبنآ هالأيآم لو ربنآ سخط فينآ الأرض بسبب ذنوبهم وافترآئهم يعطيك العآفية خآلد |
اقتباس:
يعني الشيطان ما بيجي لادم وبترك حواء بس للاسف لو حطينا ايدينا مع بعض صح وكل واحد عرف شو اله واللي عليه كان عشنا بخير وادام الله النعم شكرا للتعديل على طول ادم وجهة نظر تحترم بوركتي حنين لتواجدك الدائم حياكِ المولى |
موضوعك عجبني بس بصراحة نحن بهاد الزمن والكثير منا للاسف لغياب الدين من حياتنا انو ما بننتبه لا لشعور حد ولا بنتبه انو ببعص حكينا بندمر وبنقتل شخصيات وناس انا طولي عاجبني ومبسوطة لاني طويلة بس فحياتي ما تمسخرت لا ع شب ولا ع بنت قصيرة آدم عليه السلام كان طوله عند خلقه ستون ذراعا وان ابناءه كذلك وان طول الابناء فى انحدار كذلك وكذلك اعمارهم كانت طويلة بينما هى فى قصر مستمر جاء في حديث صحيح رواه البخاري قوله (صلى الله عليه وسلم ) أن الله خلق آدم على صورته .... طوله ستون ذراعا .... وينتهي الحديث بقوله " وما زال الخلق ينقص حتى الآن" حديث صححه العلامة الألباني. لك كل الشكر اخي |
موضوعك شوي غريب هالمره، يمكن جوابك للسواق كان من باب المزح، بس انا شخصيا محبيتش حكيك، لإنه اوقات الواحد لمن يمزح بكون "بقصد" بمزحو، بس السؤال يللي بيطرح نفسه هل فعلا كنت تمزح ولا قصدت؟ والمشكله بعرفش إذا جوابك هذا "من كتر ذنوبهن ربنا بسخط فيهن" ممكن يكون مزبوط او لاء !! من وجهة نظري مش بالضروره يكون في سبب لكترة القصار بمجتمعنا إن كانوا ذكور او انات، بس مفكرتش إنو ممكن يكون وراثه هو السبب؟ مفكرتش إنه ممكن يكون تركيبة الجسم او مشاكل معينه فالجسم سبّبت القصر؟ بالنهايه هاي خلقة ربنا، ويمكن ربنا هيك بكون بدو لمن يخلق هالفلان قصير او يخلق هالفلانه قصيري، او حتى السببين يللي ذكرتلك ياهون، اما عرب ومش عرب؟ هالاشي مالوش علاقه .. لإنه متل في قصار برضه في طوال بمجتمعنا العربي، ومتل مفي طوال برضه في قصار بالمجتمع الغربي والاجنبي، وعن نفسي؟ انا قصيري وبحب قصري ويمكن اكون افضل من كتير بشر طوال، ع العموم الإنسان مش لازم رح يعير اهتمام لهاي الاشياء، لإنه الانسان مش بطولو ولا بوزنو ولا بجمالو، الإنسان بعقلو وجوهرو ونيتو .. وملاحظه صغيري متوقعتش إنك تطرح متل هيك موضوع غريب هلاء يمكن يكون موضوع عادي، بس شعرت إنو فكرك "شوي" محدود من ورا هالموضوع، بعرفش إذا كلامي مش مزبوط، بس توقعت انك تفكر بشكل تاني او يكون رأيك متل رأيي وتفكر بالطريقه اللي انا بفكر فيها، بعرف إنه مش ضروري، بس واضح إنو في اختلاف بالرأي .. وملاحظه اخيره، ولا بحياتك تفكر "بالغرور"، هاي نصيحه صغيري مني إلك وان شاء الله تتقبلها :137: شكرا عالموضوع .. |
راح بلش انا من جوابكك للشوفير اوكك ولا مرة سمعت انو اثم الذنوب القصر !!! ولو كان هيكك كان طولكم انتو الشباب شبر المهم : الطبيعه والبيئة بتؤثر ع طول الانسان وكل يوم في تغييرات طبيعيه بتصير البلاد يلي بكون فيها حر معظم شعبها بكونو فارعين بالطول والعكس صحيح وكمان سبحان الله مع كل جيل بقل الطول هل انا راضي عن طولي ؟؟ جدا جدا جدا جدا طرح حلو خالد تحيااتي |
أولآ أنآ حبيت أبتدأ وجهة نظري بطولي أنآ قصيرة نوعآ مآ وأعتبر نفسي محظوظة جدآ لأن البنآت قصيرآت علميآ أكثر حظآ من الطويلآت لزيآدة هرمون بروجيسترون ورآضية عن نفسي ولله الحمد :58: يكفيني لمآ فيه حدآ يريد يكلمني. ينزل عيونه لي :ghoo: ثآنيآ الطول ليس له علآقة أبدآ بالذنوب. لأنه كل شيء صآر ينقص الوقت العمر الطول البركة وهذه حكمة الله هذآ رأيي في موضوع الطول شكرآ لطرحك للقصة و سؤآلك سأكون متآبعة للردود هنآ 📍 |
ما عندي رد بعد ردود الاعضاء قبلي، لأنهم ما قصروا بردودهم وما ضلش شي يتقال، وما بشوفش بالطول شي ينغر الشخص بسبب .! |
من كتر ذنوبهن ربنا بسخط فيهن عمرو مآ كآن هآد الجوآب وعمرو مآ كآنت الذنوب وكثرتهآ بتقصر الإنسآن قول ممكن من الذنوب ينسى و و و و أمآ القصصر ملوش علآقة خآلص يمكن إختلآف في الجينآت ومن هالشغلآت هآي والبيئة إلهآ أثرهآ |
موضوع الطول علمي بحت .. بيرجع الموضوع لنظرية التطور الخاصة ب داروين . الي هي معروفة بنظرية انه الانسان اله سلف مشترك مع القرد . التطور بيحصل نتيجة كتير عوامل منها الطفرات و التغيرات الجوية والمناخية و طريقة الحياة وانعزال الجماعات عن بعضها . حاليا بغزة نحنا بنعاني من طفرة الطول ف بتلاقي اغلب المجتمع الغزي فيه الطوال اقلية بالنسبة للقصار ف هنا مع مرور الزمن الي هوا مثلا من بداية السبعينات بدا يقل وجود الطول لحد ما صار نادر هالايام لانه ببساطة انعزال المجتمع الغزاوي و تزويج الاقارب المعروف بالمجتمع الغزي بيساعد ع انه يحتفظ ب قصر القامة الموجود عند المجتمع والتقليل من الطول العالي . برأيي لو استمر الفلسطينيين والغزيين بالذات على هادي الوتيرة ف حيوصل الامر انه المجتمع يقصر اكتر من هيك بكتير كمان . وبس :) |
قصيرةْ ولا طويلةْ بشو رح تفرق يعنيْ بالنسبة لجوابك هو بالرغم منه انه كان جارح بعض الشئْ لانك لم تراعي مشاعر الاخرينْ سواء الفتيات او الشباب يعني كمان ممكن يكونو فيه شباب حبتهم قليلة يعني قصارْ إلا انك قلتها بشكل عفوي وبدون تفكير يعني مجرد اضفاء روح للفكاهة خلال الطريقْ وما بعتقد فيها زعل لانه جوابك كان غير منطقي طبعاً لانه ربنا ما بسخط حد لذنوبه او الخ لانه هاي بعتقد فيها نوع من التعييب الخلقي يعني كانك بتتمسخر على خلقة ربنا مع انك ممكن ما تكون قاصد بس هيك الناس رح تفهمها ولانو كمان جوابك كان مو منطقي بالمرة وكان مبين عليك انك بتضحك وبتتمسخر المفروض محدش يزعل منك على كُلِ بالنسبة للطول والقُصر زي ما قلت بالبداية ما بتفرق كتير مين طويل ومين قصير اللي بفرق المعدن الطيب والقلب النابع بحب الله عوافي |
بالنسبة للذنوب شو دخلها بالطول او القصر الطول بعتمد على كتير عوامل اهمها البيئه والمناخ يلي عايش فيها الانسان وطبيعة اكله والجينات والوراثه الها دور كبير يمكن انت كنت تمزح بس ردك ما كان حلو وما لازم تعترض على خلقة ربنا عمره الانسان ما كان بطوله ولا عرضه اهم شي اخلاقه ومعدنه بالنسبة لطولي انا طويله وعاجبني طولي عوافي خالد |
للآن لم اقتنع شكرا لوجهات النظر البسيطة انرتم |
اقتباس:
|
ما احدُ معصومُ من الذنوبُ اسالُ الله ان يرحمنا برحمتهُ ..ً .. الطبيعهُ تلعبُ دوورُ كبيرُ فيُ الانسانُ لهيكُ بنشووفُ الباكساتنينُ والايرانينُ والافغانينُ والافريقينيُ طوآلُ وكبارُ بالمقارنهُ فيناُ لهيكُ لا تنغرُ كثيرُ خالدُ بطوولكُ لوُ رحت ع بآكستانُ او افغانستانُ بيقوولو لكُ من كثرُ ذنووبُ صارُ قصير ههههههههُ لانهمُ اضخمُ منكُ |
اقتباس:
هي نظرية فقط لا اكثر |
اقتباس:
دايما بشوفهم اقصار هلا غرور |
انآ مآ بعرف السبب ليه في نآس طويلة و نآس قصيرةة لأن هالشي مآ بعمروو اجآ ببآلي هاي خلقة ربنآ بس حآبة اسألك سؤآل من بآب المزح رداً على جوآبك لـ شوفير السيآرةة حآلياً و مع تطور الطب يآ خآلد في ابر و ادوية لزيآدةة الطول قولك ازآ اخدنآ منهم بنكفر عن ذنوبنآ هههههه و بنفوت الجنة عَ طووول :31: .؟ يعطيك العافية |
ان الله لا ينظر الى اجسامكم ولا الى صوركم انما ينظر للتقوى التي في القلوب يمكن هادا ممكن جواب لسؤالي حبيت ردك ميناس هادا اسلوب نقاش بحبه وبكثرة الاجابة من اول مرة وتحشير المناقش بزاوية تحياتي الك وردة |
اقتباس:
. بالعكس النظرية كل مالها بتثبت اكتر من سابقتها كتير احافير انوجدت ل اسلاف قديمة مشترك فيها تركيب الانسان وجيناته مع القرد . كذلك وضحت انه الانسان الغزي متعرض لنظرية التطور و كل شي بالكون بيندرج تحت التطور . التطور خلا الفيروسات مثلا اقوى من قبل . الزكام العادي بعصرنا مثلا لو اصاب واحد من العصر القديم رح يموت لانه جسدنا تطور ومناعتنا تطورت والفيروس تطور كذلك . الشعوب بانعزالها عن بعض و بانها بتاخد "محددات" للازواج . مثلا انو الزوج ما يكون طويل كتير بالنسبة للزوجة و انه البنت يختارها الاغلب تكون قصيرة وقتها التزاوج حيصير بس للاطوال المتوسطة والقصيرة و حيقل انتاج الاطوال الطويلة و حيصير المنفذ الوحيد لوجود الطوال هوا الجينات الماخوذة من العائلة و هادا الشي صعب يصير نظرا ل طول الام والاب . الموضوع مفهوم و واضح جدا فهمك لنظرية التطور بيجاوبك عن اسالة كتيرة وكبيرة جدا بتتعلق من هادي الناحية . |
كلامك زين خيووو باخر ما حكيته بس نظرية دراوين ما دخلت من ناحية اسلامية وما بقدر ادخلها بردوا بعقلي يسلمو لنقاشك الاكثر من رائع وتصميمك على التوضيح تقييمي |
| الساعة الآن 06:32 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.