|
سؤال مخربط شوي يسعد اوقاتكم من كم يوم كنت بالخليل لأحضر عرس قريب الي كتير واحنا بالقاعة ولما حكو انه العريس وصل كلنا تحجبنا لفت نظري صبية ضلت بمكانها وما لبست ع راسها ولابسة قصير كتير بسأل ماما ليش ما تحط ع راسها وتبلس بتقولي ال هي اختو بالرضاعة بس مو معو مع اختو راضعة هلأ السؤال هون هلأ بجد بتكون اختو ولا بس اخت لاخته اللي رضعت منه بس ولا بتكون اخ للجميع فهمتو قصدي ؟؟ والسؤال التاني هل من المعقول اخ الي بالرضاعة البس شو ما البس قصير مشلح على اساس اخوي و م بعرف شو بتمنى تجاوبوني لاني برضو بعاني بهالمشكلة بدي شوف اراؤكم خاصة انه ماما مرضعة ابن اختها يعني ابن خالتي مع اختي هل هو هون اخونا كلنا ولا بس اخوها لاختي ؟؟ خربطكو انا بعرف بس بجد لازم اعرف من ناحية الحلال والحرام |
يسعد اوقآتك ملاآك ليكي كَ بدآية ’ الحليب ملك الرجل مش المرأةة و لآ يحق للمرأة ان ترضع اي طفل دون الرجوع الى زوجهاآ هلأ لو امك رضعت حد بكون هالحد اخوكي و أخ لكل اخوتك بس هلأ اخوة هالحد اللي من امو و ابوه مش اخوتكم .. لو انتي رضعتي من وحدة بتكوني انتي فقط اخت لأولآد هالوحدةة لكن اخوتك اللي من امك و ابوكِ ملهمش علآقة بسس الشخص اللي رضع .. و ايوة صح اخوكِ بالرضآعة متلو متل اي اخ لإلك البسي اللي بدك قدآموو انآ الي عم بالرضآعة و خآل كمآن حآلياً كون في حليب مصنع شغلة الرضآعة غير محببة لأن بتجيب مشآكل بمستقبل الأولآد بالنسبة للزوآج و الذي منوو وصلت .؟ |
بصراحة ما بعرف كتير بهالموضوع لهيك ما بدي افتي واتفلسف بس انو في لهلا شي اسمو اخ بالرضاعه !! مهو حليب الاطفال معبي السوق ههههه ع كل راح تابع لنستفيد الف عافيةة الملاكك للسؤال تحيااتي |
فهمت ميناس هلأ اختي وابن خالتي رضعو مع بعض بكون ابن خالتي بس هو اخونا كلنا واختي اخت لولاد خالتي واحنا لا هيك الصح في رضاعة مين حكالك ما في انا الي ابن بالرضاعة لظرف طارق صار ابني الظروف اللي بتحكم شكرا ميناس عالتوضيح لانه هالشغلة بجد بتخربط خاصة لانه بدك تلبسي او لا |
اقتباس:
لأ غلط هو مين اللي رضع امك و لآ خآلتك .؟ |
صحيح الحليب معبي السوق ملك بس مش كل الولاد بقبلو القنينة وبشربو حليب صناعي وفي كتير من خالاتي مرضعين ولاد بعض لظرف الام ما كانت موجودة عادي وانا منهم للضرورة احكام |
لا صح احكيلك ليش ؟؟ امي رضعت ابن خالتي وخالتي كمان رضعت اختي الجهتين راضعين مش بس طرف عرفتي ليش |
متل ماحكت البريئه الام الي بتقرر لو امك الي رضعت الشاب فاانتو كلكم متل اخواتك محرمين عليه لو امه الي رضعتك او رضعة البنت انتي بس الي بتكوني محرمه عليه فقط من غير اخواتك والسؤال التاني هل من المعقول اخ الي بالرضاعة البس شو ما البس قصير مشلح على اساس اخوي و م بعرف شو هلا اخواكي بالرضاعه او لا مابجوز البنت تلبس لبس يظهر مفاتنها حتى قدام النساء يعني في حياء وخجل انو اتكون البنت جالسه مع اخوها ومفاتنها ضاهره هاد الجواب الي طلع معاي اسئله مفيده ورائعه الله يستر علينا يارب |
اقتباس:
المغيطةة هههه فعلا سؤال مخربش وخربشتينا معك الملاك :138: |
اقتباس:
ايوةة هلأ صح صحيح ملآك في ظروف بتخلي الوحدة ترضع طفل لكن المفروض يحآولوو مع الطفل كل الأسآليب و آخر محآولة تكون وحدة غير امو ترضعوو بتعرفي ملآك ان في بالخليل نآس قرآيب لياآ ’ يعني الشغلة حقيقة 2 متزوجين و معهم 3 اطفآل و بالصدفة عرفو انو هم اخوة بالرضآعة شوفي الكآرثة !!! |
عادي غروب في ناس بحبو يلبسو ادام اخوتهم الشباب قصير وكلشي بس هالشي حرام او انه من باب الحشمة طبعا بالنسبة للرضاعة ارتحت هلأ لانه بس يتجوز ابن خالتي اللي رضعتو ماما وقتها ببين عليه عادي وما بحط ع راسي منه |
اول شي بالنسبه للبنت هي رضعانه مع اخت العريس من امه يعني هي بتكون محرمه عليه كمان بالنسبه لاختك وابن خالتك حسب مين رضع من مين لو هو رضع من امك بكون محرم عليكم كلكم لو هي رضعت من امه بكون هو مش محرم عليكم اختك فقط محرمه عليه وعلى اخوته والله اعلم هادا الكلام لازم ينتهي ما اله لزوم هالايام كان زمان كتير تحصل مشاكل من ورا الرضاعات الي غير معلنه وكتير تزوجو اخواتهم عنا شب تزوج بنت وتبين انه اخوها بالرضاعه وخلفت كل ولادها عميين لكن للاسف مصر يخليها عنده ومو راضي يطلقها حتى وهي بتخلف ولاد عمي بحكي لو طلقتها كيف بدنا نعتني بالاولاد برقبه مين هادا الشي كله بسبب الرضاعه الي بتكون بدون علم الرجال لازم كله يكون مسجل ومدون ومحفوظ عشان ما يصير زواح حرام مشكوره ملاك |
مغيطة شو يعني ملك ههه الموضوع حساس ومخربش بس لازم نعرفه ولك ضحكتيني والله |
اقتباس:
لكن من ناحية الحلآل و الحرآم حلآل تلبس قدآم اخوهآ دآمهاآ ما بتظهر من جسمهآ الآ الأجزآء المسموح فيهآ |
اقتباس:
ليكي ليقولو خوآت العريس بتقومي بترقصي :64: |
بعرف هيك قصص بس انا عن نفسي لو كان عندي ولد مو مستعدة اسمع عياطو واتحمل برضعو وخلص وصارت معي بصراحة صارت حالة وفاة واضطرت الام تحط ابنها عندي وي حرام الولد تعب من العياط بالاخر رضع مني ونام بس كنت خايفة يحكو اشي عشان ما استشرتهن بالموضوع بس الظرف صعب موت اختها للمرة يعني الضرورة الها حكم |
اقتباس:
ليكي مهوو لوو بدنآ نغوص بهالموضوع في بقولوو 3 رضعآت مشبعآت بكون ابنك و في مفتيين تآنيين بقولو رضعة وحدةة بكون ابنك اهم شي و الإحتيآط وآجب اعرفي مين هالولد و سجلي حتى ما تنسي و خبري اللي عندك حتى بالمستقبل ازآ نسيتي حد يذكرك مآ تقربوه |
سألت امي قبل شوي، قلتلي اذا امي متلا رضعت ابن/بنت وحده غريبه او من قرابتها او اختها، اللي رضعتو بكون اخ الي ولكل اخواتي، بغض النظر اللي رضعتو بنت او ولد .. هيك امي شرحتلي .. وبالنسبه للبس بقدر البس شو مبدي بس مش اتشلح واتزلبط، يعني برضو في حدود للبس، يعني اعطيكي مثال عشان تفهمي علي اكتر، انا بلبس متلا فساتين قصيري او بلايز قصيري هذا عادي قدام اخواتي (الشباب)، بس مرات بلبس بجامات قصيره "اللي بتكون مختلفه عن الفساتين بكتير خصوصا انو بتيجي مع شيال (شباح معناها) وبتيجي البنطلين شورت"، هاي بلبساش غير فالبيت لإنه بطلعش فيها لبرا، هاي البجامات بلبساش غير قدام امي وابوي واختي مروه اللي معي فالبيت، ولو كانوا اخوتي (الشباب) عزابيه كنت بلبسش هالبجامات "لمن اصل لجيل او سن معين"، وانا صغيري بكون الاشي عادي بس لمن اكبر مش حلوي، امي وابوي اشي، واخوات (الشباب) اشي تاني .. مع انه يمكن فيهاش اشي بس انا بستحي، وبرتحش غير لأهلي .. فاللبس اللي لبستو البنت هذا عادي بالنسبه إلي لإنه الفساتين القصيري دايما بتنلبس فالمناسبات طالما خوها فش اشي غلط هون، يعني نوعا ما بيتعلق كيف طبيعية وشكل اللبس بالزبط، متل ما شرحتلك .. يعني الوحده برضو لازم تميز وتعرف شو تلبس وشو ما تلبسش خصوصا لمن تكون كبيره بالعمر وواعيه .. :137: |
هلا ولو محرمة عليه كونها اختو بالرضاعة لازم تلتزم باللبس الا اذا كانو اخوة بالرضاعة وهي عايشة معو بالبيت و مربايينون الاهل مع بعض تربية أخوية هون شي تاني لان ما حدا بيشتهي اختو اللي تربت معو الا الحيوان ما عندي خلفية واسعة عن هالموضوع .. شكرا زميلة :136: |
كلامك صح مؤيد وهيك قصص والله الموقف فيها صعب يكونو عايشين حياتهم ومعهم ولاد يجي حد يحكيلك مرتك هي اختك والله صعب بس العشرة بينهم محرمة وقتها بتكون |
اقتباس:
بمزح بس لحتى نعرف لما نجوز ولادنا وما يختلط النسل ببعض ويصير كاني ماني |
يا مفتين الجزيرة العربيه هههههههههههههه والله حسستوني قاعد بدائرة الافتاء يا اخوان ما حدا يفتي من عندو ويحلل ويجاوب دون علم الرضاع الها شروط واللباس الو شروط فلا تغوصو بالموضوع اكتر من الازم خوفا من الوقع بالاثم هي شغله شغله ثانيه رئي من رئي غروب سواء كان اخوها او اخوها بالرضاعه المفروض الاحتشام اما انه بصير او ما بصير فهاد موضوع ما بنقدر نفتي فيه لانه الو تشعبات كثيره وسلامتكم |
اقتباس:
انه عدد الرضعات اما وحدة مشبعة او تلات او سبعة حسب ما بنسمع الارجح مين لهيك سألت لا الكل بيعرف من هم زغار انه اخوات فما في اي مشكلة |
كلامك صح سمرة في لبس مو قصير بس ملفت للنظر ومش لازم الوحدة تبين ادام اخوتها فيه اشي ومنو هو مو حرام بس بضلو شباب حتى لو اخوة |
اقتباس:
واللي ربيانين مع بعض بكونوا ماخدين عبعض العفو زميل |
الكل حكي وكلامهم صحيح بس لحتى يكون الاخ بالرضاعة الراي الراجح بين العلماء انهم ٥ رضعات مشبعات للطفل وبعد هيك كل الحقوق والواجبات بتصير متلو متل الاخ الشقيق الا بالورث كتير سؤالك مهم |
لا مفتيين ولا شي وسام كل ما في الموضوع ناس بتعرف بهالشي وناس بتجهلو حبيت اطرح الموضوع واشوف ازا حد بيعرف في ناس بتكون ملمة بمعلومات الرضاعة وناس ما بتعرفها بس لهيك ما عم نفتي ولا شي وازا في حد حكا رايي من عندو بكون مسؤول عن رايه |
انا مع غروب والبريئة وحبيب العمر برأيهم كفوا ووفوا عوافي حبيبتي |
اقتباس:
يمكن برضو |
ان شاء الله حدا يفيدك |
اقتباس:
يسعد مساكي لونلي |
انا كمان عندي خيي من الرضاعة مابعرف عنو شي غير انو اسمو مصطفى ، ماما خبرتي بس لما كبرت بس نظرتي الو متلو متل اي حدا غريب عني اما عن اللبس رأيي من رأي غروب يعطيك العافية |
اقتباس:
نورت |
اقتباس:
يسعد مساكي |
هل هو هون اخونا كلنا ولا بس اخوها لاختي ؟؟ مبععرف نآهه ههآد بدكك ششيخخ آحسسنلكك واللهي ') هل من المعقول اخ الي بالرضاعة البس شو ما البس قصير مشلح على اساس اخوي و م بعرف شو نآهه مععندي هيكك آخخ هيكك بععرف ') بسس ععآدي نآهه بلبسس ئدآمم آخخوي الحئيئي ئصصير مههو آخخوي يعنآي ؟ ') يعننآآي ففي الحفلهه لو ككنت لآبسسهه فسستآن ئصصير ششيععنني البسس عبآي هيهي ') يسلممو الملآكك ') وردهه |
حلو ننوش شغلة م بتعرفيها ما بتتناقشي فيها حبيت رايك بلبسك وهاي حرية شخصية بتضل يسعدك ربي |
بداية هو راح يكون اخ\اخت للكل، وبكون محرم عليكِ مثله مثل بقيةة اخوانك، بس بالوقت نفسه مش لانه اخوك انه بتقدري تلبسي قدامه ايش ما بدك بتضل مسألة الحياء ، وفي بالدين بحكو انه مش مباح الاخت تلبس اي شي قدام اخوها ، اللبس الساتر افضل من القصير وغيره، |
الداية ميناس جاوبتك :d |
| الساعة الآن 07:21 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.