فش اشي بالدنيا إسمه "بدون سبب"،
كل اشي بصير بكون في من وراه سبب،
فا لمن تتغير فجأه من مبسوط لمش مبسوط بكون في عدة اسباب،
وبما انك حكيت إنه فش اشي شاغل بالك متل مشكله او موضوع شخصي يللي ممكن يكون سبب رئيسي لتغيير مزاج الإنسان،
من هون منوصل إنه مزاجيتك ممكن تكون صارت "عاده" يللي جسمك إتعود عليها،
ولحتى تفهمني اكتر، بتكون مبسوط وفجأه بتتغير لممقوت وبكون هالإشي صار معك "اكتر من مره" مع تشديدي ع هالكلمه،
فا جسمك إتعود ع هالعاده وممكن هالشغله بسبب هرمونات بفرزها جسم الإنسان مع إني مش خبره بالبيولوجيا وجسم الإنسان،
بس اللي بعرفه إنو بكون في هرمونات محدده اللي بتفرز اكتر من غيرها،
فالظاهر الهرمونات اللي ممكن تسببلك حاله معينه "سلبيه" بتفرز بجسمك اكتر من الهرمونات يللي بتحسّن من نفسية الواحد وبتغيروا لإنسان مبسوط، ممكن يكون جسمك من هالنوعيه ..
لا بد يكون في علاج لهيك اشي، بس مزاجيتك مش شايفيتها مشكله هالقد عظيمه او لدرجه إنو بتخوف لحتى تتوجه لدكتور لإنها مش مرض لا سمح الله،
الإشي كتير طبيعي وبصير مع كل واحد ..
عكلن إفراز الهرمونات بشكل عام ممكن يتغير مع الوقت بحسب تركيبة جسمك وبرضو الإشي بيتأثر من البيئه اللي انت عايش فيها، إنه كل ما جسمك تأثر من البيئه كل ما هالاشي اثر ع جسمك كمثال ممكن يقل نشاط او يقوى ممكن يزيد فالوزن او ينقص إلخ، يللي هالشغلات كلها بتأثر ع افراز الهرمزنات، بغض النظر شو كانت نوعيتها ..
يعني اللي بدي اصلو إنه هالعاده يللي بتحس فيها ممكن تتغير مع الوقت ..
فالموضوع اقل من عادي، ويسعد صباحك