|
اكيد انت و الأب غلطانين هاد شي لا نقاش فيه لكن كيفية صقل شخصيتهم من جديد فهي شغلة بدها جهد برأيي تبدا منك كأم بقراءة كتب تنمية بشرية اللي بتعلم الانسان كيف يبني شخصيتو و كيف يتصرف و هيك لما تقدري تغيري من حالك رح تقدري تغيريهون خصوصا أنون صغار بالعمر 10 سنين لا يعد عمر كبير و العناية بالطفل من حركات صغيرة متل تحوشي البنت او تدلليها او تلحمسي على راسو للصغير او تجيبيلو طابة مثلا هي الأشياء الصغيرة كلها بتأثر بشخصية الطفل وانا برأيي تتولي البنات و تتركي الذكور لأبوهون لانو الذكر لازمو دعك و تكسير راس ما بيلبقلو الدلال و حاولي رغم انو ما رح تقدري انو ما تحسسي الولاد بالتمييز بينون و بين الولد اللي مدللتيه لانو هالشي كتير بأثر بشخصية الطفل والله يقويكي :136: |
اقتباس:
بنشجعهم لحتى يدرسو اكتر ويجمعو علامات اكتر والبنت صرت اخليها تجي معي بكل مشوار لحتى تنخرط مع البنات وتندمج معهم قبل فترة عملتلها حفلة لميلادها زغيرة بس كيفت عليها صرت شوي شوي اخليها تمد ايدها معي بشغل الدار يمكن زغيرة بس اي شي بكون مساعدة مش غلط تتعلم بالعكس سمرة كلامك ريحني كتير بتنفعي تكون اخصائية نفسية يسعدك ربي |
اقتباس:
بس لانه ما بدي حسسو بنقص هلأ انا معك انه البنت لازم تتدلل اكتر من الولد بس برضو الولد بهيك عمر بدو دلال واهتمام مو تكسير راس متل ما قلت بس تربايتهم عليي لحالي مو على ابوهم لانه بغيب كتير ويا دوب بجي برتاح وينام ف ما في وقت لترباية بس الاب من النوع اللي ما بضرب ولا بصيح وهاد الشي بخليهم مدلعين بزيادة وهيك برضو منو حلو الشغلة بدها شد ورخاوة مو كتير |
اقتباس:
طلب رأي الآخرين ما الو داعي اذا ما رح تحاولي تغيري قناعاتك على الأقل الصبي اذا ما تكسر راسو من الصغر ايمت بتكسري راسو مثلا بس يكبر ؟؟ أكيد ما رح تقتنعي اما قصة النقص اللي ذكرتيها غير قصة التمييز خصوصا انو انت متعلقة بطفل أكتر من اخر وهون الفكرة حاولي ما تحسسي الاخر بتمييز الطفل بيقبل النقص أكتر من التمييز لأنو وقع التمييز على شخصية الطفل كبير جدا وقصة الكتب يلي ما علقتي عليها كانت أهم بند بردي كلو وانا رح برر وجهة نظري بقصة الكتب ب انو الطفل من الجنسين بيكتسب كتير من الاكبر منو خصوصا الناس اللي بشوفون قدوة الو متل امو او أبوه فلما يكونو ابوه و امو عم يتصرفو بشكل سليم رح " يقلدون " و يتصرف متلون ف الاهل لما يكونو عم يقرأو هالكتب و عم يستفيدو و عم تتحسن شخصيتون هالشي رح ينعكس ايجابا على الولاد وعلى شخصيتون و هالشي أكيد بدون وقت و الوقت لسا ما فاتك ونشالله ما يفوت :136: |
ما علقت عليها لاني اقتنعت فيها ورح شوف كم واحد بيحكو بشخصية الانسان وكيفية بناءها وتعامله مع الناس اما كل كلامك على عيني وراسي بس بجد تكسير الراس ما اقتنعت فيها يعني القسوة هي الحل برأيك ؟؟ هيك ما رح نستفيد لانه رح يفرعن اكتر ويعند اكتر انا مقتنعة بكلامك وبالك ما بستعمل الضرب انا بستعمله بس برضو ما في نتيجة بيكبر راسو الولد وبتمسح مع الوقت وبصير متعود رايي انه الاب يهتم بالولاد والام تهتم بالبنات كل واحد حسب جنسه رح يطلع بالاخر |
يسعد مسآكِ رح بحكي معك حسب خبرةة لأن ابني تقريباً مر بحآلة متل اولاآدك حسيت عندوو حالة نفسية او توحد >> طبعاً هاد تحليلي اناآ كون الولد ما بحب يختلط بحد و بفضل الوحدةة لكن مآ سكتت عليه عَ طول توجهت لصحة نفسية رح خبرك اسمهآ بتقييم ملآك اللي بدوو متابعة هو انتي مش الأولآد ازا انتي نفسياً تحسنتي ’ رح يأثر على نفسية الأولاآد حسب الردود فهمت انك مدللتيهم و دام هالشغلة ما جابت نتيجة اهمليهم >> آل اهملهم تلآقيهم لكن بدك تنتبهي على طرق الإهمال و هالشي الطبيب او المرشد بخبرك فيهم معلش ملآك انتي عم بتخربي عبود اسلوبك معوو غلط الطفل من عمر الـ سنتين المفروض ينفصل عن اموو و اول شي ’ ينام بعيد عنهاآ لو صحي بالليل و اجاكي ’ رجعيه على فرشتوو صدقيني كل اللي صار مع ابني بسبب تعلقوو الزآيد فيني و الدلآل اللي هو فيوو ازا ابنك كسر و عصب ما تحكيلوو شي خدي نفس و احكيلوو انت احسن حد بنظري بحب شخصيتك و ناطرتك لتكبر انت سندي بهالحياةة كل شي فيك حلوو عدآ شغلة التكسير لكن انا واثقة انك رح بتبطلها عشآني و اتركيه و فلي من عندوو بس ما تصيحي او تحسسيه انك اتدايقتي اتركيه يكسر ’ الشغلة بدهاآ تضحية و البنت نفس الشي خبريهاآ انوو هي احلى وحدة و اقرب وحدةة لقلبك لكن فيآ عيب البكي اووو اللي هوو بلشي معهم بالإيجابيآت بعدهاآ السبيآت رح بنهي كلآمي بإنوو اسآس علآج اطفآلك تشيلي فكرةة انو انتي السبب |
انا ما رح علق عليكي ميناس كتير انا صح فيني غلط وما عم اعرف اتصرف لانه تربية الاطفال انبنت على اساس اكتر من عيلة احتضنوهم وهاد االي اثر على شخصيتهم كلمة من هون وتصرف من هون تشتتو كتير ومفكرة هاليومين اروح لمرشدة المدرسة لبنتي واحكيلها بلكي تساعدت معي لو بجزء بسيط لاني بصراحة تعبت كتير وما في طريقة عارفة اتعامل معهم لا بالقسوة ولا بالرخو مرات بضرب وبندم مرات بطنش بس التطنيش برضو بخرب الولد انشالله بتحسن وضعهم بس وضعي يتحسن بالاول لانه بجد اعصابي تلفانة |
| الساعة الآن 06:24 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.