|
هل تؤيد إضراب المعلمين في الضفة الغربية ؟ بسم الله الرحمن الرحيم في مشهد خرج القضاة يتظاهرون في ألمانيا مطالبين الدولة بمساواتهم مع المعلمين فخرجت إليهم رئيسة الوزراء قائلة "أنساويكم بمن علموكم " مشهد آخر سُئل رئيس وزراء اليابان عن سر تطور اليابان فأجاب " نحن نعطي المعلم راتب وزير وحصانة دبلوماسي وإجلال إمبراطور " بعد المقدمة البسيطة هل أنت مع إضراب المعلمين في الضفة ؟ برأيك ما نهاية هذا الإضراب ؟ برأيك من يتحمل مسؤلية هذا الإضراب ، السلطة الفلسطينية ، أم الطالب ؟ صدر قرار على إعتبار المدرسين المضربين مستنكفين وسيتم إستبدالهم ما تعليقك تؤيد أم ترفض ولماذا ؟ برأيك هل مسألة الإضراب تحولت إلى مسألة سياسية بمعنى أن بعض قيادات حركة حماس في غزة تدعو إلى إستمرار الإضراب لحصول المعلمين على حقوقهم وحكومة السلطة تدعو إلى إنهائه لأنه يعطل مسيرة التعليم ويدعو للفوضى ويخدم الإحتلال ما تعليقك ؟ برأيك لماذا لم ينتقل الإضراب إلى قطاع غزة ؟ |
بس بدي اسال السلطة. برام الله سؤال واحد ... قبل ست سنوات لما طلبت من معلمين غزة الأستنكاف ومش بس من المعلمين بل من جميع الوظائف حتى الدكاترة ... وقتها ما كانت اعاقةة للحياة بغزة !!! ع العموم انا مع الأضراب لانو حق المعلم ب فلسطين مهضوم ومع يضلوا الأضراب لحتى يتم قر قوانيين تحفظ حقوق المعلمين .. هتحكوا. الي مصلحة الطلاب .. هأحكي الك المعلم كيف راح يعطي وهو مسلوب الحقوق !!! نهايةة الأضراب يتم اعطاء المعلمين حقوقهم بالكامل مين بتحمل الأضراب ... أكتر شي الطالب لانو السلطةة مش فارق عند ابوها الشعب بخصوص أستبدال المعلمين ... ليش عباس لما طلب من معلمين غزة الأستكناف لم يقطع عنهم الراتب !!! وبده هلأ يقطعه عن ناس بتطالب بحقوقها .. بس بالأخير هاد تهديد اجوف للضغط عليهم للرجوع ... المسألة مش سياسية ابدا ابدا معلمين رام الله ما أضربوا لانو حماس ولا فتح ولا الجهاد حكوا الهم اضربوا هما اضربوا مشان حقوقهم ولما حماس دعمت القرار هاد موقف للحركة تجاه شي صار ... وعفوا اضراب المعلمين لفترة مشان حقوقهم بشو بيخدم اليهود !! ليش ما انتقل لغزة لانهم اصلا هيك هيك حقهم رايح من زمان واغلب معلمين غزة بياخدوا الراتب من حماس مش من السلطة يعني موظفين حماس مش رام الله فلو أضربوا مش راح يستفيدوا ، والي بقبض من رام الله مستنكف كل الشكر |
اكيد مع كرامةة المعلمم ولو انو النتائج جدا سلبيه وصارت المساله سياسيه بحته ! المعلمين حقهم يعيشو بكرامة والكل بيعرف انو رواتبهم ما بتكفيهم لتلبيه ادني حقوقهم لكن للاسف منظمة فتح اخدت الموضوع بشكل تاني وحاولت قمع المعلمين ورغم استقاله اتحاد المعلمين ع راسهم سحويل الا انو السلطة رفضت الاستقاله !! وبالنتيجة ما حدا ضايع بين الرجلين الا الطلبه وخاصة طلاب التوجيهي والمراحل الاساسيةة اما عن سؤﻻلك ليش ما انتقل الاضراب لغزة لانو حكومتكم منا فتح اولا وتانيا بتصور لانو المعلمين بغزة ما عندهم الجرأه ليعملو اضراب اسقطو التربيه وليكهم عم يسقطو التعليم ﻻ حول وﻻ قوة الا بالله يسلمو للطرح هل كان حبا ارق التحاايا |
هل أنت مع إضراب المعلمين في الضفة ؟ نعم لكن بشرط يمنع المعلم من اعطاء دروس خصوصيه خارج المدرسه بهدف الكسب المادي لان كتير معلمين ما بعطو الطالب حقه وبعتمدو للخاص لزياده الراتب في معاهد ومراكز خاصه لزياده فهم الطلاب وانت اعلم اخي برأيك ما نهاية هذا الإضراب ؟ الانصياع لمطالب المعلمين برأيك من يتحمل مسؤلية هذا الإضراب ، السلطة الفلسطينية ، أم الطالب ؟ السلطه الفلسطينيه صدر قرار على إعتبار المدرسين المضربين مستنكفين وسيتم إستبدالهم ما تعليقك تؤيد أم ترفض ولماذا ؟ طبعا ارفض المعلم المتمرس ما بتعوض بمعلم جديد خاصه الخبره برأيك هل مسألة الإضراب تحولت إلى مسألة سياسية بمعنى أن بعض قيادات حركة حماس في غزة تدعو إلى إستمرار الإضراب لحصول المعلمين على حقوقهم وحكومة السلطة تدعو إلى إنهائه لأنه يعطل مسيرة التعليم ويدعو للفوضى ويخدم الإحتلال ما تعليقك ؟ شو دخل حماس بالموضوع الاضراب بدا بالضفه ولو انتقل لغزه بكون من اجل المساواه برأيك لماذا لم ينتقل الإضراب إلى قطاع غزة ؟ ما عندي علم بالحاله في غزه عشان احكم مشكور اخي للنقاش في النهايه يجب انصاف الموضفين جميعهم في كافه الوزارات |
الاضراب مع وضد بنفس الوقت مع لانه المعلم راتبه قليل بالنسبة لوظيفته كمعلم خاصة للي بدرس بمنطقة غير منطقته يعني بالله لما استاذ ياخد الفين وشوي تقريبا ويروح منها للمواصلات يوميا مهو هيك ما رح يعطي حق الطلاب كامل بالتعليم غصبن عن ابو ابوه رح يشلفق المادة وما يعطيهم حقهم لانه الطفر هو السبب ضد لانه الطلاب ضاعو هون واللي تأثرو اكتر اولاد الصف الاول لانهم تأسيس وطلاب التوجيهي اخوي طالب توجيهي وشاطر ومن هلأ مكتئب وبيحكيلنا مبارح مش رح أقدم التوجيهي عالسنة الجديدة لانه رح يأثر عالتسجيل الجامعي بالوقت تخيل انه لازم يكون قاطعين اغلب المادة بهالوقت عم بورجينا مو ماخدين من المادة شي بأي حق تضيع سنة كاملة من هدولا الطلال بالله انا ما بعرف كيف رواتبكو بغزة لحتى اعرف من حقهم يضربو او لا الحمد لله ولادي بمدارس الوكالة وكا اضربو لكان كانت مصيبة الله يكون بعون الجميع حياتهم والله بتقطع القلب الحق عالسلطة بدل ما هي بتاخد مصاري تعطي شوي من هالمعلمين مش رح ينقص من ميزانيتها اللي هي مش شايفين منها اشي يعطوهم حقهم برضو |
هل أنت مع إضراب المعلمين في الضفة ؟ نعم انا مع اضراب المعلمين برأيك ما نهاية هذا الإضراب ؟ اكيد المعلمين رايحين يوخذو حقوقهم في الاخر برأيك من يتحمل مسؤلية هذا الإضراب ، السلطة الفلسطينية ، أم الطالب ؟ اكيد السلطة صدر قرار على إعتبار المدرسين المضربين مستنكفين وسيتم إستبدالهم ما تعليقك تؤيد أم ترفض ولماذا ؟ شو بدهم يستبدو كل المعلمين هاد من نوع المستحيل يعني السلطة بتفتح على حالها ابواب جهنم برأيك هل مسألة الإضراب تحولت إلى مسألة سياسية بمعنى أن بعض قيادات حركة حماس في غزة تدعو إلى إستمرار الإضراب لحصول المعلمين على حقوقهم وحكومة السلطة تدعو إلى إنهائه لأنه يعطل مسيرة التعليم ويدعو للفوضى ويخدم الإحتلال ما تعليقك ؟ نعم صار مسالة سياسية وصارتت تصفية حسابات يعني باختصار صار مثل شغل المافيات والضرر برجع على الطالب والمعلم بعض قيادات حماس تدعو الى استمرار الاضراب لما هم بدهم مصلحة المعلمين ليش ما ترفع راتب المعلم بغزة ولا حماس صارت تصطاد بالماء العكر برأيك لماذا لم ينتقل الإضراب إلى قطاع غزة ؟ يعني اذا انتقل الاضراب الى غزة شو برئيك حكومة حماس بدها تعمل فيهم استبدال على طول واكيد راحة تروح حقوقهم عند الحكومة مشكور احمد على النقاش |
كلنا مع مطالب المعلمين ما في حدا بنكرهااا بس انا شايف انه الاضراب انتقل من حالة مطالب مستحقة الى مطالب مسيسة في ناس بدها بلبلة بهالموضوع والدليل اطلاق النار معلم مضرب و معلم اخر اوقف اضرابه كان املي انه الاضراب يتم بطريقه بعيده عن مستقبل الطلاب وتعليمه وبعيدا عن اي حدا يلتقط الفرصة ويسبب فتنة بين جميع الاطراف لا نسمح لا للصهاينة ولا غير الصهاينة انه يدخل بهيك موضوع وان شاء الله تنحل وياخد كل معلم حقه في مبادرة اطلاقها الاسرى واعطى فرصة لمدة شهر لاي اضراب وتحل الحكومة المطالب مع المعلمين الكل وافق عليها اي حدا ما وافق عليها بعتبروا مسيس ووجب عقابه تحياتي لك اخي احمد |
اناآ كنت مع اضرآب المعلمين كونو هالشي من حقهم و امور الحيآةة صعبة ووو بدهم زيآدةة بالروآتب لكن اللي اتضح لياآ انوو عدد ايآم العطل اكتر من ايآم الدرآسة و الروآتب مآشية ’ هآي نقطة نقطة تآنية لشوو بطالبوو بحقوقهم و هم مركنين على الدروس الخصوصي و مش بأدوو وآجبهم بالتعليم كآمل ’ طبعاً مآ بعمم المعلمين لجأوو لطريقة سلبية و جداً للمطآلبة بحقوقهم و استخدموو الطلاآب كَ سلاآح او نقطة ضعف عند الحكومة و نسيوو ان السلطة مآ بخآفوو الله و و مآ بيهتموو للطلاآب عَ طول بنحكي ان المعلم بأسس اجيآل و انو لآزم يآخد رآتب متل الوزير و أكتر لكن لووو كآن بيستحق هآد الرآتب و اللي احنآ فيوو هآد اكبر دليل على انو المعلم مآ بفتش على مصلحة الطلآب على قد مصلحتوو الحكومة من الــ 2013 و هي بتقول المعلم اللي بعمل اضراب رح نستبدلوو و كلوو شغل حكي حآلياً كل معلم بمثل حآلوو لو انهم يعملوو انتخآبآت جديدةة و يشكلوو لجنة او شخصية تحكي بإسم الكل لكآن صآرت الأمور اهون بعدين الحكومة من ايآم بدأت تتنآزل و تعطي شوي من حقوق المعلم لششو يكملوو اضرآب اكيد سمعتوو بالمعلمة اللي قررت تعلق الإضرآب و ان في مجهول رش عليهآ مية فلفل ! سمعت اخبآر انوو استآذ اللي عمل هيك معقول لهون وصل فيناآ الإضرآب لآ حكومة سآئلة و لاآ معلمين متنآزلين و ضيعوو سنة على الطلاآب حسبي الله و نعم الوكيل بعتذر على الإطآلة شكراًَ |
تعقيبي بسيط على دروس الخصوصي طبعا هالدروس في منها مقابل ادفع اكتر بندرس اكتر المدرسة ما عم تعطي اكتر لهيك عم بمشي المادة هيك اما الدروس الخاصة ماخد مقابلها حقو بالكامل وبيعطي المادة بقلب ورب اعطيهم اكتر ولمصلحتهم طبعا حيدرسو منيح |
اكتر الطبقات العاملة اهمالا من قبل الانظمة "العربية" هي طبقة المعلمين .. التربية معدلاتها هي اضعف معدلات . و الكل بيقدر يفوتها والي ما عنده امل بأي تخصص بيفوت تربية . من هنا اجت نظرة المجتمع و الاغلب انه المعلم مش بهالشيء القيم . لهيك حتلاقي معاش المعلم و دخل المادي هوا الاضعف والاقل بالمجتمع العربي ككل مع انه المعلم هوا الركيزة الاولى لنهضة المجتمع و سقوطه و اهمال هيك فئة هوا "انتحار" مباشر للنظام الحاكم . المعلم هوا زارع الافكار و منشئ الشخصيات بانواعها في المجتمع . بيستحق الراتب العالي الي يخليه يعيش حياة كريمة . بالنسبة للاعتصام انا مع الاضراب والاعتصام لحتى تتحقق المطالب . بس .! الاضراب الي بنشوفو اليوم هوا اضراب "مسيس" و بدأ ياخد طابع ومنحدر خطير جدا . بانه الامر انقلب "حماس و فتح" و هادا حيخلي الامر ينقلب على غير المطلوب بالنسبة للمعلمين . لهيك حتلاقي كمية من المعلمين بدأت تنسحب من الاضراب لانه بدأ الوضع ينقلب بشكل سياسي بحته .. و برأيي انا ان كان بده يستمر الاضرب ف يستمر بشكل ما يضر الطالب كمان . لانه الطالب متضرر رئيسي بهادا الموضوع . و برأيي انه مين بده يكمل الاعتصام و الاضراب يكون ضمن نقابة او مجموعة لها رئيس واحد يكون متحدث عن المعلمين جميعا عشان ما يوقعو بفخ السياسة .. |
| الساعة الآن 02:47 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.