|
الحَكّمْ >> مع ★ ملكَ روحيْ ★ الحَكّمْ >> مع ★ ملكَ روحيْ ★ نكَمل برناآمجنآ مع ضيف جديد >>> هاآدي المسآحةة لإلي وللعضوة || شآن نتعرف ع حيآتو ★ ضيفتي الجديدة صاآحبةة الحضور المميز والأنيق << ملك روحي >>★ ، ’ |
:43: انصدمت ملاذ ههه مبسوطة انك اخترتيتي ضيفتكك والله بس بتسلم عليكي مرت ابوي وبتحكيلك شوي شوي عليها :138: بجد موضوع حلوو والاحلى اسئلتكك انشالله اكون ضيفةة خفيفة ومو تئيله دم :38: يسعد مساككي |
اختيار رائع لملك مشكوره كثير ملاذ كل الود لالك |
اختيار رائع للاسمى من العضوات يلي بحبهم وحضورها حلو كتير وملفت عوافي بيسان على موضوعك الحلو |
يسلمو مؤمن / لونلي نورتو وتابعوني :138: |
وأناآ مبسوطةة بتوآجدك أكتر بدآيةً أهلاً وسهلاً بيكـي >> كيفكـ إإن شاآء الله بخير ،، منورناآ :58: نبلش ب الأسئلةة .. *ملك روحي >> إسمك حلو مين هوة ملك روحك ؟؟ *ملك روحي >> قديش عمرك ؟؟ *ملك روحي >> ما اكثر ما يحزنك في ذاتك واكثر ما يفرحك فيها ؟ ؟؟ * ملك روحي>> في هون أعضاء بصفوك بالمغرور شو رأيك ؟؟ *أهم نقطةة بحيآت ملك روحي ؟؟ بكتفي بهدول هلأ نآطرينكـ >> |
اختيار جميل لملك روحي وشكرا الملاذ الاخير على هل موضوع رائع كروعتك |
كتير بحبه هالموضوع الاسئلة دايما متنوعة وحلوة ومتجددة ومو مكررة يعطيكي 1000 عافية (الملاذ الأخير) واستضافة اكثر من رائعة لصاحبة الحضور الجميل والمميز الغالية(ملك روحــــــــي) متابعـــــــــــــــــة |
بدآيةً أهلاً وسهلاً بيكـي >> وفيككي حبيبتي يسعدككك كيفكـ إإن شاآء الله بخير ،، الحمدلله كتير منيحةة وانتي كيفكك ؟؟ منورناآ :58: بنوركك ^^ نبلش ب الأسئلةة .. ok *ملك روحي >> إسمك حلو مين هوة ملك روحك ؟؟ عيونك الاحلى انا حكيت ئبل هيكك نكي ما ارتبط بحد معين وهو نكي بكل مواقعي الالكترونيه لدرجة انو اتعودت عليه وما بعرف اغيرو وهو جمله من مقطع اغنيه لميادة الحناوي " انا بعشئكك " *ملك روحي >> قديش عمرك ؟؟ 22 سنةة *ملك روحي >> ما اكثر ما يحزنك في ذاتك واكثر ما يفرحك فيها ؟ ؟؟ اكتر ما يحزنني هو احساسي بالوحدة وافتقاد ناس كتير غاليين ع ئلبي ^^ واكتر ما بفرحني انو ع طول متفائلةة وع طول بحكي بكرة اجمل ان شاء الله وعايشه ع هالامل ههه * ملك روحي>> في هون أعضاء بصفوك بالمغرور شو رأيك ؟؟ ابدا وﻻ بعمري كنت مغرورة ﻻ هون وﻻ واقع وع شو بدي انغر ﻻ سمح الله !! انسانه عاديةة وبظروف عاديه ^^ *أهم نقطةة بحيآت ملك روحي ؟؟ اهلي وخاصة اخوي الي اكبر مني وخواتي الي يسعدهم ويخليهم لالي ^^ بكتفي بهدول هلأ نآطرينكـ >> وانا كمان ناطرتك ^^ |
حيرتني / غاردينيا يسعدكم ربي انرتم ^^ |
حبيت أجأآبآتكـ العمر كله يآرب نكمل >> *بتدرسي ولآ خلصتي تعليم ؟؟ *عضو هون بتتجنبيه كتير ملك روحي ؟؟ *من منتدى بنات فلسطين حدن نفسك تلتقي فيه ؟؟ *ملك روحي فموضوع خلف الكواليس في أعضاء بحطوكي بمكان مش مناسب شو رأيك وشعورك ؟؟ *ما هى نقطه ضعفك ومفتاح شخصيتك ؟؟ * عآدة مش حلوة ب ملك روحي ونفسها تتركها شو هية ؟؟ |
نكمل >> اوكك *بتدرسي ولآ خلصتي تعليم ؟؟ لسه بس مو ملتزمة لظروف *عضو هون بتتجنبيه كتير ملك روحي ؟؟ كان حدا وهلا ﻻء ومعلش اعزريني ما راح احكي اسمو *من منتدى بنات فلسطين حدن نفسك تلتقي فيه ؟؟ اكيد كتير اعضاء ام الامير / غاردينيا / بارو / مؤمن / لونلي / مهاا / كتار هههه *ملك روحي فموضوع خلف الكواليس في أعضاء بحطوكي بمكان مش مناسب شو رأيك وشعورك ؟؟ وﻻ مرة صدفت بالعكس ع طول موجودة بمكان ببسطني حتى بفوت ادور ع سلبيه لالي يحكوها وما بلائي *ما هى نقطه ضعفك ومفتاح شخصيتك ؟؟ نقطة ضعفي /طيبتي وتعلقي السريع بالناس ومفتاح شخصيتي ما بعرف ههههه * عآدة مش حلوة ب ملك روحي ونفسها تتركها شو هية ؟؟ التسرع والعصبيه والشك ^^ |
استضافه حلوه لملك اختيار حلوالملاذ متابعه معكم |
حلو تفعيلك للموضوع من تآني الملآذ واختيآر رآئع للمميزة ملك روحي متآبعة بصمت مارآح أوصيكِ فيهآ ملاذ ع قد ماربنا يعطيكِ اسلخي جلدها :138: |
آختياار جمييل ل حبيبتي ملكك .. هككون متابعةة آن شاء الله يعطيكك العافيةة الملآاذ ، |
ياسمين / بارو /:حنين يسعدكم صبايا نورتو ^^ |
صبآحو ملك روحي :58: نكمل >> * لما سألتك بتدرسي حكتيلي مو ملتزمة لظروف ؟! لأي مرحلة تعليمية موصلة ؟ * كل الناس بتسأل لما بتزعلى بتعملى ايه انا هسألك لما بتكونى فرحانة بتعملى ايه ؟؟ *أي قرار تتخذينه بحياتك تحكمين عقلك ولاقلبك وإيهما أسبق في التحكيم ؟؟ * ذكرى جميله محفوره بقلب ملك روحي ؟ *لو اتقدملك شخص بالمستقبل من خارج فلسطين ! بتوافقي ؟ *ذنبان لا تغفرهم ملك روحي لأي كان ؟؟ *ما هو الشئ الذي يضايقك اذا رأيتيه أو سمعتيه وتتمني أن تكون لك القدرة على تغيره؟ *عندك الجراآة تحكيلناآ سلبياآتك . طبعا كل حدا عندو سلبياآت ؟ |
صبآحو ملك روحي :58: وصباحكك ورد وياسمين ^^ نكمل >> يلااااا * لما سألتك بتدرسي حكتيلي مو ملتزمة لظروف ؟! لأي مرحلة تعليمية موصلة ؟ انا هلا سنة تالته صحافة واعلام وانشالله راح كمل بس انو هالسنة كانت مليئة بالاحداث الي بتوجع هه * كل الناس بتسأل لما بتزعلى بتعملى ايه انا هسألك لما بتكونى فرحانة بتعملى ايه ؟؟ كلشي بتتوقعيه ممكن غني وارئص وادبكك واطلع بكون بقمة حيويتي ونشاطي ^^ *أي قرار تتخذينه بحياتك تحكمين عقلك ولاقلبك وإيهما أسبق في التحكيم ؟؟ للاسف انا من النوع العاكفي وقلبي متحكم فيا لهيكك بعتبر اخطائي كتير وقراراتي مش دائما صائبه خاصة انو متسرعه * ذكرى جميله محفوره بقلب ملك روحي ؟ ما اكثرهم ذكريااتي وخاصة عيد ميلادي الاخير الي عملتو وكان عمري وئتها 16 سنه كانو اهلي عاملينلي ياها مفااجئه وامي كانت لسة عايشة بتزكر يومها جاني هدايا بلاوي ههه ورئصنا وغنينا وكمان بتزمر نتائج التوجيهي لانو كنت يومها ببكي ومو متوقعه انجح بس نجحت بمعدل حلوو وكمان منحة من التربيه باضافة 5 علامات ع معدلي العام فكانت فرحةة كبيرة *لو اتقدملك شخص بالمستقبل من خارج فلسطين ! بتوافقي ؟ ممكن / هالشي بيرجع للئسمة والنصيب اهم شروطي للزواج اكون احبو لشريكي واي شي تاني ممكن اتعايش معو واعدلو لو ئدرت *ذنبان لا تغفرهم ملك روحي لأي كان ؟؟ بصراحة ما في ربنا اعطاني من المسامحةة الكتير والحمدلله وكمان انا بنسى بس غالبا بتدايئ انو حدا اكون حاطة عليه امل كبير ويخذلني ويكسر ثقتي وكمان انو حدا بحبو يتحاهلني بتوجعني لدرجة انو بضطر اتجاهلوو وانا ما بدي هيكك *ما هو الشئ الذي يضايقك اذا رأيتيه أو سمعتيه وتتمني أن تكون لك القدرة على تغيره؟ كتير اشياء بواقعنا احنا شعب مكسور وظروفنا السياسيه وسياسة حكومتنا عملت عنا حاله من الياس شوفي انتي بغزة وبالضفة غير الاحتلال والحواجز عندكم حكومة حماس وعنا حكومة فتح وكلاهما يستاهلو الشطب بتمنى لو بيوم كشعب فلسطيني نكون شعب حر وعايش نتمتع بادنى حقوقنا وبلا حواجز وبلا عدوانيه من حكوماتنا *عندك الجراآة تحكيلناآ سلبياآتك . طبعا كل حدا عندو سلبياآت ؟ حكيتلك ئبل وانا بعترف بسلبياتي عصبيه / متسرعه / شكاكة يمكن لحوحة بالشي الي بيخصني احيانا بتصرف بعفوية شديدة وبتعلق بالناس بشكل كبير كل هالشغلات مع بعض بصراحة وضعوني بمواقف جدا سيئه حلوين اسئلتكك الملاذ يسعد صباحكم مرة تانيه |
اجابات حلوة وصريحة من اسمى متابعة اكيد يعطيكي العافية بيسان اهريها اسئلة لتشبعي |
الله يوفقكـَ بعتت ل أشخاص يحكوآ سلبيآت أو إنتقآدىت ملك روحي :52: وأزا حابين يسألوكي إشي ! المخفي << 1 >> ملووكهُ ماعليهاُ ايُ سلبيتاُتُ نشيطةُ وذووقُ بتعاملهاُ انا بحترمها كثير بسالهآ سؤالُ المنتدىُ شوُ بيعنيلكُ ؟ |
المخفي << 2 >> سلبياتهه رمزياتها مش دايما بحسها بتكون لابئتلهاا انهه بتعصبب بسرعةة بحسها امنيتكك الوحيدة ؟؟ |
المخفي << 3 >> ابدا هالبنت ما الها سلبيات كتير ههههه السلبيه الوحيدهممك ن انها متسرعه بتوخد القرار بسرعه وبعد ما توخدوب تفكر. ههههه لكنها زكيه كتير ولا في اروع من هالبنت سؤال انو امتى راح شوفك انا ههههههه __________________ |
حبيبتي الملاك يسعدكك مبسوطة انك هون ﻻ ما راح تهريني الملاذ ههههههه |
مين هدول المخفيين هههههههه راجعةةة بس لافطر وراجعة اشوف اسئلتكم ^^ |
هههـ أوكي أفطري نآطرينكَ :80: المخفي << 4 >> ملك روحي رح اسئلها كم سؤال بتمنى تجاوب بصراحة شديدة كان عندك خلاف بينك وبين ريما غزة اديه ضليتو مختلفين وشو السبب وكيف هلأ علافتكم مع بعض؟؟ بتكرهي حد هون وليش ؟؟ عمرك حكيت ع حد هون وانتي مو متأكدة من حكيك عليه ؟؟ |
المخفي << 1 >> ولكم مخفي منور ^^ ملووكهُ ماعليهاُ ايُ سلبيتاُتُ نشيطةُ وذووقُ بتعاملهاُ انا بحترمها كثير هاد من زوئك وربي انبسطت لرايكك ^^ بسالهآ سؤالُ المنتدىُ شوُ بيعنيلكُ ؟
مشكور كمان مرة مخفي ورداتي لالككك |
المخفي << 2 >> ولكم مخفي 2 سلبياتهه رمزياتها مش دايما بحسها بتكون لابئتلهاا انهه بتعصبب بسرعةة بحسها بالنسبه للرمزيات والله ممكن معئ حئ ههه وكمان ل عصبيتي فعلا انا حكيت هاد عيبي امنيتكك الوحيدة ؟؟ اخ ما اكتر امنياتي ههههه حاليا اسافر ^^ يسلمو مخفي |
المخفي << 3 >> ولكم مخفي 3 ابدا هالبنت ما الها سلبيات كتير ههههه السلبيه الوحيدهممك ن انها متسرعه بتوخد القرار بسرعه وبعد ما توخدوب تفكر. ههههه لكنها زكيه كتير مزبوط كلامك ههههههههه ولا في اروع من هالبنت حبيبتي من بعدك والله سؤال انو امتى راح شوفك انا ههههههه ايمتا ما بدك انا موجودة ههههه نورتي عسؤؤلةة^^ |
المخفي << 4 >> ولكم مخفي 4 ملك روحي رح اسئلها كم سؤال بتمنى تجاوب بصراحة شديدة ان شاء الله راح حاول ^^ كان عندك خلاف بينك وبين ريما غزة اديه ضليتو مختلفين وشو السبب مزبوط كلامك وفعلا الخلاف استمر لفترة بس السبب ما فيني احكيه لانو هااشي ما بيخصني لحالي وبخصها هي كمان لهيك راح احترم خصوصياتها بس طالما انتهى الخلاف فالافضل انو ما نفتح هالسيرة وكيف هلأ علافتكم مع بعض؟؟ منيحة اكيد بتكرهي حد هون وليش ؟؟ ﻻ والله ابدا عمرك حكيت ع حد هون وانتي مو متأكدة من حكيك عليه ؟؟ انا مني ملاككك واكيد هالشي صار راح احكيلك بصراحة انا باول فوتي للمنتدى ضفت ناس عندي من المنتدى ع الفيس وصار حكي وصارت توصلني ئصص وروايات لدرجة اجاني وجع راس وكمان عملتلي مشاكل لهيك اخدت قرار انو علاقتي بالاعضاء ما راح تتعدى المنتدى لريح راسي اولا ولحتى ما اسمع فلان حكى وفلان عمل يسلمو مخفي لوجودك |
استضافة حلوة لملوكة يعطيكي العافية الملاذ الاخير متابعة معكم |
المخفي ملوكه ما بشوفلها سلبيات البعض حكى عصبيه ومتسرعه بس انا معرفتي فيها من بعيد لهيك صعب احكم عليها بس حابه احكيلها اني بحبها وبحسها بتشبهني سؤال اتخذتي قرار وندمتي ونفسك تتراجعي عنه بس مش قادره؟ |
المخفي || بس انا زمان حكيت معها يعني شخص مو قريب منها بس لي بعرفو بتحب تظاهر للجميع فيكي تساليها عن مرت ابوها كيف هي معها |
مشكورة ريما للمتابعة يسعد صباحكك |
المخفي ولكم مخفي منور ^^ ملوكه ما بشوفلها سلبيات البعض حكى عصبيه ومتسرعه بس انا معرفتي فيها من بعيد لهيك صعب احكم عليها بس حابه احكيلها اني بحبها وبحسها بتشبهني حبيبتي يسعدكك هالشي بيشرفني وربي و انا كمان بحبكك سؤال اتخذتي قرار وندمتي ونفسك تتراجعي عنه بس مش قادره؟ اي للاسف مو ندمت ع القرار بحد زاتو ئد ندمي انو تركت حدا بموقف ما يقرر عني وهالشي لانو كنت ضعيفةة وئتها يسلمو مخفي ورداتي ^^ |
المخفي || ولكم مخفي ^^ بس انا زمان حكيت معها يعني شخص مو قريب منها بس لي بعرفو بتحب تظاهر للجميع فيكي تساليها عن مرت ابوها كيف هي معها ما فهمت سؤالك كيف اظاهر الجميع !! وشو دخل مرت ابوي باسئلةة المنتدى !! ممكن توضيح اكتر للسؤال ملاذ لاعرف ارد |
اسئلة واجابات رائعة مُتابع |
يسلمو ارستقراطي شكرا لمتابعتكك :8: |
المخفي >> اذا احببتي شخصا في الوقت الخطأ وفي المكان الخطأ فماذا تفعلين ؟؟ هل انتي ممن لديهم رغبة حب التملك هل تعترفي بشيء اسمه الصداقه بين الرجل والمرأة من هو اكثر شخص تفكرين فيه من يسكن قلبك أتحتاجين دائماً إلى مظاهر خارجية من العطف و الحب ًأتهتمين كثيراً باراء الآخرين كم علبة مكياج بالشهر بتشتري ولمن بتطلعي على شي مشوار بتتمكيجي وشو نوعية لبسك |
اقتباس:
وأنا مش فآهمةة ي ملك :63: |
المخفي >> ولككم مخفي ^^ اذا احببتي شخصا في الوقت الخطأ وفي المكان الخطأ فماذا تفعلين ؟؟ لو هالشي صدف مو انا الي بعمل العلاقة بحد زاتها راح تكون غلط واي شي مبني ع غلط ضروري يفشل سواء بسببي او بسبب الطرف الاخر والقرار الاصح بهيك وضع ما يستمر هالغلط ^^ هل انتي ممن لديهم رغبة حب التملك اكيد / ومين ما عندو هالفطرة !! والتملك نوع من انواع الطموح لكن التملك ﻻ يقبل اي شي فانا بحب امتلك سيارة جديدة متلا وبعد سنه بطمح انو اجدد بس ما فيني امتلك شخص بحبو واطمح لتغيرو بعد فترة ههه هل تعترفي بشيء اسمه الصداقه بين الرجل والمرأة صداقة بمعنى صداقة ﻻا طبعا لكن زماله / قرابه / ممكن من هو اكثر شخص تفكرين فيه هو الشخص الي بفكر فيا ههههه من يسكن قلبك من اسكن قلبه :96: أتحتاجين دائماً إلى مظاهر خارجية من العطف و الحب كيف يعني ؟ كلنا بحاجة للعطف والحنان وانا طبعا ع طول بحاجة لهيك احساس ^^ ًأتهتمين كثيراً باراء الآخرين حسب " الآخرين " كم علبة مكياج بالشهر بتشتري ولمن بتطلعي على شي مشوار بتتمكيجي وشو نوعية لبسك الموضوع مو كم علبه مكياج الي بينئص علي بشتريه انا بالعادة ما بستغني عن اساسياات الميكك اب الكحله / الميسكارة / الكريماات / العطور / نوعيه لبسي سبور غالبا بجينزات وابوات رياضة يسلمو مخفي للاسئله ^^ |
| الساعة الآن 09:35 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.