|
الأترمان <من أدخله ومن ضحيته ؟ السلام عليكم بناء على طلب اخونا قتيل الدموع بموضوع العضو المدلل<قضيه بالمجتمع للنقاش فيها بقلمي اخترت لكم اكتر قضيه مزعجه بصدق وهي: ""الأترمان,ترمادول"" بسم الله الرحمن الرحيم هي من فتحت له المجال بالدخول هي من اشترته بالرخيص وباعته بأغلى الأثمان هي من نوت لتدمير شبابها هي من نوت لتدمير أسر عديده هي من ربحت ألاف الدولارات وخسرت ألاف البشر هي من أجادت الألاعيب المكشوفه هو من قام بتقديم يد المساعد على جلب السموم له ولغيره هو من اشتراه بالغالي ليدمر جسده وماله واخلاقه هو من نوى ليخسر وجوده بالمجتمع الطاهر هو من خسر كرامته وسمعته هل مصائب الدنيا وأعبائها تقع فوق رأسك وكتفيك؟1 هل أوجاع الدنيا تستوطن جسدك؟! هل الأترمان شافي ؟! ام أنه عاده سيئه وتقليد أعمى أم أنه حب للتجربه مثل صاحبي وابن عمي؟وبدايه للتعلق به شيئاً فشيئاً ماذا يفيدك اخي؟ طبعا لن يفيدك شئ سوى قلة الاحترام من الجميع قريب كان أم بعيد كثرة الأترمان بالقطاع لماذا ؟ ولمصلحة من؟ قضيه للنقاش الأترمان والشباب الغزي المجال مفتوح للجميع ارجو من الجميع ابداء رأيه بكل صدق تحيتي |
الضحية المواطن زات الارضية خصبة لهازي المواضيع او الجاهل اما من ادخلة لا ذكر اسماء اعرف لحالك ماذا اقصد قبل 2006 مكان واحد يعرف الاترمان الا بالرشتة من الصيدلية والان منتشر في كل مكان والهدف الهاء الناس فيه عما يحدس في غزة |
طبعا معروف مين دخله عالقطاع طبعا حكومة غزة ايوااا بالضبط مكنش الواحد يعرفه الا بالصيدليه لوجع الراس المزمن الصداع النصفي للي مركب بلاتين برجله او ايده علشان الوجع الكتير<كمسكن قوي اما هلقيت ما شاء الله لما نشوف واحد متلوه وريالته نازله بنعرف انه مترمن <عنجد بحكي في بيشربوه لحد الموت وبينزل الزبد من تمهم ليش مش عارفه ايش ضايعلهم والله كلامك صح إلهاء الناس عن اللي بيصير بغزة انسا يا شعب قلة الوظايف والقتل والخنقه ودوق طعم الاترمان ربي يبعده عنك وعن الجميع تحيتي |
بداية نقاش رائع ويحاكي واقع المجتمع الغزي وحتى تنهي وجود ظاهرة في مجتمع ما عليك أن تنهى وجود المصدر أو المسبب الأترمادول لم نعرفه إلا في عهد الأنفاق أنا شخصياً لم أسمع عن كلمة ترمادول إلا من سنوات قليلة مع تزامن ظهور الأنفاق وجميعنا يعلم أن لا شئ يدخل من الانفاق إلا يكون مراقب وعلى علم من الحكومة بغزة إبرة خياطة لا يمكنها الدخول إلا بعلم من الحكومة ومن المعروف ان الترمادول يدخل من الأنفاق ثم يُورد إلى تجار الجملة والمفرق من المشبوهين الذين يعملون مع الحكومة في غزة طبعاً الآلية تكون كالتالي يتم بيع الترمادول للشباب الغافلين والأمر يكون يكون عبارة عن تسليم الحكومة تقبض على الشراء وحتى يخرج لابد من وجود شرطين الأول : تقوم بتسليم شخص أخر الثاني : تدفع مبلغ وقدره من المال ومن شخص إلى شخص من تسليم إلى تسليم وهكذا يُبنى إقتصاد الحكومة في غزة ولا حول ولا قوة إلا بالله |
يا سلاااام تحليل منطقي ورائع <بصراحه مش حقدر اضيف عليه اشي حسبي الله عليها تدمير للشباب بكافه الاتجاهات ضيق مادي ونفسي ترامادول قلة وظائف قتل بكلا الحالتين (منهم ومن اسرائيل)<بالحالتين بسببهم وبالنهايه حكومه منتخبه ووقع الفاس بالراس والضحيه الأهالي والشباب الغافل والمغفل وزي ما قال ابو ياسين واخونا احمد انه من 2006 انتشر بصورة غريبه جدا جدا جدا الله يبعده عن جميع الاسر ويهدي الجميع |
بصراحة وحتى نكون واقعين ولا نلقى اللوم على طرف بعينه الموضوع شائك وله جوانب عديدة ولا يمكن ان ننظر للموضوع من مرآة أنفسنا وحسب انتمائتنا الشخصية انا لا أتحدث هنا دفاعاً عن أحد ولا ألقى التهم على طرف دون الطرف الأخر لو نظرنا للموضوع من منظور أخر ومن زاوية أخرى فنجد ان المسؤل المباشر هم الأهل بالدرجة الأولى ودورهم في تربية ابنائهم والإهتمام بهم ومراقبة امورهم بعيداً عن الاترمادول ومن ادخله ومن كان سبباً في ذلك إن ضعف الوازع الديني والانحطاطالأخلاقي والتربية السيئة لدي الكثير من شبابنا ضهيفة جداً وتكاد تكون معدومة على سبيل المثال انا ارى الاترمادول كثيراً ولكن لا أتناوله لمعرفتي التامة بانه لن يفيديني ولن يسلب لي سوى مزيداً من التعب والألم والإدمان ولو لم يكن الأترمادول موجوداً من ذي قبل لرأئينا الشباب انحرغوا لشيء اخر غيره كالحشيش والدعارة وامور كثيرة منتشرة ايضاً ونسمع عنها في وقتنا الحالي كثيراً القصة ليست كما يتصور البعض وليست تصفية حسابات ولا يكمن زج التهم على طرف دون الأخر لا ادافع عن الحكومة ولا ولا انتمى لفصيل معين ولكني اتحدث عما اراه بعيني وعما يمليه علي ضميري ويتفق معه عقلي أعلم أن الاوضاع في غزة صعبة جداً والحياة قاسية للغاية والبطالة منتشرة والناس ضاق بهم الحال من قلة العمل وازدياد المسؤليات الواقعة عليهم ولكن لا أجد مبرراً لأن يأتي احد من الشباب كما اسمع اليوم ويقول لي اريد ان انسى واقعي الذي اعيشه وكأن الاترمادول هو الشفاء الوحيد للهموم والضعوط وقلة العمل المنتشرة في البلاد ولي عودة من جديد |
للمعلوميه فقط ان الاترمان يصنع بالجامعه الاسلاميه حالياًً وكمان شغله انه واحد كبير من حماس بيتاجر فيه الناس بتشتري منه وبيكون الكمبين جاهز اله على اخر الطرق(راس الشارع) وطبعا بعد ما يشتري بينمسك فبترجع البضاعه للكبير بحماس وببيعها تاني وهادي احلى اليه لحتى تكبر حماس <زي ما قال اخونا هل كان حبا حتى ان بعض عناصر الشرطه بيمسكو اشخاص ببيعو الاترمان بيدفعوهم كفاله وكله بيروج بالجيبه الخاصه بدون علم مركزهم شكرا |
اقتباس:
اول اشي بتشكر وجودك ونظرتك الجميله للموضوع بس هلقيت انت عندك اراده وعزيمه انك تشوف الاترمان ومتاخدوش ..لان نظرتك اله نظره انه شغله تافهه وراح يفسد اخلاقي ويشوه سمعتي وكرامتي نظرتك بهيك حتكون الف ألف بالنسبه انه ما نرمي التهم على طرف وننسى طرف بانه حكومة غزة هي السبب (انا بصراحه بعرفش انتا غزاوي ولا ضفاوي 9علشان تعرف ايش بأقول هلقيت بانه الاترمان معرفناهوش غير بـ2006 وانتشر بصورة غريبه وعجيبه وفظيعه اصبح في متناول الجميع الصغير قبل الكبير من الاخير<صار ملبس او حلوى رخيصه الثمن بالاول كان بالصيدليات فقط لا غير وبيتم صرفه حسب روشتة العلاج اما هلقيت ياسلاااام ,,,مع الكل بالنسبه لكلامك ان الاهل وتربيتهم <معااااااك كل الحق ز..ان الاهل وتربيتهم ومراقبتهم غير والك فيها كتير بس بتنكر انه انتا كشاب (اهلك قدروا عليك ويراقبوك وين ما كنت وايش عملت وايش اكلت ومع مين رحت ومع مين تكلمت ووين نمت ؟؟؟) اكيد لا من سن 15 واطلع "الاهل بيقدروش يراقبو ابنهم باكمل وجه حتى كمان اقل من الخمسطعش<ما اطول هالكلمه هههه هو الوازع الديني والاخلاقي للشباب هو اللي بيقدريخليهم يمنعو انفسهم من انهم ياخدوه والاراده والعزيمه بانهم اذا شافوه يرموهمن ايديهم وايدين غيرهم والحكومه الها دووووور كبير في انها جابته وبصوره كبيره عالقطاع ليش؟ ايش مصلحتها؟ اذا انتا الك عوده بالنقاش بنتناقش <ايش علينا^-^ عجبني ردك البعيد عن السياسه<بس السياسه الها دور كبير |
اقتباس:
كل الشكر لكِ راق لي نقاشك واسلوبك وادبك في الحوار |
من امتا اعرفناه هالاترمادول الا من بعد الانقلاب وتسليم الحكومة بيد حماس هلقيت ولد عمرو 10 سنين بتلاقى معاه شريط من اين لك هذا ..؟ الحق من الاطفال الحق ع اللى بدخلوه للوطن حتى يستخدموه للجمارك وحكومة حماس بتلاقى الواحد معاه شريط اترمادول بدخلو السجن بطلع بعدها بيوم وهو دافع غرامة مالية ومش بعيد بعدها بيومين يكون ضابط معهم شو بكون التفسير لهيك ...؟ واللى بحكى انو الحق ع تربية الاهل .... هلقيت طفل واحد حكالو خد هالحبة والله بتنسيك الدنياا او يوخدها لوجع الراس طيب هاد شو عرفه بأسبابها واضرارها وشو بدو يعرف الاهل انو الاولاد بعملو هيك هم صحيح مسؤلين بس المسؤلين الاكبر ليش يسمحو بدخولها للوطن ... يعنى السبب الاول والاخيييير الحكومة الحآلية الراعية |
خلص يا وسام تعالي نقول الحكومة المسؤلة المباشرة والاولى والاخيرة عن هالموضوع ونغفل هاي الأسباب الاخرى متل الوضع الاقتصادي والاجتماعي، وغياب الوازع الديني، وانتشار أصدقاء السوء المروجين للمخدرات، وخاصة داخل الجامعات، وعدم وعي الأهل ومراقبتهم لأبنائهم، وانشغالهم عنهم بالأمور المادية، وإعطائهم من المال ما يفيض عن حاجاتهم، دون مسائلتهم أين سينفقونه، الأمر الذي سيجعله ينعكس على نفسية وسلوك الشخص بالسلب، ويجعله يبحث عن أي وسيلة للنسيان والهروب من واقعه. وبهيك بنحل الموضوع وبنشفي غليلكم ولكن بدي اقول شيء اخير بالموضوع انا اختلف مع الحكومة في اشياء كثيرة ولا اتفق معها في كثير من سياساتها ولكن اكره انا نتحدث عن موضوع من زاوية واحدة ومن منظورنا الخاص فقط |
طيب سؤال الك ايام سلطة فتح كنت تعرف شى اترمال وكل كلامك ع عينى وراسى بس مين اللى سمح بالدخول ومين وفر الهم جو اجتماعى دنيئ وسيئ حتى اصبح كل فرد بمشى ع حسب عقليتو وما يفكر الا باليوم |
لا ما كان كان في بس صلاة وعبادة وقراءة قرأن يا اختي القصة مش قصة فتح وحماس وبدنا نلزقها في واحد من الاتنين القصة اكبر من هيك بكتير بعدين ايام فتح ما كان في انفاق ولا كان في متل ما بنسمع اليوم عن طرق التهريب حتى الاترمان بيهربوه بانابيب الغاز يعني الحكومة ما بتقدر تطلع على كل شيء ولا بتقدر تراقب كل الانفاق في ايادي خفية بالموضوع وفي ناس معنية بهيك شغلات الموضوع شائك ومحير ومعقد للغاية وانا رائيي ما تغير لحتى الآن كل الأطراف مشتركة بالموضوع بعدين ايام فتح كان في حشيش ومخدرات وخمر ومواد مسكرة ما كان في ضجة متل هيك نهاية الموضوع ما نرمي اتهامتنا على حد ونحصر الموضوع بزاوية وحدة ونرمي السبب على طرف واحد |
اوووووه احنا ما بنرمى اتهماتنا ع حد بس هاد هو الواقع اللى احنا عايشينو اذا الحكومة ما بتقدر تتصرف بالانفاق ليش صارت حكومة اساسا وبعدين مش مستاهلة انو نعصب او نخسر بعض خيو وانا انتهيت من نقاشى |
لا وليش الزعل إختلاف الرأي لا يفسد للود قضية بالعكس انا سعيد بحوارك ونقاشك بس انا بدي اوصل رسالة يبدو ما وصلت انا لا ادافع عن الحكومة ولا اعمل لها وليش لدي اي انتماء فصائلي وبحكي رائيي ووجهة نظري الخاصة ولا يوجد لي علاقة باي طرف وينحرقوا الاتنين لانهم جابوا لشعبنا الدماء والهلاك والفرقة وخربان البيوت |
بنهاية كلامي هنا انه يا اخوي درب الهوى انه لما تشوف فساد كبير بمنطقه ايش بتعمل بتقاتل الافراد ولا بتروح لمصدر الفساد وتستأصله يعني لما مثلا تشوف بيت دعاره <قلنا مثلا وتشوف بنات وشباب رايحين جايين عليه بتروح لواحد واحد تقلهم متروحوش حرام ولا بتروح تخبر جهات اكبر منك ليكسروا البيت على اللي فيه هادا مثال مثال تاني الثورة بمصر مثلا الحكومه المصريه مش قادره انها تسيطر على واحد واحد من الاخوانيين فراحو يقبضو على اللي بيراسهم علشان ميتوغطوش بالفتن معاك بأنه منحطش كل الحق عالحكومه(صح التربيه والنشأه والبيئه الها دور) بس جد جد انا مبالغتش بكلامي والله الاولاد الصغار صار بايدهم اترمان يا اخي عمرك شفت نتفة مخدرات بـ4 شيكل ولا وسكي ب6 شيكل يا اخي زي ما انتا عارف بناس بتاخد الاترمان انا كمان عارفه وشايفه وباوعي ناس في اتقبلو وفي لا مع انه البيئه كويسه <بس جد جد لما اسأل ليش بيقولو هيك او بدنا نجرب ايش بيعمل بالواحد بنسمع انه بينسي الوجع والهموم صح ايام فتح كان في سكر وخمر بس كانو الناس اللي ريحتهم طالعه بينعدو بالواحد ومعروفين وسمعتهم وسخه بس هلقيت والله والله الاغلب صاير منيل بيترمن وانا واحده من الناس زعلانه عليهم متاكده الف بالميه الا ما يكون حدا هنا بيترمن يا اخي النسوان صايره بترمن برضو لي عوده بس جد ضحكت على انه ايام فتح كان في صلاه ويام وقرايه قران صح اغلبهم مش هيك بس عندي هم احسن من اللي بيصلي وبيصوم وبيقرا قران ومن تحت لتحت بيقتل اخوه المسلم<موضوعنا الاترمان ...متلوديش هنا وهناك ^-^ |
هههههه لا مش حلود والله يسعدك على طول ويجعل ابتسامتك مرتسمة على شفاهك كل يوم ^ ^ نرجع للموضوع وحلوة حكاية النسوان بترمن لو النسوان ما ترمنت كان حكيته حق المرأة مهدور وحريتها محدودة وحقوقها مسلوبة خليها تترمن كمان هو حقها ناقص بشيء ^ ^ مهيني ببقى اشوفهم بشيشو بالروتس واللايت هاوس عادي يعني ^ ^ نرجع للموضوع من تاني انا لو شو ما بررت وشو ما حكيت من اسباب حكون مقتنع تماما انه رائيكم مش حيتغير نهائي انته فيش بوجهكم غير الحكومة والوضع المأساوي يلي بنعيشه هون بغزة مخلي الناس تشيل كتير وتنقهر من جواتها وتنفجر باي موقف مناسب لالها انا برائيي بلاش نكبر رأسنا ونحكي الحكومة والحكومة على عيني ورأسي الحكومة مش قائمة بواجباتها ومقصرة بحقوق كتير وووووو بس كمان انا بقول في أيادي خفية بالموضوع في عمالة وفي موساد وفي يهود وفي وفي في خربان بيوت في تدمير لعقول الشباب في حرب نفسية وفي انحراف وفي شغلات كتير |
والله صحيح هيك تطمنا انه النساء حقهم موجود هههه يا سيدي كلامك في منه انه في ايادي خفيه بس بقولك المستقبل كفيل انه يظهر كل اشي ولك كل التحيه |
لنرى ما يٌخفيه المستقبل وسينكشف المستور وستزول الأقنعة ولن يكون هناك اي مستور وربنا يعافينا ويعافيكم ويعطينا الصحة والعافية على طول |
الله يوفقك يخو ويسعدك ويبعد عنك اصحاب السوء ويزيد فناعتك بان الغلط غلط والصح صح<قصدي اترمان واصحابك وانت مقتنع بانه مش لازم وغلط لو ايش ما يصير يصير تحيتي |
طبعا انا متفق مع وسام على انو حماس المسؤولة عن دخوله وتوريدة للمجتمع الغزي ونفول انو حماس او الحكومة ما بتقدر على عمليات التهريب هاده كلام فاضي اما عن الاشخاص يللي بتعاطو الاترمان هو عنده ارضية خصبة وفي مثل شعبي حلو كتير ( قلي مين اصحابك بقلك مين انتا ) |
حلوو موضوع النقاش بس العنوان والموضوع اشي ونقاشكم اشي تاني بتحكو سطرين عن الترامادول وقصة كبيرة عن حكومة غزة لو صارت حرب عالمية رح تجيو وتحكو حكومة غزة السبب فيها واكيد هي الي وراها وماضل موضوع للنقاش |
احنا بنرد على الموضوع اسم الموضوع من ادخله ومن الضحية سبب دخوله طبعا حماس لانو ما صرنا نعرف الاترمان اللى في وجودهم والكل متفق على انو حماس او الحكومة هي السبب عالشان هيك بتردد اسم الحكومة بغزة لان الحكومة هيه لب الموضوع ياريت تكون عرفت ليش |
قريت الردود كلها ونفس الاشخاص بأي موضوع اخباري او سياسي بخص غزة بحشرو الحكومة وبالنص حتى لو كان الموضوع بخص مصر بصير حكومة غزة بالنص حكومة غزة سمحت بدخوله وحكومة غزة بتحاربه اي تناقض هدا والاترامادول صار جناية واقل حكم فيه 3 سنين وما في حكومة بتفرض سيطرة كامل ع التهريب .. لانه طرقه كتير والمهاربيين بارعيين بابتكار طرق التهريب ومافي مجتمع نظيف 100% شوي وبتحكو حكومة غزة هي المصنع الاساسي لهذه الاشياء النقاش بده موضوعية وحيادية مش بهدا الشكل |
يا سيدي اذا كلامي مزعلك ما النا بركة الا انتا احنا بدنا نكون اصدقاء في المنتدي مش هوجومين على بعض |
مهما كان الهجوم ع حكومه غزة يا اخ صياد لكن للامانه انا ماعرفت ولا سمعت بالاترمان الا بعهد حكم حماس يعني لا تقنعني انو حماس ما بتعرف الداخل والطالع من الانفاق انا مش ضد حماس وانا مالي باي فصيل لكن الحقيقه تقال هالاشي ما انتشر الا بعهد حماس والكل بيعرف هالاشي احنا ماقلنا انو هنيه بشتري وبتاجر ولا اي حد من القيادات من حماس لكن اجزم ان هناك ايدي من الحكومه تعمل ع تمرير هالسم لكبار التجار |
اكيد في اشخاص موجود بمراكز ومراتب يتاجرو بهيك اشياء فهمهم الاول والاخير المال لا اكتر بس الاترامادول ظهر بظهور الانفاق مش ف عهد حماس وهم بحاربوا فيه بكل الطرق .. وغيرو قانون الاترمال من جنحه لجناية يعني بدل الخروج بكفالة او سجن شهر صار الحكم مش اقل من 3 سنين .. بس الي مش معقول انه نحط الحق كله ع الحكومة هات حكومة باي بلد مسيطرة على التهاريب بكافة اشكاله .. الحق ع الحكومة ماشي بانها لازم تتعامل بقسوة اكتر من تجاره لكن انه الحكومة هي الي مسهلة دخولة وبتدخله هي اكيد مش مقبولة يعني تركنا اسرائيل وعملائها الي بدهم تخريب فلسطين ويزيدو الفرق بين اهلها وبنيجي نحط الحق على الحكومة بس اكيد مش صح هالحكي |
اقتباس:
تحياتي الك |
| الساعة الآن 12:05 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.