منتديات بنات فلسطين - ماذا لو ؟؟؟؟ للصبايا

1-ماذا لو كنتي مذيعة بإحدى المحطات الاذاعية او التلفزيونية ...شو رح يكون البرنامج اللي حتقدميه طبيعته ؟؟
حبيت السؤال .... لو حبيت كون مذيعة ممكن بموضوعات وفقرات للشعر وممكن كون مذيعة بشغلات بتخص الحب وبتخص المرآة وغذاء ومواهب وكل شي إلا الأخبار مابحب كون مذيعة أخبار
2- ماذا لو تقدم لخطبتك شاب ميسور الحال ولكن مقيم برة بلدك خارج الحدود قصدي
حتوافقي تعيشي معو بعيدة عن اهلك واحبابك ولا حتفضلي الزواج داخل* حدود البلد
ابدا مابرفض ليش إرفض اولا المنطقة والبعد مابتعني شي اهم شي الحب والسعادة لو انا شايفة حالي بقدر عيش برة وبقدر كون سعيدة ليش لأ وهلأ مافي بعد عن الأهل على النت صار كل شي ينعمل ومافي غربة بعد خارج حدود بلدي او داخلها مافي مشكلة
3- ماذا لو كنتي بالسوق وفجأة انسرقت شنتتك وكلشي فيها راح شو رح تعملي وما معك اجار الطريق لتروحي ؟؟؟ بصراحة ماعمرو صار معي هالشي ... بس لوصار وماقدرت رجع شننتتي بروح مشي او بركب تاكسي وبس روح بعطيه الأجار .. واغراضي الباقية بعوض عليها الله انو لوضليت اندب فكرك حيرجعو أكيد لأ فليش تعب حالي هههههههههه

4- ماذا لو لقيتي شحادة بالطريق فممكن تعطيها او بتضلك رايحة ؟؟
هيدي بتصير معي كتييير انا مابحب امرق بالطريق وشوف شحادة لانو اول شي هالايااام صارو يلي بيشحدو اغنى منك بيكونو ومع هيك بيشحدو وبيكونو كذبين وفي العكس .... حسب اوقات بعطيها واوقااات لأ
5- ماذا لو حكولك امك او ابوكي بالمشفى وهم بين الحياة والموت وكنتي برة البلد وصعب تجي
حتتركي كلشي معك وتجي تشوفيهم ولا لا؟؟
هيدا منو سؤال أكيد بترك كل شي ورا وبرجع بنزل ع اول تذكرة سفر ولو مافي تذكرة بالباخرة المهم كون حدهم

6- ماذا لو كان زوجك لا يعمل وانتي اجتك فرصة للعمل في مكان ما وزوجك رفض الفكرة حتقنعيه بوجهة نظرك او بتقبلي برأيه بدون نقاش* ولا بتضلي وراه وراه لحتى يقبل بالعمل؟؟؟

اكيد بقنعو وانا عندي اقناع فظيع بقدر إقنع اي حدا لحتى يعمل شي .... فكيف لو كان زوجي اكيد كل شي بالهدوء والمسايسة بنحل

7- ماذا لو ربحتي تذكرتين للسفر لاحدى الدول تذكرة الك وتذكرة لشخص آخر
حتاخدي مين معك بالرحلة ؟؟؟ أكيد حبيبي ... لو كان بوقتها عندي حبيب
او شخص غالي ع قلبي

8- ماذا لو حكولك احزفي مادة من مواد الدراسة وضيفي بدالها مادة جديدة شو حتختاري ؟؟
احم احم هلأ مافي شي بدي احذفو من موادي الجامعية بس لو كنت بمدرسة او ثانوية بفضل احذف الرياضياات لاني من صغري مابحبوووو بحط بدالو مادة عن الازياء والموضة هههههه
9- ماذا لو كنتي لابسة وجاهزة وفجأة برن جرس البيت ضيف جايي لعندك ...حتلغي المشوار** وتستقبليه او تعتزري منو وتحكيلو معليش عندي مشوار وما رح اقدر ادخلك هلأ ؟؟
والله حسب المشوار ازا مشوار ضروري مابقدر اجلو او الغيه اكيد بعتذر من هالناس ... اما ازا مشوار عادي عيب اترك الضيوف واخرج اكيد بستقبلهم

10- ماذا لو كنتي مديرة لإحدى المدارس شو القرارات او القوانين* اللي حابة تحطيها للمدرسة والمعلمين ؟؟؟

وبس

اول شي بحط معلمين أكفآء
تاني شي بحط أساليب عقاب شديدة للطلاب بمعنى مو ضرب يعني فصل يوم يومين لحتى يحترمو حالهن
وفي قوانين كتيير والله هالايام المدارس صارت فاشلة مافيها شي منيح بطل التعليم متل زمان

حبيبتي الملاك موضوع رائع حبيتو كتييير
وحبيت اسالتك كمان واستمتعت كتيير
يعطيكي العافية
ومليون وردة جورية لقلبك الطاهر