منتديات بنات فلسطين - ماذا لو ؟؟؟؟ للصبايا

يسعد اوقاتكم يارب

متل ما اعطيت الشباب الحق بالموضوع باجابات حلوة كانت منهم
رح اعطيكم المجال لحتى تجاوبو على هالاسئلة
طبعا كرموشتنا لطشت منها كم سؤال والباقي ألفتهم من عندي

وكل مرة رح استضيف صبية لحتى تجاوب
ما رح اخليه حر للجميع
حتكون استضافة
هيكا احلى بكون

باسم الله نبدأ

1-ماذا لو كنتي مذيعة بإحدى المحطات الاذاعية او التلفزيونية ...شو رح يكون البرنامج اللي حتقدميه طبيعته ؟؟

2- ماذا لو تقدم لخطبتك شاب ميسور الحال ولكن مقيم برة بلدك خارج الحدود قصدي
حتوافقي تعيشي معو بعيدة عن اهلك واحبابك ولا حتفضلي الزواج داخل* حدود البلد

3- ماذا لو كنتي بالسوق وفجأة انسرقت شنتتك وكلشي فيها راح شو رح تعملي وما معك اجار الطريق لتروحي ؟؟؟

4- ماذا لو لقيتي شحادة بالطريق فممكن تعطيها او بتضلك رايحة ؟؟

5- ماذا لو حكولك امك او ابوكي بالمشفى وهم بين الحياة والموت وكنتي برة البلد وصعب تجي
حتتركي كلشي معك وتجي تشوفيهم ولا لا؟؟

6- ماذا لو كان زوجك لا يعمل وانتي اجتك فرصة للعمل في مكان ما وزوجك رفض الفكرة حتقنعيه بوجهة نظرك او بتقبلي برأيه بدون نقاش* ولا بتضلي وراه وراه لحتى يقبل بالعمل؟؟؟

7- ماذا لو ربحتي تذكرتين للسفر لاحدى الدول تذكرة الك وتذكرة لشخص آخر
حتاخدي مين معك بالرحلة ؟؟؟

8- ماذا لو حكولك احزفي مادة من مواد الدراسة وضيفي بدالها مادة جديدة شو حتختاري ؟؟

9- ماذا لو كنتي لابسة وجاهزة وفجأة برن جرس البيت ضيف جايي لعندك ...حتلغي المشوار** وتستقبليه او تعتزري منو وتحكيلو معليش عندي مشوار وما رح اقدر ادخلك هلأ ؟؟

10- ماذا لو كنتي مديرة لإحدى المدارس شو القرارات او القوانين* اللي حابة تحطيها للمدرسة والمعلمين ؟؟؟

وبس
راجعتلكم بأول ضيفة معي

كونوا بالمتابعة

كل التحية