|
ليش الشباب بيتغيرو بعد الزواج؟؟؟ مسالخير كيفكم حبيت اشوف رأيكم بالشب يلي بكون بالخطبة بوجه وبعد الزاج بوجه تاني غير الوجه يلي كان بالخطبة لقد سمعت الكثير من المشاكل والتي اغلبها كان نتيجته الطلاق لقد سمعت من احدى الفتايات تقول الخطبة احلى من بعد الزواج انا بالخطبة كنت مدللة وخطيبي شو ما بدي كان يجبلي وكان كتير يحترمني ويحبني وبعد ما تزوجنا تغير كتير وفي صبايا حكين لا بعد الزاج احلى لانو بنعيش مع بعض وبنفهم بعض اكتر والله تحيرت انا ولكن ولكن انا بعرف لكل شي الو حلاوته يعني الخطبة شي والزواج شي تاني بتتغير حياة الشب والبنت بعد الزواج ...وكل واحد ومسؤليته ولكن انا بعرف الزواج احلى ...بل بتزيد المحبة بين الزوجين لانهم بيعرفو بعض اكتر وبيتفاهمو مع بعض السؤال ليش بيتغير الشب مع زوجته وحبيبته بعد الزواج ؟؟؟؟ ياريت تناقشوني بهاد الموضوع |
موضوع بيستحق النقاش لما له أهمية بحياتنا الأسرية بعتقد وبنظري كشب إنو الخلل بيكون من الطرفين ومن كلام صديقاتك بأكدلك إنو مافي مقياس لهالشي في منهم بيحكو إلك إنو فترة الخطوبة أجمل من الزواج وغيرهم حكو إنو بعد الخطوبة بتكون أجمل كلو هاد بيعود للشخصين وحبهم وغرامهم لبعض بنظري إبتسامة لازم يكون فيه حب وصادق كمان وهاد كلو بينمو تحت النصيب ما بدعي غير يارب أعطينا على قدر نياتنا ad1 موضوع رائع وكنت بحاجة للتفكير فيه يعطيكِ ألف عافية سامرْ |
اخي سامر شكرا لمرورك ونقاشك واذا حبيت تحكي كمان شي تاني انا بنتظر ردك كمان مرة نعم يحتاج الى الحب الصادق ويحتاج للراحة كمان مع بعض |
أكيد في بقلبي كلام وكتير كمان بالنسبة لهيك مواضيع لأنها حساسة كتير عندي مشوار الآن بدي روح جهز حالي إلو ولما برجع أكيد وناقشك وكتير كمان بهالموضوع سامرْ ad1 |
انشالله بتمنالك التوفيق |
مش كل الشباب نفس العقليات، في شباب كتير بقدروا وبحترموا اشي اسمه زوجه وشريكة حياة، بس بالنسبه لسؤالك هالنوعيه من الشباب يللي عم تقصديون يمكن لإنون طول عمرون بكونوا بتطلعوا عالزواج بمنطور معين، وبكون عندون مفهوم معين تجاه الزواج، بس بعد ما يتزوجوا بحسوا إنو هالمفهوم يللي كانو ماخدينو مختلف، مشان هيك ببلشوا يتغيروا .. وبالنسبه لحكيك هذا المقتبس "لقد سمعت الكثير من المشاكل والتي اغلبها كان نتيجته الطلاق" مش دايما مزبوط، اعطيكي مثال عن اختي متزوجه من 2001 وصار عندا 3 بنات وولد وكتير مبسوطين بحياتون، دايما متفقين هي وزوجها .. يعني نوعا ما بيتعلق قديش رح يكون في إتفاقيه، لحتى ينجح الزواج مستقبليا .. :137: |
التغير بيكون من الطرفين لانه بفترة الخطوبة بحاول كل منهم، يظهر افضل الصفات فيه ويكون بأفضل صورة قدام خطيبته او قدام خطيبها، وبعد الجيزة بتعودوا ع بعض وهي حياتهم للنهاية مع بعض ف خلص كل شخص فيهم ببلش يتصرف.. ع طبيعته وبشكل تلقائي وعفوية مش مثل الخطبة يعني مش قصتهم بتغيرو بعد الجيزة.. لكن خلص هذه شخصيتهم الطبيعية بوقتها ولازم يتفقوا مع بعض ويتوافقوا حتى تستمر حياتهم بشكل أفضل، يعطيكِ العافيةة ع النقاش الحلو.. |
إعذريني مآ هشآرك لأنه آلحكي كثير طويل بهالموضوع ولو بدي أقعد أحكي بكتب 3 جرآيد ف بكتفي هآلمرة بقرآءة أرآئكم كل آلود ♥ ! |
اقتباس:
منورة اختي الحبيبة انا بعرف انو مش كل الشباب هيك ولو انكافهمتيني او انتبهتي اني قارنت وحكيت عن لتنين وكان انا بدي اناقش عن يلي بكونو هيك وانا اختي الحمد لله حكتلي بعد الزواج احلى بكتير من الخطبة لاني انا فهمت زوجي وطبيعته وهاي الاشياء شكرا لمرورك |
اقتباس:
منور اخي محمود كلامك صح والمصيبة هاب واسمها التصنع في فترة الخطبة فش احلى من انو الواحد يكون دايما ع طبيعته شكرا لمرورك تحياتي |
اقتباس:
هلا فيك اخي محمد للاسف كنت حابة اسمع جوابك ونقاشك ولكن اتركك ع راحتك نورت تحياتي☺ |
موضوع رائع للنقاش طبعا الشباب بتختلف بهيك امر في شباب بالبداية بتحب تظهر صورتها الجميلة لترك انطباع منذ البداية بصورة ايجابية وبحاول يخفي سلبياته وهيك امر طبيعي من الطرفين سواء بنت او شب وبعد الزواج والعشرة والعمر بتبلش تظهر سلبيات وايجابيات الطرفين كذلك حياة جديدة ومسئوليات وزيادة الاعباء على الطرفين مو سهلة لهيك بتكون صعبة وعواقبها كبيرة في زوجين بحملوها مع بعض وبهونوها على بعض هيك صعوبات وفي اشخاص ما بقدرو يتحملوها وما بكون في عندهم اصرار وعزيمة على تحمل الصعاب مع بعضهم وبتالي بكون عواقبها المشاكل والخسارة وفي التدخلات الخارجية من قبل اهل الطرفين بكون فيها تأثير على حياة الزوجين وهنة بكونوا الطرفين تحت ضغوطات الاهل وبتكون عواقبها خسارتهم لبعض لهيك حياة الزواج ليس سهلة كما يتوقعها الشباب في البدايات لانها حياة ومسئولية بتطلب وجود طرفين متفقين متفاهمين قادرين على تحمل هيك مسئولية لانه ما في حياة حلوة عطول الا ما يكون فيها المر كل الاحترام الك ابتسامة على طرح الموضوع كل الود |
هههُ عنُ جدُ ليشً تغيرووُ..!! يسعدكُ عاشقةةُ متابعهُ للاجوبةُ لانُ معنديُ جوابُ :148: |
ما دخل الجنس " ذكر أو انثى " بموضوع التغيير ببساطة قبل الزواج الانسان مسؤول عن حالو بعد الزواج مسؤول عن عدة أشخاص وهون بتبلش مرحلة جديدة بحياة الانسان وهالتغير بحياتو كفيل انو يغير بشخصيتو هاد غير الهم و الصعاب الجديدة اللي لا تعد ولا تحصى اللي رح يواجهها و تلقائيا و روتينيا رح يخف اهتمامه بالانثى لانشغاله بالعديد من الامور المهمة الاخرى و هيي رح تحس هالشي و المفروض تقددر والانتى أيضا بعد الحمل و الانجاب بتعاني من هم جديد و مسؤوليات جديدة و تحديات جديدة من تربية و رعاية و تعليم و اشياء اخرى تشغلها عن الرجل وهنا على الرجل ان يقددر شكرا الك :136: |
أمممم بصى راح اقول كيف تعرفى لو اتنين متزوجين او مخطوبين او بيحبوووو بعض المتزوجين لو بيقعدوا فى كافتيريا مثلا تلاقيهم صم بكم مفيش كلام المخطوبين بيبقى يبص للى رايح واللى جااااى وبيكون كلامهم همس بسيط اللى بيحبوا بعض تلاقيهم موش مبطلين رغى ومسكين ايدين بعض بالاختصار الشاب اما بيتغير خلاص داق الحلاوه وكمان زى ما بيكون عاوز شى واخدوا وبدا شبه شبع منووو تلاقيه ممكن بيتغير وبيعمل فيها سبحان الله ما كنت يا بنى هارى نفسك بالشمس وبالسهر ههههه عموما اما بتزوج ممكن ابقى احكى اكتر هههه |
اقتباس:
بصراحة من الخط مش فاهمة كتير بس منورة |
اقتباس:
منورة حبوبتي ☺ |
اقتباس:
منور اخي حكيك عجبني بس المراة لما بتحب زوجها والله لو بتكثر المسؤلية عليها بكون همها ما تقصر مع حبيبها ولكن للاسف الشديد اغلب الرجال ما بقظرو الجهود والتعب التي تقدمه المرأة من اجله وبعضهم فوق التعب والشغل وهم ولادها ما بيحكيلها كلمة سكر اوزي ما بتنحكي تتعب كل لنهار بس بكلمة صغيرة من حبيبها تزيل همها والله الزلمة ما بيخسر ولا شي اذا اجا وحكى لمرتو كلمة حلوة بعد التعب يلي بتتعبه شكرا لمرورك |
اقتباس:
هههههه حكيك اعجبني اخي ولكن والله يلي بحبو بعض حب صادق والله لو هم خاطبين او متزوجين رح يظل الحب ويزيد كمان بعد الزواج لما يتعرفو اكتر وياخدو ع بعض اكتر ويقدرو بعض ويشاركها بكل شي الا يزيد الحب وابدا ما بينقص شكرا لمرورك وردك يلي اعجبني تحياتي |
| الساعة الآن 01:23 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.