|
نتفة حكي 2 مساء الخير عليكم ياعضاء منتدى بنات فلسطين بعد موضوعي الأول بقسم النقاش تبين انكم على قدر من الوعي بالقصص يلي بتصير بمواقع التواصل الأجتماعي بس ياترى وقت توصل القصة لعندكم شو بكون موقفكم ؟ وقت تعجبي بشب وهاد طبيعي بتخلي في حدود للعلاقه بينكم والا تنخرطي ورا هالدوامة ؟ انا شفت قصص كتيره مختلفه بالبدايات بس كانت نهايتها وحده والمها النفسي جدا سيء فهمت كتير تفكير الصبايا حيال هالموضوع وكانت عاطفتهم هي الكاارثة طبيعه عاطفة البنت ضعيفه وسريعه التعلق باي شيء . وكمان شغله الأسرة المحيطة فيها الها دور ودرجه ثقافه البنت كمان وفي بعض القصص ان يوصل للاستغلال المادي , من درجه ولعها بالشب تبعت شهريا لحسابه بعدها اكتشفت ان الأخ متزوج وعندو ولاد !! هاي مصيبة ؟ طيب وقت تعمل علاقه مع بنت وتنهيها بعدين وتعيش حياتك انت مفكر ان مافي حسيب ولا رقيب ؟ ليش عايش ! ولوين آخرتنا رح نروح ؟ وقت يسألك رب العالمين ! كيف بدك تجاوب ! ليش كل همك يابنت تنبسطي وتحبي وتنحبي بطريقه انتي عارفه انها محرمة ؟ ومتوقعه من كل عقلك هالشب اخرتو رح يرتبط فيك ؟ مستحيل ! الشيطان شاطر لحتى يزين لالك الموضوع وتعيشي باوهام مالها حد ؟ اصحي عحالك وكل شي مكتوب بصحيفتك ؟ والله لو بحكي انو ضايل يومين لألك ورح تموتي , رح ينتهي مشوارك بالحياة ؟ اول شي رح تعملو اكيد بتنهي علاقاتها بالشباب وتصلي وتستغفر لأنها عارفه هالشي غلط ! وكمان الحكي موجه لشب ! لأمتى عايش بالعلاقات كل فترة بنت ! ومافي شي بينتسى عند ربك . وصلنا لليوم ونحنا عارفين وعنا وعي بالقصص هاي بس راضيين بالعلاقات رفيقتي مع شب وبحبو بعض , ورفيقي مزبط بنت ومكيف معها مع ان قبل يومين انهى علاقته مع صبيه ! ليش ماتنصيحها توعيها ! وتنصح رفيقك ! وبعدها بتجي وتنوح وتبكي وتحكي عن الفراق ! ليش لتخلي حياتك بهالدوامة المخزية ؟ ومن ورا اهلك ؟ يمكن هاد اختبار من رب العالمين ليشوف كيف قوة ايمانك فيه ؟ الايام بتركض , والعمر بيروح , وكل شي بيبنى ع باطل . باطل ماتتأملي من ورا هالعلاقات اسرة عظيمة ! وآخر شي الله يهدينا ويهديكم وبعتذر ع الاطاله |
انت بموضوعك احكيت كل شي تقريباً مآ بقي عندي اضآفآت بعد كلاآمك الاآ كم شغلة :136: بتوقع السبب بكل هالإشيآ هآي هو الفرآغ سوآء العآطفي او حتى الفرآغ بشكل عآم في شغلة قرأتهاآ اليوم للأمآنة اعجبتني آل مآ تتعلق بحد لأن هالحد مش شجرةة و انت مش ’ قرد عفواً اناآ مقتنعة بشغلة انوو اللي بحب بنت بسأل عن بيتهاآ و بحبهاآ بشرع الله و علني ششكراً .~ |
مع انو العنوان ننتفةة حكي بس كان الحكي كتيررر بصراحة انت طرحت كلشي منطق وباسترسال ما في شي اضيفو الف عافيةة نتفة حكي تحيااتي |
كلآم وآقعي جدآ ً بحب أضيف إنه أي شي خآرج إطآر آلإرتبآط آلشرعي نهآيته سيئة ! وبتمنى آلكل يبتعد عن هآلمشآعر آلمزيفة ويملى وقته بأي شي يستفيد منه بدل هآلحكي آلفآضي مشكور خيي مآ قصرت ! |
مو رح آحككي ششي ععن يلي ححككو آبدآ ☺ ') وردهه |
حكيك منطقي ،" هيك احنا طبيعتنا الا نجرب شي ،" بس ينصح كل صبيةة اذا ماحبيتي ماتحبي رح تتوجعي كثير ،" استني القدر هو كاتبلك شي حلو استنيه غير هيك انتي خسرانةة ،" رح تتغلبي كثير لانه فش حدا بيعرف القدر ،" نصيبك رح توخذيه وتعيش كل لخظة حب غرام عشق جنون يلي بتحلمي فيه ،" عوافي |
كلامك صح مش عارفه ازاي البنت بتثق بعلاقات النت وازاي بتسلم قلبها ومشاعرها وكيانها لشاشة الشاب مش هيقع عليه ضرر اهو بيتعلم وبياخد خبرة لكن البنت ؟ مشاعرها بتتأثر وبتتغير مشاعرها لازم تكون غالية وتروح للي يقدرها ويستاهلها شكرا |
كلام واقعي وجدا انا نفسي بعد م جربته اقتنعت ب شي واحد لو عنجد حبيت واحد لا تحكي اله احكي ل ربنا وربنا راح يعطيك الاحسن سواء هالحدا او غيره كل الشكر |
أختي البريئـه رغم كل هالحكي لسه في عندي حكي كتير المشكلة وين ان الشخص عارف حالو انو بيعمل غلط وراضي ومبسوط على حالو ولما تجي تحكيلو بترضاه على اهلك بينفعل ويعصب طيب بنت الناس قولتك ماعندها اهل ! يااخي ماتفكر ان كل شي بتعمله رح ينتهي بارضه وكأن ماصار شي بيرجعلك والله لو بعد 17 سنة وقت تكون بنتك صبية ! الله ما بنسى ! وكل شي بتساويه بغيرك بيرجعلك نسأل الله السلامة طالما حافظت على حالي وصنتها وواثق من ربنا ثقه كبيره انه رح يكافئني سواء بالدنيا او باللاخرة و الحديث حول هالموضوع يطوول |
ملك روحي و محمد وسمايل ننوش الف شكر عالحضور ‘ |
أطياف كل ماصانت البنت حالها رح يعوضها رب العالمين كيتو هههه شو يأخد خبرة ! قصدك بجمع سيئات لأخرتو وبعدين كل شي بيعملو بيرجع بالأخر عليه الله عادل |
الأخت نبض وكمان أغلب الناس يلي خاضت هالتجربة لو تسأليهم لو بيدك ترجع لورا ؟ هل رح تخوض هالتجربة مرة 2 ؟ رح يكون الجواب لـا . طبيعه اي انسان انه يغلط ومش عيب العيب انه يستمر بالغلط ! الله يصلح حال الجميع |
مسا الخير نتفة حكي .. لفت انتباهي موضوعك، لإنه بحكي عن اشياء كل الوقت موجوده ويمكن يوميا عم نشوفا ونسمع فيا ! بالنسبه لحكيك "فهمت كتير تفكير الصبايا حيال هالموضوع وكانت عاطفتهم هي الكاارثة، طبيعه عاطفة البنت ضعيفه وسريعه التعلق باي شيء " هالبنت يللي عم تحكي عنها إنها سريعة التعلق، هي بالنهاي بتضل إنسان، يعني عندا قلب وبتحس، والإنسان ما بيقدر يتحكم بعواطفه إن كان بالواقع او بالنت، وما بيقدر يمنع حالو من اشي، خصوصا فالحب، وقت الإنسان يحب مفش اشي بيقدر يرجعو وعم بقصد الذكور والاناث سوى .. ووقت يطلع الشب كذاب ومتزوج، البنت هون مالاش علاقه، هي ع الاقل كانت صريحه معو بحبها إلو، لهيك مالا ذنب .. وربنا بهيك مواقف ادرى بالنيات .. "ليش كل همك يابنت تنبسطي وتحبي وتنحبي بطريقه انتي عارفه انها محرمة ؟" بدك تعذرني بحكيك هذا، لإنه بنطبقش ع كل البنات، وما في داعي نحكم ع جميع البنات والشباب من ورا اكم قصة حب فاشله ومحرمه سمعنا فيهون او شفناهون ! مع إني انا شخصيا بحبذش علاقات النت بحسها بتتحولش لواقع بس ما فيني انكر إنو في علاقات بلشت بالنت وبالنهايه نجحت ! "اول شي رح تعملو اكيد بتنهي علاقاتها بالشباب وتصلي وتستغفر لأنها عارفه هالشي غلط !" إذا انا حبيتك كمثال؟ وين الغلط بالموضوع؟ بكون زنيت لا سمح الله ؟! لمن الله بكون عارف مين انا شو انا وكيف انا، وعارف اصل نياتي فا وين الغلط؟ الحب عالنت مش متل ما إحنا متصورين إنو كل هالقد غلط لحتى نضل نتطلع عليه بمنظور سلبي، مفش اشي بهالدنيا بينخلق غلط، الناس هني يللي بشوهو سمعتو وبصير غلط ! لمن انت تكون نظيف من جوا وطول عمرك ماشي دغري وصريح ونيتك صافيه وفجأه حبيتني، بتكون عم تغلط؟ اكيد لاء .. وبالنسبه للناس يللي كل يوم من علاقه لعلاقه إن كانوا شباب او بنات، هذول بالنسبه إلي مش عارفين حالون ايش بدن، مين بيعمل هيك غير الضايع والتايه؟ والبيئه يللي بكونوا خلقانين فيها هي بتكون السبب ع الارجح .. "رفيقتي مع شب وبحبو بعض , ورفيقي مزبط بنت ومكيف معها مع ان قبل يومين انهى علاقته مع صبيه !" مستغربتش لإنو الخيانه كل الوقت موجوده، لكترة الانحراف؟ فقدنا وجود الحب الحقيقي، وتقريبا صرنا نشك لدرجه إنو كل ما شفنا شب مع بنت او بنت مع شب مع بعضن لهدف تفريغ العواطف، مش لسبب وجود حب حقيقي بيناتون، مع إنو مش لازم نتطلع ع جميع الناس بنفس النظره .. "ليش ماتنصيحها توعيها ! وتنصح رفيقك !" ليش في حدا اليوم مستعد يسمع نصيحه؟ مع إنها ببلاش ! جرب انصح اي مخلوق وشوف كيف رح تكون ردة فعلو، صدقني لو كانت النصيحه بمصاري لكنت شفت الناس بتتنصت عليك ع الاخر .. "ليش لتخلي حياتك بهالدوامة المخزية ؟ ومن ورا اهلك ؟" كتير صبايا عايشين بمتل هالدوامات، إذا مش مبسوطات بحياتون اليوميه فشو بدنا نتوقع منون؟ اشي طبيعي رح يتمردوا ويعملوا شغلات من ورا ضهر اهاليون .. مع إنه جملتك هي ما بتنطبق عكل الصبايا .. وحابه اعطي مثال عن نفسي، انا كنت بعلاقه، يعني كنت مرتبطه بشخص "بعلم اهلي وبالذات اخوي الكبير" وكل موقف او مشكله كانو يصيروا معي كنت اتصل لخوي الكبير قبل ما اسال امي وابوي، بحسو بيفهمني مع إنو عمرو 45، فرقيه بالعمر بس كان دايما يسندني ويساعدني ويدلني عالصح .. وكان المفروض يصير مشروع خطبه بيناتنا إلا إنو امو كانت رافضه، لإنو كان بدها هي تخترلو العروس، ويمكن هيي كإم من حقها تبدي رأيها مع إني بعتبرها تدخل بخصوصبات الاولاد، ومع هيك انا قلتلو اهلك هني اهم الناس بحياتك حتى لو كان في مشاعر حلوي وصادقه بيني وبينك، بس بالاول أهلك، وبعدين انا .. لهيك قررنا ننفصل بعقلانيه وعن قناعه واخوي برضو نصحني اعمل هيك .. إنو بالنهايه كل اشي قسمه ونصيب بهالدنيا .. واللي بدي اصلو من اللي حكيتو عن حالي إنو مش كل البنات بخبوا ع اهاليون متل ما انت مفكر، وهذا اكبر غلط الوحده تكون غامضه، بس ما بلوم الصبايا، الصبيه بتقدرش تكون صريحه مع اهلها وتكون واضحه إلا كانوا اهلها متفهمين .. لهيك دايما بيتعلق بعقليات اهلها واخوتها وبيتعلق كيف اجواء البيت وبرضو العادات والتقاليد بالمجتمع يللي بتكون عايشه فيه .. انا كترت حكي، بس لو ما عجبني ما كنت حكيت هالقد .. شكرا نتفة حكي .. بالنهاي الواحد بقدرش يحكي غير كلمه وحده "الله يهدي الناس" .. :137: |
بالنسبة لأول نقطه بعرف انه باللاخر هو انسان بس الله ميزنا بالعقل وانتي عارفه عقليه المجتمع لنكون واقعيين اكتر انا ليش أستمر بعلاقه ومش عارف شو نهايتها ؟ والبنت مابتعرف بنية الشب بس عندها عقل ماترخص حالها بإسم الحب ! والنقطة التانية في قصص بلشت من النت وانتهت بنجاح فعلا في ناس ارتبطت وبعد كم سنة تحولت حياتهم لجحيم الشك كان مسيطر على حياتهم انعدام الثقه والنهاية معروفة !! وهالحكي مو جايبو من فراغ !شفت بعيني وبرجع احكيلك نحنا بمجتمع شرقي صعب تغيري قناعاته للاسف ومن التجارب المريرة يلي سمعنا فيها تعقدنا والله . تالت نقطه , لا ماغلطتي , والحب مش عيب بس طريقتنا في الحب هي الغلط " حبيبي صباح الخير كتير اشتقتلك , مانمت الليل منيح لأني كنت بفكر فيك , ممواح انتبه ع حالك - حبيبتي صباح النور انا فالشغل بس افضى بحاكيك " طيب بصفه شو حبيبك , في علاقة رسمية بيني وبينك , اهلك بعرفوني !! انتي متأكدة اني جاد بأنك تكوني مرتي !! طيب شو بعرفني انها مانامت منيح لأنها بتفكر في يمكن في شي تاني > عقليه شبابنـا وصلت الفكرة ؟ وانا ماعم احصر الكل . رابـع نقطة : مابنظر للكل بنفس النظرة لكن شي متوقع طالما ان الأهل ماعندهم علم .! وبالنسبة لنصيحه انتي مابتعرفي يمكن كلمة وحده بتأثر بالأنسان وقت يضل لحالو بفكر فيها ويتأخذ قرار ليطهر حاله . لأن مرجعنا بالنهاية لرب العالمين والجنة صعبة المنال ! لازم نقاوم مشاعرنا وشهواتنا لنحصل عليها ... واخر نقطه دائما الأهل بيكونو شماعه لنعلق اخطائنا للاسف كإن الله ماميزنا بعقل ووقت الفراغ انا بقدر اشغله بطور حالي بقرأ كتاب بتواصل مع ناس واتبادل معهم الأفكار والنقاشات او ابسط شي اقضيه مع اهلي الخيارات متعددة ومفتوحه بس بدنا الأرادة وتحكيش كل واحد ونيته , ماتضل البنت كتاب مفتوح لكل شب حكى ممكن نتعرف؟ وبالاخر بيضلو غريب عنها ! والشيطان شاطر :) وانا كنت أدمن لبيج ووصلتني ايميلات من الفانز كتيره مشاكل وهموم ووو قصصص عجيبه وحقارة ما إلها حد ! ونفس النهاية ! |
بتشكرك عالمشاركة اختي سمر وطبيعي جدا مابلاقي تفاعل كبير بالمواضيع هاي لكن المهم انك تكون عارف حالك منيح ! وعارف شو عم تعمل ؟ وتكون عندك اجابة مقنعه بيوم الحساب .! وانتي يااختي لو اقتنعتي بحكيي وصحيتي عحالك ورجعتي رتبتي أمورك فالله يستر عليكي ولو تجاهلتي واستثنيتي علاقتك ! فتزكريني بدعوة وقت تعيشي النهاية المعروفة وربي يصلح حالنا وحال شبابنا |
شكرا عالنصيحه، بحب الإنسان يللي بيهديني، بس الحمد لله ولا بعمري سويت شغلات مناقضة لعادات وتقاليد مجتمعي، وقبل ما اعمل اي شغله بفكر بأهلي وبستشيرون فكل مشكله او موقف، مع إنه مفش إنسان معصوم عن الغلط، بس غلط عن غلط بيفرق .. ولا بعمري وطيت راس اهلي، دايما راسون مرفوع والحمد لله وان شاء الله بضلني هيك .. وعكلن انا ذكرت بجوابي الاول "إنه انا بحبذش الناس تتعمق بعالم النت" كل ما كان الانسان بعيد عن النت، كل ما كان افضل، حتى لو كان في نسبة نجاح معينه، إلا إنو النت بيضلو اشي والواقع اشي تاني .. وانا بتمنى انو الناس تتعلم من كل هالمشاكل يللي بشوفوها وبسمعوا فيها متل ما قلتلي حضرتك انك تعلمت من قصص الناس اللي حوليك، دايما تجارب الناس عبره إلنا .. شكرا ويعطيك العافي .. :137: |
شعور حلو تكوني فخورة بحالك وواثقه ياريت كل البنات متل تفكيرك انا بالأول تعمقت بالناس لحتى تعبت تعبت نفسيتي وضليت فترة منيحه بعيد عن هالمواقع وجديد رجعت وعندي شغلات كتير حاب احكيها . شاكر حضورك |
حكيكك وااقعي وف الصميم .. ب هالزمن مو ف شي آسمو ححب متل الححب اللي عم نفهمه ومنتمنى يكمون هوناا تفريغ عااطفي وبسس وككزب وضحكك ولعب ب المشاعر ي اللي بيححب ححدن مستحيل يأزيه أو يبكيه أو يعيش يوم بلااه الححب ب هداكد الزمن .. زمن الآسود والآبيض زمن الرسايل الكتابيةة .. الححب .. ححب ربنآ ورسوله .. ححب جواتكك وآتمنى ربنا يجمعكك ب هالححدن الحب ب هالزمن فشخرةة وتعو شوفو بحب .. الله يهديناا وبسس .. حبيت كل حكيكك هونآا خيي جوريةة ل آلك،. |
اقتباس:
لكن انا مش مع انه الله راح يرد ذنبه في بنته الله حرم الظلم ع حاله وحرمه بينا، لا تزر وازرة وزر أخرى كل شخص بيشيل ذنبه لحاله.. وسبب النظرة السيئة للحب هي افعالنا وتصرفاتنا السيئة فيه وما بندخله منزلة الحلال.. وطالما احنا ماخدين هالنظرة السيئةة ف راح تكون نهايته سيئة دايما.. قال رسول الله صلى الله وعلية وسلم (ما رأيت للمتحابين خيرا من النكاح) |
مافي حدا منا ماحب ولا تاه بهالدوامة يلي اسما حب سوا حب نت او حب واقعي الا الئليلين والأسباب كتيرةةة ومختلفةةة متل مانتا حكيت كلنا خضناها للتجربةةةة ونجرحنا منها وشو بكينا عكل لحزةةة وبالنهايةةةة تعلمنا كتير وبالاخير مالازم نجرح روحنا ونعزب بئلوبنا اكتر من هيك انو لازم يضل شي حلو ونقي جواتنا للشخص يلي رح يكتبلنا الله انو نكفي حياتنا معو بكفى اهانةةة لمشاعرنا يعطيك الف عافية يزن أطروحتك كتير مميزةةة وواقعيةةة جوريةةة إلك ي طيب |
| الساعة الآن 01:38 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.