|
نتفة حكي ~ 1 السلام عليكم ورحمه الله وبركاته ,, بالبداية حابب اعرف نظرتكم حول موضوع كتير بنسمع فيه وبكل مكان صآير الإ وهو ( علآقه الحب ) في منها علنية وفي منها مخبى خلونآ نكون واقعيين آكتر قبل لتجآوبو صآرحو آنفسكم جاوب بالمنطق والعقل بعيدا عن العاطفة هيك بدي وكمان تكون مقتنع مو بس هيك المنطق بيحكي بس وقت الجد بيختلف حكيك ....! 1 مفهوم الحب الحقيقي ؟ بتأييد علاقآت الحب عن طريق مواقع التواصل الآجتماعي .. ؟ وهل الفراغ بيعمل دور في انشاء اي علاقه ؟ نظرتك لعلاقات الحب الحالية بمجتمعك ؟ شو يلي بأجج عاطفة الشباب ؟ اسئلة خفيفه بس لأعرف ثقافتكم حول هالموضوع بدنا اجوبة واقعية - ماشي ؟ :fg6: كل الحب والأحترام :fg6: |
بتصور بالموضوع هاد صارت نقاشاات كتير ب المنتدى لكن لا يمنع نرجع نحكي ف الموضوع لأنو ع قول هالحدا م ضيع الشباب الا قصص الحب ... راجعة لأجاوب |
*الحب الحقيقي ؟ *رحمة .. وعطف .. ومشاعر .. واحساس صادق.. يسكن قلب المحب .. وهو ليس*طقوساً كما زعم عباد الشيطان*.. الحب نقاء وصفاء ..*الحب*شفاء ليس بلاء*.. الحب شباب لا يعرف أبداً معنى الشيخوخة*.. الحب كيان يحيا ويموت*مثل الانسان*.. لا بد أن نسقيه لنحييه ولا بد أن نداويه لنشفيه*.. الحب*الصادق*في القلب الطاهر .. كزهرة في فصل الربيع*.. بتأييد علاقآت الحب عن طريق مواقع التواصل الآجتماعي .. ؟* لا لانو بالاغلب بتكون ضحك وتسلية فقط وهل الفراغ بيعمل دور في انشاء اي علاقه ؟ نعم الفراغ والقلب الفاضي نظرتك لعلاقات الحب الحالية بمجتمعك ؟ الحب الحالي بالاغلب كزب لانهم ايام بياخدو او بحبو بعض ليملو الوقت الفارغ يلي بحياتهم وفي منهم للتسلية فقط شو يلي بأجج عاطفة الشباب ؟* ما فهمت |
شكرا لك ع هذه الاسئلة تحياتي |
مفهوم الحب الحقيقي ؟ هو حب الله و حب الرسول صلى الله عليه وسلم وحب امي وابي وصديقاتي . بتأييد علاقآت الحب عن طريق مواقع التواصل الآجتماعي .. ؟ انا انسانه عمري م جربت الحب لا في مواقع التواصل الاجتماعي ولا غيره . وهل الفراغ بيعمل دور في انشاء اي علاقه ؟ يمكن . نظرتك لعلاقات الحب الحالية بمجتمعك ؟ احس ان مافي حب هالايام احس انه صار لعبة . شو يلي بأجج عاطفة الشباب ؟ م اعرف بس نظرتي لشباب انهم مستحيل يتزوجون البنات الي كانوا معاهم في علاقة حُب طبعا اسمع اخواني يقولون كذا . موضوع جميل اخي يعطيك العافية . ودي لك. |
وعليكم السلام مفهوم الحب الحقيقي ؟ كل حد ليه وجهة نظر الحب مشاعر قوية وممكن يختلف احساسنا بيها او طرق تعبيرنا عنه لكن مضمونه احترام متبادل دليله الأهم هو اعلانه اجتماعيا الحب الحقيقي هو اللي متكسفش وانا بحكي عنه ولا أقدر أخبيه ولا اخاف ان بابا يشوفني معاه ولا صاحب أخويا يلمحني وانا بكلمه بتأييد علاقآت الحب عن طريق مواقع التواصل الآجتماعي .. ؟ لا وهل الفراغ بيعمل دور في انشاء اي علاقه ؟ الفراغ الداخلي بس لأن الفراغ الخارجي ممكن استغلاله صح بطرق مفيدة مش هدر للمشاعر وتضييع الوقت مش حلو نقعد نحب في شاشة الا إذا العلاقة اتحولت لواقع تشوفني واشوفك ونتقابل وعلاقتنا تاخد شكل اجتماعي مقبول نظرتك لعلاقات الحب الحالية بمجتمعك ؟ هبل في هبل في هبل شو يلي بأجج عاطفة الشباب ؟ الوهم والمسلسلات والأفلام الغير واقعية اسئلة خفيفه بس لأعرف ثقافتكم حول هالموضوع بدنا اجوبة واقعية - ماشي ؟ شكرا |
مفهوم الحب الحقيقي ؟ هو حبك ل ربك وقربك منه ، هو حبك لأهلك امك ابوك اخوتك ، هو حبك ل صحابك الي عنجد صحاب ، هو حبك ل روح سكنتك شفت حالك فيها بتأييد علاقآت الحب عن طريق مواقع التواصل الآجتماعي .. ؟ ما بين مؤيد ومعارض لكن المعارضة أكتر لأنو أغلبها تفريغ عواطف ومشاعر ونادرا تكون صادقةة لكن هذا ما بمنع انو ممكن علاقة النت تولد حب حقيقي لكن هالشي نادر وهل الفراغ بيعمل دور في انشاء اي علاقه ؟ اكيد هالشي مفروغ منه والاسلام حذر من هالشي وطلب منا نملأ وقتنا لانو الفراغ قاتل بخلي الانسان يتوه ب الافكار نظرتك لعلاقات الحب الحالية بمجتمعك ؟ ب أغلبها تفريغ شهوات + تضيع وقت + أستغلآال قلةة منها صادقةة شو يلي بأجج عاطفة الشباب ؟ الله مكترهم الاسباب عندك النت مليان فظايع من افلام اباحية وصور اباحية وغير المسلسلاات التركية الي خلت البناات كلها تحلم ب فارس الاحلام + الثقافة الغربية الي مش اخدنا منها الا السلبي والحمد لله + الاهمال الأسري والفراغ العاطفي الي ممكن بعاني منه الكل بظل عصر التطور اسئلة خفيفه بس لأعرف ثقافتكم حول هالموضوع بدنا اجوبة واقعية - ماشي ؟ تم وشكرا ل موضوعك |
مفهوم الحب الحقيقي ؟ الحب بمفهومه الشامل هو حب الله ورسوله والحب في الله وحب الوالدين والاهل والاصدقاء اما بمفهومه العاطفي هو ارتباط واندماج شخصين طبعا بنت وشب في حاله حب يكون الهدف منها الزواج بتأييد علاقآت الحب عن طريق مواقع التواصل الآجتماعي .. ؟ اكيد لأ الا لو كانو من نفس المدينه او البلد والوصول لبعض سهل والعلاقه جاده جدا من كلا الطرفين عدا ذلك كله هبل وتضييع وقت وهل الفراغ بيعمل دور في انشاء اي علاقه ؟ ممكن الفراغ يعمل اي شي نظرتك لعلاقات الحب الحالية بمجتمعك ؟ بشكل عام كله تفريغ عواطف لا اكثر لا ترتقي للوصول للحبيب بغرض الزواج شو يلي بأجج عاطفة الشباب ؟ عالم النت مفتوح والافلام والمسلسلات ممكن جدا تأجج حاله يكون فيها بحاجه لبنت اي بنت المهم يقضي وقت معها ولما يمل منها بروح لغيرها والعكس صحيح طبعاً البنات مش منزهات عن هالشي وطبعا مش كل الشباب ولا كل البنات ممكن نتهمهم انا بحكي عن فئه محدده مشكور اخي للاسئله |
مسا الخير نتفة حكي .. مفهوم الحب الحقيقي ؟ الحب الحقيقي معلّق بوجود الراحه النفسيه بين الطرفين، وقت ترتاح للي قبالك وكإنو عم تحكي مع نفسك مش مع اللي قبالك هذا هو الحب، وإنك تتقبل شخصية اللي قبالك مهما كان فيه عيوب وإنك تعطي بدون ما تستنى منو مقابل وانك دايما تسامح مهما كان في زعل هذا هو الحب .. بغض النظر إن كان بين اب وإبنه، بين ام وبنتها، بين اخ واخته، بين صديق وصديق، بين حبيب وحبيب .. بتأييد علاقآت الحب عن طريق مواقع التواصل الآجتماعي .. ؟ مش قصة تأييد، بس ما فيك تمنع شخص حب إنسان عن طريق النت لإنه الإنسان لمن يفوت عالنت مانو جماد لحتى ميحسش، بفوت عالنت وهوي إنسان وقلبو معه، ما بيقدر يتحكم بعواطفه، يمكن هيك سؤال ما بينسأل، لإنه وقت الإنسان يحب ما بيهتم لإشي اسمه واقع او نت .. وهاي بالنسبه إلي عنجد مشكله، مش لإني ضد، بس لإني ما بضمن قديش واقعية ومصداقية هالعلاقه بالنت، هل رح تتحول هالعلاقه لواقع؟ لدرجه إنو تنتهي بالزواج؟ هون السؤال يللي بيطرح نفسه .. مشان هيك انا بفضل الإنسان ما يتعمق كتير فعالم النت، بكون افضل .. وهل الفراغ بيعمل دور في انشاء اي علاقه ؟ بيلعب دور اكيد بس العلاقات يللي بتنعمل ما بكون فيها جديه، لإنه الإنسان يللي عايش هيك حاله بتلاقيه مش عارف حالو ايش بدو، داير من علاقه لعلاقه بسبب هالفراغ ! لهيك البيئه يللي بيعيش فيها الإنسان إن كان فالبيت مع اهله او بين صحابو ومعارفو، كتير ممكن تأثر وتعكس تصرفاته .. نظرتك لعلاقات الحب الحالية بمجتمعك ؟ ما فيني احكم لإني مش قاعدي بقلوب الناس لحتى اعرف إذا كل قصص هالحب حقيقيه او مزيفه، بس اللي لاحظته إنه كترت "الخيانه" وكإنه صارت اشي طبيعي وهذا نوعا ما بيفرجيني انعدام الحب الحقيقي هالإيام .. شو يلي بأجج عاطفة الشباب ؟ الغريزه .. ومطرح متكون هالغريزه قويه بجسم الإنسان هالإشي بخليه يتأثر من كل اشي ممكن يقوّي هالغريزه، وللأسف هالإشي ممكن يوّلد شغلات وتصرفات وافكار سلبيه .. شكرا ع الاسئله الحلوي، نتفة حكي، ويسعد مساك :137: |
كتير مبسوط من الوعي يلي موجود هون حول هالموضوع ماتتخيلو قديش وبانتظار بقية الاعضاء طبعا بعدها رح رد على كل شخص والعضوة يلي حكت ان هالموضوع صار فيه نقاشات كتيره ومالو يخيتي لو بضل كل يوم نقاش جديد يمكن كلمة بتأثر بإنسان ضايع ويخليه يوعى على حاله ؟ يرجع يفكر من اول وجديد او نقدر نصحي بنت مزبوط ؟ |
| الساعة الآن 04:54 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.