| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
| | LinkBack | أدوات الموضوع | انواع عرض الموضوع |
02-07-2016
| #11 | |
 حنين لرائحة زمن مضى ツ 
 |  فقرة التعـــــريف اسم النك نيم ل آلكك؟ سمره الآاسم الحقيقي؟ أثار برجكك؟ الجدي تاريخ الميلاد؟ 16.1 الاقامةة؟ ساجور - جليل اعلى - عرب 48 العمر؟ 25 التحصيل الدراسي؟ توئر ريشون بموضوع ادب عربي وتربيه فقرة المـــــــــنتدى ماذا يعني لك منتدى ( بنآت فلسطين)؟ موقع ترفيهي، كتير بسليني وقت فراغي أقرب صديق لك في المنتدى؟ كماني المزاج اي قسم تدخل إليه ب آاستمرار؟ تقريبا قسم النقاش كلمةة بحق المدراء؟ الله يعطيكوا الف عافي عكل اشي عملتوه لحتى انوجد هالمنتدى وان شاء الله يضل مستمر ع طول للناس اللي يسجلوا فيو من بعدنا احنا .. كلمةة تود أن تقولها الى أي عضو ب المنتدى؟ للكل بحب احكي الله يوفقكوا بحياتكوا الشخصيه وبتمنالكوا سعاده ابديه  أقرب عضوةة لك ب المنتدى؟؟ لونلي هيرت أقرب عضوو لكك ب المنتدى؟؟ كماني المزاج هل يوجد عضو قريبكك من المنتدى؟ لاء من يستحق أن تعطيه التميز ب المنتدى ب نظرك؟ كل اللي تمنيت ترقيتون تم ترقيتون بس هالاشي صار متأخر، وحابه اضيف عالاعضاء اللي ارتقوا، إستقراطي فارغ ومشاغبه كتير بحب شخصياتون المميزه بستحقوا التميز وانا متأكده الاغلب شايفين هالاشي .. 3 يآسمينات لمن تهديهم ؟ شام، لونلي، ننوش فقرة الـــــــــحب هل انت مغرم؟ كل إنسان عاش هالتجربه، صار مارق وقت ع الاشي .. هل تعتبر بهذا الزمن الحب حقيقي؟ بقدرش اعرف لإني مش قاعدي بقلوب الناس لحتى اعرف إذا حبون حقيقي او مزيف، بس بقدر قول شغله وحده إنه كل اشي صار متوقع يعني بكلمات اخرى لو الحب الحقيقي اصبح معدوم رح اعتبر الاشي اقل من عادي لإني بطلت استغرب من اشي هالايام ! هل تضحي من اجل من تحب؟ ممكن اه وممكن لاء، بيتعلق .. هل الحب يستحق التضحيه؟ بستحق بس لحد محدود مش اكتر، اوقات بوصلوا للقتل شو لهالدرجه؟! اقتل حالي مشان الحب؟ منزلتش من بطن امي عشان بالاخر اقتل حالي مشان الحب، مش لهالدرجه، مشان هيك حكيت لحد محدود مع إنو في ناس بتشوف إنو التضحيه مالهاش حدود بس انا للأسف بشوف في الها حدود ! كلمه تود أن تقولها إلى من تحب؟ شكرا عالتجربه اللي علمتني اشياء كتير علاقــــــــاتكــ اقرب شخص لك من ب حياتكك ؟ اختي مروه اللي معي فالبيت هل أنت غيور من أحد؟ شو ناقصني لحتى اغار؟ هل أنت تغار على أحد؟ لاء كم عدد أصدقآئكك ب الواقع ؟ عندي كتير معارف، بس صديق حقيقي؟ اختي مروه هي صحبيتي واقرب شخص الي بحياتي .. هل لديك اصدقاء حقيقيين بمعنى الصداقةة؟ جاوبت فقرة أســـود وأبيض( آجب بضد او مع) هل أنت مع أو ضد تعدد الزوجات؟ ضد مع إنو الفكره محلله شرعيا عند الاسلام هل أنت مع أوضد المرأه تطالب بحقوقها؟ مع مش غلط بس بدي احكي لكل بنت ما تتوقعيش إنو يجي يوم ويصير مساواه بين الرجل والمرأه بالمجتمع الشرقي، لإنه لو بدو يكون في مساواه كان صار من زمان هه هل أنت مع أو ضد التطور المستمر؟ مع إذا بفيد بس ضد إذا زاد عن حدو هل أنت مع أو ضد النت؟ مع لإنه صار كتير ضروري وما فينا نستغني عنه وصار وسيلة يوميه ضروريه وخصوصا عند الناس اللي مجال شغلون بتطلّب اجهزة كمبيوتر ومحشفيم هل أنت مع أو ضد حب الانترنيت؟ مش مع ومش ضد، برأيي كل ما كان الإنسان بعيد عن عالم النت كل ما كان افضل، وكل مقرر يعيش الحب بعالم الواقع يللي بعيد عن النت كل ما كان احسن، وقد ما كان الحب صادق بعالم النت إلا إنه منقدرش نضمن قديش نسبة نجاح هالحب او قديش مدى صداقيته وواقعبته وجديته فقرة القــــــناع هذه الفقره يقوم فيها النجم بارتداء القناع والاجابه من وراء القناع اي ليس من شخصيته .. يعني فيو يحكي ب كل جرأةة وصراحةة أو يككزب لو قتلت تقتل من؟ ولا مره فكرت بهالطريقه لإني بحياتي مفكرتش أأذي الناس، مع إنه بقدرش انكر إنو في ناس جبتلي مشاكل بحياتي بس رب العباد موجود هو اللي بحاسب الناس و"يا ظالم لك يوم مهما طال اليوم" ! هل أنت صريح؟ دايما الحمد لله هل تحب نفسك؟ كتير هل تحب الألم لغيرك؟ معنديش اعداء لحتى اتمنالون الوجع لو علمت بأن جميع الناس يكرهوك؟ م هو آحسآسكك؟ مع إني مش متخيله الموقف إلا إنه ردة فعلي رح تكون "وتستمر الحياة" ! تحدث لنآ عن موقف مضحك حدث لك ؟ مره كنت ماشي وكنت حاملي شنته عالكتف وانا اغلب مشاويري باخد شنتات عالكتف، المهم كنت تاركي جرار الشنته مفتوح وسمره ماشي ومش حاسي بغراضها عم بوقعوا ماشي ماشي وفش حدا هون بالاخر نكشني واحد قلي غراضك عم توقع يعني عنجد اشي محرج هه تحدث لنآ عن موقف حزين لن تنساه؟ لمن انسرق بلفوني كان كتير صعب علي الاشي شيئ حصل لكك أسعدكك حد البكاء؟ ولا مره صار معي متل هيك مواقف إنه ابكي من الفرحه البريئه، ملك روحي، فلسطين العروبه، غروب، إبتسامة عاشقه، غاردينيا، ريما غزه، ننوش شكرا صبايا بارو، شكرا كتير ع استضافتك لإلي بهالموضوع الحلو، كتير عجبوني الاسئله، وإنبسطت وقت جاوبت عليون، وكنت صريحه بأجوبتي هذا اهم اشي، شكرا ويعطيكي العافي ورح تابع الموضوع دايما ان شاء الله .. | |
 |
| أدوات الموضوع | |
| انواع عرض الموضوع | |
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| لقَآءْ معْ نككْ نيمْ ,, | ﻏچـړﭜﮧ ♕ | فـسحـة الـروح " يوَ๑ـَيآتْ الأξـضآء " | 30 | 04-27-2016 03:05 PM |
| أَنبَتتْ شَجرة مُنتديآت بنآتْ فلَسطَينْ وُرقة ة اُخرى | هدوءْ ء• | مطار بنات فلسطين - ωoเcoмє | 13 | 03-11-2014 07:46 PM |
| تصميمْ نسيمْ لبنآن|مُمَيزْ | | Da Vinci | ▪●[ التصَآمِيمْ والجَـرآفِڪسْ ~© | 15 | 08-01-2013 02:03 PM |
الساعة الآن 05:34 PM
