منتديات بنات فلسطين - ممكن تقبلوها ؟؟؟

منتديات بنات فلسطين (http://www.bntpal.com/vb/)

- - ممكن تقبلوها ؟؟؟ (http://www.bntpal.com/vb/t53792/)

:5:

بعين الله
شو نعمل نعيط
عيطنا كتير وما تغيرت الظروف
الله يبعتلنا ايام وظروف احسن

اقتباس:

المشاركة الأصلية كتبت بواسطة القيصر سامر (المشاركة 2018769)

ميناس

قرأت في بعض الردود إنو ما بهمهم كلام الناس
لكن متل ما بتعرفي
لا يؤلم الجرحُ إلا من بهِ ألمُ
والمثل بيحكي
العيار الي ما بيصيب بيدوش صاحبه
صح إنو نيفين
وهاي إسم البنت الي حكيت عنها
كانت بتشتغل ومن هالأمور
يعني عندها معاون إلها للزمن
لكن كمان هي بتتوجع مو لكلام الناس بس
كل أنثى مهما كان عرقها
وشكلها وجنسيتها
الأنثى بشكل عام بقصد
بتحلم برجل يضمها ويكون سند إلها
في حياتها وبآخر أوقاتها
وهاد كلو نصيب من ربنا
وأنا إلك أكبر مثال
أنا بإستطاعتي أتزوج برمشة عين
وكل مقومات الرجل المناسب فيي
حالتي المادية ميسورة الحمد لله
وجامعي إلخ..؟
وبقدر ما اشتغل طول عمري أضل قاعد بالبيت وأصرف مصاريف عالية
زمان أغلب الشباب كانت بتحكي تأخر الزواج عندهم السبب مادي
بس غلطانيين يا ميناس
المادة ما خصها أبداً
لغاية الآن مش عارف اتزوج
مش لاقي الي بدور عليه يمكن
أو انا
صار معي حالة نفسية من هالموضوع ما بعرف

الي بدي وصلك ياه ميناس
إنو كمان في بعض حالات الرجل
بيحس بإحساس العنوسة
!!!

وهاد الي عايشو انا
وبما إنو هالموضوع صار متل مواضيع الإعترافات
راح بعترف بشغلة
من يومين كنت مريض
صابني نوع من انواع عدم التوازن
وكان سببو إتهاب بالأذن الوسطى
كنت قوم وما اقدر أوقف أدوخ عطول
لما رحت عالدكتور بيحكيلي بس اتروح خلي حد من الي عندك بالبيت
يعملك شوربة دجاج أو شعيرية وخد هالدوا وإنشاء الله بتصير تمام
يوم إني روحت عالبيت وبين هالأربع حيطان لحالي
صفنت بيني وبين حالي
مو قادر أوقف على رجليي وما بعرف أطبخ انا
شو الحل...؟
وبصراحة ما خليت شي بالدنيا ما اغطلت عليه
كرهت نفسي يعني
وسبيت حظي وحياتي الي عايشها

حتى وقف الحكي على لساني الآن
والكلام بيطول هون ميناس
وللصبح ما بنخلص

كل كلامي وكلام الجميع
راح بحطو
بين قوسين
(القسمة والنصيب)
وإنو هاد كلو من ربنا

والحمد لله على كل شيئ

يعطيكِ العافية كيتو عالموضوع

سامر

صح اناآ معك ممكن الشب بيحس بالعنوسة متل البنت عآدي جداً
وقت يفتش على بنت و مآ يلآقيهاآ

او وقت ينرفض من اي بنت لسبب مآدي او شي تآني

ممكن اللي احكى مآ بهبهم كلآم النآس لأنهم مش مجربينوو
ليك نحناآ بمجتمع كلنآ متل بعض
و كلآم الناس متل السكين بالقلب
مع احترآمي للكل لكن بأمور حسآسة متل هيك
كلاآم النآس بأثر و جداً

ليك سؤآء البنت او الشب

الوآلدين مش دآيمين طول العمر
بعد عمر طويل ليفآرقوو الحيآةة

البنت العآنس لمين تبقى !
او عند مين تبقى بعد ابوهاآ و امهاآ ؟؟

و على فكرةة مآ بعمروو الأخ كآن بحنية الأب
البنت بحيآةة وآلدهاآ بتكون قآعدةة بقنآعة
لكن بعد وفآةة وآلدهاآ رح تحس حآلهاآ ضيفة
عند الأخ و مرت الأخ

لو انهاآ مجوزةة لكآن بيت زوجهاآ بيأويهاآ
لو كآن عندهاآ ولد بحميهاآ

مآ بعرف اناآ هاد رأيي
ممكن تفكيري لبعد سنين طويلة
لكن المفروض نفكر لقدآم

سآمر ’ ربي يبعتلك بنت الحلاآل اللي تسر قلبك و تسعدك

تحيآتي للكل .~

ميناس

معك أنا بكل حرف

بيعجبني نمط تفكيرك بالحياة
وطريقتك بتوضح الأمور

بجد بتشرف بمعرفتكْ

^_^

كوني بخير

سامر

اقتباس:

المشاركة الأصلية كتبت بواسطة البريئة ! (المشاركة 2017054)

حبيت نقآشك

اناآ برأيي تعدد الزوجآت ايوةة حل للعنوسة
لشوو الغيرةة و المقآرنة ازآ في بين الزوجآت عدل
و كل وحدةة بيبتهاآ و بعيدةة عن ضرتهاآ !

و ازآ مفيش عدل فهالشي مشكلة الزوج
مش مشكلة زوجآته

برغم علم الزوج بإنوو ازآ مآ أعدل بين زوجآته
رح يكون يوم القيآمة و احدى الشقين مآئل

و لوو عندناآ ايمآن و دين اكتر لكآن كل وحدةة بتعآمل ضرتهاآ
بأسلوب يرضي ربناآ
و ازآ هالست فش عندهاآ دين فممكن هالشي كلوو عقآب الهاآ من ربناآ

و بحآلة يكون بالزوجة الآولى عيب
و هاد سبب زوآج زوجهاآ عليهاآ
فالمفروض ترضى بالوآقع

بعتذر على المدآخلاآت
تحيآتي لكم .~

ربنا قال ولن تستطيعوا أن تعدلوا
هي وجهة نظرك وأنا عليا احترامها
لكن بكل أمانة مش مقتنعة ولا يمكن هقتنع
ان التعدد اللي بدون سبب قهري واللي بيجي على
حساب كيان أسرة تانية وسيلة لحل مشكلة العنوسة
أصلا المشاكل الاجتماعية هتزيد وهيجيبوا أطفال
يشاركوا في أزمة سكانية ويعانوا طول عمرهم
وأكيد علاقتهم بإخواتهم من الزوجة الأولى هتكون
مضطربة
شكرا حبيبتي على مداخلاتك وتبادل وجهات النظر

اقتباس:

المشاركة الأصلية كتبت بواسطة سمــره (المشاركة 2017324)

بالنسبه إلي مفش إشي اسمه عنوسه بالدنيا،
الناس هني اللي اخترعوها هالكلمه، من كلمة "اخترعوها" منفهم إنه هالكلمه مفش إلها وجود !
كل بنت لساتها مش متزوجه لإنه الله بكون هيك كاتبلها إنو تضل عايشه عند اهلها وبس ..
اما بالنسبه للجيزه من تانيه وتالته ورابعه مشان يخففوا من عدد البنات اللي مش متزوجات، فكره اول مره بسمع فيها،
ليكي انا مش مسلمه، والعادات عنا بديانتي مسموح زوجه وحده مش اكتر، يعني مفش تعدد زوجات متل الاسلام، يعني العادات مختلفه،
ومع هيك حابه ابدي رأيي، فما بين مع او ضد، رح كون ضد، هالمتزوج يمكن بيحب مرتو، مانو مضطر يتزوج عليها لحتى يقلل من عدد الصبايا العزابيات ..
ما بعرف إذا سؤالك مجرد سؤال او إنو هالفكره فعلا موجوده .. بس بتمنى متكنش موجوده ولا بأي مجتمع عربي،
بحبذ الجيزه ع مرتو بحاله وحده، لمن تكون مرتو الاولى عقيم بتقدرش تخلف، غير هيك لاء ..

:137:

وده من الأسباب الرئيسية اللي علشانها
سمحلنا دينا بالتعدد علشان رحمة ربنا ولطفه بينا
المشكلة يا سمرة في البشر اللي بياخدوه ذريعة ليهم
ويستخدموه غلط
وحكاية ان التعدد منتشر لحل أزمة العنوسة
فموضوعي كله كان بسبب موضوع تاني حصل باريتريا
نقلته الملاك البريء وجاوبت البريئة اجابة
اثارتني لمعرفة أراء الآخرين
عجبني كلامك ورأيك عن البنت وإن كلمة عنوسة
من اختراع ناس أقل حاجة تتقال عنهم إنهم عديمين
الشعور والتقدير لقيمة البنت
شكرا ليكي يا عسل

اقتباس:

المشاركة الأصلية كتبت بواسطة lonely heart (المشاركة 2017515)

سؤالي للبنات
إيه مشكلتك مع العنوسة طالما قاعدة معززة مكرمة في بيت أهلك ؟

ما عندي اي مشكله بهيك موضوع وانا ما بعترف بشي اسمه عنوسه ابدا
البنت وقت ما ييجيها الشخص المناسب واللي رح يكون شريك حياتها ويحافظ عليها تحبه ويحبها تتزوج
ما في داعي تتزوج اي مخلوق بس لحتى ما تسمع من الناس انها صارت عانس

خايفة من كلام الناس ؟
ما بهتم بكلام الناس شو رح ينفعوني لو انا تزوجت اي انسان وبعدها ما لقيت راحتي معه وحياتي صارت جحيم
انا عايشه معززه ومكرمه عند اهلي ومو ناقصني شي كل شي بتمناه بلاقيه
وقت ما ييجي النصيب بصير حكي تاني

ممكن تقبلي الفكرة دي كحل ؟
لا

ممكن ترضي تكوني زوجة تانية ؟؟
مستحيل اقبل بهيك شي وابني سعادتي على سعادة حد تاني وادمر اسرة تانيه
الشي يلي ما برضاه لنفسي ما برضاه لغيري

لو كنتي متجوزة ممكن ترضي بدخول زوجة تانية حياة جوزك ؟
لا ما برضى هو حر يتزوج مين ما بده
صحيح حلل الشرع الزواج اكتر من زوجة بشروط معينه
بس ما بقدر أعيش معه رح اطلب الانفصال
ما بحب يشاركني حد بالانسان يلي حبيته
وبعدين مين قال انه ممكن الانسان اللي رح اتزوجه يفكر اصلا بالزواج علي بس يصحله وحده متلي ههههه

لو كنتي أم ممكن تقبليها لبنتك ؟
اكيد مستحيل اقبل هالشي لبنتي

موضوع حلو
حبيت النقاش فيه
يسلمو كيتو

تسلمي يا لونلي
عجبتني كل إجاباتك
ربنا يحققلك اللي بتتمنيه
شكرا يا عسل

الملاك البريء حبيبتي ربنا يعينك ويخليلك ولادك وتفرحي بيهم
البريئة
شكرا على المداخلات الحلوة والنقاش الراقي
سامر
شكرا على نقاشك وروعة حوارك