|
العيآدة النفسية مع أ.حنين
|
الفكرةة حلوة حنين وحبيتها بتمنى يكون عليها تفاعل واهم شي يكون سبب لحل خلافات بين الاعضاء نفسهم موفقة والف عافيةة |
حلوة كتير الفكرة وان شاء الله تلاقي تفاعل متابعه الك اكيد يعطيك العافيه.. |
حبيت مع أ.حنين هههه يسعدك استاذتنا ع الفكرة الحلوة متابعة معك |
حلو كتير بلكي بتروح عنا بعض هالمزاجيات والنفسيات المتقلبة فكرة حلوة الله يبعد عنا الامراض متابعة |
فكرتك حلوة ي حجة رح أكون متآبعة ^ ^ |
فكرة حلوة كتير يعطيك العافية متابعة |
مع أ.حنين المفروض مع د، حنين ههههه حلوة الفكرة وهطرح مشكلتي هههه تحياتي لك |
يعطيك العافيه حنين علي فكرتك بأنتظار طرح مشاكلك احمد وبعديها بطرح مشاكلي هههههه |
فكر حلوة جدا يا حنين وزي ماقلتي حتى لو مفيش حل مناسب بنكون فضينا طاقاتنا السلبية وارتحنا شوية اتمنى ان ميكونش فيه عند حد مشاكل كبيرة وربنا يفرجها على الكل تشاو |
مشكورين جميعاً ع التواجد العطر بس كله متابع مافي حدا ناوي يكون أول زبون عندي هههه كنت بدي اكتبها د. حنين بس قلت من باب التواضع خليها أ. حنين ههههه مؤمن انت صدقت انه هل كان حباً بده يطرح مشكلته آخر واحد في المنتدى بتوقعه يفوت لهالموضوع هههههه |
هههههه حنون بدي علاج للعصبية الحقيني هيوتني اول زبونة هههه |
نآهه بدي آخخد مموععد سسريعي سسريعي سسريععي هيهي :90: ')) يسلمو يعسسل ع الفكككره النآيسسو بححب المششآكل آصصدي بححب آحل مششآكل :62: ')) يلاهه ججآبه ابعتلكك مشكلتي :100: ') وردهه |
اقتباس:
واشربي حليب مع معلقة زنجبيل بهدي الأعصاب ومغلي النعنع كمان مهدئ ومنوم وعن تجربة بقلك هههه هاد من ناحية طبية أما من ناحية نفسية فلما تحسي حالك بدك تعصبي التزمي الصمت أو فرغي شحنة العصبية بأي شي بعيد عن نظر ومسمع أي شخص يعني عندك أنا لما بعصب ع الاخر ومابدي أتهور بقوم أرقص ههههههه ولما تكون عصبيتي بخنقة بصير أعيط حاولي تلتزمي الصمت تستغفري ربنا تتوضي تصلي ركعتين تقرأي قرآن تغيري جلستك تقومي تمشي تتحركي تشغلي نفسك بأي حاجة تانية حاولي تعيطي العياط بهدي العصبية والانفعال وعن تجربة حاولي تبعدي عن أي شي ممكن يعصبك أو يدايقك حاولي تعملي جلسات استرخاء وتهدئة للأعصاب ابعدي عن ضغوط الحياة واختلي بنفسك وناجي ربك اطلعي طشي شوفي وجوه جديدة اقرئي تصفحي العبي اعملي أي شي بعيد عن السلبيات وبدي أعطيكي معلومة طبية تسيطري فيها على انفعالك الشديد لحظتها جيبي بصلة ابشريها بكفة ايدك وشميها بأقوى ماعندك أكتر من مرة بتهدي ع طول ان شاء الله أكون أفدتك ههههه |
اقتباس:
نورتي ننوشتي الحلوة |
اولهآ مججآنآ هيهي :62: ')) ششآن آدعيلكك الله يككتر مشآكلهم لـ تربحي :32: يسعدكك عسسولهه وردهه |
لا حرام ربنا مايجيب لحدا مشاكل خلص مجاني لعيونك ننوشتي الحلوة ولايهمك هههه |
كل هادا للعصبية طلعتي دكتورة اعصاب ممتازة حنونة بجد |
فكرة حلوة وان شاء الله يكون فيها تفاعل حتى ولو بعرض مشاكل الداخلية بالمنتدى بين الاعضاء حتى تنتهي الخلافات ويرجع الجو الحلو في المنتدى يعطيكِ العافيةة ،، |
فكرة حلوه حبيتها ان شاء الله يكون في تفاعل من الاعضاء يسلمو عسوله |
الفكرةة حلوةة كتير هو انتي دآرسة بهالمجآل .؟ على فكرةة اناآ زرت دكتور نفسي و صرآحة استفدت عندوو ممكن اسآعدك هههههه حآبة ارد على الملاآك البريئ رح تكون لياآ عودةة بكرآ ان شآء الله شكراً .~ |
الصياد لونلي البريئة شكراً لتواجدكم واطرائكم نورتم لا أنا تخصصي مجاله بعيد بس أنا بحب علم النفس وبقرأ كتب كتير له وبحب أسمع الناس منه بساعد ومنه بتعلم بانتظار ل تردي ع الملاك نورتي غاليتي |
مشكلة من مجهول : أنا بنت اجتماعيية و بحب كل الناس لكن مابحب أصاحب أي حدا ماعندي الا صاحبة وحدة هالشي مرض نفسي ؟ الشي هذا أبداً منو مرض نفسي بالعكس قمة العقالة والركازة والنفس الطيبة خبث البشر ولؤمهم ونفوسهم المريضة هالأيام بتطلب منا كل الحذر باختيار أصدقائنا والناس المقربين منا لأنه أول مابطعن فيكِ وأول مين بجرحك أكثر شخص قريب منك وأكثر ششخص بعرفك خليكِ متل ماانتي حبي الكل بس ماتثقي بحدا بسهولة خليكِِ ماشية ع مبدأ (مطرح ماتأمن خون) المسألة مش بالعدد المسألة بمين يضل معك للآخر ويكمل .. أنا متلك بحب الكل ومابعمري كرهت حدا ولا حقدت ع حدا واجتماعية لأبعد الحدود وبحب الناس وعندي صحبات ومعارف بعدد شعر راسي وكلهم بحبهم وبحبوني لكن سري مابعطيه ل أي وحدة فيهم ولا بطلع اللي قلبي لأي وحدة وكل صحباتي سواء المقربات أو البعاد ماحدا منهم بعرف عن حياتي شي مش لأنه صحباتي من كويسات لا لأنه أنا مابدي أنجرح وأنطعن من أحب الناس ع قلبي لهيك بسكر أي طريق ممكن يجيني منه وجعة راس منهم .. بتمنى أكون أفدك ولو عندك أي تعليق ع كلامي الخاص عندي مفتوح يسعد قلبك |
مشكلة من مجهول : (أنا أنانية لأبعد حد يعني بحب بابا وبخاف عليه بكون نفسي أخبيه تحت مخدتي خايفة حدا يسرقوا ) أول خطوات الحل تقعدي مع نفسك قعدة صفاء تعاتبيها وتحاسبيها وتعترفي بعيوبك بينك وبين نفسك تسألي حالك انا ليش بحس تجاه بابا هيك أو ليش وصفت نفسي بالأنانية معقول حب بابا الزايد لي ودلعه لي هو اللي خلاني أتعلق فيه هيك و أخاف عليه من الهوا الطاير وأكون بدي أخفيه عن كل الناس معقول لأنه بابا شخصية مافي منها وكل صفاته عجباني وماشفت برجال تاني الصفات اللي بشوفها بـ بابا معقول أنا عندي حب لنفسي أكتر من حبي ل بابا لهيك بدي بابا يكون ملكي لوحدي ومابدي حدا يشاركني فيه كل هاي تساؤلات ماحدا بقدر يجاوب عليها غيرك من العقل والمنطق يكون حبك لوالدك حب فطري غريزي لكن اللي التمسته بكلامك انه تعدى الحب الفطري أو الحب العقلاني بين بنت ووالدها صار الأمر كأنك بتحبي شخص تاني مش والدك الغيرة وحب التملك هاي مشاعر طبيعية بين تنتين بحبو بعض لكن بين بنت ع أبوها بعتقد هالشي أبداً منو منطقي الشغلة اللي لازم تفهميها منيح انه انتي مكانتك ومحبة والدك لك غير عن مكانة أمك ومحبته لها أمك زوجته بدأت معه مشوار حياته وأسست معه بيته وأسرته وهي سبب وجودك انتي ع هالحياة حب أبوكِ ل أمك حب العشرة الحب اللي ربنا غرسته فينا حتى تستمر البشرية وتتآلف القلوب وتكون أسر وعائلات أما حب أبوكِ لك فهو حب فلذة الكبد حب قطعة من الروح حب جزء من الجسد انتي نشأتي وتكونتي بجزء من جسد أبوكِ لهيك حبه لك وحبك له حب الجزء من الكل مابنفع تجي تحكي أنا بدي اخبيه عن الناس متل اللي خايفة حدا يسرقوا عشان هيك أولى خطوات العلاج اللي لازم تفهميها كتير منيح هي تصحيح التصور يعني تصححي الفكرة اللي براسك لقيمتك عند أبوكِ وقيمته عندك وتعرفي شو لك وشو عليكِ وتعرفي تفرقي منيح بين انتِ شو وهو شو ولازم تكون عندك ارادة صادقة وقوة اصرار عزيمة ع السيطرة ع هالشعور ووضع حد له والتغلب عليه اقنعي نفسك انك قوية وقادرة قوي ايمانك بالله وثقتك فيه قوي تقتك بنفسك لأنه واضح من كلامك انها مهزوزة شوية جاهدي نفسك فكري بايجابية أولها راح تتصعبي بس ماتيأسي مرة ع مرة بتتعودي لازم تحطي حد لهالشي بإرادتك أحسن ماينحط له حد بدون ارداتك وبهيك راح تتعبي انتي وتنهاري وتصير فيكِ شغلات لاتحمد عقباها وانتي بغنى عنها مافي شي بهالدنيا دايم الا وجه الله وانتي مابتعرفي شو الزمن والقدر مخبي لك لهيك كوني قوية من جواتك عشان تقدري تواجهي صعوبات الحياة وتتغلبي عليها حبي لغيرك اللي بتحبيه لنفسك ربنا قال لايؤمن أحدكم حتى يحب لأخيه مايحب لنفسه متلاً متل ماانتي بتحبي انه والدك يدلعك ويلبيلك كل مطالبك حبي لأمك وأخوتك انه والدك يحبهم هما كمان ويلبي لهم مطالبهم وابعدي عن عقلك فكرة الغيرة والأنانية هاي لاتحرقي قلبك بنار الأنانية وحب التملك لأنها مابتورث الا الشتات والضياع سواء مع النفس أو مع الغير وراح أنهي كلامي معك ببيت شعر بقول النمل تبنى قراها في تماسكها والنحل تجنى رحيق الشهد أعوانا الحديث بهيك موضوع بطول شرحه أكتر من هيك وفي كتير شغلات كمان ماذكرتها لكن حاولت أقرب لك الصور وبينك وبين نفسك تعالجي هالمشكلة وان شاء الله أكون قدرت أفيدك احترامي |
ماهو هنا عاد لب المشكلة أساس الترباية والتنشئة اللي نشأتي عليها هي أكبر سبب لما والدك يدلعك من صغرك ومايقولك ع شي لأ هذا أكبر غلط بولد مشآكل صعب تنحل بالكبر عشان هيك متل ماذكرتلك بكلامي السابق صصحي فكرتك وتصورك وحاولي تقنعي نفسك وتفهميها الصح من الغلط وجاهدي شعورك وحكمي عقلك لأنك لو ضليتي هيك راح تخسري وراح تخسري كتير كمان وبالنسبة لجملتي ينحط لها حد بدون ارداتك مش شرط هما يحطو لك حد يمكن الزمن يحط الحد لك لانه بأي لحظة ممكن لسمح الله الموت يخطفه منك ربنا يعطيه طولة العمر ويخليلك ياه طبعاً بس هالشي مفروغ منه كلنا ميتين ومادايم الا وجه الله هلأ والدك لو حكالك ع شي لأ راح يصير عندك اكتئاب ومشاكل نفسية صح برأيك ليش لأنه عودك من وانتي صغيرة اطلبي يلبى يعني الغلط الأساسي برجع ل أبوكِ بهالشي ولو بتعتبري أبوكِ صديق فيكِ تحكيله هالشي يمكن كمان يقدر يساعدك بس صدقيني بالمسألة هاي بالذات ماحدا بقدر يساعدك الا نفسك احنا ممكن نعطيكِ خطوات ونشجعك لكن ماحدا غيرك بقدر يسيطر ع شعور وأفكاره .. |
اووبا وأخيراً لقيت الشيء الي بدور عليه خطيرة انتِ حنين فكرة الموضوع جميلة جداً ولا ضير في أن نقوم بطرح مشاكلنا على إخصائية بحجمك حنين لتقوم بعلاجنا ومدواتنا على الشكل المرجو والصورة المطلوبة ولن أتردد في عرض مشاكلي هنا وان كنت على علم مسبق أني لن أٌشفى منها ولن يكون هناك اي علاج لها وبحاجة لمعجزة إلاهية كي أٌشفى منها أولى مشاكلي لدي أضطربات كبيرة في المشاعر والأحاسيس في بعض الأحيان اجد نفسي عاشق لحواء ومتيم بها واريد الإرتباط بها في أسرع وقت وما أن تمضى بعض الساعات تذهب هذه المشاعر الجميلة والاحاسيس المرهفة تجاه حواء وأجد نفسي كاره لوجودها في حياتي ولا أرغب بالإرتباط بها وفي أحيان كثيرة أقول لنفسي لا تٌلقي بنفسك في سجن مظلم ونفق مغلق قد تدفع الغالي والنفيث من ورائه :30: أنتظرك حنين ^ ^ |
شو هاد حنين شايفة صار في عندكك زباين هههه طيب ليكي راح اطرح مشكلتي وطبعا راح احككي عن شي واقعي انا امي اتوفت وانا بعمر زغير والي صار انو بابا اتجوز بعد بفترة مشكلتي انو ما بطيئها لمرت ابوي مع انها وللامانة كتير مريحتني وما بتدئئ ع شغل البيت وبالعكس بتحاول تكسبني بس انا بستغل اي فرصةة لاجرحهها وادايئهاا صح بندم بعدهاا بس هالشي ما بمنعني اكرر غلطي معهاا ولما يصير سوء فهم بيناتنا كتير بعصب منهاا وهالشي عمل سوء فهم بيني وبين بابا هاي مشكلتي |
اقتباس:
هلا قصي وأنا بكون مبسوطة لما أسمعك قبل ماأرد عليك بأي شي حابة أعرف منك الأسباب اللي بتخليك تحس بهيك شعور ولا تحكيلي مابعرف لأنه مافي شي بجي بدون سبب ومافي دخان بدون نار يعني مختصر كلامي وبشكل واضح وصريح مريت بتجآرب حب فاشلة مع بنات قبل هيك وكيف بدت وكيف انتهت وشو تركت فيك أثر وكم تجربة مريت فيها أسئلة كتيرة ماحدا بقدر يجاوب عليها غيرك لو حابب تلاقي حل لمشكلتك هاي جاوب ع الأسئلة بشكل واضح وصريح وأهم سؤال جاوب عليه شو اللي مخوفك من جنس حواء ؟! |
اقتباس:
ربنا يرحم أمك ويجمعكوا فيها بجنآن النعيم ان شاء الله شوفي أول شي الموت علينا حق وكلنا راح نموت وماحدا مخلد فيها لما توفت أمك أبوكِ تزوج يعني ماتزوج وأمك عايشة وهالشي حطيه بعين الاعتبار كتير منيح واحمدي الله عليه لأنه في كتير أبآء بتزوجوا ع نسوانهم بدون سبب مقنع وبولدو مشآكل وخلافات وكره وحقد في الجو العائلي تبعه الشرع حلل الزواج من أربعة واللي عمله أبوكِ منو غلط وهذا حقه لكن انك انتِ تتعاملي مع مرت أبوكِ بطريقة مش منيحة وهي بتتعامل معك منيح هذا الغلط بحد ذاته للأسف نحنا مجتمع شرقي فكرته عن مرت الأب غولة ولا حرامي جاي يسرق أبونا منا أو سجن أبو غريب كله اهانة وتعذيب وانها دايماً بتكرهنا ومابتحب لنا الخير ولا بتحبنا هذا التصور السائد في مجتمعنا للأسف حتى لو كأنت مرت الأب منيحة أنا ماراح احكيلك اعتبريها متل امك لا لأنه بعمرك ماراح تحسي تجاهها هيك احساس لا هي ولا غيرها لانه مابعبي مطرح الأم حدا بس راح أقلك حآولي تتقربي منها تتعاملي معها بلطف بأسلوب منيح ماتزعليها وهي منيحة معك ماتجرحيها ماتهنيها لانك هيك بتولدي كره وحقد بينك وبينها وبينك وبين والدك مرت أبوكِ انسانة لها مكانتها واحترامها وقيمتها وبنت ناس أبوكِ ماجابها من الشارع حتى تنظلم وتنهان حاولي تكسبيها اضغطي ع نفسك اولها حاولي مرة وتنتين وتلاتة بعد مدة راح تحسي بالفرق وتحسي بتحسن المعاملة وتحسي برضا ربنا عليكِ وتوفيقه لك وهالشي راح تلتمسيه براحتك النفسية لو بشكل خفيف اعتبريها خالتك أو عمتك حطيها بأي مكآن قريب لك أنا مابقلك حبيها لكن بقلك احترميها مش بس بالتصرفات لا من جواتك حسي تجاهها باحترام هي ماأجت وسرقت أبوكِ منكو هي أجت ع بيت مافيه أم لتكون أم وزوجة وست بيت واحمدي الله انها بتحآول تكسبك وتتعامل معك منيح في غيرها بتسلب عقل زوجها وبتكون بنت حرام وبتآخده من ولاده وتدمرلهم حيآتهم عشآن هيك انا بكلامي بدافع عنها وبقلك اكسبيها ولاتخسريها لأنك انتِ اللي راح تخسري اكتر منها وأول شي راح تخسريه أبوكِ واياك تفكري انه بعمايلك هاي وردة فعل أبوكِ عليها أبوكِ بظلمك لا مابظلمك انتي اللي بتظلمي نفسك لما وصلتيه لهالشي انتي آخرتك راح تطلعي من بيت أهلك لبيت زوجك وراح تصيري ام وكنة ومابتعرفي الزمن شو مخبي لك ربنا مابضيع حق حدا وكما تدين تدان لما تظلمي مرت أبوكِ وتجرحيها بجي مين يظلمك ويجرحك كوني ع يقين من هالشي هذا كتير منيح وآخر شي حابة أختم كلامي فيه لك حآولي تحطي نفسك مكآنها وشوفي تعاملك معها بعجبك انه حدا يتعامل معك فيه وحطي نفسك مكآن أبوكِ انتي زلمة مرته توفت وبده حدا يهتم فيه باقي عمره اللي ضايل اطلعي برا الدائرة خمس دقايق وشوفيها من بعيد واحكمي لحالك انتي الأقدر ع حل مشكلتك بنفسك بس تحسبيها صح وتخطي الخطوة الصح بدك تضغطي ع نفسك وتتحملي وماتستسلمي مرة ع مرة بتهون . ان شاء الله يكون كلامي خفيف عليكِ وأكون قدرت أوصل لك الفكرة اللي بدي أوصلها |
كلامككك على عيني وراسي بس ما فيني احبهاا وهالشي ما بتحككم فيه بس يسلموو للنصيحةة ربي يسعدكك |
أنا ماحكتلك حبيها اقري الكلام مرة تانية راح تلاقيني كاتبة انا مابقلك حبيها لأنك ماراح تقدري تحبيها لكن بقلك احترميها وربنا يصلح الأحوال يارب ولاتنسي تدفعي حق الكشفية وانتي طالعة :p |
ما في دوا طيب :12: |
لاخليها بدون أدوية هههه |
قصي حآبة أحكيلك حآجة باب النجآر مخلع والله ههههههههههه |
حنين جاري التحضير لفحصك والكشف عنكِ انتظري التشخيص المبدئي لحالتك ^ ^ |
فككرة حلوة كتير ماآ شآء الله في تفآعل حلو بين الكل عوآفي حنين || ’، |
اقتباس:
ياريت والله حدا يقدر يعالجني من اللي أنا فيه بس للأسف صعب تعالج انسان رافض فكرة العلاج من أصلها عموماً راح أشوف شو راح يطلع معك بتشخيصي .. شخص تشوف هههههه |
اقتباس:
نورتي |
التشخيص المبدئي لحالتك / حنين الروح لديكِ فوضى عارمة في المشاعر وإضطراب في العواطف والأحاسيس تعيشين في دوامة من الحيرة والتشتت وغربة النفس لا تنعمي براحة الفكر في معظم الأوقات لديكِ ثقة كبيرة في الأشخاص مما يجعلك عرضة للكثير من الصدمات والخيبات أفكار متزاحمه في رأسك منها ما هو واقعي يحاكي الواقع ومنها أوهام تلعب بكِ ومنها ما هو جنونيآ إلى أبعد الحدود ومنها ما يضرب على وتر التفاؤل ومنها ما يسلك طريق التشاؤم واليأس أفكار بعضها غريب وبعضها أصبح ملازم لكِ ومألوف .. لا تدري أين يكمن الخلل هل هو في شخصك أو في طريقة تعاملك مع الواقع أم هناك عيب وخلل في زمانك الذي تعيشين فيه خلف إبتسامتك قصة حزن كبيرة تخفين من خلالها أحزانك وألامك تحاولين الهروب من دائرة أحزانك من خلال فضفضات تنثريها هنا أو هناك لديكِ شغف كبير وحب جارف في معرفة كل ما يدور في أذهان أدم ومحاوله فهمه بكل الطرق دون جدوى او فائدة تذكر هنا او هناك تعشقين أدم الشرقي المحافظ ذو السلوك القويم والخلق الرفيع ويروقك بشدة أدم الجاد والرسمي والمختلف في الصفات والأطباع عن أدم في زماننا الحالي الذي يلهث خلف حواء ويحاول الإيقاع بها وإصطياده من خلال إيثارة مشاعرها وعواطفها وكسب ودها من خلال غزل متصنع او مديح يكيله لها عبر الصفحات أحياناً تشعرين أنك بحاجة مآسة عن البعد والرحيل من هنا وترك كل شيء والعيش بعيداً عن الأصحاب والأصدقاء سريعة الإنفعال والتأثر في المقابل سريعة الرضى والنسيان وكلمة واحدة كفيلة بإنهاء أي مشكلة صادفتك هنا او هناك وقلبك أبيض ونقي كنقاء الثلج لا تحملين فيه غلاً ولا كرهاً لأحد مهما تجاوز في حقك أو أخطاء في تقديرك تشعرين في أوقات كثيرة أنك مختلفة عن كل البنات وما يروق لهم لا يروقك وأفكارك بعيدة كل البعد عن أفكارهم لدرجة أنك تحدثين نفسك في مواقف كثيرة لمااذا انا مختلفة عن باقي البنات وهل انا على صواب ام هم على صواب أكتفى بهذا القدر ولي عودة في حال طرأ أي جديد على شخصيك ^ ^ |
اقتباس:
:) |
| الساعة الآن 06:38 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
