|
اقتباس:
معهم حق كل شي فيك حلو وانتي بتنحبي نام يا عمو خلي ننوش تسهر وتعرف تشارك هههه بتحكي ما ازنخو لادم وبعدين بتحكيلي بدك ترجعي زمن جولييت وعنتر هههه انتي خطيره لازم ادم ما يزعلك بالمره هههه الله يقطع شرك ننوش بتغاري من امك هههههه موتيني ضحك الله يسعد قلبك يا رب حبيت كتير اجاباتك كانت حلوه ومهضومه متلك شكرا لالك حبيبتي نورتي |
ججد ششهآد التنآقضض :35: يلاهه المهم سسبيت ع آدم فدآهه بديشش علآمهه كآملهه :124: ههههههه نتآي اصصبري بسس :p يسسعدكك حبيبتي يخليليي يآككي :124: ')) وردهه |
السلام عليكم ورحمة الله وبركاته / شو هي الصفة يلي بحبوها فيك اصحابك ؟ الإلتزام / شو الصفات يلي ما بتحبها بآدم والعكس ؟ أن تفقد الحياء والتقوى / شو جاي عبالك هلأ؟ صلاة ركعتين / ما رأيك بعلاقات الحب المنتشرة هذه الأيام ؟وهل تؤمن بها ؟ الحب أسمى قيمة خلقها الله لنا ولم يحرمها علينا ولكن ما يحدث الآن دنسها لذلك لا أقتنع بها ولا أؤمن بها / متى تسقط قيمة الانثى عند الرجل والعكس ؟ عندما تفقد حياءها وتقواها / كلمه لو حدا حكالك اياها بتدايق منها ؟ ماذا فعلت للأقصى ؟ تضايقني لأنها تشعرني بالعجز / موقعك الإلكتروني المفضل ؟ صيد الفوائد والدرر السنية واليوتيوب والمواقع الإخبارية وبعض المنتديات / صفة بتحب إنها تختفي من مجتمعنا ؟ الكثير والكثير كالمتاجرة بالدين وعدم الاحتشام والجرأة في الأفعال والأقوال والتدخين والنفاق والكراهية والغيبة والنميمة والكثير الكثير / مين بتحب اكتر اهل امك ولا اهل ابوك ؟وليش ؟ أهل أمي رمز للفخر والاحترام والحنان وأهل أبي رمز للقوة والحكمة والنبل لذلك أحبهم وأقدرهم جزيل التقدير / ليش بنكون مبسوطين وفجأة بندايق ؟ لضعف إيماننا المترسخ بعقلنا الباطن والذي يدفعنا لمزاجيتنا التي تؤثر سلباً علينا فلو كنا على يقين بأن أقدارنا مكتوبة بحلوها ومرها لما تركنا أنفسنا لمزاجيتنا المسمومة [/color]/ متى بتحس حالك ثرثار وعم تحكي كتير ؟ طبعي الهدوء وأميل لقلة الكلام فـخير الكلام ما قل ودل / اذا حبيت شخص في الوقت الخطأ وفي المكان الخطأ شو بتعمل ؟؟ لم أمر بهدا الموقف ولا مكان عندي لـ إذا لأن الله منَّ عليا بالزوجة الصالحة حفظها الله لي من كل مكروه / بتفضل تكون علاقتك بالاشخاص يلي بالنت سطحيه ولا لا وليش ؟ سطحية لأنها هكذا بالفعل لا يناسبها إلا السطحية / هل الحزن يعكس القوة الداخلية للإنسان أم يولد مزيد من الضعف ؟ يعكس قوته الداخلية ويختبر شجاعته / هل فكرت يوماً بالانتحار ولو نعم شو السبب ؟ ( كلُ نفسٍ ذائقة الموت ) فلماذا أتعجل الموت ؟ ولماذا أكون ممن قال فيهم الرسول صلى الله عليه وسلم : ( مَن تردى من جبل فقتل نفسه فهو في نار جهنم يتردى فيه خالداً مخلداً فيها أبداً ، ومَن تحسَّى سمّاً فقتل نفسه فسمُّه في يده يتحساه في نار جهنم خالداً مخلداً فيها أبداً ، ومَن قتل نفسه بحديدة فحديدته في يده يجأ بها في بطنه في نار جهنم خالداً مخلداً فيها أبداً ) / هل تحقد على حد بحياتك وليش ؟ الحمدلله الذي عافاني من هذا الداء ووهب لي مضغة صالحة عامرة بالإيمان والتقوى / فترة الخطوبة برأيك كم لازم تكون مدتها ؟ سنة / شو هي الصفات يلي مابتحبها في الشخص يلي مقابل الك ..!؟ الإخفاق في قول الحق / فترة بعمرك بتعتبرها الاجمل ؟ الطفولة احترامي لشخصكم الموقر السلام عليكم ورحمة الله وبركاته |
/ شو هي الصفة يلي بحبوها فيك اصحابك ؟ حلاوة الروح / شو الصفات يلي ما بتحبها بآدم والعكس ؟ مابحب أدم البارد والمتجاهل الصفتين هدول بتنفرني من أي شب حتى لو بعشقه / شو جاي عبالك هلأ؟ أروح ع البحر / ما رأيك بعلاقات الحب المنتشرة هذه الأيام ؟وهل تؤمن بها ؟ علاقات فاشلة ومابأمن بشي اسمه حب هالايام كله تسلاية وتضييع وقت وتملاية فراغ وضحك ع اللحى وكذب ونفاق ومجاملات / متى تسقط قيمة الانثى عند الرجل والعكس ؟ بنظري الشي الرئيسي اللي بخلي قيمة الأنثى تسقط عند الرجل صعودها أول درجة في سلم العاهرات / كلمه لو حدا حكالك اياها بتدايق منها ؟ مافي كلمة محددة / موقعك الإلكتروني المفضل ؟ الفيس بوك&منتديات بنات فلسطين / صفة بتحب إنها تختفي من مجتمعنا ؟ الواسطة / مين بتحب اكتر اهل امك ولا اهل ابوك ؟وليش ؟ الجهتين لأنهم بضلوا أهلي وعيلتي / ليش بنكون مبسوطين وفجأة بندايق ؟ أنا عن نفسي بتمنى ألاقي اجابة لهالسؤال / متى بتحس حالك ثرثار وعم تحكي كتير ؟ لما أكون موجوعة وبدي أخبي وجعي بحكي كتير وبضحك كتير / اذا حبيت شخص في الوقت الخطأ وفي المكان الخطأ شو بتعمل ؟؟ والله مالقيت اجابة لهالسؤال لحتى الآن / بتفضل تكون علاقتك بالاشخاص يلي بالنت سطحيه ولا لا وليش ؟ سطحية لأني مابعرفهم ع أرض الواقع / هل الحزن يعكس القوة الداخلية للإنسان أم يولد مزيد من الضعف ؟ أحياناً هيك وأحياناً هيك يعني في لحظات أنا بحزن فيها ولما أتخطاها بكون وصلت لقمة قوتي وفي لحظات بحزن فيها بتولد عندي ضعف / هل فكرت يوماً بالانتحار ولو نعم شو السبب ؟ لا الله يبعد عنا كل شي بغضب ربنا / هل تحقد على حد بحياتك وليش ؟ لا كل ماأحس حالي بدي أحقد ع حدا بتذكر وعد ربنا للكاظمين الغيظ والعافين عن الناس واصحاب القلوب النقية / فترة الخطوبة برأيك كم لازم تكون مدتها ؟ انا من مؤيدين فترة الخطوبة الطويلة يعني بتمنى لما اخطب تكون فترة الخطوبة طويلة قد مايمكن لو مدت ل 6 أو 7 سنوات ماراح أقول لا / شو هي الصفات يلي مابتحبها في الشخص يلي مقابل الك ..!؟ الاستعباط&الكذب&النفاق&الفلسفة الفاضية&البرود&اللف والدوران / فترة بعمرك بتعتبرها الاجمل ؟ الصف التاسع والعاشر & وسنة ال 2012 مشكورة ع الأسئلة غلاتي يعطيكِ العافية |
شو هي الصفة يلي بحبوها فيك اصحابك ؟ اني بحب الصغار وما بفشلهم لو عجبو عليي بحبو يجو عندي لاني حنونة عليهم بحكي على ولاد غيري طبعا / شو الصفات يلي ما بتحبها بآدم والعكس ؟ بحب يكون عندو اهتمام وحس وما يكون بخيل / شو جاي عبالك هلأ؟ بصراحة نفسي اروح امشي من زمان ما مشيت / ما رأيك بعلاقات الحب المنتشرة هذه الأيام ؟وهل تؤمن بها ؟ كلها مستحيلة وموضة ولو في نسبتها قليلة / متى تسقط قيمة الانثى عند الرجل والعكس ؟ الاهانة والخيانة من الجهتين / كلمه لو حدا حكالك اياها بتدايق منها ؟ خليكي عصبية / موقعك الإلكتروني المفضل ؟* حاليا بس منتدى ووتس ومرات يوتيوب / صفة بتحب إنها تختفي من مجتمعنا ؟ المصلحجية والبخل / مين بتحب اكتر اهل امك ولا اهل ابوك ؟وليش ؟* اهل امي اكتر لانهم حنونين وبحبونا كتير وما تخلو عنا ابدا وبوقفو معنا دايما اكتر من اهل بابا الحنية مو موجودة من الاصل على فكرة بلاحظ الاغلب هيك انه اهل الام احن من اهل الاب ما بعرف صح ولا لا / ليش بنكون مبسوطين وفجأة بندايق ؟* لانه فش سعادة كاملة الا م يجي شي يدايقنا ويزعجنا / متى بتحس حالك ثرثار وعم تحكي كتير ؟ لما اكون الي فترة مو حاكية كتير بس انا نوعيتي مو ثرثارة * وما بحب الناس اللي متل هيك بالواقع بس عالنت هههه بضل ابرم واحكي / اذا حبيت شخص في الوقت الخطأ وفي المكان الخطأ شو بتعمل ؟؟* متل ما بحكي وائل لو حبنا غلطة اتركنا غلطانين بس مستحيل الحب هاد يستمر خاصة لما تكون مو للشخص اللي حبيته بالنهاية كلشي غلط ما ممكن يستمر / بتفضل تكون علاقتك بالاشخاص يلي بالنت سطحيه ولا لا وليش ؟* في منهم تعمقت معهم وما ندمت لانهم محل ثقة وفي منهم بحاول اتجنبهم وتكون علاقتي معهم سطحية قدر الامكان يعني حسب الشخص اللي عرفتو / هل الحزن يعكس القوة الداخلية للإنسان أم يولد مزيد من الضعف ؟ هي نوعا ما ضعف بس ما بقدر يخبيه لانه هيك الظروف حكمت عليه * / هل فكرت يوماً بالانتحار ولو نعم شو السبب ؟ ابدا" الحمد لله شو ما صار ما بتوصل معنا الامور للانتحار / هل تحقد على حد بحياتك وليش ؟ اي بحقد لانه تسببلي بأذى كبير بحياتي / فترة الخطوبة برأيك كم لازم تكون مدتها ؟ اقل شي خمس اشهر بس مو اكتر من سنة * / شو هي الصفات يلي مابتحبها في الشخص يلي مقابل الك ..!؟* انه يكون برام كتير وبحب ياخد المجلس على حسابو ويحكي كلام مش موجود بحياته / فترة بعمرك بتعتبرها الاجمل ؟ ايام المدرسة احلى ايام عمري شكرا لونلي اسئلة كالعادة حلوة |
شو هي الصفة يلي بحبوها فيك اصحابك ؟ اني مُبتسم واني هيك عفويْ وبحب انكشْ واعمل نهفات / شو الصفات يلي ما بتحبها بآدم والعكس ؟ الغدر والخيانة والكذب / شو جاي عبالك هلأ؟ كاسة شايْ بالنعنع / ما رأيك بعلاقات الحب المنتشرة هذه الأيام ؟وهل تؤمن بها ؟ كلها عبارة عن ترهاتْ وتفاهاتْ لانها مجردْ تعبئة للفراغات العاطفية لدي الطرفينْ ولتمضية الوقتْ والتسليةْ .. لا اؤمن بها / متى تسقط قيمة الانثى عند الرجل والعكس ؟ عندماْ تتخلي عنْ صفة الحياء والخجلْ التي تتمتع بها المراة المسلمة الخلوقة / كلمه لو حدا حكالك اياها بتدايق منها ؟ انتا جلف او انتا قاسي وبلا مشاعر / موقعك الإلكتروني المفضل ؟ يوتيوب / صفة بتحب إنها تختفي من مجتمعنا ؟ النفاقْ / مين بتحب اكتر اهل امك ولا اهل ابوك ؟وليش ؟ بحبْ إمي لانها الاقربْ لقلبي ولفكريْ ولانها دايما بتساعدني وبتساندني / ليش بنكون مبسوطين وفجأة بندايق ؟ بسبب بعض العوامل والظواهر المُفاجئة التي نواجهها في حياتنا اليومية / متى بتحس حالك ثرثار وعم تحكي كتير ؟ انا اصلنْ مو ثرثار وما بحب الحكي كتير / اذا حبيت شخص في الوقت الخطأ وفي المكان الخطأ شو بتعمل ؟؟ بنسحبْ بهدوءْ / بتفضل تكون علاقتك بالاشخاص يلي بالنت سطحيه ولا لا وليش ؟ سطحية . لانها غير واقعيةْ واغلبها يشوبها الكذبْ / هل الحزن يعكس القوة الداخلية للإنسان أم يولد مزيد من الضعف ؟ يولد مزيد من القوة . لانه بقولك الضربة اللى ما بتقتلك بتحييك / هل فكرت يوماً بالانتحار ولو نعم شو السبب ؟ لا / هل تحقد على حد بحياتك وليش ؟ اه لانه هاد الشخص دمر حياتي الاجتماعية / فترة الخطوبة برأيك كم لازم تكون مدتها ؟ من 6 -8 شهور حتي نتعرف على بعضنا البعض بشكلٍ افضل كي لا نتفاجأ ببعض الصفات السيئة او الحسنة لدي بعضنا البعض في فترة زواجنا / شو هي الصفات يلي مابتحبها في الشخص يلي مقابل الك ..!؟ الثرثرة , الكذب . انه يضل يجاملني بشكل مبالغ فيه / فترة بعمرك بتعتبرها الاجمل ؟ الثانوية = توجيهي عوافي لونلي اسئلة حيلوة |
اقتباس:
صفة الالتزام من اجمل الصفات الله يحميك يا رب فعلا اقصانا نتحسر من اجله ونتألم لانا مو قادرين نعمله شي الله يخليلك زوجتك يا رب دايما اجاباتك حلوه وبتسعدني بمشاركتك حبيت وجودك وبتمنى تواجدك دايما بمواضيعي شكرا لالك نورت |
اقتباس:
لما أكون موجوعة وبدي أخبي وجعي بحكي كتير وبضحك كتير بتشبهيني بهاي النقطه حنين انا احيانا بعمل هالشي شو 6/7 سنين كتير هالفترة طويله هههههههه الله يعافي قلبك عسوله حبيت وجودك واجاباتك شكرا لالك |
اقتباس:
ابشع شي يكون الرجال بخيل شو بكره هالصفه انا كمان بلاحظ هالشي اهل الام بكونوا كتير حنونين خاصة الخالات والخوال الله يخليلك اياهم يا رب العفو حبيبتي وجودك الاحلى نورتيني بمشاركتك الحلوه |
اقتباس:
الله يديم دايما البسمه على وجهك ويخليلك اصحابك وامك يا رب اتفضل هاي كاسة الشاي بالنعنع مني ههه http://www.bntpal.com/vb/img/bntpal_1453478898_452.jpg دايما بسعدني وجودك في مواضيعي شكرا لوجودك ومشاركتك الحلوه ميكا نورت موضوعي |
| الساعة الآن 11:35 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.