|
آراؤكم تهم المنتدى بأكمله صباح الخير لكل اعضاء ومشرفين واداريين منتدانا الغالي كم سؤال هيك بخصوص المنتدى لحتى نطور فيو ونشوف شو عندكم افكار جديدة اله ... ***اول شي شو الشغلات االي مو عاجبتك بالمنتدى سواء على مستوى الاقسام الموجودة او على مستوى المشرفين والمراقبين والاعضاء او حتى الادارة *** ***تاني شي شو عندك شي جديد لحتى ينضاف للمنتدى سواء فكرة او قسم منو موجود *** ***شو التقصير اللي عم تلاحظه من قبل الادارة او الاشراف وحابب يتلاشى كل هاد التقصير *** ***المواضيع بالنسبة الك كعضو هل هي مناسبة كلها للقراءة او انه هناك مواضيع مش لازم تنزل باي قسم ...مثال اعطينا *** هيك بس حبيت اشوف شو عندكو اراء بخصوص هالشغلات لحتى يكبر المنتدى ونشوف شو الاشيا الناقصة واللي مقصرين فيها* والاشيا اللي لازم تكون موجودة بمنتدانا احكو شو عندكم لحتى تشوف الادارة الشي المناسب وتسعى لتعمل فيو وكل تحياتي للجميع |
حلوة الأسئلة لكن اعذريني موحآبة أجاوب لكن ح أكون متابعة للاجابات معك يعطيكِ العافية |
بالعكس حنين لازم نشوف شوفي عندكو افكار وانتقادات بغض النظر عن علاقات الاعضاء الخاصة |
حلوة كثير فكرة الأسئلة والموضوع وجميل أن كل عضو يبدي رأيه حتى نحاول نطور المنتدى ونتلاشى المشاكل اللي فيه هكون متابع وإحتمال أعلق على ردود الأعضاء لو في شئ إحتاج توضيح او تدخل مني تحياتي لك وممكن ارجع اشارك أيضاً |
فكرة منيحة لي عودة ان شاء الله بعيد عن الموضوع شوي بس كنت بدي استفسر عن كلمتين ما فهمتهم "قايززينا لكيوت قايزز" ؟؟ شو معناتهم ؟؟؟ |
يا هلا بيك احمد انشالله الاعضاء يعطونا شي جديد بتنور باي وقت اكيد |
ازا الشي بعيد عن الموضوع ليش لتكتبو خالد ما فهمت قصدك اصلا |
العفو لي عودة |
انآ عن نفسي ضيفه خفيفه هنآ إن شآء الله اعضآء المنتدى بيفيدو بأرآئيهم والادآره ككمآن اككيد مآرآح ترد رأي أحد يعطيككي العآفيه حبيبتي 🌹☺ |
***اول شي شو الشغلات االي مو عاجبتك بالمنتدى سواء على مستوى الاقسام الموجودة او على مستوى المشرفين والمراقبين والاعضاء او حتى الادارة *** من هالناحيه ما عندي اي تعليق الا انو في مشرفين وجودهم وعدمو واحد وفي اعضاء تستحق الاشراف ***تاني شي شو عندك شي جديد لحتى ينضاف للمنتدى سواء فكرة او قسم منو موجود *** حاليا ﻻ شيئ ***شو التقصير اللي عم تلاحظه من قبل الادارة او الاشراف وحابب يتلاشى كل هاد التقصير *** فقط بتمنى لو الادارة تتواجد اكتر مع انو هالفترة عم حسهم متواجدين اكتر ^^ ***المواضيع بالنسبة الك كعضو هل هي مناسبة كلها للقراءة او انه هناك مواضيع مش لازم تنزل باي قسم ...مثال اعطينا ** بالنسبه للمواضيع بحاجة للغربلة كتيررر بحسها شبه بعض كتير في بعض المواضيع بتكون مو ئد المستوى المطلوب بس كمان الادارة والمشرفين متابعين ومو مئصرين حبين اسئلتكك ملاكك الف عافيةة حبيبتي |
تمام ملك هاد اللي بقصده باسئلتي بتمنى من الادارة تاخد هالشي بعين الاعتبار بالنسبة للمشرفين وتكليفهم وبالنسبة لتواجد الادارة بتمنى يكون اكتر ومشاركاتهم اكتر كمان |
اول شي شو الشغلات االي مو عاجبتك بالمنتدى سواء على مستوى الاقسام الموجودة او على مستوى المشرفين والمراقبين والاعضاء او حتى الادارة المنتدى بججنن و عآججبني بسس في شوي من الآعضآء خخربو و نآهه مبححب ككون بمككآن فيو مششآكل ششآن بدآيئ ')) ***تاني شي شو عندك شي جديد لحتى ينضاف للمنتدى سواء فكرة او قسم منو موجود *** نو ثينغ ***شو التقصير اللي عم تلاحظه من قبل الادارة او الاشراف وحابب يتلاشى كل هاد التقصير *** نو ككلو تمآمو ') ***المواضيع بالنسبة الك كعضو هل هي مناسبة كلها للقراءة او انه هناك مواضيع مش لازم تنزل باي قسم ...مثال اعطينا *** هلـآ نآهه ممكن أحكي رآي بهآد الششي زممآن بسس هلـآ ككلآ ششآن بششوف زوئي بخختلف ععن الكل هونـآ فـ ممكن الموآضيعي يلي بحبهآ الآككتريهه مو بحبوهآ أو العكسس ') يسلمو الملآكك ع الآسئلةة ') وردهه |
***اول شي شو الشغلات االي مو عاجبتك بالمنتدى سواء على مستوى الاقسام الموجودة او على مستوى المشرفين والمراقبين والاعضاء او حتى الادارة *** اللي مش عاجبني؟ 1) بعض المشرفين مش لازم يكونوا مشرفين، مش كل واحد وصل مليون مشاركه معناتو خلص لازم يكون مشرف، وياريت تركزوا ع المشاركات نفسها مش ع عدد المشاركات من خلال هالإشي تقرروا مين يكون مشرف .. 2) في اشخاص بستحقوا التميز من زمان ولساتون متل مهني ليه بعرفش .. 3) اقسام البلفونات والاجهزه التقنيه في الف قسم تحتي بعضون مش حلو هيك وقليل منلاقي فيون مشاركات، حطوهن بقسم واحد واحذفوا قسم منون لإنه عالفاضي عنجد .. 4) في مواضيع المشاركه فيها يوميه بس بنحط فيها خمسين مشاركه فاليوم، مش حلو هيك وببطل في طعمه للموضوع، كمثال "تذكر نسان بورده" كل عضو بحط خمسين مشاركه فهالموضوع صار الموضوع مالوش طعمه ومش حلو، حابب تهدي اوكي محداش مانعك بس إترّوحش هيبة الموضوع ! ولسه في كتير مواضيع هيك مش بس هالموضوع .. 5) في موضوع لعضو اسمه فقدان ملطوش محظور، ليش بتشاركوا فيه؟ مهو لعضو محظور ! ***تاني شي شو عندك شي جديد لحتى ينضاف للمنتدى سواء فكرة او قسم منو موجود *** 1) لازم تغيروا فالالوان مع ترقيات مختلفه، متل مفي كبار الشخصيات وكبار المبدعين، فيكوا تغيروا وتجددوا، يعني متلا لون ازرق سماوي - بسمة المنتدى إلخ .. 2) بقترح فكره حلوه اللي هي افضل عضو، عضو واحد وبس والاشي يكون كل فتره، وقتها بتغيرو لونو ويصير اسمه ملون مع وسام وينحط تاج تحت اسمه ويقعدوا معه نص سنه .. 3) بقترح تحطوا قسم للمشاكل الاجتماعيه او قلوب حائره، ويكون الاشي جدي، بس يكون في فرقه معينه تكون مكونه من تنين تلاته او كم عضو اللي عندون القدره ع حل المشاكل الاجتماعيه طبعا مع كود سري فهالقسم وصاحب المشكله هو يختار مع مين يحكي بمشكلته وبنفع يحط مشاكل ناس غيرو من قرابته وواقعه .. 5) ترجع التواقيع الموسيقيه ع الاقل إذا مش الغنائيه يللي مع كلمات، لإنو اشمعنا إذا مسموح احط موسيقى بمدونتي ومش مسموح احط توقيع موسيقي؟ شو هالتناقض هذا، عم بحكي عن موسيقى بدون كلمات عشان اللي مش فاهم يفهم .. 6) بقترح شغله مميزه إنه كل واحد بس يفوت عالمنتدى ويسجل دخول فجأه طلعلو مفاجأه غير متوقعه مره تكون مجهولة ومره تكون معروفه من مين .. "رائع لقد تم منحك 100 تقييم ! "، "مبروك لقد تمة اضافة لك هذا اللقب الجديد ! " " مبروك لقد حصلت على تلك الورده كهديه من الاداره ! " ههههه حلو الاشي وبعرف يمكن فكرتي خياليه بس حبيت احكيها .. 7) كل فتره تعملوا تثبيت لمدونه من مدونات الاعضاء او اكتر من مدونة بوقت واحد، هالاشي بيشجع العضو إنه يكتب بمدونته اكتر وبخليه يتواجد فالمنتدى اكتر .. ***شو التقصير اللي عم تلاحظه من قبل الادارة او الاشراف وحابب يتلاشى كل هاد التقصير *** في مشرفين مقصرين مش حلو الاشي .. مؤمن وهل كان حبا بالنسبه إلي مناح لإنون دايما بشاركوا، متل ما انت عندك ظروف مش دايما بتقدر تفوت هني كمان نفس الاشي عندون ظروف مش دايما فاضين يفوتوا بس ما يزدش الاشي عن حدو متل امير القلوب قليل جدا ليفوت ومع هيك دايما منعذرو .. ***المواضيع بالنسبة الك كعضو هل هي مناسبة كلها للقراءة او انه هناك مواضيع مش لازم تنزل باي قسم ...مثال اعطينا *** ما بعرف مش كتير عم بفوت عالمنتدى ومش دايما إلي خلاق اقرا كل مواضيع المنتدى وبلحقش اصلا وبنفس الوقت شغلة مزاج، بس في كتير مواضيع مفيده دايما بتفيدنا .. شكرا ملاك :137: |
**اول شي شو الشغلات االي مو عاجبتك بالمنتدى سواء على مستوى الاقسام الموجودة او على مستوى المشرفين والمراقبين والاعضاء او حتى الادارة *** الاقسام ... هدول بدهم دمج http://www.bntpal.com/vb/f10/ + الــشعـر والـشعـراء - منتديات بنات فلسطين http://www.bntpal.com/vb/f92/ + http://www.bntpal.com/vb/f87/ http://www.bntpal.com/vb/f43/ + خلفيات بلاك بيري 2015 , رمزيات بي بي 2015 , BlackBerry 2015 - منتديات بنات فلسطين http://www.bntpal.com/vb/f91/ + برودكاست 2015 , برودكاست بي بي 2015 , Broadcast bb 2015 - منتديات بنات فلسطين ب المختصر الاقسام التقنيةة تكون فقط تلان اقسام ايفون + بلآك بيري + برامج الجوال صور الحروف والصور وخلفيات الفيس وغيره والبردوكسات والتوبيكات قسم المشرفين ... بنظري خواطر م بتفوت في غيرها احق زي بسمة انفاس رانيا المراقبين غرور بحبها وبعزها لكن غيرها بستحق مكانها لانها مشغولةة الاعضاء شام بتستحق تنضم ل المميزين الادارة م راح علق ابدا عارفين حالهم لأنو ان مقصرين او لا ***تاني شي شو عندك شي جديد لحتى ينضاف للمنتدى سواء فكرة او قسم منو موجود *** اقسام بنظري بنحتاج قسم الحياة الاسريةة غير هيك م بنحتاج في اقسام كافيةة افكار ... انا حكيت هالفكرة الف مرةة ولما تم تطبيقها اطبقت غلط بنظري تنشال فئةة كبار المبدعين م الها لزوم وعوض عنها تنحط فئةة مميزين الشهر ويتم منحها بشكل شهري مع وسام شهري لافضل اعضاء كل شهر اما انك تعطي لون ل عضو فات او ما فات يضل معي مش داخلة راسي وبنظري كمان كبار الشخصيات ما الها لزوم * شي تاني ينعمل قسم ضمن اقسام الاعضاء ب اسم فعاليات بنات فلسطين بتم فيه مسابقات كل المنتدى ادبية اسرية اي شي فيه يتم الاعلان عن المسابقة والتصويت والنتيجة يتابع القسم مراقب او اتنين واي عضو بده يعمل فعالية مسابقة بتواصل معهم وبكون عنا فعاليات مستمرة بدون ما تدخل ببعضها ***شو التقصير اللي عم تلاحظه من قبل الادارة او الاشراف وحابب يتلاشى كل هاد التقصير *** من قبل الاشراف م بشوف تقصير التقصير كله من الادارة ***المواضيع بالنسبة الك كعضو هل هي مناسبة كلها للقراءة او انه هناك مواضيع مش لازم تنزل باي قسم ...مثال اعطينا *** بنظري اغلب المواضيع مناسبةة ونادر لتلاقي موضوع مش صح وان كان بتم حذفه بشكل فوري شكرا الكك ملاك حبيتهم الاسئلةة |
اسمحي لي أن أعلق على الموضوع من ناحية أخرى وانا أراها أهم ما في الموضوع غياب الحب وإنتشار الكره وإتباع أسلوب التلميح والقذق على مستوى الأعضاء قلة الإهتمام والمتابعة من الجانب الإداري الإعتماد على النقل والنسخ واللصق وغياب عنصر الفكر والإبداع اراها اسباب مهمة وجوهرية في الموضوع على اي حال اشكرك الملاك لهذا الطرح الرائع والمفيد |
اقتباس:
بخصوص إن فيه مشرفين مقصرين وأعضاء لهم فترة غايبين معك حق هالوقت هاخذ لفة وأعمل المناسب اما بخصوص في أعضاء تستحق الإشراف كلامك صحيح لكن المنتدى حالياً لا يحتاج مشرفين لهذا السبب هنأجل شوية مسألة الرفع بخصوص تواجد الإدارة انا عن نفسي بتواجد وبشارك بشكل أفضل من ذي قبل وتقريباً في أعضاء ملاحظين هذا الشئ وشوية شوية ان شاء الله بتكون على مشاركة دائمة وتواصل دائم بخصوص في مواضيع كثير محتاجة غربلة وشبه بعض صراحة هذه مسؤليتكم كمراقبين انكم تخففوا من هذه الظاهرة على قدر الإمكان مش كل شئ لازم الإدارة تعمله بخصوص المواضيع معك حق في مواصيع مش على مستوى لكن الامر هذا بيرجع لطبيعة وشخصية كل عضو وكل عضو بيطرح اللي بتوافق مع فكره وذوقه واكيد لولا اختلاف الأذواق لبارت السلع يعني لازم يكون في تنوع وكل موقع عليه الحلو عليه المالح وكل عضو له نكهة مفضلة بين الإثنين تحياتي لك وان شاء الله اكون وفقت في الإجابة |
اقتباس:
إن شاء الله لكل مشكلة حل وكل موقع أو منتدى فيه مشاكل واحنا بنحاول على قد ما نقدر نحل المشاكل ونآلف بين قلوب الجميع وان شاء الله بتقل المشاكل وبخصوص آخر جزئية من كلامك ما فهمت منيج ولكن هجاوب على حسب ما فهمت ما في مشكلة ان كل عضو يطرح مواضيع على ذوقه وحسب ما يتناسب مع شخصيته اوفكرته احنا بحاجة لمواضيع متنوعة من كافة المجالات ولازم تكون علمية وأدبية و دينية وثقافية وتقنية ومرح وتسيلة ومتنوعة والإبداع حلو كثير في طرح المواضيع وانت من الأعضاء اللي عندهم لمسة إبداعية في طرح المواضيع احييكي عليها تحياتي لك وان شاء الله أكون وفقت في الإجابة |
أسئلة مقصدهآ رآئع فهي تسآهم ببنآء المنتدى ورقيه وتعآون الأعضآء فيمآ بينهم عوآفي ملآك على كرح المميز لي عودة للإجآبة |
أسئلة مقصدهآ رآئع فهي تسآهم ببنآء المنتدى ورقيه وتعآون الأعضآء فيمآ بينهم عوآفي ملآك على طرح المميز لي عودة للإجآبة |
اقتباس:
متفق معك بخصوص المشرفين واحنا آخر فترة من حوالي شهر غربلنا طاقم الإشراف وكثير مشرفين نزلوا وانتبهنا للنقطة هذه كويس ومتفق معك ان المشاركات مش مقياس للإشراف ولكن التواجد الدائم والإطلاع الدائم على مواضيع الأعضاء والرد عليها مهم بالنسبة لنا كإدارة بخصوص ان فيه بيستحقوا التميز معك حق وهالوقت هاخذ لفة واشوف المناسب وأرفعه مميز بخصوص الأقسام هذه امور تقنية خاصة بأرشفة المنتدى يعني مو مهم يكون عليها نشاط بقدر انه مهم تكون موجودة للأرشفة بخصوص ان فيه مواضيع عليها مشاركة يومية والعضو بيدخل يكتب 10 ردود ورا بعض فيه صراحة حاربت المسألة هذه أنا لكن صعب أحاربها لوحدي لازم يكون في مساعدة من الأعضاء انهم يكتفوا برد واحد مثلاً لما يهدي ورد لمجموعة من الأعضاء يذكر اسمهم في رد واحد مش انه يكون الإهداء لكل عضو في مشاركة مستقلة وقس على ذلك وبرضو هحكي فيها النقطة هذه مرة ثانية في قسم المشرفين ولا يهمك بخصوص فقدان ملطوش عادي يعني لو الأعضاء يشاركوا في موضوع لعضو محظور ما فيها شئ العضو انحظر لكن مواضيعه موجودة يستفيد منها المنتدى والأعضاء يعني شايف هالامر عادي ما فيه شئ هرجع لبقية الأمور اللي طرحتيها في رد آخر تحياتي لك وان شاء الله اكون وفقت في الإجابة |
يسعد صباحك الملاك البريء اول شي شو الشغلات االي مو عاجبتك بالمنتدى سواء على مستوى الاقسام الموجودة او على مستوى المشرفين والمراقبين والاعضاء او حتى الادارة *** داحكي عن الاعضاء واللكلام بدي اوجهه الي بالدرجة الأولى هلا ازا ما كان وتين-بارو-ملك روحي-مؤمن-ننوش-انثى الياسمين(الملاذ الأخير)- وفي كمان بنوتين عسولتين بهتموا بقسم حوا.بس أسماءهم بالانجلش ... ازا ما كانوا هالاعضاء منزلين مواضيع بضله المنتدى نايم وما في مواضيع اغلب الأعضاء مركنين على ناس معينة لينزلوا المواضيع ليه ما كل عضو ياخد على عاتقه تنزيل ولو موضوعين على الأقل بشكل يومي هيك بصير تنوع وحركةونشاط. بالنسبة للاشراف بشكل عام يا ريت لو كل مشرفة اول ما تمسك اشراف قسم معين تهتم فيه وتعطيه أولوية مثلا تكتب وتصوغ هي بنفسها القوانين تجددهم.تضيف عليهم افكار_مقترحات تنزل قوانين خاصة فيها هي لقسمها تنزل مسابقات تنشط القسم كل فترة والثانية يكون في تكريم خاص منها كل فترة للاعضاء اللي تميزوا بقسمها سواء من خلال ردودهم او ادراجهم للمواضيع شي شبيه باللي حكت عنه الأخت سمرة يحفز الأعضاء ويدفهم للاستمرار بتقديم الافضل متل تقاييم مثلا...او وسام يمنح اله لتميزه بقسم معين شو سهل الحكي بعرف.وسبق مسكت الاشراف وما عملت حاجة للأسف بس ما دام الحكي لمصلحة المنتدى وبهمنا الارتقاء فيه بالدرجة الأولى.لازم نحكيه ستايل المنتدى حلو كير والكل بحبه بس انا مع التغيير بالنسبة للاقسام لو ينضاف قسم فرعي بقسم الادب خاص بالككتب والروايات انو أي روايةة او كتاب عجبنا.نكتب نبذة عنه واقتباسات منه انا كعضوة بالمنتدى بأيد رأي الأخت سمرة بالنقطة 2 بخصوص يكون فيه عضو مميز واحد فقط.يتميز عن الجميع-ويمنح وسام ولون خاص فيه هالشغلة حتخلق تنافس كتير حلو قسم قلوب حائرة اللي اقترحته-حلو جدا.وما عنا هالشي نقطة 7 اللي حكت عنها فكرة خيالية انا حسيتها جميلة جدا ومقدور عليها وان شاء الله الطاقم الإداري ياخد باراءها الجميلة جدا سوري كتير عالاطالة بس هالمنتدى بحبه.ويا ريت فعلا نتعاون للارتقاء فيه وللطاقم الإداري والمراقبين والاشراف تقديري لكل جهودكم المبذولة شكر خاص الملاك البريء عالموضوع الجميل كل الود |
***اول شي شو الشغلات االي مو عاجبتك بالمنتدى سواء على مستوى الاقسام الموجودة او على مستوى المشرفين والمراقبين والاعضاء او حتى الادارة *** بعضً الاقساامُ فيهآ بروودُ موُ طبيعيُ ...ُ اتمنىُ منُ الادارهُ تعملُ تحفيززُ عليهآآ منُ جانُ يصيرُ تفاعلُ فيهاُ وتصيرُ نشيطةةةُ ***تاني شي شو عندك شي جديد لحتى ينضاف للمنتدى سواء فكرة او قسم منو موجود *** نعمُ ...ُ 1- فيهً شغلهُ لآ حظتهآ بالمنتدياتُ الاخرىُ انُ الموضوعُ الجديدُ الليُ ينزلُ بالقسمُ يظلُ مكآنووُ ياخذُ حقةةُ فيُ الردوودُ مهماُ ردوُ الاعضاءً عُ الموااضيعُ القديممةةُ منُ جانُ ينزلُ ,, يظلُ موضوعُ الجديدُ فيُ البدايةةُ 2- انُ الموضوعُ المميزُ يصيرُ لهُ وسامُ التميزُ اوُ الابدآعُ بتضههُ الادارهُ اوُ مراقبُ اوُ مشرفُ عُ قسممُ ..ُ بحيثً ممنُ دخلُ هاُ موضوعُ يعرفُ انهُ مميزُ ومجههووودُ شخصيً باذلةةُ العضوُ فيههُ ***شو التقصير اللي عم تلاحظه من قبل الادارة او الاشراف وحابب يتلاشى كل هاد التقصير *** ***المواضيع بالنسبة الك كعضو هل هي مناسبة كلها للقراءة او انه هناك مواضيع مش لازم تنزل باي قسم ...مثال اعطينا *** ما لاحظتُ هيك بس حبيت اشوف شو عندكو اراء بخصوص هالشغلات لحتى يكبر المنتدى ونشوف شو الاشيا الناقصة واللي مقصرين فيها* والاشيا اللي لازم تكون موجودة بمنتدانا احكو شو عندكم لحتى تشوف الادارة الشي المناسب وتسعى لتعمل فيو اليُ عنديُ حكيتهُ يسعدكُ الملاكُ حبيتُ موضوعكُ وطرحكُ جدآ جميلُ مفيددُ للمنتدىُ ألفُ عافيةةُ لرووحكُ ـأزهاريُ |
***اول شي شو الشغلات االي مو عاجبتك بالمنتدى سواء على مستوى الاقسام الموجودة او على مستوى المشرفين والمراقبين والاعضاء او حتى الادارة *** اول شي انو في اعضاء و انا منهم للأسف بيدخلوا ع مواضيع سجل دخولك مثلا باسم ولد باسم بنت او اهدي وردة زي ما قالت سمرة فبيردوا اكتر من رد , و تاني اشي انو في اقسام الاعضاء كتير بيدخلوا يعلقوا فيها بينما بيهملوا اقسام تانية و تالت شي انو فيه مواضيع طويلة كتير بتكون فبيمل الواحد و هو بيقراها فبيضطر العضو انو ما يقرأ و يرد برد سطحي زي مشكور كلمات جميلة و هيك و كمان فيه اعضاء لو كان الموضوع قصير بحسهم ما بقرأو و بالنسبة للاشراف مع احترامي للمشرفات و المشرفين ,, بحس انو الاعضاء الاداريين هما الي بيضبطوا الاقسام و هيك ***تاني شي شو عندك شي جديد لحتى ينضاف للمنتدى سواء فكرة او قسم منو موجود *** بعتقد انو قسم المواضيع الحصرية اهم قسم في المنتدى و ما بيكون عليه مشاركات و مواضيع كتير فلازم الادارة تعمل تحفيز للاعضاء حتى يشاركوا فيه مثلا باضافة تقييمات او منح العضو وسام و هيك يعني , و كمان اقسام الشعر بحسها مُهمَلة مفيش اهتمام فلازم الادارة تعمل مسابقات مثلا انو يكتبوا خاطرة او قصيدة و يخلوا الاعضاء يعملوا تصويت و هيك ***شو التقصير اللي عم تلاحظه من قبل الادارة او الاشراف وحابب يتلاشى كل هاد التقصير *** ما بشوف الادارة مقصرة بالعكس الادارة نشيطة أكتر من الاعضاء و الاشراف منيح نوعا ما بس الادارة هيا الي ممتازة و طبعا ان كان فيه تقصيرر فلازم نمشي على مبدأ " التمس لأخيك عذرا " ***المواضيع بالنسبة الك كعضو هل هي مناسبة كلها للقراءة او انه هناك مواضيع مش لازم تنزل باي قسم ...مثال اعطينا *** لا مش كلها مناسبة للقراءة فيه مواضيع بالفعل تؤدي الى ملل القارئ و فيه مواضيع اساسا الاعضاء الي منزلينها ما بيكونوا قارئين مواضيعهم و طبعا فيه اجابيات لاحظتها في المنتدى تكمن في احترام الاعضاء بعضهم البعض تسود بينهم روح المحبة و الأخوة و هذا شيء فعلاً جميل تحياتي الملاك البريء |
اقتباس:
بخصوص الألوان صراحة عندنا ألوان ومحدودة وكون أننا نبدع ألوان جديدة فهذه محتاجة مصمم حتى يعدل وينتج لنا لون جديد مناسب ومتكافئ مع بقية الألوان يعني هذا الامر فيه صعوبة شوية التجديد حلو متفق معك وان شاء الله كل فترة رح نحاول نغير بس التغيير هذا هياخذ وقت شوية بالنسبة لفكرة أفضل عضوة موجودة الفكرة هذه لكن بشكل أبسط شوية واللي هي العضو الأفضل هذا الأسبوع وبيتم مكافئته وصراحة حلوة فكرة أننا نضيف له رتبة جديدة وانا صممت كذا رتبة ممكن تكون مناسبة مثل هيك http://www.bntpal.com/up/uploads/bnt...3044646331.gif http://www.bntpal.com/up/uploads/bnt...3044646352.gif http://www.bntpal.com/up/uploads/bnt...3044646373.gif إن شاء الله لما نفعل الموضوع رح نضيف رتبة من هدول للعضو الأفضل بخصوص قسم للمشاكل الإجتماعية الفكرة هذه انطرحت من قبل كذا مرة ولاقت ترحيب لكن تطبيقها ما أحد اشترك او طرح مشكلة وإذا حد طرح عضو او اثنين ليس اكثر والباقي وما لاقينا إقبال بخصوص التواقيع الغنائية أحنا وقفناها من باب الحرمانية ووجود الموسيقى اهون شوية وبخصوص انه مسموح تحطي موسيقي في المدونة وممنوع في التوقيع الأصل إن الإثنين ممنوع لكن ما رضينا ندق على مسألة الموسيقي في الموضوع لان الموضوع هيظل نشيط يوم يومين وبعد هيك هينطوي في صفحات المنتدى بعكس التوقيع اللي هيظل شغال دائماً ومتابع وواضح وظاهر بخصوص نقطة الهدايا والأمور اللي مثل هيك بالعكس فكرتك حلوة لكن اللي صمم المنتديات ما صمم فيها مثل الأفكار هذه لهيك محتاجة أمور برمجية حتى تقدر تتطبق لكن حالياً في عندنا أوسمة تُمنح للأعضاء وأنا الفترة هذه منحت كذا عضو وسام فمكن تكون هذه بديلة او قريبة شوية من فكرتك حلوة فكرة تثبيت المدونات كانت قائمة من فترة لكن لا أعلم هالوقت قائمة أو لا على العموم هسأل وأشوف وهطلب من مشرف القسم أنه يتابع هالأمر ولا يهمك بخصوص المشرفين المقصرين مثل ما ذكرت لك الفترة الأخيرة عملنا غربلة وعلى كل حال هالوقت هشوف أعمل المناسب وبخصوص الإدارة تمام وانا سعيد اني مش مقصر بوجهة نظرك والفترة هذه انا بشارك أكثر وبزيد جهودي وإن شاء الله يكون كثير اعضاء مثلك ملاحظين هذا الشئ أما بخصوص مؤمن عداه العيب ويعطيه ألف عافية وأمير القلوب عذره معه مشغول هذه الفترة في أمور دراسته ان شاء الله اكون وفقت في الإجابة يعطيكٍ العافية |
اقتباس:
بخصوص الدمج المسألة هذه محتاجة اتفاق ومشاورة بين المدراء الثلاثة بخصوص مسألة دمج حانة الأدباء والفلاسفة والشعر والشعراء في اختلاف بينهم هذا بيضم مواضيع معينة وهذا بيضم مواضيع آخرى مختلفة يعني ما هيتم الدمج فيهم اما بخصوص الأقسام الأخرى الأقسام هذه وضعها أمير القلوب وظل متابعها فترة ما أعتقد أنه ممكن يدمجهم على كل حال مسألة الدمج هذه مش على قدر الاهمية مقارنة بالامور الأخرى وبتظلها أمور ثانوية ممكن نحلها بعد ما نحل الامور الآخرى الأهم خواطر الصمت إنسانة مميزة ولها مجهودها الواضح وما أحد بينكر وقبل ما تختفي حكت معي أنها هتترك المنتدى وطلبت انزل إشرافها وقتها قلت لها بيصير خير على العموم هننتظر فترة وإن شاء الله بترجع وإذا ما رجعت وقتها بنكلف مشرف آخر مكانها بخصوص شام متفق معك تستاهل التميز وتم رفعها لنخبة المميزين بخصوص غرور تكلمت معنا بخصوص دراستها واحنا قلنا لها تاخذ راحتها ومكانها محفوظ دائماً طول فترة إمتحاناتها وانا كإدارة مش شايفها مقصرة بالعكس من المراقبين المميزين واللي لها بصمة إبداعية في إدراج المواضيع اما بخصوص الإدراة احنا بنطلب آراء الجميع وبنفضل أن كل عضو يطرح رأيه بخلاف إذا كان عارفين أننا مقصرين او مش مقصرين بخصوص قسم الحياة الأسرية بنظري قسم آدم وقسم حواء وقسم الأطفال ممكن يسد عنهم وأنا معك بخصوص حذف مجموعة كبار المبدعين المجموعة هذه أضافها أمير القلوب وحكينا معه أنه ما لها أي لزوم لكن هو حب أنه تظل موجودة وطرح عدة مبررات لوجودها أنا ما اقتنعت فيها لكن بيظل هو صاحب المنتدى الأول والقرار له بخصوص قسم فعاليات الأعضاء أعتقد في قسم أسمه محطة التحدي بيضم أغلب الفاليات والمسابقات وكذلك ما بينع اننا نحط كل المسابقات في قسم واحد في مسابقات أدبية شعر ونثر ما بينفع تكون مع مسابقات صور مثلاً او مسابقات ازياء برأيي هذا مجال وهذا مجال وما بينفع ندمج وبخصوص تقصير الإدراة إن كان مشاركات وحضور ومواضيع مؤمن أكثر إدري نشيط والفترة هذه انا شايف نفسي أنشط من قبل ومتابع أكثر ما بعرف هل انت شايفة هيك أو لا أمير القلوب عنده ظروفه اما بخصوص تقصير في الأمور الإدارية فالإدارة لها نظرة آخرى ممكن ما تتوافق مع نظرتك لهيك ممكن ما يكون تقصير بقدر أنه يكون اختلاف وجهات نظر في طريقة إدراة المنتدى أتمنى اكون وفقت في الإجابة يعطيكِ العافية |
اقتباس:
غياب الحب وانتشار الكره هذه قلوب ولا نستطيع أن نحكم على قلوب او نجبر عضو على محبة عضو آخر لا يحبه ما نستطيع ان نحكم عليه او نتحكم به هو عدم تحول هذا الكره إلى القذف الذى تحدثت عنه ولو أن عضو قذف عضو آخر هنا يوجد 3 خيارات الأول : إما أن يأخذ مخالفة وتحذير بالحظر الثاني : إما ان يتم حظره من المنتدى الثالث : إما ان يعتذر للعضو الذى أخطأ بحقه وعلى العضو الآخر ان يقبل إعتذاره وهذه ترجع لحجم الإساءة للطرف الآخر أما بخصوص اسلوب التلميح نبهنا أكثر من عضو بخصوص الأمر هذا ونحن مطلعين على قدر الإمكان اما قلة الإهتمام والمتابعة من الجانب الإدري في الحقيقة نحن نحاول المتابعة على قدر ما نستطيع لكن هناك ظروف تمنعنا من المتابعة الدائمة أقربها الكهرباء في غزة التى تصل لــ 4 ساعات يومياً اما بخصوص الإعتماد على النسخ واللصق وغياب عنصر الفكر والإبداع هذه قدرات وفروق فردية بين الأعضاء ومواهب وليس جميع الأعضاء لديهم القدرة على الإبداع تحياتي لك واتمنى ان اكون وفقت في الإجابة |
بسس شغلهه بالنسسبهه لـ مدونآت نآهه ممن ششهر عم ثبت ككل عضضو مدونتو آسسبوع و ببعتلو تقيم أنو فزت هآد الآسسبوعع في التثبيت و عم ثبت في القسسمين المنقوله و الغير منقولهه ☺ ') وردهه |
بصراحة كل الاعضاء افكارهم بتجنن سواء سمرة ..وتين ..غاردينيا ..بسمة ..ملك.. بتمنى من الادارة تعمل الشغلات المناسبة لكلشي حكيتوه بكتفي برد هل كان حبا" عالاجابات والاقتراحات هو اداري اولى بكل فكرة بطرحوها الاعضاء |
يعطيكم العافيه ادارة واعضاء ماعندي اي مشكله هون والحمدلله بس مجرد اقتراح ع الادارة. ممكن تضيفو قسم بأسم (ذوي الإحتياجات الخاصه) بحكي عن الاعاقه والتوحد. وكمان القسم الاسلامي يترتب اكتر يعني يكون في مثلا قسم للفتاوي لحال. وقسم لشريعه والحياة لحال. وقسم لـ سيرة الرسول وصحابته برضو لحال لانو بصراحه بحس القسم الاسلامي مهمل كتير وكله داخل في بعض بصراحه المشرفين المسئولين عن القسم جدا جدا مهملينه مع احترامي الهم مابنشطو القسم بالمسابقات او المواضيع الجديده حتى متابعه صحيحه لصحه الموضوع مافي. وكمان قسم رحله حول العالم. الي هو السياحه. ياريت يكون فيه قسم لتراث والحضارة مع قسم السياحه بس لحال مابعرف بكون ارتب اكتروقسم لحالو مابعرف بس حبيت اقترح ع الادارة وبالاخر الي بشوفه صح انا معاهم اكيد وان شاء الله بنرتقي بمنتدى جميل ومفيد ويكون اعلى المراتب بوجود الجميع احترامي. |
حبيت رايك غروب القسم الاسلامي مخربط وكل المواضيع مع بعضها بدها ترتيب اكتر بخصوص المسابقات للاسف خالد سوا مسابقة بصوته للقران بس ما في حد شارك فيها غيري كل المسابقات بتروح للاقسام التانية اكتر حتى انا مسابقتي كلمة واية ما فيها تفاعل كتير مش عارفة ليش الاعضاء ما بحبو هيك مسابقات دينية معقول خلفيتنا بهيك امور ضعيفة جدا الشي بيرجع للادارة تقرر بخصوص القسم الاسلامي والقسم الجديد اللي ذكرتيه للمعاقين بتمنى من احمد او مؤمن يتابعو هالشي شكرا غروب كتير |
اقتباس:
السلام عليكم كلامك جميل غاردينيا وأغلب الأشياء اللي ذكرتيها واضحة مش محتاجة توضيح أكثر مني بالإضافة إلى في أشياء وضحتها في ردود سابقة بالنسبة للستايل في ستايلين موجدين واحد مثبت لكل الأعضاء وواحد لا انا شخصياً بتصفح المنتدى من الستايل الأخر ستايل رائع ومريح للعين وسهل وبسيط وخفيف ولو نركب مليون ستايل هيكون بالنسبة لي هو الأفضل مؤمن نزل موضوع عنه في قسم الإقتراحات او شئ شبيه بهيك بإمكانك تتطلعي على الموضوع وتجربي الستايل ومش هتندمي واكيد التجديد حلو وان شاء الله من فترة لفترة بنركب ستايل جديد تحياتي لك ويسعد كل اوقاتك |
اقتباس:
بخصوص الأقسام اللي عليها برود يا ريت كان ذكرتي شو هي الأقسام حتى نشوف ونحاول نعمل مسابقة لتنشيط هذه الأقسام بخصوص أن الموضوع يظل مكانه لو جديد وما يروح بعد ردود الأعضاء صراحة اول مرة اسمع عن هذه الخاصية لكن ممكن يكون في مقترح ثاني نخلي مشرف القسم يشوف الموضوع المميز والجميل ويثبته فترة حتى الكل يشوفه وياخذ عدد ردود مناسب بعد هيك يلغي تثبيته بالطريقة هذه بنكون حافظنا على الموضوع وخليناه فترة اطول موجود أما الخاصية الثانية بعرفها مرت عليا من قبل هي فكرة حلوة وما هتضر إن شاء الله بنشوفها وبنحاول نطبقها يسعد كل أوقاتك وكل التحية لك |
اقتباس:
السلام عليكم بخصوص الردود المتتالية في نفس الموضوع معك حق هذا شئ مزعج وانا متفق معك فيه انا كنت حكيت في رد سابق اني هحكي مع المشرفين في المسألة هذه لكن لهلوقت ما حكيت بس هاليومين على الأكيد هحكي مع المشرفين بخصوصها بخصوص الأعضاء بيشاركوا في مواضيع ومواضيع لا هذه بترجع لذوق العضو نفسه لكن بنتمنى ان يكون عادل ويرد على الغالب اما بخصوص المواضيع الطويلة أيضاً بنتمنى ان الأعضاء أن يحاولوا الإختصار حتى ما يشعر القارئ بالملل اما بخصوص الضبط في الحقيقة الإداريين اكثر خبرة من غيرهم في هالأمور بخصوص قسم الحصريات هو كان قسم فرعي لكن عملناه رئيسي حتى يكون واضح اكثر وعليه اقبال أكثر ومعك حق كل عضو بيكتب فيه بيستحق التكريم وفي اعضاء بياخذو تقييمات على كتاباتهم فيه وبخصوص قسم الشعر عاملين مسابقة هالوقت اسمها اجمل تعليق ادبي على الصورة هذه هتعمل جو وتخلي الأعضاء تبدع وتكتب وعلمنا من قبل مسابقات كثير بس وقفنا المسابقات لفترة وهينا بدأنا نرجعها في الوقت الحالي تحياتي لك |
اقتباس:
السلام عليكم ورحمة الله وبركاته بخصوص قسم ذوي الإحتياجات الخاصة صراحة انا شايف ما إله داعي يعني نادراً لما اشوف مواضيع بخصوص الأمر هذا اما القسم الإسلامي معك حق صراحة محتاج ترتيب أكثر وانا معك بإضافة الأقسام الموجودة وان شاء الله هنشتغل عليها الفكرة هذه اما قسم التراث والحضارة كان موجوج هذا القسم لكن تم دمجه لأن ما كان عليه تفاعل اقتراحاتك كثير حلوة وفي محلها خصوصاُ القسم الإسلامي شكراً لك غروب وكل التحية لك |
بما اني ضيفة خفيفة ومش بدخل كتير أحب أقولك ان المنتدى روعة في كل حاجة يمكن الستايل بس هو اللي عايز يتغير غير كدا ادراة واعضاء ومواضيع واقسام حلوين تشاو ي عسل |
بصراحة افكار الاعضاء كلها حلوة وبتمنى من الادارة تعمل الشي المناسب منها لحتى نتطور اكتر ويكون اعجاب الاعضاء فيو اكتر |
| الساعة الآن 10:40 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.