|
كلنا مع إنتفاضة القدس ولكن ...... السلام عليكم ورحمة الله وبركاته سأدخل في الموضوع مباشرة وبدون مقدمات كلنا مع إنتفاضة القدس ولكن لماذا يذهب شبابنا في غزة إلى الموت بأرجلهم هيا بنا لنذهب ونتظاهر على السلك الحدودي شرقي القطاع ونعلن دعمنا لأهلنا في الضفة ولكن ما الثمن يذهب شبابنا إلى هناك والقناصة الإسرائيلي ينتظرهم على أحر من الجمر لسيقط منهم ما يسقط من خيرة وزهرة شبابنا ويُصيب ما يُصيب وما النتيجة لا شئ وما المقابل لا شئ هل أصبح دم شبابنا رخصياً ليهدر دون مقابل هل يرضى أهل الضفة أن نذهب إلى الحدود لنرفع الرايات ونهتف بالشعارات ويُقتل بعض شبابنا عنوة وبدون أي مقابل يا قدس أنتِ في قلوبنا ويا اهل الضفة أنتم جزء لا يتجزء منا ولكن دمنا ليس رخصياً ليُراق على الأرض دون أي عائد لنا أو لكم أين الأجهزة الأمنية في غزة لتمنع مثل هذه المظاهرات وتحقن دم الشباب الذى يراق دون أي وجه حق هذه وجهة نظري وهذا رأيي انتقدوني ، هاجموني ، اتفقوا معي أريد آرائكم |
باختصار اتفق معك ^^ نعم نحن بحاجةة لدعمكم ونعلم انكم معنا لكن فعلا خسارة شاب مقابل ﻻ شيئ هي خسارة للجميع حتى المظاهراات الي بتصير عنا و قنص الشباب من قبل الجنود الاسرائيلين انا ضدهاا ومع العملياات المدروسة يسلمو للنقاش هل كان حبا ارق التحاياا |
وأنا اتفق معكما أنتما الاثنان وليس لدي أي اضافات على ماقلتما حما الله شبابنا ونصر شعبنا وأزال مأساتنا يعطيك العافية |
اول شي انا بدي اهاجمك بشي هون احنا وطن واحد ما فيه الضفة وغزة تاني شي الشب لما يسقط شهيد بكون اجله انتهى تالت شي اهل الضفة ما بحكي حتى ل ابناء الضفة انهم ينزلو متل هيك مظاهرات لانو متل هيك مظاهرات ما منها نتيجة مع احترامي الك اخ احمد يمكن يكون سؤالك او نقاشك فيه نوع من انواع التفرقة بين الضفة وغزة تحياتي الك |
عليكم السلاآم و رحمة الله كلناآ مع الإنتفآضة ’ لكن نعمل شي بالعقل يعني رح بحكي رأيي حسب تصرفآت الشبآب سوآء بغزةة او بالضفة اللي بدوو يعمل شي و يكون مع الإنتفآضة يفكر فيوو قبل يعني شبآب غزةة كل الإحترآم لإلهم بس لشوو يوصلوو الحدود عشآن مظآهرآت مآ في ورآهاآ شي الاآ القنص و الموت .؟ اللي معوو سلاآح يمسكوو و يطخ فيوو عشآن ازآ استشهد يكون عمل شي مش يرووح عَ الحدود و مآ يعمل شي عمر المظآهرآت ماآ بتفيدنآ بشي و الشبآب عنآ بالضفة كتير منهم بنزلوو ليطعنوو و مآ بكونو قد هالشي صح كلوو حسب النوآياآ و ربنآ يرحمهم أو يكون بعونهم ازآ اعتقلوو بس اروآحهم مش رخيصة لهيك اللي بدوو يعمل شي يفكر قبل لك عنآ بنآت بيآخدوو >> سكين فوآكه ليطعنوو فيهاآ !! بيعتقلوهم و الله اللي بيعلم بأحوآلهم و الله اروآحهم و دمآئهم مهي رخيصة و بالنهآية ربنآ يفرجهاآ و حسبي الله على اليهود تحيآتي لك .~ |
بدايه اشكرك علي موضوعك انا رحت شرق البريج وشرق خانيونس وشفت كيف الشب بكون بعيد عن الجندي كثير كتير بتجيلو رصاصه برجلو بصير معاق طب شو عملت انت هيك هالاشي مالو اي تأثير علي اليهود عكس اخوانا بالضفة قبل انسحابهم من غزة اليهود وقت اي مواجهه كانت بتصير مباشره وجه لوجه بس الحين الجندي خايف منك ولو شايفك ما معك شي خايف منك برضو قبل فتره طلع واحد من الدير واخد سلاحو وقرب لسلك من بين الشبان واطلع نار علي اليهود مباشره اجت رصاصه براسو ومات وهو مسلح الله يرحمو اول شي بس هالاشي بدون تكتيك بدون تخطيط والنتيجه روحك راحت شفت فيديو بالقدس وهو بيضرب بالمره الخنزير المجند والله قلبي وجعني واضايقت واتنكدت دم الواحد حامي علي بناتنا وبغار وبطق لمن يشوف هالاشي بصير فيهم بأي شكل لازم يكون النا تأثير اكبر من هيك عنا لا شك انو الفصائل بتشتغل بالوقت الحالي وعم تجهز لاي مواجهه جايه الجاي هيكون صعب لاشك والحرب الجايه هتكون بجد مو متل السابقة بدعي انها تكون حرب نهاية ويكون طردهم بعديها من ارضنا وربنا يرحم شهدائنا جميعاً |
انا ما حضيف على الي حكو. البريئه واخوي مؤمن ورائي متلهم تماما شكرا كتير الك اخوي على النقاش |
احنا عنا مفهوم غلط للشهاده الشهاده مش انك تروح ترمي حالك للموت بدون ثمن حتى الانتفاضه حاليا لازم اي شب بدو يعمل شي يخطط ويتروى وما يموت ببلاش ليش هو دمنا رخيص ؟ ولا حتى اي عاقل برضى شباب لا من غزه ولا الضفه يرحو هدر اكيد النيه سليمه يعني بعطيك مثل سيدنا خالد بن الوليد كم مره حارب وخاض حروب لو كان مفهومه للشهاده متلنا كان من اول معركه استشهد الهدف الاساسي ضرب وقتل اكبر عدد من اليهود الشغله مش اروح عشان استشهد وبس واخلي اهلي يتحسرو علي يا ريت كل هادا الشي يتوقف بامر من كل الفصائل وتبدأ العمليات النوعيه بتخطيط وتنسيق وادراك اشكرك اخي الكريم |
نآهه بسس مع انتفآضضةة فيهآ ككل الععرب ششآن شوف أدي في آستشهدو بسس مو تغغير ششي آكيدو ككل ححدن ععندو كككرآمهه مو بإيدو بدو يعمل ششي لوططنو ؟ ')) بسس بردو لآزم الشي يلي يعملو يفيد القضضيهه مو بسس خسسآرةة أروآحح ؟ ') مبعرف هآد رآي ☺ ') يسلمو هل ككآإن حبــآإ ع النقآشش هآد الوآقععي :$ وردهه |
مارح علق كتير ي أحمد وعم بدعيلكون من جوات ألبي انو الله يغير حالنا وحالكون بس لو ضليتك تكتب ليل نهار وتعترض وتحكي لكن ولكن ولكن يلي الله كاتبو رح تشوفوه ورح نشوفو كلنا مهما كانت صعوبتو أو نتيجتو وما حدا بيغيرا لإرادتو ربي يمررها ع خير |
يعطيك العافيه انا مع وضد كلامك ضد بنسبه (يذهب شبابنا إلى هناك والقناصة الإسرائيلي ينتظرهم على أحر من الجمر لسيقط منهم ما يسقط من خيرة وزهرة شبابنا ويُصيب ما يُصيب وما النتيجة لا شئ وما المقابل لا شئ هل أصبح دم شبابنا رخصياً ليهدر دون مقابل اولا دماء شهدانا مش رخصيه ولا من غير مقابل راحو هدول باعو نفسهم مبتغين الشهاده في سبيل الله حتى لو ماحققو شي. بكفي انهم قذفو الرعب والخوف باليهود. هدول باعو شبابهم لله مدام نيتهم الشهاده والدفاع عن فلسطين. اذا ع الموت وهو نايم يمكن يموت او هو بياكل. هالشي بأيد ربنا تانيا: انا ضد انو شعب غزة يطلع هاي الفترة للجهاد الله يكون في عونهم لسه ماصحصحو من الانتفاضه الي قبل ولاعندهم بنيه تحتيه للجهاد. مابعرف انا حاسه انو حضرتك بدك بس الضفه تجهاد وتخسر شباب وشهداء وغزة لا الحق برجع بالاول والاخير ع القيادات الي من تحت لتحت بتثير بشعب وهما بتفرجو كانو زمان الفصائل تعمل عمليات جهاديه والشعب يبارك هلا العكس الشعب بيعمل عمليات جهاديه والفصائل بتبارك لازم يكون في خطوه مدروسه اكتر للجهاد حتى نوصل لنصر ومع ذالك انا مع الجهاد بالحجر والطعن واي شي بسيط احترامي الك. |
اقتباس:
دم شبابنا ليس رخصياً لهذا الحد تحياتي لك ومشكورة لرأيك |
اقتباس:
لطرح رأيك ووجهة نظرك كل التحية لك |
اقتباس:
وأكيد كلنا وطن واحد ما في خلاف على هذا لكل أجلٍ كتاب متفق معك لكن إنك تروح على الحدود أعزل وتقترب من السياج الفاصل وأنت عارف كويس أن القناص الإسرائيلي بينظرك وعارف كويس أنك ما هتحقق شئ مجرد شعارات هتهتفها لا تسمن ولا تغني من جوع ويقوم القناص الإسرائيلي بإردائك قتيل أو جريح شو اللي حقتته هتقولي اجلي انتهى هقولك لا ترموا بأنفسكم إلى التهلكة وفعلاً الذهاب هناك هو بعينه الذهاب إلى التهلكة يا ريت الشب اللي بيروح هناك يفهم أنه غالي علينا وغالي على وطنه وأهله وأحبابه يعني لو هيحقق شئ أنه يقتل إسرائيلي ويستهشد هو والمقابل يكون في قتلى من الطرف الآخر على عيني وراسي هذا جهاد وأنت أوجعت عدوك وحققت شئ لربك ولوطنك لكن للأسف لا مقابل هتموت وأهلك يتحسروا عليك ووطنك هتوجع من فقدك انت غالي ودمك غالي ووطنك محتاجك دكتور او مهندس أو معلم أو حتى قائد عسكري ومخطط لنصرة الدين والوطن هذه كل المسألة اللي كنت حابب اوصلها من هالأمر اما بخصوص انه هل يقبل أهل الضفة ان شباب غزة يذهب ويموت على الحدود وإنك شفت فيها إتهام لأهل الضفة أو اني بحملهم المسؤلية لا أبداً هذه مجرد كلمات لإثارة النقاش لا أكثر وانا عارف ومتأكد أن أهلنا في الضفة لا يقبلوا بذلك وكذلك أهلنا في غزة أيضاً وإنما هي لإثارة النقاش وجعله اكثر حدة وليس المقصود منها اني بحمل اهلنا في الضفة المسؤلية مثل ما انت على ما أعتقد فهمت هيك لا ابداً سررت برأيك ووجهة نظرك صمت اللقاء تحياتي لك |
يا قدس أنتِ في قلوبنا ويا اهل الضفة أنتم جزء لا يتجزء منا ولكن دمنا ليس رخصياً ليُراق على الأرض دون أي عائد لنا أو لكم أتفق معك فيما أثرت وتحدثت ولقد تحدثت في هذا الامر كثيراً عبر مواقع التواصل الإجتماعي ولم يروق لي كثيراً ان يذهب الشباب الى الحدود لٌيقتلو بدم بارد ولقد أطلق إسم "الموت المجاني" لهذا النوع من الموت أشكرك أخي أحمد اثرت موضوع في غاية الأهمية |
اقتباس:
انا يمكن اكثر واحد بعارض على هيك مظاهرات لانو ما في من وراها اي نتيجة بالعكس دائما النتيجة بتكون سلبية انا كان تعليقي على كلامك انو اهل الضفة طبعا دم اصغر طفل من الشعب الفلسطيني عموما ما هو رخص علينا احترمت رئيك وكلامك كثير اخ احمد تحياتي الك |
| الساعة الآن 03:23 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.