|
معادلات حياتية اربع طلاب +لمبة كاز + حرمان + عدم مصروف = طبيب او مهندس او دكتور اما اليوم: لابتوب + أي باد + مدرسة خاصة + مصروف عالي = توجيهي راسب تعليقكم .... |
ههههه حبيتون للمعادلات من قد مهني واقعيات .. واحد من الاسباب هو "التطور" و"كتر الدلال"، هاي من وجهة نظري، لإنه كتر الدلال بيرخي الولد وبصير يعمل اللي بدو ياه وببطل يهتم، وليكي هالاشي ما بينطبق عكل الاولاد، لإنه في اولاد بكونوا مدللين وبنفس الوقت بكونوا جديين شاطرين وفهمانين .. والتطور اللي إحنا عايشين فيه، تطور رهيب وبالنسبه إلي تطور زايد عن حدو، ما بعرف لوين ممكن نوصل فالمستقبل من هالتطورات !! ع فكره زمان كان في دلال برضو بس مش متل هالايام لإنه الحياة زمان كانت بسيطه وبنفس الوقت مكنش في كل اشي، كان اشياء معينه محدده، بس اليوم متوفر كل اشي لهالسبب الولد هالايام بيتمرد ع اهله من كتر الدلال وبعمل يللي براسه، في اهل هالإيام بسترجوا يقولوا لأ لإبنون؟ بقيم قيامتون منشان يجبولوا غرض معين .. ما بعرف إذا ممكن يكون في تفسيرات تاني .. شكرا ملاك :137: |
بغض النظر عن اهمية التعليم ببسآطة اللي عندوو اللاآب و الآيبآد ووو مش بحآجة لشهآدةة ’ او مش بحآجة للتعليم كونو مركن على حآلوو بالمصآري اللي معآه لكن اللي مآ معوو يآكل و حيآتوو بسيطة بيتعلم لليجيب شهآدةة و يشتغل لأجل يصرف على حآلوو .. كتر الدلآل و المصآري بخرب مش بعمر و طبعاً هالحكي مآ بينطبق عَ الكل شكراً .~ |
بزيد على كلامك سمرة شغلة انه اكبر مساوء الانترنت هو تدني معدل الدراسة لدى الطلاب ماخد عقلهم لدرجة كبيرة بايامي ما كان لا نت ولا شي وكنا ندرس وما في وسائل ترفيه كتيرة لتلهينا بعتقد هاي كمان شغلة |
مزبوط ميناس لاحظي اغلب المتعلمين هم الطبقة الفقيرة بدفعو دم قلبهم ليتعلمو |
يستحضرني الآن موقف لصديق لي إلتقيت به في إخدى المحلات التجارية وسألته عن اخر اخباره وتفاجئت بحديثه عندما قال لي انه انقطع عن الدارسة الجامعية وطلب منه والده بإدارة إحدى محلاته التجارية وعندما سألته عن رائيه في الموضوع قال لي أنه ليس بحاجة لشهادة حتى لو كانت تحمل الدكتورة لأنه ببساطة شهادته لن تجني له ربع الأموال التي يتقاضاها من خلال عمله في إحدى المحلات التجارية والقصة تلخص حال الكثيرين وما وصلت إليه الأمور الآن الأمر الأخر الذي أود إضافته هو ان الله عز وجل يعطي الإنسان شيء ما ويحرمه شيء اخر وهناك حكمة إلهية وراء ذلك ولو دققنا النظر كثيراً لوجدنا أن أبناء الفقراء والبسطاء هم أشخاص يمتلكو الموهبة بالفطرة وان الله عوضهم فقرهم في العلم والفهم والعقل الكبير |
صح قصي الشهادة هلا بطلت تطعمي خبز واللي متعلمين اغلبهم شهاداتهن عالرف واشتغلو غير تخصصهم |
كل جيل بدلل اطفاله حسب الاشياءء المتوفرةة بزمانه ،، والدلال ما بعنيش بكل الحالات انه الطفل يطلع سيء او فاشل بدراسته وتعليمه ، واغلبيةة الدول المتقدمة بتتجه لادخال التكنولوجيا في التعليم واستبدال الكتب واشياء كثيرةة باجهزة حديثةة ، وممكن نفقد اشياء لكن راح تتوجد بدال منها اشياء تانيةة ومهن جديدة وفرص جديدة للجيل الجديد ،، وبالنهايةة المسألةة الي حكتيها نسبيةة وما بتطبقش ع الكل ،، يعطيك العافيةة |
كان زمان الشهاده الها عز وكان الطالب يعرف انه مش بسهوله الاب وفر اله مصاريف الجامعه لهيك كان في اصرار ونجاح كانت الحياه بسيطه لكن جميله والاسره متكافله ومندمجه مع بعضها بذكر انا انه لما دخلت الجامعه ابوي كان وضعه مش ولا بد احنا عيله كبيره 4 ولاد و3 بنات يعني خالي قدم اول دفعه وعمي قدم دفعه والباقي الله يسره اليوم في دلال ودلع والشب ما بعرف قيمه التعب والمصاري كيف اجت ومنين اجت لهيك ما بحس بقيمه الدراسه شي اخير اول كان الي معه شهاده اشي كبير اليوم المتخرجين على افى من يشيل لشو يتعلم لو بدو يقعد عاطل عن العمل يتعلم صنعه ابوه افضل مش معناته انا ضد العلم اشكرك ملاك ما بعرف لو قدرت او فهمت مقصودك |
بس الدول المتقدمة استخدمت التكنولوجيا للفائدة اكتر منا نحنا جيلنا وولادنا عم بقضو فراغهم بدل الدراسة عالفيس والنت لهيك المعدلات عم تتدنى اكتر واكتر |
صح كلامك مؤيد كنا ناخد النص والشيكل وما نطلب اكتر عالمدرسة هلا ابن صف اول باخد خمسة شيكل وياريت فالح بالمدرسة كل همهم المصروف والتسلاية كلهم مطششين وعقلهم رايح باللعب والتتش والنت هيك فهمت عليك الله يرحم زمان ياما رحت عالمدرسة بدون مصروف هلا الولد ما بعجبو تحكيلو معيش مصروفك بقوم الدنيا عليك وبنصبلك شر الله يهديهم بس |
انا كنت اخد شيكل مصروف للمدرسه بس بتزكر ما كنا نخرج بدون فطور بس كان عنا قناعه ورضى انا بعرف ولاد اليوم مصروفهم بتعدى ال 20 شيكل غير الكماليات الله يرحم ايام زمان ويجيرنا من الي جاي |
امين كانت ماما ما تخلينا نروح بدون فطور والشاي لازم نشربو هلأ ولادي ما برضو حتى الحليب يشربوه والشيكلان بطل ينفع معهم جيل الله يعينا عليه كاسر حتى الساندويشة بطلوها |
التطور والتكنولوجيا لها سبياتها ولها ايجابياتها احنا قادرين بنفرق بين وقت التسلية ووقت الجد عارفين شو لنا وشو علينا كل شي بالدنيا سلاح ذو حدين ان اعرفنا نستخدمه تطورنا واذا ماعرفنا ضلينا متل مااحنا ويمكن نتخلف كمان مشكورة ع نقاشك غلاتي وردي |
هههههه معك حق ما عندي تعليق صراحة يسعد اوقاتك |
التربية هي العامل الرئيسي في تربية الابناء اناشو تربيت في بيت اهلي ..وعلى اي شي ربوني .. اكيد راح اطبقو على عيلتي مهما كان في تطور وتكنولوجيا بس مابيمنع انك تربي اولادك على الي بدك اياه انتي وطبعا من همي صغار .. حتى التطورمابيمنع النجاح في المدرسة والتفوق ومهما زادت تكنولوجيا الحياة بضل التفوق والنجاح الاهل همي الي مسؤولين عنو .. همي الاساس موضوع الحكي في مابيخلص وفي نقاط كتيرة يسلموووالك على الانتقاء الهادف |
معادلة صحيحةْ مئة بالمئةْ من الممكن ان يكون السبب الرئيسيْ انعدام الاهداف عند بعض الشباب والفتياتْ فلو كان يضع امامه هدفْ رئيسيْ يُريد الوصول اليه فسيقوم بالمستحيل ليصل الى جميع اهدافه الحياتيه والسبب الاخر هو الوضع الاقتصادي المتدهور في القطاع خاصة وفلسطين عامة فعلي سبيل المثال غزة يوجد بها بطالة بشكلٍ مرتفعْ وهذا كفيل لان يتغلب على وعي وفكر الشاب . مثلا بيقول لحاله طيب انا لمن اتخرج شو بدي اعمل منا رح اصف واطفي متلي متل باقي الخريجين واستني دوري بالبطالة وايضا انعدام التربية . فاغلب الشباب والفتيات ايضاً يمضون اوقات فراغهم في امورٍ ساذجة كالحب والتنزه والخْ والجلوس على الطرقات وقضاء الوقت على الانترنت يعني شغلات كتير واقولك شغلة لو عندي الف جهاز الكتروني وكلهم احدث من بعض لو انا حاطط براسي اني انجح وادرسْ رح انجح هيني انا عني تلفزيون وجوال ولاب توب وجهاز كمبيوتر ومع هيك خلصت توجيهي بمعدل جيد جداً وكمان الجامعة لاني حاطط براسي هدفْ والحمد لله وصلتله بغض النظر اني خلصت جامعة وصفيت على جنب متلي متل باقي الشباب بس على الاقل عندي شهادة بعتز وبفتخر فيها وبعلقها على الحيطة حتي ابني ما يقول عن ابوه انسان جاهل وامي وغير متعلم معلش لاني طولت عوافي |
بتخلفُ معاكُ بهايُ معادلةةُ ..ُ الدورً الاساسيً عند الامُ.. مهمآ كانُ عندوُ منُ وسائلُ التقنيةةُ بتظلُ .هيُ الليُ تخليُ الابنُ والبنتُ يحددونُ اهدآفهمُ ...ُ اذآ كانتُ تشجعهمُ عُ دراسةً وانوُ لازمُ يدرسً ويتعلمُ سدقينيُ رآحُ يكونُ هاُ الهدفُ اساسيُ التعليم ودراسةة تلقيةةُ متفووقُ يسعدككك ملاكُ أزهاريُ |
| الساعة الآن 02:56 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.