|
قهوتي معكم غير !! " سمرة " : هل تقبلين دعوتي ؟؟ طابت أيامكم أسعد الله اوقاتكم بكل خير ورزق الله قلوبكم سعادة حيث تواجدتم ،، ليلة الأمس مرت علي لحظات تأملت فيها ذكريات مرت عليها سنوات لكنها مازالت عالقة بداخلي عدت الى منزلنا واذا أنا أجد دعوة قد علقت على الباب وضعت ماكنت أحمل بيدي وجلست على الأرِيــــــكة أنظر ارتسمت على شفاي ابتسامة رضا فقد كانت دعوة على فنجان قهوة سوف اختااار من يشرب قهوته معي ومدة انتظار ضيفي 3 ايام اذا لم يقبلها سوف اختار عضو آخر لنتواصل ..و يبقى حبل الاخوة مشدود بيننا .. فكرة الموضوع : سأقوم بإختيار عضو أو عضوة ليشاركني فنجان قهوتي وأسئلتي التي اتمنىأن لا تثقل عليه .. ثم بعد الانتهاء سأجدد الإختيار مرة اخرى وعلى ضيفيالسابق ان يشارك بأسئلة أقصاها ثلاثة واقلها سؤال واحد بمعنى .. ان يضيف علىالاسئلة الاساسية إما ثلاثة أسئلة كحد أقصى أو سؤال واحد كحد أدنى سأختار( سمرةة )وأتمنى أن يشركني فنجاني أهلاً بكـ سعيدة لإستجابتك ـلدعوتي هاهي الطاولة لقد حُجزتلنا.. * * * * كيف حالكـ ؟ وكيف هي الدُنيا معكـ ؟ هل تقبل عادة ًدعوات كهذه على أرض الواقع ؟؟ هل أنت من الأشخاص الذين يفضلون شرب القهوه؟؟ هل هناك مكان معين ترتاده وتشعر بالطمأنينة إذا ما دخلته ؟ لحظــــة !! سـ اقطع حديثك فقدجاء الجرسون لِـ أخذ الطلب قهوتك سادة أم وسط أم سكر زيادة ؟؟ أم أنت لست من عشاق القهوة !! تفضل القهوة ^^ حسنا ً حكمتك ومبدأك في الحياه؟ شخصية تاثرت بها ؟ تؤمن بلبس الاقنعه لتتكيف مع الحياة من جميع النواحى؟ هل تختار عادة ً طلبك حسب ذوقك أم تترك الاختيار للمستضيف ؟ هل مازلت الى الأن تسعى في الوصول الي حلمك أمأنه تحقق ؟ اسمحلي ان اسافر بك نحو الخيال .. اثبتت التحاليلالمخبرية أنك تعاني من فشل في عمل الكلى ( عافانا الله واياكم وأبعد عنا وعنك المرض ) وأنت بحاجة لعملية زرع كليه .. وكان هناك اثنان فقط يمكنهم منحك احدى كليتيهم .. هما : أخاك .. وابنك .. من ستختار؟ ولماذا ؟ هل لك قوانين وأنت تتناول قهوتك أو مشروبك المفضل كأن تبدء بشيء معين وتنتهي بشيْ معين آخر؟؟ هل أنت من الاشخاص الذين يفضلون شربالقهوة ساخنة ام باردة ؟ مرة أخرىلحظــــة !! هاتفك يرن هل ستجيب عليه؟ أأنت من الأشخاص الذين يضعون هواتفهم على الوضع الصامت أثناء تلبيتهم دعوة كهذه أم تتركه على الوضع العـآم ؟ هل تهتم بأمر التَجمع على القهوة أو الطعام؟؟ سبق لك وتعرضت للسرقة ؟ هل تعرضت لصدمة في حياتك ؟ وما هي ؟ إذا استعرضنا معـــــًا أجمل محطاتك في : الطفولة ، السفر ،الدراسة فماذا سنجد في جعبتك من مواقف لم تزل قائمة في الذاكرة؟ آيه قرآنية تجعلها دائماً نصب عينيك؟ سأختار مجموعة من اعضاء لك الحريةة بكلمة او نصيحةة او اهداء او حتى نقد مؤمن امير القلوب تولين ملك روحي غاردينيا غروب هل كان حبا السماء تحبني انثى الياسمين وتين ماسه بارو لونلي هيرت ننوش حبيب العمر سمرة ( وتأكد ان صدورنا تتسع للكثير الكثير .. فلا تتحرج) الغربة والوطن في نظر سمرة تحبني ماذا تعنيان ؟ سمه تعتز بها كثيرا في شخصيتك؟ هروب الكلمات من مخيلتك عندما تكون في أمس الحاجة لها كيفتعالجها..؟ ماهي التجربــه التـي تتمنــى تكـــرارها؟ رائـــــع .. إذن ،، ما هي التجربة التي خضتها ولا تتمنى أن تتكرر؟؟ حسنا ً رأيك بـ ملك روحي .. مميزاتها وعيوبها ؟؟؟ سمرة : هذه الورقة كان قد كتب فيها اسئله وهي موجهه إليك ما هو اقصى حد من التهور كنت قد فعلته بحياتكـ..؟ / ( إحترس ممن تودد إليك ، وقد كان من عادته خصومتك ) هل تؤمن بهذهـالعبارة...؟ ولماذا..؟ | | هل تهتم بِـ امرالتحلية مع القهوة أو بدونها ؟ وماهي افضل انواع الحلويات لديك؟؟ عفوا ً .. مبلغ الفاتورة ( 12 دولار ) هل تفضلت مشكور بدفعها .. لأني لا أملك المال ؟ لو وضعت في هذا الموقف .. كيف سيكون شعورك ..! انتبه .. شعورك وليس تصرفك ! واااو أجد الوقت قد أُنتهى بسرعةة استمتعت جدا ً و أنا معك بِـهذهـ الدعوة لحظة : نسيت سؤال ضيفي السابق هل كان حبا : 3 امنيات تتمني تحقيقها ؟؟ وسؤال حبيب العمر : ما رايك بانتفاضه القدس هل تفضل ان تبقى هكذا سلميه جماهيريه ام تكون مسلحه وضرب العمق الصهيوني وتدخل الفصائل على الخط؟ اسئله حنين الروح : من أي بلد أنت ؟! كيف وصلت للمنتدي؟! تقييمك ل بنات فلسطين بشكل عام ؟! واسئله ملك روحي : اجمل تجربه خضتيها بمنتدى بنات فلسطين؟ العضو الاقرب لك ؟ وردة وحدة لمين تهديها ؟ اسئله البريئه : اديه عمرك .؟ ايش بتعمل بحيآتك .؟ كيف بتقضي وقتك يومياً .؟ سؤال كماني المزاج : ما قيمة الانسان لديك ؟؟ لطفا ً قبل أنتغادر لا تنسي الشرط : ( وعلى ضيفي السابق ان يشارك بأسئلة أقصاها ثلاثة اسئله وكحد أدنى سؤال واحد تفضلي سمرة ^^ |
اختيار موفق كالعادةة ملك ، وسمرة اراها دايماً حلوة وبمحلها يعطيكِ العافيةة ع الفكرة واختيار ضيوفك المميز ،، |
الله يعافيكك الصيااد حضورك الاجمل انرت ي راقي |
استضافه ولا اجمل لسمره الرائعه رح تكون اضافه جميله للموضوع احسنتِ الاختيار ملك روحي شكرا الك بانتظارك سمره |
سيكون للقاء والحوار مذاق خاص فسمرة تمتاز بالواقعية الشديدة والنضج والفكر الكبير وارائها تروقني جدا لما استشف فيها من صدق وجرأة يفتقر لها الكثير |
عوآفي يآ ملك على الإختيآر الرآئع لعضوةة مميزةة بتستآهل كل الخير رح كون متآبعة أجوبتك سمره تحيآتي لكم .~ |
العفو حبيب العمر انرت ^^ |
فعلا قصي سمرة تتميز بانها واقعيةة سعيدة بمتابعتك انرت ^^ |
يعافيكي ام الاميرر سعيدة ل متابعتك ارق التحاياا |
استظاافةة ججدآ جميلةة ل سمرةة انسانةة مثقفةة وآرائهاا ونقاشتها جميلةة متاابعةة آن شاء الله عواافي ملكك حبيبتي ، |
يعافيككي باروو يسلمو لحضوركك تحيااتي |
استضافة جميلة للاخت سمرة انسانة واعية-ناضجه-وبحب رؤيتها للحياة وتحليلها المنطقي لأمور كثيرة يعطيكِ 1000 عافيــــــــــة ملوكـــــــــــــة متابعــــــــــــــــــــة-ان شاء الله- |
يعافي ئلبكك حبيبتي غاردينيا بتسعدني متابعتكك تحيااتي |
ملك يسعد مساكي، بشكرك ع استضافتي بهالموضوع الحلو، مع إني بشربش قهوه بس برفضش الدعوات بشكل عام .. الصياد، حبيب العمر، قصي، البريئه، بارو، غادرينيا، إنبسطت بحكيكوا، ان شاء الله دايما مشاركاتي وآرائي تنال اعجابكوا .. / كيف حالكـ ؟ منيحه نشكر الله وكيف هي الدُنيا معكـ ؟ مش دايما منيحه ومش دايما بتكون متل ما انا بدي، لإنه هاي طبيعة الحياة، متل ما بمر بأيام حلوي برضه رح امر بأيام صعبه ومُره وتكون عكس كيف انا برغب .. هل تقبل عادة ًدعوات كهذه على أرض الواقع ؟؟ اكيد بقبل إلا بحاله وحده لمن اكون عم بمرق بظرف معين فا بضطر ارفض الدعوه .. هل أنت من الأشخاص الذين يفضلون شرب القهوه؟؟ لأ لإني ولا مره شربتا .. هل هناك مكان معين ترتاده وتشعر بالطمأنينة إذا ما دخلته ؟ لاء ولا مره اجاني هالإحساس فأي محل رحت عليه بحياتي .. لحظــــة !! سـ اقطع حديثك فقدجاء الجرسون لِـ أخذ الطلب قهوتك سادة أم وسط أم سكر زيادة ؟؟ أم أنت لست من عشاق القهوة !! بشربش قهوه .. تفضل القهوة ^^ شكرا، مش خسرانه اشي لإنه الحياة مذاق، رح اجرب اذوقها .. حسنا ً حكمتك ومبدأك في الحياه؟ "لترى السعاده كُن شديد النسيان" شخصية تاثرت بها ؟ زياد الرحباني، إنسان واقعي غير شكل .. تؤمن بلبس الاقنعه لتتكيف مع الحياة من جميع النواحى؟ حتى لو ما بآمن، الإشي موجود كل الوقت بمجتمعنا، وانا شخصيا ضد لإنه مفش اشي يمنع الإنسان يكون ع طبيعته، وبيقدر يوصل للي بدو ياه بدون لبس اقنعه .. هل تختار عادة ً طلبك حسب ذوقك أم تترك الاختيار للمستضيف ؟ بيتعلق، لو كانت العزيمه مني فأنا اللي بختار، بس برضه رح احترم رغبته لمن ميحبش زوقي فوقتها بترك الحريه إلو وهو يختار .. هل مازلت الى الأن تسعى في الوصول الي حلمك أمأنه تحقق ؟ عندي قناعه بإنه الاحلام بتحققش عشان هيك سموها أحلام، وعشان هيك مش كتير مهم احكي شو هيي احلامي، الاحلام عادةً بتكون بعيده كل البعد عن الواقع يللي بتكوني انت عايشيته. بس فيني اقول إنه عندي رغبات معينه مش احلام، رغبات قادره ع تحقيقها، ع امل احصل عليها هالايام .. اسمحلي ان اسافر بك نحو الخيال .. اثبتت التحاليل المخبرية أنك تعاني من فشل في عمل الكلى ( عافانا الله واياكم وأبعد عنا وعنك المرض ) وأنت بحاجة لعملية زرع كليه .. وكان هناك اثنان فقط يمكنهم منحك احدى كليتيهم .. هما : أخاك .. وابنك .. من ستختار؟ ولماذا ؟ اول اشي ان شاء الله ما بصير معي متل هيك موقف، تاني اشي بتأكد إذا هالشغله رح تأثر سلبيا وبتشكل خطر عاللي بدي اخد منه الكليه ولا لاء، بعد ما اتأكد بعدين بقرر، وبما إني مش متزوجه مضلش غير اخوي فأكيد رح اخدها من اخوي .. هل لك قوانين وأنت تتناول قهوتك أو مشروبك المفضل كأن تبدء بشيء معين وتنتهي بشيْ معين آخر؟؟ مع إنه السؤال مش مفهوم كتير، بس الاشي ممكن يصير، اكون ملتهيه بإشي معين او عم فكر بإشي معين وبالاخر لافي عقلي بلش يفكر بإشي جديد، او لاقي حالي عم التهي بشغله بعيده مالا علاقه باللي بلشت فيه بالاول .. هل أنت من الاشخاص الذين يفضلون شرب القهوة ساخنة ام باردة ؟ انا بشربش قهوه بالمره، سبق وذكرت، بس بفضل المشروبات السخنه فالشتويه بما إننا بفصل الشتا حاليا، اما بشكل عام مشروبي المفضل كولا .. مرة أخرى لحظــــة !! هاتفك يرن هل ستجيب عليه؟ اكيد ولو؟ أأنت من الأشخاص الذين يضعون هواتفهم على الوضع الصامت أثناء تلبيتهم دعوة كهذه أم تتركه على الوضع العـآم ؟ بيتعلق هالدعوه من مين، إذا كانت من القرايب والاهل عادي بيضل بلفوني متل مهو لشو اعمل صامت؟ اما إذا كانت دعوه شغل يعني مقابله متلا؟ بطفيه ع الاخر، لإنه بالمقابلات الشغل ممنوع بلفونات .. هل تهتم بأمر التَجمع على القهوة أو الطعام؟؟ لأ بهتمش بس مش غلط الاشي .. سبق لك وتعرضت للسرقة ؟ اه انسرق بلفوني جلاكسي 5 اس والمشطرا او الشرطه رجعولي اياه بعد فترة بحث وشغل فالموضوع 4 اشهر والحمد لله الفضل بيرجع لأخوي الكبير ضل يساعدني فهالموضوع هو وجوز اختي لإنه شوطير يعني شرطي .. هل تعرضت لصدمة في حياتك ؟ وما هي ؟ عادةً الصدمات اللي بتصير مع الإنسان بتكون كتير شخصيه، بفضل ما احكيهاش لإنها بتخصني ومن خصوصياتي الخاصه، لهيك مش رح جاوب بعتزر .. إذا استعرضنا معـــــًا أجمل محطاتك في : الطفولة - كنت عاقله كتير وانا صغيري، يا دوب كان يطلع حسي وهالاشي ضل معي لحد ما كبرت لهيك طبعي هادي اغلب الاوقات، بحبش الثرثره كتير .. السفر - ولا مره سافرت، جديد رح اروح ع ايلات بشهر 6، رحله بيات اسبوع .. الدراسة - كانت بداية صعبه لإنه كان عالم مختلف، مواد معلمين اجواء مختلفين، بس مع الوقت تأقلمت وكوّنت معارف .. فماذا سنجد في جعبتك من مواقف لم تزل قائمة في الذاكرة؟ *رحلة القدس 24.10.2010 كانت رحلة بتجنن مع اختي اللي كانت شغلتها تنظم رحلات لجميع القرى اللي حولينا .. * وقت نجحت فالانجليزي وجبت علامة 97 بل מגן فالثانويه يللي بينعمل قبل امتحان البجروت الرئيسي ما بعرف شو بحكولو فالعربي او يمكن نظام التعليم الثانوي عنا مختلف عن النظام عندكوا وعن باقي البلاد، وقتا انا الوحيده اللي جبت 97 وكان حدث الاسبوع فالمدرسه. ومواقف كتير لسه، منها مواقف كتير شخصيه .. آيه قرآنية تجعلها دائماً نصب عينيك؟ صحيح انا مش مسلمه بس دايما بقرأ "آية الكرسي"، كتير بتساعد الواحد .. سأختار مجموعة من اعضاء لك الحريةة بكلمة او نصيحةة او اهداء او حتى نقد رح اختصر رأيي بكل شخص بلقب ممكن يعكس شخصيته وصفاته .. مؤمن - عندما يعشق القلب امير القلوب - إصرار وعزيمه تولين - بسمه على شفتيها ملك روحي - شرقية الملامح غاردينيا - انثى من زمن النقاء غروب - على شرفة الأنتظار هل كان حبا - خبايا الصدور السماء تحبني - قوت القلوب انثى الياسمين - فتاة الضفائر الجميله وتين - دموع وابتسامه ماسه - لن نموت غداً ! بارو - مشاعر مبهمه لونلي هيرت - براءة قلب ننوش - الوان من السعاده حبيب العمر - جبروت رجل بتمنالكوا كل التوفيق بحياتكوا الشخصيه .. ( وتأكد ان صدورنا تتسع للكثير الكثير .. فلا تتحرج) الغربة والوطن في نظر سمرة تحبني ماذا تعنيان ؟ الغربه - إستقرار او صراع الوطن - إنتماء سمه تعتز بها كثيرا في شخصيتك؟ إنسانيه هروب الكلمات من مخيلتك عندما تكون في أمس الحاجة لها كيفتعالجها..؟ بحاول اتذكرون لإنه مفش اشي بقدر اعملو غير المحاوله .. ماهي التجربــه التـي تتمنــى تكـــرارها؟ تجربة الجامعه لحتى غير اختصاصي .. رائـــــع .. إذن ،، ما هي التجربة التي خضتها ولا تتمنى أن تتكرر؟؟ معرفتي ببعض الاشخاص بحياتي بالواقع .. حسنا ً رأيك بـ ملك روحي .. مميزاتها وعيوبها ؟؟؟ ملك روحي بحسها "حاله معينه"، من البدايه حبيت شخصيتك لإنه وقت سجلتي فالمنتدى، كنتي انتي الوحيده اللي تعملي جو وتخلي الكل يضحك فالمنتدى، صحيح إنه من بعدك ممكن رح يجي كتير اعضاء مرحين بس رح تضلك الاميز بنظري لإنك الاولى يللي قدرتي تعملي نشاط وفعاليات بفتره قصيره، وإذا بدي احكي عن شخصيتك، بتعجبيني لإنك إنسانه صريحه وجريئه، صفتين احلى من بعض، كتير طموحه وكتير بتعطي تفاؤل وانو بتحسسي الواحد بإنو بيقدر يوصل للي بدو ياه بدون خوف، وغير هيك دايما بشوفك مبسوطه بتضحكي، شو احلى من هيك؟ ضلك هيك اضحكي واحكي يللي بدك ياه واعملي يللي بنفسك فيه بحياتك لإنك عايشه مره بهالدنيا، ولإنه مفش اشي بهالدنيا بستاهل نزعل عليه طالما كل اشي فيها "فاني"، والواحد مش ماخد معه اشي، فليش لحتى تقضيها كآبه ونفسيات؟ وانا عنجد بهنيكي ع شخصيتك. اما بالنسبه لسلبياتها، مفش معرفه شخصيه بيني وبينها لحتى احدد سلبياتها، اما كعضو فالمنتدى؟ ملاحظتش سلبيات بالمره. بتمنى انه تضلك فالمنتدى لإنه بعتبرك من الاعضاء اللي وجودن صار كتير مهم للمنتدى من مختلف النواحي، وبتمنالك تتوفقي فإختصاصك الجامعي وتشتغلي فهالمجال وتصيري صحفيه ناجحه وبرضه بتمنالك كل خير وسعاده بحياتك الشخصيه مع اهلك وحبابك واقرب الناس إلك .. سمرة : هذه الورقة كان قد كتب فيها اسئله وهي موجهه إليك ما هو اقصى حد من التهور كنت قد فعلته بحياتكـ..؟ تعرضت مره لصدمه معينه بسببها قعدت بحاله نفسيه اسبوع كامل وكنت نام بكير كل يوم ومكنتش اكل منيح، واصلا مفش اشي بيستاهل .. وبتذكر مره كسرت بلفوني، برضه مفش اشي بستاهل، بس شغلات وصارت والواحد بيتعلم وببطل يعيدها وحتى بصير الواحد يضحك ع حالو لمن يتذكر كيف كان يتصرف زمان بلحظات عصبيه .. / ( إحترس ممن تودد إليك ، وقد كان من عادته خصومتك ) هل تؤمن بهذهـالعبارة...؟ ولماذا..؟ بآمن واصلا بحترس من كل شخص بتوجهلي بغض النظر إن كان بيقربلي او لأ، لإنه هالايام صار الواحد يتوقع اي اشي لإنه كل اشي ممكن يصير .. | | هل تهتم بِـ امرالتحلية مع القهوة أو بدونها ؟ سبق وذكرت بشربش قهوه، بس بحب الناس اللي بتحط بسكوت او اشي بسيط مع القهوه .. وماهي افضل انواع الحلويات لديك؟؟ كنافه .. عفوا ً .. مبلغ الفاتورة ( 12 دولار ) هل تفضلت مشكور بدفعها .. لأني لا أملك المال ؟ لو وضعت في هذا الموقف .. كيف سيكون شعورك ..! انتبه .. شعورك وليس تصرفك ! يمكن بستغرب خصوصا إذا كانت العزيمه من اللي قبالي مش مني، بس بنفس الوقت رح اتقبل الاشي بكل بساطه وروح رياضيه وادفع عنو .. واااو أجد الوقت قد أُنتهى بسرعةة استمتعت جدا ً و أنا معك بِـهذهـ الدعوة لحظة : نسيت سؤال ضيفي السابق هل كان حبا : 3 امنيات تتمني تحقيقها ؟؟ حاليا اكتر اشي عم ركز عليه رخصة السواقه وخلص تعليمي .. وسؤال حبيب العمر : ما رايك بانتفاضه القدس هل تفضل ان تبقى هكذا سلميه جماهيريه ام تكون مسلحه وضرب العمق الصهيوني وتدخل الفصائل على الخط؟ ماليش كتير بالسياسه، وانا ما بين مع وضد بنفس الوقت لهالإنتفاضه، بس عندي قناعه بإنه المشاكل ولا بعمرها بتنحل او تجيب نتيجه بالضرب والقواس والقنابل والحجاره. اسئله حنين الروح : من أي بلد أنت ؟! من قرية ساجور - فالجليل الاعلى - عرب الداخل 48 كيف وصلت للمنتدي؟! عن طريق جوجل صدفه تقييمك ل بنات فلسطين بشكل عام ؟! المنتدى بالنسبه إلي مميز لإنه فيو شغلات يمكن مش موجوده بمنتديات كتير، اللايكات والفعاليات المميزه والمسابقات يللي كانت وهذا غير بعض الاعضاء النشيطين، وفي شغله حلوة انكوا تاركين الحريه إلنا نختار الستايل يللي بيريحنا من بين الاثنين الزهري او الرمادي، كتير حبيت الاشي من البدايه. واسئله ملك روحي : اجمل تجربه خضتيها بمنتدى بنات فلسطين؟ ولا تجربه، وهذا مش لإنو مفش تجارب، صار معي تجارب وشغلات ومواقف كتير فالمنتدى، بس لإنه ولا مره صادفت تجربه مميزه لدرجه انو اتفاجأ واكييف او لدرجه انو "وااو" .. العضو الاقرب لك ؟ كماني المزاج وردة وحدة لمين تهديها ؟ هالورده مني للجميع اسئله البريئه : اديه عمرك .؟ 24 ايش بتعمل بحيآتك .؟ حاليا بتعلم ورح ابلش اشتغل كيف بتقضي وقتك يومياً .؟ اغلب الاوقات مع اهلي وخواتي المتزوجين والمتزوجات، بيجزا لعنا كتير مع ولادن، او بنشغل فالكليه او بطلع مشاوير او بتسوق، كتير بحب اتسوق كل شهر بعمل شوبينج. اوقات بتسلى بهواياتي بوقت فراغي بس بطلت افضى زي اول، لهيك قليل ما برسم وقليل ما بكمل قراية روايات. وبس يكون معي مجال بطبخ لإنه كتير بحب الطبخ .. سؤال كماني المزاج : ما قيمة الانسان لديك ؟؟ قيمة الإنسان بتكمن بالقيم الاخلاقيه والانسانيه يللي بيمشي حسبون الإنسان ويللي بيعكسوا تصرفاته وشخصيته، وبنفس الوقت يللي بيقدمون وبيعطيون لغيرو، من هون بتحدد قيمة الانسان فالدنيا وفالآخره. لطفا ً قبل أنتغادر لا تنسي الشرط : ( وعلى ضيفي السابق ان يشارك بأسئلة أقصاها ثلاثة اسئله وكحد أدنى سؤال واحد تفضلي سمرة ^^ بما إنك كتير بتهتمي بالمواضيع يللي بتخص البنات ودايما بشوفك كيف بتحاولي تدافعي عنون، وخصوصا اناث مجتمعنا الشرقي، فشو ممكن تقدمي نصيحه لكل بنت عربيه عايشه بمجتمع شرقي؟ :137: شكرا كتير ملك ع هالاستضافه بهالموضوع الحلو، صحيح الاسئله كتار بس انبسطت فيهون واستمتعت وانا بجاوب عليون، وبتمنى انت وكل اللي نوروا الموضوع والجميع تكونوا إنبسطتوا بأجوبتي .. يعطيكوا العافي والله يسعد الجميع .. :137: |
سمرة من اكثُرُ الشخصياتِ ثقافةً وَعفويةً وجُراةْ سعيدْ جداً كونها كانتْ ضمنِ اختيارتِكْ فهي شخصيةْ مُلفتةْ للانتباهْ ومُثيرةْ للفِكرْ والذهنْ متابعْ عوافي |
أحببت هذآ اللقآء جدآ لذيذ هو الحوآر الذي دآر بينكم كلذة القهوة تمآمآ سمرة من خلآل أجوبتك تعرفك عن جزء من شخصيتك شخصيتك رزينة هآدئة مثقفة عفوية وصريحة أشكرك ملك روحي لموضوع رآئع كهذآ سأكون متآبعة هنآ |
بلاك هيرت، شكرا ع رأيك الحلو وانت برضه من الاشخاص المميزين فالمنتدى بنقاشاتون واخلاقون، انفاس، حلو انك تعرفتي علي شوي من اجوبتي بما انك عضوه جديده وعقبالي اتعرف عليكي اكتر من مشاركاتك، ان شاء الله نضل دايما عند حسن ظنك انت والجميع .. :137: |
موضوعك جميل و فكرته حلوة ملك روحي و اختيار رائع لسمرة مع اني ما بعرفها كتير ههه ^^ متابعة معك |
اهلين بسمه، مش مشكله عيوني، ان شاء الله مع الوقت بتتعرفي علي اكتر من خلال مشاركاتي، وانا نفس الاشي لإنك باينتك عضوه جديده .. نورتي :137: |
اقتباس:
سمرة انتي انسانة استثنائية بكل معنى الكلمة يسلمو لرايكك فيا بجد فرحني كتيررر بالنسبه لسؤالك جوابي راح يكون بالمختصر لكل بنت ما تستني حدا ينصفكك انصفي حالككك وافرضي رايككك ومل تعملي شي الا وانتي مقتنعة فيه كل الشكرة لالك سمرة لقبولكك دعوتي ارق التحايااا |
بلاك / انفاس / بسمة يسلمو لمتابعتكم انرتو بحق تحيااتي |
| الساعة الآن 10:29 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.