|
مسابقة على كم أنثى ضحكت بسم الله الرحمن الرحيم إخوتي وأخواتي في منتديات بنات فلسطين يوم الأحد الماضي حدثت أمامي حفلة إنتصار !!! بين مجموعة من الشباب في كوفي شوب بإحدى المناطق بالأردن هاد الشيئ استفزني انا وصديق الي وذهبنا لنفهم شو ملابسات الموضوع ولشو الحفلة راح ببعد عن ذكر تفاصيل النقاش لتضمين المغزى ومحور النقاش والموضوع كان عبارة عن كم أنثى مسجلة عندك عالورقة .... تفاصيل الموضوع .... وجود مسابقة بين عدة ذكور تتضمن عدة رابحين المركز الأول المركز الثاني المركز الثالث والبقية لهم جوائز ترضية طبعاً !!! شروط المسابقة كل شهر تتعرف على شي بنت تغويها بالحب توعدها بالزواج تعطيها حنان وتضحية مصطنعة وبآخر الشهر وبعد كل هيك بتقوم بتصويرها خلسة وبفجأة ودون سابق إنذار تحكيلها انا كنت بضحك عليكي وكل علاقتي معك من اجل مسابقة وربح مادي يلا طيري من هون طبعاً النقاط بتكون على حسب الفيديو وعلى ردة فعل البنت وعلى كل شيئ أخدو منها من أشياء مادية يتم تجميعها لآخر المسابقة انا شفت بعض المقاطع شيئ ببكي الحجر لا حول ولا قوة الا بالله كنت بدي آخد فيديو لو بالغصب لكن النت يعتبر نوع من انواع الفضائح لهيك ما اخدت وبالآخر الله يستر على جميع بنات المسلمين راح ارفق بالأعلى تصويت ببعض الإقتراحات الشخصية وأكيد بإنتظار تعليقاتكم سامر |
كنت مشترك بالمسابقة هههههههههه :p مآ رح أعلق كثير بس هالشي بيرجع كله للتربية وكل شخص عنده خوآت وبنآت بيخآف عليهم أكيد لو فكرة للحظة إنه هالبنت يلي رح يصير فيهآ هيك هي أخته مآ عمل هآلشي الله يهديهم ويصلح حآل شبآب وبنآت آلأمَّة كونوآ بخير ودي ! |
اقتباس:
انتا معهم لاني شفت شب حليوة شكلو انتا ههه إنشودة الحب والراقي محمد سعيد لوجودك هون وكلامك صحيح مية بالمية لو بخاف عخواتو كان ما عمل هالشي بس شكلك انسيت تعمل إستطلاع t147 ربي يعطيكْ كل الي ببالك سامر |
اقتباس:
بس كل الخيآرآت هي أسبآب صحيحة وحقيقية يعني خيآري هو الثلآث خيآرآت ^ ^ لِ روحك عبق آلكآدي ! |
أهلاً محمد ربي يهدي الجنسين لروحك النرجس يا صديقي سامر |
طبعي هادية وبراعي اداب الحوار.وح اعتذر عن لهجتي الحادة بس رح احكي اللي ببالي-ومع احترامي للأشخاص المحترمين بهالحياة- العنوان لحاله اصابني بالاستفزاز اما التفاصيل فخلتني اشعر بالاشمئزاز والقرف... والكره لجنس ادم اكتر من هيك نذالة ما شفت وما سمعت يمكن احط كامل اللوم والعتب بالبداية علينا نحنا جنس حوا اللي من كتر ما بنسمع قصص وتجارب اليمة ما بنعتبر الا اذا جربنا بانفسنا متذرعين بانو الشخص الل بنحبه غير. افهمي يا انا.وافهموا كلكم انك ما حتاخدي بالدنيا غير نصيبك ليش لتخسري سمعتك واحترامك لنفسك كرمال شي ما عاد موجود هالحب اللي بزعموه هالذئاب البشرية وهـــــــــــــــــم وهم.وما تصدقي حد تعرف عليكي وحكا معك ممكن يأمنك على بيته اشباه الذكور اللي بقوموا بهيك أفعال مشينة كلمة واحدة حاحكيها حسبي الله ونعم الوكيل فيهم وحلوة الدنيا لما تدور ويشربوا من نفس الكاس والحمد لله في جهنم تحرق كل هالاشكال وتعاقبهم عكل اللي اقترفوه بحياتهم من ذنوب ومعاصي بتشكرك الف عادراجك الموضوع بعتبره هالشي تنبيه النا وتحذير من دنائة وافعال الذكور بمجتمعنا ويا رييت نصون انفسنا ونحفظها كرمال ما نخسر احترامنا لانفسنا ونصون انفسنا كرمال أهلنا اللي تعبوا بتربيتنا وقدموا مليون تضحية وتضحية ليعلمونا ويفخروا فينا ربي يبعد عنا ويكفينا شر أولاد الحرام |
مو فاهمة شئ انا دأخلة ألطش ههههههه عمو سامر شو الموضوع مسموح تفوتوا البنات ولا مغلق راجعة أكيد |
اقتباس:
غاردينيا في البداية أهلا وسهلا فيكِ كلامك صحيح ولا يمد للأختلاف بأي صلة ونبرة الحرقة الموجودة بحروفك كمان شعرت فيها و معك حق فيها لكن أختلف معك بنقطة وحدة خلتني أشعر بالكره لجنس آدم وخلينا انكون واقعيين غاردينيا من فترة وجيزة مجموعة بتتكون من 3 فتيات إختطفو شب وعملو فيه العجايب بأبشع الطرق طبعاً من دون ذكر التفاصيل لكن الشب الآن بذمة الله انا متلك تمام شعرت بالإشمئزاز خاصة اني شفت الإنجاز الي عم يفرحو فيه على شكل فيديو بيحتوي دموع أنثى بتترجى فيه وبتحكيلو خلص متل ما بدك خلينا نبدى من جديد وانا كشب غيور على شرفي وعرضي وعرض كل بنت مسلمة بعتبرها أخت إلي ما سكتت وعملت الي عملتو :60: غادرينيا آدم هو الزوج آدم هو الأب آدم هو الأخ آدم هو الجد وسوري على ردي إلك والنقاش لا يفسد للود قضية هاد موضوع نقاش وإبداء رأي مع إحترامي لشخصك الكريم سامر |
اولا بشكرك سامر لانك نقلت النا لوحه قاتمه عن بعض من التفاهات الي بتصير للاسف الشديد اصبحت البنت سلعه متدواله بين الشباب الي ما عندهم ادنى ضمير وانسانيه ممكن الشب يحب بنت وما يتفقو لسبب واضح ويحب بعدها هادا شي موجود وما عليه شائبه مع انه في بعض الملاحظات عليه لكن يوصل الامر انه البنت تكون ضحيه والله هادا شي ما بقبله لا دين ولا ضمير ولا انسانيه وصلت معهم لدرجه الانحطاط طيب برضى اخته ينعمل فيها هيك ؟ مهو اي شب بضحك على بنت بسوء نيه لا يمكن الا ان يشرب من نفس الكأس عاجلا ام اجلا وفي الاخره له عذاب عظيم هدول بناتنا واخواتنا اعراضنا وامهاتنا وركائز الجيل القادم نحطمه من هلأ ونعطيه فكره وسخه عن آدم لا حول ولا قوه الا بالله انا بقدم اسفي بصفتي جزء من المنظومه الادميه وانا بريئ من هاذا الفعل الاجرامي ولكن وا اسفاااااه عتبي عالبنت الهبله الي بتسلم قلبها يمين وشمال ايمتى بدك تصحي من خيالك وهبلك وجنونك ليش بتخوني الامانه والحريه الي اعطوكي ياها اهلك وبتحبي من ورا الشبابيك متل الحراميه انتظري زوجك الي رح يفوت من الباب خليكي جوهره وورده مغلقه لا يفك طلاسمك الا من يمتلكك بالحلال سامر انها بشكرك جدا لاثاره هادا الموضوع الهام برأيي بعد ما قلته الحق عالجهتين بنسبه 70 بالمه للشب و30 بالميه للبنت نظرا لعاطفتها المتميزه بها والي بتحركها دون وعي شكرا الك اخي سامر |
اقتباس:
شو الي مو فاهميتو بالزبط ؟؟؟ :120: وشو عمو هاي :98: ريما أهلا بطلتك الحلوة بدي رأيك بكل شفافية سامر |
| الساعة الآن 02:18 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.