أدم في ضيافة حواء

01-02-2016

مسا الخير،
حبيت موضوعك ريما وحبيت اختيارك لقصي،
وكيف فهمت من الموضوع إنه أسأله اي سؤال مفش موضوع معين يعني، هذا الحلو فالموضوع،
عندي اكم سؤال، بنبسط إذا بيجاوب عليون،
وبرضه بحترم رغبته إذا مش حابب يجاوب عليون نقرتين لعرض الصورة في صفحة مستقلة

/

قصي ..

الشب المتزوج، هل برأيك من حقه يعيش تجارب تاني مع بنات تانيه غير مرتو لسبب بإنو هو "إنسان" قبل ما نسميه متزوج فبحقلو يعيش اي تجربه بحياته كونو إنسان؟ او إنه مش لازم يطلع منه هيك تصرف وإنه المفروض ميفكرش بحدا تاني غير مرته حتى لو كان مش مبسوط معاها بحياته اليوميه، يعني متلا كل يوم خناقات هو وياها ..

كتر التشديد بيولّد تمرد وجرأه وانفتاح بس كل هذا بصير "بالسر"، وع الارجح هذا يللي بصير مع بنات اليوم .. شو رأيك؟

اسباب كتير بمجتمعاتنا بتسبب الفقر بس منقدرش ننكر إنو اول هاي الأسباب هو "كتر الخلف"، ويمكن الناس يللي بخلفوا كتير هني بكونوا عارفين هاي النقطه بإنه كتر الاولاد بيخلي الوضع المادي يصير اصعب، يعني في تناقض هون، إنون بعرفوا وبنفس الوقت برجعوا بخلفوا، سؤالي هل هالناس عنجد بكونوا عارفين هاي النقطه او بعرفوش وبعانوا من "الجهل"؟

انا بشوف إنه الحريه لازم تكون موجوده وتنعطى للأولاد بس "لحد معين" مش اكتر، لإنه برضو التشديد مش اسلوب لنربي فيه اولادنا، بسبب التشديد مستحيل يصير عند الشب او البنت شخصيه وقوه وثقه، شو رأيك؟ ومتل ما بقول هالمثل عنا "منو ولا كلو" ..

الانترنت سبب خراب وإنحراف اغلبية الناس وسبب وجود مشاكل كتيره مختلفه، للصغار وللكبار، بس بنفس الوقت الحياة صارت صعبه بدون نت، لإنه صار وسيله يوميه ضروريه، شو ممكن يعمل الواحد لحتى يختصر مشاكل اقل اللي ممكن يسببها النت؟ ولو النت إنعدم من العالم؟ هل ممكن يكون في استمراريه فالحياة بدون نت؟

هل برأيك ضروري الإنسان يتزوج؟ إذا منتطلع حولينا ممكن نلاقي ناس كتير عزابيه مبسوطين بحياتون اكتر من المتزوجين .. فلو كان الزواج مش ضروري ليش الناس بتطلع عالعزابي إنه إنسان فاشل؟ إن كان شب او إن كانت بنت ..

شو رأيك بالمتزوجه يللي بكون عندها "صديق"، هل برأيك بيحقلها؟ طالما عم تحكي معه وعم تتواصل معه بحدود معينه،
يمكن تحكيلي مفش اشي اسمه صداقه بين الشب والبنت، معقوله ميكنش في صداقه؟ لكان ليش اخترعوا هالكلمه "صداقه"؟
لإنه انا بشوف إنو متل مفي صداقه بين شب وشب وبين بنت وبنت فشو بمنع بإنه تكون بين شب وبنت؟ طالما تنيناتون بشر وإنسان ..

سؤال عن المنتدى، إذا بتلاحظ في كُره بين الاعضاء نوعا ما،
بعرفش قديش نسبة هالكره بس اكيد الكل ملاحظ إنه العلاقات بين الجميع مش كل هالقد منيحه وحلوي، برأيك شو سبب توتر العلاقات بين الاعضاء ووجود هالكره؟ طالما كل واحد هون بعرفش التاني بالواقع، يعني الجميع بعرفوا بعض الكترونيا مش اكتر، فلو بعرفوا بعض واقعيا وجه لوجه كان الموضوع ممكن يجي اسهل بإنو إشي طبيعي يكون في عداوه، بس لمن الجميع هون بعرفوش بعض غير بالنت، ليه كل هالشغلات السلبيه موجوده بين الاعضاء؟! بعرفش إذا عندك فكره عن هالموضوع بس متل ما انا ملاحظه هالاشي، فأنا اكيده بإنك انت والجميع ملاحظين برضو ..

رح اكتفي بهالاسئله،
شكرا ويعطيكوا العافي ..

نقرتين لعرض الصورة في صفحة مستقلة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ مدونتك في ضيافة عضو/ه ] .. مع balsam inima ♥	ككُن بلسسماً	فـسحـة الـروح " يوَ๑ـَيآتْ الأξـضآء "	31	09-12-2015 11:38 PM
روح الأنوثة في ضيافة نبض ،	رفيقة ٱلقمر	حـواء وأنـاقتها	48	03-26-2015 07:16 PM
المتألقة والمبدعة ظل في ضيافة العضو المدلل	رفيقة ٱلقمر	فـسحـة الـروح " يوَ๑ـَيآتْ الأξـضآء "	89	11-01-2014 02:39 PM