|
ممكن آرائكم ؟؟ يسعد صباحكم كيفكم ؟؟ راح بلش معكم من الاول واحكيلكم الئصة واعطوني رأيكم اوك ؟؟ الي صديقة مسيحيه وهي بنت ما بتعرف انها مسيحيه الا ازا حكتلك يعني اخلاق وادب و وربي اكتر من كتير مسلمات ما علينا مو هون المشكله كانت ع علاقة حب مع شاب مسلم من شي سنتين وكانت تحكيلي التفاصيل الشاب طالب جامعة معنا ووضعو المادي كتير منيح وكمان ما شفت منو شي يعني بحسو كتير محترم قرر بعد سنتين يخطبها وفعلا راح وطلب ايدها بدون اهلو لياخد الموافقة ويجيب اهلو بعدها لكن للاسف اهلها رفضو لانو مسلم والبنت سألتني حكتلها الي بعرفو انو ديننا ما بمنع زواج المسلم من المسيحيه حتى لو ضلت ع دينها صح هالشي اول ؟؟ اهلها مصرين ع الرفض خايفين بنتهم تسلم طيب شو الحل برأيكم ؟؟ ع فكرة الموضوع كتير جدي ومصير حياه |
اول الشي كل اشي نصيب ،" بس انا بعرف المسلم لايجوز ان يتزوج مسيحي او اي ديانة اخرى ،" |
إن أردت القضية من زاوية الحكم الشرعي فالجواب نعم يجوز نكاح الكتابيات لقوله تعالى (( ونساؤهم حل لكم ...........)) لكن إن نظرت إلى الأمر من زاوية مقاصد الشريعة في أنه أحل هذا الزواج وجدت انه أحله ليكسب إلى الإسلام أشخاصاً جددا حين تكون القوامة في البيت للرجل حقاً يقيم شرع الله في بيته ويربي أولاده ليكونوا على دينه يوم كان الإسلام هو الدين الأقوى وأتباعه هم أهل الحضارة والأخلاق والرقي. أما إن نظرت في واقع المسلمين اليوم وجدت غير ذلك فالأبناء ليسوا على دين أبيهم والقوامة ليست للأب وإنما للام التي تفعل ما يحلو لها، من هنا وجب على من أراد أن يقدم على خطوة كهذه أن يدرس أمره تماماً وليعلم أن الله سائله عن زوجه وأولاده حفظ أم ضيع !!!! |
الابناء بتبعو دين ابوهم وبعدين الاحتمال الاكبر انو البنت تسلم وهالشي الي مخوف اهلها لدرجة انهم رافضين الشخص الي بتحبو يسلمو وجع للتوضيح وردتي |
شوفي ملك اناابوي مسلم وامي كانت مسيحيه تزوجو وانجبت اخواني الاتنين وانا الثالثه وبعدها اسلمت امي يعني ابوي الله يرحمو كان يحكي لاامي الله يرحمها وقت ماتقتنعي بالاسلام اسلمي والحمدلله اسلمت قبل وفاتها عادي الموضوع مافيها شي ليش الرفض من الاهل..؟ اذا ضلو اهلها ع رفضهم خلص يروح يجوز بنت مسلمه مش نهايه العالم. يعطيك العافيه.. |
الله يرحمها امك ويجعل مثواها الجنة بس غروب بحكيلك حب عمرو سنتين !! هالشي ما الو اعتبار عندك ؟؟ مزبوط منو اخر العالم بس احنا كم مرة راح نعيش ؟؟ وكم مرة ممكن نحب وننحب ؟؟ يعني الموضوع بتعدا مجرد زواج يسلمو لانك هون نورتي |
شو يعني سنتين في ناس حبو بعض 7 سنين وماصار نصيب بالزواج لعله خير الشاب انو ماياخدها بعرف انو مش كل اشوي بدنا نحب بس هو يحاول مرا وتنين وخلص بيكون ربنا مش كاتبله الزواج يعطيك العافيه.. |
ما بعرف بس مو مقتنعه يكون هاد الحل الله يعافيكي ي رب |
بعيداً عن الحكم الشرعي والديني ورغم ان الإسلام أحل الزواج بمحصنات أهل الكتاب وقد تناولت الأية الكريمة في سورة المائدة تحديداً هذا الأمر "الْيَوْمَ أُحِلَّ لَكُمُ الطَّيِّبَاتُ وَطَعَامُ الَّذِينَ أُوتُواْ الْكِتَابَ حِلٌّ لَّكُمْ وَطَعَامُكُمْ حِلُّ لَّهُمْ وَالْمُحْصَنَاتُ مِنَ الْمُؤْمِنَاتِ وَالْمُحْصَنَاتُ مِنَ الَّذِينَ أُوتُواْ الْكِتَابَ مِن قَبْلِكُمْ إِذَا آتَيْتُمُوهُنَّ أُجُورَهُنَّ مُحْصِنِينَ غَيْرَ مُسَافِحِينَ وَلاَ مُتَّخِذِي أَخْدَانٍ[المائدة: 5]، فأباح -سبحانه- المحصنات من أهل الكتاب وهم اليهود والنصارى، والمحصنة هي العفيفة، الحرة العفيفة، فإذا كانت معروفة بالعفة والبعد عن الفواحش فإنه يجوز للمسلم نكاحها، أما إذا كانت لا تعرف بذلك فلا يحل نكاحها، أو معروفة بالفحش والفساد فلا يجوز نكاحها لكن من رائيي الشخصي أن الحب بينهم ضعيف وهش وغير قائم على اسس قوية وقواعد سليمة ويفتقر للمنطق ووالصواب سيقول لي البعض كيف حكمت عليه بأنه ضعيف وهش وغير منطقي ب ل وخطير وفيه مجازفة كبيرة سأقول له ما الذي يضمن للزوج ان لا يكون هناك اي تنصير لأبنائه لاحقاً وما الذي يضمن للزوج ان يعيش ابناءه حسب عاداته وتقاليده والبيئة التي نشأ عليها وترعرع فيها خلاصة الأمر الموضوع ليس بالهين والحب ليس شرطاً لإكمال الزواج فهناك قواعد وأسس في رائيي الشخصي أهم بكثير من الحب |
حلو رايك قصي بس من خلال معرفتي فيهم شخصيا بأكدلك حبهم مش هش ابدا وان لم يكن الحب دافع للزواج شو الدافع ؟؟ وبرايك في مسلم بيرضى ينصر ابناؤه ؟؟! طبعا ﻻء وفعلا الموضوع منو هين لانو بالنهايه التنين واعيين وكبار برايك من العدل يكون الدين سبب لفراقهم ؟؟ بعتقد انك حكمك كان خاطئ ع حبهم راجع نفسك ههه انرت ^^ |
| الساعة الآن 09:57 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.