|
هاشتاج (# سلموا _المعبر) السلام عليكم من يومين ظهر هاشتاج (# سلموا _المعبر)طالب فيه حركة حماس بتسليم المعبر للسلطة الفلسطينية من أجل تيسير أمور السفر للعالقين في ظل الرفض المصري فتح المعبر إلا بوجود وإشراف السلطة الفلسطينة القيادي في حركة حماس صلاح البردوين رد على الهاشتاج( لن نسلمه للأيادي القذرة التى خانت شعبها) ومنهم من رد عليه بأننا لسنا كفار هل تؤيدتسليم المعبر لمن هو أقدر على حل المشكلة ورفع المعاناة عن أهل غزة في ظل الظروف الصعبة التى يمر بها ؟ في حين لا يوجد حل غير تسلميه للسلطة حتى يقوم الجانب المصري بفتحه ؟ أم أنْ لا يتم تسليمه ويبقى تحت سيطرة حماس بما أنها الحاكم الفعلي في غزة وأنه لا يمكن تخطيها مهما كان النتيجة أو الثمن الذى سيدفعه الأهالي في غزة ؟ أرجو أن يكون النقاش حضارياً تحياتي للجميع |
سبقتني والله كنت ناوية أنزله موضوع نقاش بس أفوت من جهاز. لي رجعة أرد. يسعد صباحك هل كان حباً |
ليك حتى اكون صريحة وما اتفلسف كتير انا متابعه وشفت بالاخبار معاناه الشعب الغزي ع المعبر ما بهمني مين بيستلم هالموضوع المهم هالمعاناه تنتهي وصار ﻻزم نوئف اتهامات لبعض ونحط حد لهالانقسام بدي احكيلك عن تجربه شخصيه ومعلش اتحملني انا طلعت كتير ع الاردن باخر مرة ما طبعت vip كانت النتيجة كالتالي ع استراحة اليهود المعامله ما اختلفت ابدا ابدا وبتعاملو بانسانيه مع الناس ع جسر العرب عند الاردن وللاسف ع استراحة اريحا فيك تحكي بهدلةة لو الامر برجعلي بسلم المعبر لليهود اكيد عندهم انسانيه بهيك امور اكتر منا لنخلص احنا اختلافاتنا وبصير خير يسلمو هل كان حبا للطرح وبعتزر للاطاله وبتمنى ما يكون ردي مزعج لحدا ^^ تحياتي |
كنت بدي افتح الموضوع قبل يومين في قسم المناقشة وكنت حابب اشوف اراكم فيه بس اتراجعت وكويس انك فتحته اخي احمد ومشكور عليه بالنسبة للمعبر رفح بأيد اي حل يفتحووه بشكل دائما ولاابد لكن الحل ما تكون بطريقة تسليم المعبر لا للسلطة ولا لحماس هيك تكون جهة محايدة ودولية بكون افضل للشعب اما بالنسبة لحركة حماس تفكيرها بنصب لا للسلطة ولا لجهة دولية لانه التنسيق الامني مع اسرائيل راح يكون موجود من كلا الطرفين وحماس و الجهاد و الفصائل التانية فيها ناس بدها تسافر ما بدها حدا يدرى عنها وتاخد راحتها وكلك مفومية بهالشغلة ويحنا كشعب محتارين مع ولا ضد الأمر متشعب شوية والكل هياخد رأيه باللي بشوفه احسن اله وبمصلحتوه وغيره ما بفكر فيهم ان شاء الله وصلت فكرتي اخي احمد بارك الله فيك لطرحك ونقاشك |
إن استلمت السسلطة المعبر فمليون بالمية إسسرآئيل رح تتحكم بيلي بيدخل وبيطلع وكمآن رح تكوون مصيدة كبيرة للي منتمين لفصآئل معية إذآ طلعوآ عن طريق المعبر كإختطآفهم مسسلآ لآزم نلآقي حل جذري المهم مآ تتدخل إسسرآئيل والسسلطة فيه |
اقتباس:
|
اقتباس:
لكن مش هذا موضوع نقاشي انت شو رأيك السلطة تستلم المعبر لأن الجانب المصري ما هيفتحه إلا بوجودها او عندك حلول آخرى لهلأمر او شو وجهة نظرك للأمر هذا |
اقتباس:
خلينا في الواقع واللي ممكن يصير يا حماس يا السلطة اللي تمسكه وبخصوص معبر رفح ما في أي تدخل أو تنسيق من أو مع إسرائيل في الامر هذا التنسيق والتدخل هذا انتهى منذ عام 2005 بعد إنسحاب إسرائيل من القطاع يعني كل إنسان هيقدر يطلع عبر معبر رفح حتى لو عليه علامات إستفهام من إسرائيل فقط اللي ما هيقدر يطلع هو المطلوب للمصريين من غزة وهذا سواء كان بوجود السلطة أو حماس وفي النهاية ما في حل إلا 2 يا السلطة يا حماس نورت |
اقتباس:
مثل معبر إيرز أو المعبر بين إسرائيل والأردن أما معبر رفح ما هيكون في أي تدخل أو تحكم من الجانب الإسرائيلي التدخل والتحكم هذا انتهى من عام 2005 بعد إنسحاب إسرائيل من غزة واللي هينقيض عليه هيكون لأنه مطلوب للجانب المصري فالبتالي أي عنصر من غزة مطلوب للجانب المصري ما هيقدر يطلع اما حكاية تدخل إسرائيل وتحكم إسرائيل الكلام هذا ما هيكون في منه انت بتقولي نلاقي حل جذري ؟ شو الحل الجذري ؟ اطرحي حل من وجهة نظرك مشكورة لنقاشك |
اقتباس:
اخي احمد اوسلو انتهت قبل كم سنة !! لكن السلطة كانت مستمرة فيها قضيت انتهاء االاتفاقية بعام 2005 حبر على ورق مثل اوسلو وغيرهااا القضية فيها شوية ريبة وشك وظن لا حماس واثقة من السلطة ولا السلطة واثقة من حماس حتى لا ندخل في موضوع شايك ونبعد في اشي ما إلنا علاقة فيه ربنا يوحد هالصف ويبعد الفرقة والقسمة ما بيناتنا وتنحل مشكلة غزة كلها بارك الله فيك ولوجهة نظرك التي تحترم وجداً ^^ |
بجاوبك عن نفسي انا مع مصلحة الشعب مو مهم مين يستلمو مهو لازم يكون في حل ما بصير تضل هالعالم متشحططه عالمعبر بستنو دورهم واكيد في تحيز وواسطات لانه هادا شي معروف حتى لو السلطه مسكته رح تخرج الناس الي قريبين منها يعني عشان ما نشطح بالكلام انا رايي لا حماس ولا السلطه تتشكل لجنه مشتركه من الجميع ويتفقو على شي مشكور اخي |
بصراحةة المهم بالموضوع النتيجةة ؟؟ النتيجة لانها لصالح الغزاويين يعني مو مهم مين ولمين المهم النتيجة تخفف عن اهلنا بغزة .. هيك رأيي يعطيك العافية |
اخي احمد اوسلو انتهت قبل كم سنة !!لكن السلطة كانت مستمرة فيها يا اخوي يا خالد شو علاقة اوسلو في الموضوع وكيف افسر جملتك هاي اوسلو انتهت قبل كم سنة !! على أساس ان اوسلو مثلاً لها مدة وتنتهي فيها اوسلو اتقاقية وقعتها السلطة الفلسطينة وعلى رأسها الراحل ياسر عرفات مع إسرائيل ما لها مدة للإنتهاء ، اتفاقية توقعت ومستمرة لهلوقت وهتظل مستمرة قضيت انتهاء االاتفاقية بعام 2005 حبر على ورق مثل اوسلو وغيرهااا اي اتفاقية اللي تنتهي بعام 2005 وشو هو اللي حبر على ورق مثل اوسلو ، ما فهمت شئ من كلامك هذا انا كلامي كان واضح حكيت أن بعد إنسحاب إسرائيل من قطاع عزة عام 2005 اصبح معبر رفح شأن مصري فلسطيني ليس لإسرائيل دخل فيه لأنها ليست طرف فيه أو متصل مع حدود لها او مناطق مسيطرة عليها مثل معبر إيرز أو المعبر بين الأردن والضفة القضية فيها شوية ريبة وشك وظن لا حماس واثقة من السلطة ولا السلطة واثقة من حماس حتى لا ندخل في موضوع شايك ونبعد في اشي ما إلنا علاقة فيه هههه انت خرجت كثير صراحة وفي كثير من كلامك ما فهمته انا طلبت رأيك في النقاش واللي هو موافق تمسكه السلطة لحل الأزمة ورفع المعاناة عن الناس في عزة او لا ربنا يوحد هالصف ويبعد الفرقة والقسمة ما بيناتنا وتنحل مشكلة غزة كلها ياااااااااااااارب بارك الله فيك ولوجهة نظرك التي تحترم وجداً الله يسعدك يا رب منور دائماً |
اقتباس:
الجانب المصري ما هيوافق بوجود أي طرف او تدخل من حركة حماس في المعبر وانت المحتاج وأنت اللي موفقك أضعف مش الجانب المصري وانت اللي شعبك بيموت وبيتبهدل وانت اللي لازم تضحي وبعدين كيف يعني لو مسكت السلطة هيصير تحيز وتخرج الناس اللي قريبين منها هذا كلام مش موضوعي إذا إنحلت مشكلة المعبر أي إنسان بيقدر يسافر طالما مش مطلوب للجانب المصري بعد الإنحساب عام 2005 كان أي إنسان بيقدر يسافر ويروح وييجي سواء حماس او فتح وبعد الإنقلاب لما مسكت حماس الحكم ، ولما كان مرسي رئيس كان أي إنسان بيقدر يسافر ويروح ويجي سواء كان حماس او فتح يعني كلامك هذا ما في منه وما بيوصل الأمر لدرجة التحيز واللي عاجبنا يسافر واللي مش عاجبنا ما يسافر لا هذا الامر ما في منه لا من حماس ولا من السلطة والإثنين بريئين من الشئ هذا نورت حبيب العمر لا عدمت حضورك |
يا اخوي يا خالد شو علاقة اوسلو في الموضوع وكيف افسر جملتك هاي اوسلو انتهت قبل كم سنة !! على أساس ان اوسلو مثلاً لها مدة وتنتهي فيها اوسلو اتقاقية وقعتها السلطة الفلسطينة وعلى رأسها الراحل ياسر عرفات مع إسرائيل ما لها مدة للإنتهاء ، اتفاقية توقعت ومستمرة لهلوقت وهتظل مستمرة اها هادا اول علمي اخي احمد شكرا لتصحيحك بس كنت بعرف انه المفاوضات على القضايا العلاقة بعد 3 سنوات من توقيع الاتفاقية في 93 م وما بعرف لهلقيت الحل موجود والاستمرار في التنسيق الامني بالضفة وقبل يومين اخي مؤمن نزل موضوع انه السلطة اعتقلت مجموعة تابعة للجهاد الاسلامي من قبل السلطة اصبح معبر رفح شأن مصري فلسطيني ليس لإسرائيل دخل فيه بتامل انه هالاتفاقية التغت اذا السلطة مسكت المعبر لانها كانت عار في تاريخ الاتفاقيات جميعها الله يسعدك يا رب منور دائماً تسلم حبيبي بارك الله فيك |
اقتباس:
والسلطة شئنا أم أبينا هي الي بتمثلنا كشعب ومن جهة تانيه التنسيق والارتباط بين السلطة واسرائيل وبين اسرائيل ومصر كمان عقبه بوجه حماس والله منا عارفة بجد وضعنا ببكي الحجر احسن شي نسلم المعبر لقوات حفظ السلام او يكون تحت وصايه ورقابه دوليه بصراحة ما عندي حلول الا نتركلهم البلد ونروح ع الصومال وخليهم يشبعو فيها |
اقتباس:
انو فعلا السلطة بتتحكم باي حدا يمر من خلال استراحة اريحا واقرب متال جوز اختي اتبهدل لئدر يوصل للاردن و تهمتو انو كان سجين سياسي عند اسرائيل بتهمة انتماؤه لحماس وفي ناس بتمنعهم من الحركةة لانهم حماس وفي مخابرات واستجواب وبهدلة يعني كمان السلطة عليها علامات استفهام كتير |
ايش هالقصةة المعبر مرتبط بالسلطةة ليفتحوه والموظفيين مرتبطين بالمعبرة لتقبلهم السلطةة فيهم ، ما بتفرقش مين يمسك المعبر طالمآ هالامر راح ييسر ع الناس يطلعوآ ويفوتوا مثل مآ بدهم , واذا وجود السلطة فيه هو الحل لكن بمشاركةة حكومة غزة فيه , ماحدش بقدر يستثنيها من هالشغلةة وهي الحاكم الفعلي في غزة , |
اقتباس:
وربنا يكون في العون |
اقتباس:
ونخليها لهم يشبعوا فيها نورتي من جديد |
اقتباس:
إن الشئ هذا موجود وكانت نظرته أصح من نظرتي صراحة السلطة في رام الله أو الحكومة في غزة هما الإثنين بدهم حرق بكاز وسخ نورتي من جديد |
اقتباس:
وما هيفتح المعبر بمشاركة حماس لا الجانب المصري هيقبل ولا السلطة هتقبل واتمنى حماس تضحي عشان هالناس اللي متعذبين من وراها ولو مرة تحياتي لك |
قضية المعبر بالنسبة لحماس قضية سياسية شرعية واقتصادية يعني حماس لها 9 سنوات تقريباً متمسكة بمكانها وبحكمها وبتقلك انا حكومة شرعية وكل هاالمعاناة اللي احنا فينا من 9 سنوات لأنه حماس مش مقتنعة الا انها فازت بانتخابات نزيهة والشعب اختارها لتكون سلطته وشرعيته يعني قعدت ع الكرسي ولزقت فيه فما بعتقد ولو 1% انها راح تتنازل عن المعبر بسهولة قضية المعبر قضية سياسية بالأول والأخير وفي السياسة مافي عواطف ومشاعر يعني لا حماس ولا فتح بهمها مين يموت ومين يعيش ومين يدرس ومين مايدرس همهم بس مين الفئة الأقوى المسيطرة والمهيمنة اللي تمسك المعبر يعني مش فارق معهم المصلحة الوطنية بقد ماهو فارق معهم المصلحة السياسية ولو فارق معهم الوطن والمحتل كان أنهوا هالانقسام من زمان وصرنا ايد وحدة وشعب واحد كان ماوصلنا لهالحال ولا اليهود قدرت تآخد شبر من أرضنا مصالح المصريين متقآربة مع مصالح عباس ومصالح عباس مصالح اسرائيلية وحماس بتتعارض معهم كلهم ف راح أجبلك ياها من الآخر أزمة المعبر راح تضل متل ماهي لحد مايفرجها الله من عنده يعني لو أخدته فتح ماراح نسلم ولو أخدته حماس ماراح نسلم وبالحالتين مش فارقة مين اللي يستلمه طالما راح ينفتح وتتسهل أمورنا وينفك حصارنا هذا بس ينور الملح طبعاً :72: |
| الساعة الآن 01:11 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.