|
قصتي مع القطه توتو الي ماتت مسمومه اول شي رجاء ما حدا يضحك ولا يتمسخر لانه الي فيني مكفيني بدي حدا يحكيلي كلمه حلوه الي ما بعجبو كلامي ما يرد قصتي مع القطه توتو http://www.bntpal.com/vb/img/bntpal_1448658404_633.jpg لقيتها باب البيت بشهر 3 بايام البرد السنه الي فاتت وانا بعمري ما ربيت قطه حنيت عليها وفوتها البيت جبتلها رضاعه وحليب لحتى صار عمرها شهر صرت طعميها واشتريلها اكل خاص ما بعرف حسيت انه لازم اعتني فيها كانت كل يوم عن يوم تكبر وتصير جزء من حياتي الي هي اصلا كلها وجع وحزن واكتئاب ادخلت الفرحه على قلبي حسيت انه في شي عم يسعدني الاعبها واركض معها وتنام فوق الحرام ولما كون عالجهاز تكون بحضني تلعب بالكيبورد كنت اخاف عليها من اي حدا حتى ما اخرجها بره البيت الا معي خوف تدهسها سياره او يضربها ولد اروح المسجد تلحقتي وتصلي جمبي اخرج تخرج معي اروح اكزدر بالشارع تكزدر معي اخر مره من شي اسبوع رحت بيت اختي عامله عيد ميلاد لبنتها قريبه منا لحقتني عباب البيت وضلت تستناني ساعتين بالبرد لخرجت وروحت معي تاني يوم ما عرف حسيت انها موجوعه ما بتاكل ما بتشرب بتطلع في وبس اخدتها عند دكتور جارنا بيطري حكالي ماكله سم فيران اما بالغلط واما حدا بالعمد وما في دوا مضاد للسم عنده حملتها وهي ولا حركه بس عم تتنفس بصعوبه وضلت حدها طول الليل تركتها صباح التلاتا ورحت شغلي عاساس ارجع الاقيها بخير او معجزه من ربنا تشفيها مسكتها وكانها عم تستنا في لتموت ادام عيوني احكيلها توتو احكي نوي مالك تحركي وهي ولا حركه بس بتطلع بعيوني قعدت عالدرج وحطيتها بحضني وضليت هيك عبين ما طلعت روحها وماتت وهي مفتحه عيونها والله حزنت عليها كانها ولد غالي يمكن حرام الواحد يزعل على حيوان لكن انا تألمت كتير لموتها مش عشان ماتت لأ لانه حدا سممها وماتت وهي بتتوجع وانا مو قادر اعملها شي رح تحكو في مليون قطه بتموت في ملايين البشر بموتو صح لكن هاي انا ربيتها وحبيتها وصارت جزء من وقتي وحياتي واوقات للاسف بكون حيوان اوفى من كتير من البشر هلا الله يرحمها ويرحمنا رح تحكولي كل هادا عشان قطه معكم حق انا بدي حدا يحكيلي كلمه انا حاسس بوحده بعدها كيف انساها اجيب قطه بدالها ولا انسى الموضوع كله نفسيتي تعبانه وحاسس بوجع وصدقوني انا وجودي هون هو عشان انسى لانه لو ضليت افكر فيها رح جن شو رأيكم الي صار معي اشي طبيعي ولا انا لازمني دكتور نفسي وزودتها كتير يعني وكبرت الموضوع يا ريت ما حدا يرد الا بكلام حلو |
ع فكرة رغم انو انا ما بحب البسس وﻻ الحيوانات بشكل عام بس بآمن انهم عندهم وفا اكتر من البشر !! الموضوع انك اتعودت عليها وهلا عم بتحس بفراغ بدونها ع كل حد عمرها وناس وشباب عم بتروح ما تزعل وشوف بسه غيرها هههه بمزح :2: الله يجعلها اخر الاحزان وما تفئد غالي بصراحة مش عارفة كيف بعزو بالبسس |
بس عجبتني ممكن مسمومة عمدا فكرك اغتالوها ؟ ههههه |
وكك قطعتلي قلبي ئي وحيات اللي خلئني بكييت وانا بقرا ف حكيكك حسيت ب ئديشكك منككد ميشانها .. فعلا اوقات بتكون أفضل من البشر وحئكك تزعل وتتدايئ ل انها عاشت معكك شي سنةة يعني شي مو سهل تنساها من ججد زعلت كثير وحاسةة فيكك والله بلكي لو جبت وححدةة تانيةة يكون أحسن وهيكاا يسسعد ئلبكك مؤيد ،، |
بتصدقي بالله ملك يمكن حبيت اكتب عشان اتريح عارف انه ما حدا رح يحس بالشي الي حاسه وعارف رح كتير ولو جواتهم عم يقولو زعلان على ئطه شكرا الك لا ما بدي تعزيني ههههههه بكفي اسمع كلمه حلوه او حدا يشعر معي يسعدك ربنا لا ما بدي جيب غيرها شوي وبنسى وبرتاح بتصدقي بالله اليوم رحت محل ما دفنتها اشوف بركي بتتحرك ولسا عايشه بعين الله شباب عم تموت بجد الله يعين اهاليهم والله الفراق صعب حتى لو كان حيوان كيف لو كان انسان |
لا غجريه هيك كنت مفكر خالتي عندها شي 4 صغار حكت خود احلا وحده فيهم ما رضيت بديش رد اربي واتعب واخرتها تموت انا اقتنعت اني لا اتحمل فراق احد بديش اجرب مره تانيه يسعدك ربنا غجريه كلامك ريحني شوي في حدا حاسس معي يعني |
ليك بس ما تزعل مني كنت منكدة ع الاخر وربي بس بعد موضوعك مش عارفة امسك حالي من الضحك هههههه الك طولت العمر حبيب العمر ههههه |
ملك من حقك ما تصدقي انا عارف رح تضحكي انتي بالزات ههههههههه لانه عارف موقفك من زمان وتعرفي اصلا انا كننت متردد نزل الموضوع لاني عارف شو رح تردي |
المهم هلا نكتشف الجاني انا بصراحة بشك بمؤامرة صهيونيه وغالبا هاد اعدام ميداني لبستك ههههه بالله عليك راح موت انا ضحك ههههه |
امم مؤيد حسيت انوو اناآ او وحدةة متلي اللي بتكتب كلاآمك حنون متل حنية الأم على صغآرهاآ بالفعل انت قمت بدور الأم لــ هالقطة هآي اعتنيت فيهاآ تماماً متل أي أم ممكن هي أجتك بالصدفة لكن أخدت جزء كبير من حيآتك لإلهاآ انت عشت معهاآ أكتر من أي حد تآني ’ لهيك زعلك عليهاآ كبير و زعل حقيقي طبيعي هالشي و ممكن تبكي كمآن بدون شك لأنوو في شي نآقصك هلأ و كل ركن بالبيت رح يذكرك فيوو مآ بنكر انوو في جملة بالموضوع ضحكتني بس اناآ كتير حآسة بشعورك هلأ ليك الشغلة مش محتآجة دكتور نفسي لأنوو هالحكآية جديدةة لسى بعد وقت ازآ بقيت هيك ممكن تروح لدكتور تفضفض لإلوو بجلسة علاآج و دخيلك شيل فكرةة انوو حد سبب بموت هالقطة لأنوو حسب اللي فهمتوو انهاآ مآ بتتسبب بأذية أي حد و كمآن مآ بنصح تجيب غيرهاآ و تحمل حآلك مسؤولية انت بغنى عنهاآ كم يوم و رح تنسى صدقني يسعد مسآك .~ |
يا الله التوتو ماتت ..تتزكر ي مؤيد لما نزلت الصورة الها كانت كتير ضعيفة شكلو من يومها مريضة وقلتلك طعميها منيح انا اللي بعرف اديش اعتنيت فيها وكبرتها شوي كيف كانت تخرمشك وتلعب باغراضك واهلك مو حابين تكون عندك بس انت كنت تخليها بغرفتك وتحن عليها متل ابنك واكتر كنت استغرب من تصرفاتك معها لمجرد انها قطة الله يرحمها بتضل روح يمكن انا بكره القطط بس قصتك معها خلتني ازعل عليها مش رح تقدر تجيب غيرها لانك تعودت عليها بس شو هالحركات ال كانت تعملها فيك لهالدرجة اتعلقت فيك وين ما رحت تروح وراك ازا قلبك عالقطة زعل عليها كيف لو انسان هالشي بدل انك انسان انساني حنون لدرجة كبيرة |
ملك ما حطيت الموضوع عشان تضحكي او تتمسخري اختصري لو سمحتِ بكفي ردين الك |
ششوي آتإثــر و بآككو ششآن واللهي مبدي آضححآكك بلآشش تحككي عني بلـآ قلب هيهي:65: هآي الضضحكةة شآن تزككرت رينآلدو مو ششآن قصصتكك اوككآإ ') بععد الـ 12 بوآسسيكك ططآي :14: بسس سؤال لمآ حكيت الهآ نوي ششكآن إحسآسكك بدي اعرف آشخصص هيهي ؟') ورده |
اقتباس:
كلام بريح القلب كانك حاسه بشعوري فعلا المسأله هي تعويد تعودت اشوفها كل يوم تستناني لحتى روح واطعميها يمكن صار عندي فراغ انا مدرك لكل شي صار ومش معترض ولا منكر الموت انا عرفت كيف ماتت سالت جارنا عنده محل خضره فايته محله وماكله من السم الي هو اصلا حاطه مشان الفيران يعني ما قصد هو واعتزرلي وبده يعوضني يعطيني 5 كيلو بندوره ببلاش ههههههههه رشوه يعني الله يسامحه لا يا ميناس مش لهالدرجه بدها دكتور الشغله بس حبيت فضفض لارتاح واشوف حدا ممكن يحكي انه الشي طبيعي والزعل عادي ان شاء الله يومين وبنسى لك كل اهلي فرحو الا انا حتى خواتي انبسطو ال كنت تحبها اكتر من ولادنا ههههههههه يلا بركي اعطيتهم وقت هلأ وصرت اهتم فيهم لما ييجو عنا يسعد قلبك ميناس يا ام قلب كبير |
اقتباس:
اه والله يا ملاك تتزكري اديش كنت احكيلك عنها وتضحكي يلا الي بموت ما برجع صدقيني كل مكان بغرفتي بزكرني فيها عشان هيك نويت ابدل غرفتي واخد غرفه تانيه بكره الله يخليكي وانتي انسانه حنونه وطيبه واكيد حسيتي بوجعي شكرا الك يا اصيله |
لما ترجعي تواسيني بجاوبك ننوش هههههههه ينعن موسكو حسستوني انه غلطت لما كتبت القصه اعتبروها فلم هندي ما احنا منبكي على فلم او مسلسل وعارفين انه كله تمثيل وحكي فاضي كيف لو كآنت الشغله حقيقيه لانه ما تعودنا نربي شي بيتنا ولا انا اصلا عمري ربيت هيك شي يمكن لانها تجربه وطلعت فاشله زعلت ونكدت |
مؤيد جد والله العظيم بكيتني مابعرف بس صدقني إي شئ تتعود عليه وفجأة يروح وماتقدر تشوفه مرةة ثانيةة بتصيبك غصةة بقلبك وتتوجع ..! عندي قناعةة إنه أغلب يلي بيربوا حيوانات مليانين إحساس وعواطف وحنيةة أكثر من غيرهم وخصوصي القطط لأنها لطيفةة كثير بجد والله رح تحس بوحدةة وبضيق وبفراغ وهذا الشئ طبيعي ..! ورح تمشي الحياةة فقدنا أشخاص وأنت كمان فقد وكلنا بس مشت الحياةة ومارح ننساهم وأنت فيك تجيبلك قطةة ثانيةة وتتعود عليها مرةة ثانيةة بس أكيد رح يجي يوم وتروح كمان هذآ الثانيةة واذا ماعندك القدرةة ع تحمل هذآ التجربةة مرةة ثانيةة بطل تربي حيوانات وتحمل كم يوم ورح تنسى يلي صار والرسول صلى الله عليه وسلم أيضاً كآن رحيم بالحيوان وقصةة الحمرة والنمل معروفة وكيف شفق عليهم نبينا محمد صلى الله عليه وسلم بجد بهنيك أخي مؤيد أنت بتعمل برحمه مع هالقطةة وطبقت أعمال رسولنا وإن شاء الله لك الأجر على رحمتك للقطة وتربيتك لها ..!! إن شاء الله كون خففت عليك لأنه مستحيل نضحك عليك هذا شئ طبيعي ربي يكون بعونك ..!! |
ثبتلي بالدليل القاطع انه الكل مسخسخ من الضحك على القصه يا ريت ما نزلتها ولا شكيتلكم |
ع فكرةة وأنا كمان حزنت عليها لأنك كثير مرات بتذكرها بمشاركاتك فيك تعطيني صورةة لها ماتستغرب حابه تكون ذكرى لا غير ..!! |
اقتباس:
اه والله رتحت كتير بعد كلامك الله يسعد قلبك دنيا واخره |
|
صراحة انا مآ بتأثر بالموت ، بعرفش ليش او يمكن لأنه ما جربتش موت حدا قريب مني بدرجة كبير، والله لا يخليني اجرب هيكا شيء , بس حتى لو هي بسة بتضل انت ربيتها وكانت معكُ ، طبيعي تزعل عليهاأ الزعل مش ع البشر بس ,, بتعوضها ببسة جديدة |
| الساعة الآن 02:49 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.