|
توزيع الاراضي على الموظفين السلام عليكم ورحمة الله وبركاته بالامس القريب الكل سمع عن توزيع الاراضي الحكومية بدل مستحقات لموظفي غزة واليوم اعيد الجدل مرة اخرى بتصريحات ل الظاظا بقرار توزيع الاراضي على الموظفين رأيك بالموضوع !! |
بصراحة مش داخلة مخي ابدا |
يعني المفروض م يجبروا ع هيك شي بمعني يلي بده ارض بدل المستحقات يعطوه يلي م بده ياخد فلوس وهاد الصح بنظري لانو ع الاكيد م راح يعطوهم اراضي ب غزة او الوسطى اكيد يعني ب المحررات عوافي الك |
قصدي هادا الحل الانسب لهيك موضوع الارض بكرة تصير بيع وشيراء وهل القيادة بغزة الها الحق بتوزيع اراضي مو ملكها بالاصل !! |
طبعا غلط بغلط |
بصراحة ما عندي خلفيه بالموضوع ما بعرف ^^ يسلمو للطرح خالد تحياتي |
هههه وربي لسسآ ئبل بشويَةة كنت بحكي معَ بابا بهالموضوع بئولو لو يعطوكوآ المستحقآت أفضضل بئولي لع الأرآضي أحسسن ,, م بعرِف كيِف أنآ بفضِل المستححقَآت ,,, يعطيِك العَ ـآفيَةة يَ مآن |
والله شوف على الرغم من اني ضد حكومة حماس وضد أي شئ بتعمله ومثل ما حكيت أنت الأراضي لا هي ملك للظاظا ولا لغيره من قيادات حماس حتى يعطيها لفئة معينة من الشعب او موظفين حركة حماس ما بعرف إذا الأراضي هتكون للمدنين والعسكرين ولا للعسكريين فقط انا لهلوقت ما كونت رأي إن كنت مع أو ضد وما أخذت قرار سواء بالرفض أو الترحيب لكن على أية حال هما وضعهم صعب صراحة لو نظرنا نظرة إنسانية وكل سنة مرة لما يقبضوا وهما برضو وراهم عائلات وعليهم إلتزامات لكن الأمر مش مضمون والقصة ما انتهت على هيك بكرا لو رجعت السلطة او حكومة حماس انتهى حكمها في غزة الحكومة الجديدة ما هتعترف بالأراضي هذه ملك لأصحابها هتعتبرها أراضي حكومية وهتاخذها منهم لأن حكومة حماس حكومة مقالة وغير معترف فيها وكل إجرائاتها باطلة من وجهة نظر شرعية ومن وجهة نظر أي حكومة أخرى قادمة بعد حكومة حماس يعني لو هننظر لقدام ولو ما نظرنا لتحت رجلينا برضو وضعهم هيكون على كف عفريت ومش مضمون وهذا مش حل مشكور لطرح القضية |
وعليكم السلام ورحمة الله وبركاته أناآ أكتر فتاة ب الدنيا بكره هادي الحكومة لأنها كزابة وهية سبب كل إشي ب البلد بيحصل من فقر وبطالة وتدمير ونيلة تنيلهم إنو بخصوص الأرآضي هية بتحكي حكي ع الفاضي مش هيعطوا أراضي ولآ مستحقات لو بدها تعطي نفترض || هية الأرآضي ل حماس أصلن عشان تعطيهم ي زلمة حكومة نصابة و مدمرانا تباً إلهآ وشكراً للطرح ’ ، |
اذ بدك تختصر النقاش .. الحكومة حاليا مقالة غير شرعية اذا ما الها حق تتصرف بأي شبر وعلاوة على هيك لبكرة صار اي تطور الناس هيدبحوا بعض و يصير مشاكل احنا بغنى عتها الأراضي الحكومية بنعمل عليها مشاريع حكومية تفيد كل المواطنين ما بتتوزع ع ناس اه و ناس لا بدك تطول بالنقاش .. لو اعطيت موظف شو رح يعمل فيه هو قادر يبني ولا يستفيد منو رح يروح يبيعو و طبعا الناس اللي معاها ملايين هتشتري منهم و برخص التراب طب ليش بدال ما يعملو هيك ما يعملو عهالاراضي مشاريع تخدم الناس توظف ناس و تنتج و تطلع رواتب و دخل و هيك بفيدو و بستفيدو و ما بضيعو هالبلد و لا بزيدو المشاكل و ببعدو عن المسائلات القانونية موظفين حكومة حماس بشتغلو بدون راتب و حقهم برقبة اللي وظفهم و لازم يوخدو حقهم كل الشكر عالادراج |
اقتباس:
يلا كل واحد بدور على مصلحته المستحقات اقل من مال الارض عشان هيك بدوا شكرا يا ويمن الله يعافيكِ |
اقتباس:
لكن هناك طرق بديلة بالنسبة للاراضي يستعملوها باشي تجني منه اموال وويزعوا ريع الاموال على الموظفين واذا مش قادرين كلكم راعِ وكلكم مسؤول عن رعيته صح اجمع كل اراضي قيادي حماس ووزعهم على الموظفين ليش اراضي الشعب يعني !!! القصد انه في طرق بديلة لحتى تنحل هالمشكلة بدون احتلال للاراضي مو ملك لحدا ولا للسلطة بكفي احتلال الصهيوني وهو ناقص شعبنا احتلال اخر شكرا الك احمد لتوضيح رأيك حياك الله اخي |
اقتباس:
حكومة الحمد لله ولا حكومة الظل بغزة حتى نفرق بتغلطي على مين ونرد عليكِ ههههه شكرا انثى لتعليقك بارك الله فيكِ |
اقتباس:
كنت انا هادا اللي بفكر فيه وحابب اقوله واوصلوله كلكم راع وكلكم مسؤول عن رعيته يلاقوا حل بعيد عن مال الشعب واراضي الشعب والحلول كتيرة وكلامك حل بردوا شكرا اجمل لنقاشك انرتي |
اقتباس:
ع حكومة حماس بحكي ربنا يآخدها |
اقتباس:
اللهم آمين |
هلا خالد عليان تسلم على حوارك الراقي . الأخ خالد عليان ان مثل هذا القرار لا يحق لأي كان أن يتصرف به لأن هذه الأراضي ملك لكل أبناء الشعب الفلسطيني , ومن الأفضل أن يقام عليها المشاريع الانتاجية التي تساهم في حل الكثير من المعضلات العالقة , لكن للاسف الشديد فليس هناك من يهتم لمصلحة الشعب . ان الانقسام الفلسطيني الفلسطيني هو الذي أدى الى مثل هذه المشاكل , ولو فرضنا ضمنا بأنه تم توزيع هذه الأراضي للموظفين عوضا عن رواتبهم , واستمر الانقسام الفلسطيني فسوف تستمر مثل هذه المشكلة وغدا لن نرى أرضا فارغة ليقام عليها مشاريع تنموية لأجل رقي الشعب المسكين . الحديث هنا يطول بساااااااااااااااااااااااااااااااااااااااااااااااا اااام |
| الساعة الآن 12:40 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.