منتديات بنات فلسطين - ★ آداريين بنات فلسطين تحت المجهر ★ [ حكايه منتدى ]

منتديات بنات فلسطين (http://www.bntpal.com/vb/)

آنبسطتْ آنْ فٍ سؤالْ مني عجبكك حُباً هههآ
/
مؤمنْ حبيتْ آجآبآأتكك كمآنآ
/
يسَعدْكمْ شباابْ
برجععْ هونآأآ آكييدْ ،،

آي آجى ب بآأآلي سؤالْ t140
حسيتوْ شي يوـومْ إنكم غلطتو وئتْ فتحتو المنتدى وآنو لـآزمْ تسكروه ؟

اقتباس:

المشاركة الأصلية كتبت بواسطة ملك روحي (المشاركة 1840509)

مؤمن & هل كان حبا

هل تعتبر منتدى بنات فلسطين يمثلك ويمثلني كشباب فلسطيني ؟؟؟
أكيد منتديات بنات فلسطين هو مرآة لشباب وبنات فلسطين أمام اخواننا من الدول الأخرى
يعني كشاب أو فتاة عربية من بلد غير فلسطين ويسجل في المنتدى
أنت كشاب او فتاة من فلسطين بتمثل بلدك وثقافة وفكر وأخلاق شبابها وبناتها

هل تفتخر كونك من مؤسسي المنتدى ؟؟
صراحة عادي الأمر بالنسبة لي
لكن سعيد كون المنتدى موجود وقائم لهلوقت

هاد ستايل المنتدى الحقيقي ؟؟
ما في شئ اسمه ستايل المنتدى الحقيقي
لأن الستايل بيتغير كل فترة وكل نظام المنتديات هيك
الستايل بيظل لفترة معينة بعد هيك بينزل ستايل جديد بتصميم جديد بإضافات جديدة
فالمدير بيركبه حتى يغير وحتى يقضي على الروتين
يعني الستايل مش من الأساسيات ولا بيلازم المنتدى من أول إقامته وحتى ينتهى

شخص تعتبروه الو فضل عليكم وساعدكم بتأسيس المنتدى ؟؟
صراحة أوائل الأعضاء كان لهم فضل كبير يعني هذكر اسماء واتمنى ما انسي أحد
رهينة الخيال
سحر الياسمين
حنين الروح
غريبة في بلدها
رفيقة القمر
حبيب العمر
انفاس الورد
الصياد
نزارية الهوى
عشق الروح

هذول الأعضاء كانوا معنا من البداية ولهم فضل كبير على المنتدى
وفي كثير كمان وهذا على سبيل المثال لا الحصر

من الاعضاء الحاليين في منهم قدامي ؟؟؟
حنين الروح
عشق الروح
حبيب العمر

تقريباً هما الأقدم هنا

سؤالي الاهم : الترتيب الاداري هو نفسو الي كان موجود بالبدايات
وﻻ ﻻء

قبل ما نبيع المنتدى كنت أنا رقم عضويتي 1 ومؤمن 2
يعد ما بعناه أمير القلوب خذ العضوية رقم 1 وانا خذت العضوية رقم 7
لو بحثتم في مشاركات ومواضيع أمير القلوب القديمة جداً
هتلاقوا أنه كلامي ومواضيعي ومشاركاتي

هل انتم راضيين عن وضع منتداكم حاليا
نوعاً ما بعد التحديثات الأخيرة

اقتباس:

المشاركة الأصلية كتبت بواسطة شـاعرة القـمر (المشاركة 1840728)

اولا بشكرك ملك ع الفكرة الجميلة والممتعة
وبرحب بالاداريين مؤمن وهل كان حبا
وبنشكرهم على تاسيس هالمنتدى الجميل يلي بيضم جميع البلدان
اسئلتي لكم انتم الاثنين:
1- هل فينا نشوف بعد ستايلات وتجديد بالمنتدى اولا؟
صراحة احنا بنحاول نجدد ونغير في الروتين على قد ما نقدر سواء انا او مؤمن او مير القلوب
فإن شاء الله يكون في قدام تجديد وتغييرات للأفضل
2- لما اسستو المنتدى كنتو متخيلين انو حينجح ويلم اعضاء ولالا؟
مثل ما ذكر مؤمن ان المنتدى في بداياته كان اسمه سحر الياسمين ثم غيرناه لبنات فلسطين
بعد ما تم تغييره لبنات فلسطين كنت واثق أنه هينجح ويلم أعضاء وبالفعل ثقتي كانت في محلها
3- من كانو اول من فكر بانشاء هالمنتدى وتطويره؟
احنا الإثنين
خلص حاليا هي يلي عندي لو خطر ببالي شي برجع

بتنوري

انا ملاحظ من كلامكم انك تعبتو كثير عشان ينجح المنتدى بهاد الشكل

طيب كيف هان عليكم وبعتو المنتدى وتفرطو فيه؟

طيب بيوم من الايام مش مفكرين انك ترجعو المنتدى الكم ؟

انا شفت قبل فترة اجى واحد نزل موضوع انو المنتدى معروض للبيع لو فكر امير القلوب يبيع المنتدى ممكن حد منكم يعترض على قرار امير القلوب ببيع المنتدى؟

اقتباس:

المشاركة الأصلية كتبت بواسطة سمــره (المشاركة 1840950)

ملك دايما بتعرف اي مواضيع تطرح اللي من وراها بتعمل جو،
كتير حبيت الموضوع وطبعا في عندي كم سؤال ..

/

كتير كنت اقرا من مشاركات الاعضاء إنه المنتدى كان من 2009 هيك اشي، يعني من حوالي شي 6 سنين،
وعلى ما يبدو وقفتوا المنتدى او سكرتوه، فاللي شو اللي صار بالزبط؟
عملتوا واحد جديد بس مع نفس الاسم "بنات فلسطين"، ولا منتدانا هو نفسو القديم بس سكرتوه فتره ورجعتوا فتحتوه بعد فتره؟
وليش صار هالإشي يعني ليش كان مسكر؟ ما بعرف إذا فعلا كان مسكر ..

منتدى بنات فلسطين اللي من 2009 هذا منتدى ثاني غير هذا تماماً
المنتدى هذاك سكر وانغلق إلى الأبد
فقررنا اننا نسمي المنتدى هذا بإسمه ونخليه شبهه بالضبط لأنه هذاك كان منتدى ناجح كثير
وبالفعل غيرنا كثير في المنتدى هذا وأضفنا عليه حجات كثير حتى يكون نسخة طبق الأصل من المنتدى اللي بتحكي عنه
وبالفعل نجحنا اننا نجذب أغلب الأعضاء اللي كانوا في المنتدى اللي سكر ولمينا الشمل من ثاني ونسبة كبيرة جداً من الأعضاء اللي كانوا هناك جاءوا هنا وسجلوا

وبخصوص ليش سكر المنتدى هذاك صراحة ما بعرف
الإجابةهتكون مع صاحبه اكيد

بما إنو شايفين الاغاني والموسيقى ممنوعه من وجهة نظركوا، طب ليش كانوا موجودين فلاول؟
ما شعرتوا إنو تصرفكوا فيو نوع من الغباوه؟ مع إحترامي الكوا اكيد، ما بدي تفهموها حرفيا، بس كان في وبعدين بطل في، ما بعرف شو يعني هيك !

الأغاني كانت موجودة في الأول لأن الأمر كان عادي بالنسبة لنا وما نظرنا له من جهة ثانية
لكن بعد فترة لما فكرنا وقلنا الأغاني الموجودة هذه احنا هنتحمل ذنبها ونشيل اثمها لأننا اصحاب المكان وكل هذه ذنوب على ظهورنا
قررنا أننا نلغيها ونمنعها في المنتدى حتى ما نظل نشيل ذنوب فوق ظهورنا والواحد مش ناقص ذنوب حد فوق ذنوبه
لهيك قررنا نلغيها من المنتدى ونمنعها
هي مش مسألة غباوة لالا
ممكن تنظري لها من منظور أن في حجات غلط والواحد بيصحى وبيستوعب بعد هيك انها غلط ولازم تتغير
وهذا اللي صار معنا

شي يوم فكرتوا بإنو ممكن المنتدى يصير فيو هكر؟ يعني نصبح بكرا منلاقيش منتدى،
وانا عم بسال هالسؤال لإنو المفروض تكونوا عاملين حساباتكوا لكل اشي،
فسؤالي التاني بخصوص الهكر، قديش ممكن نضمن احنا بإنو المنتدى شو ما صرلو هكر او غيرو اخرتو رح يرجع ومستحيل ينمحا نهائيا، قديش نسبة الضمان؟ اعطوني نسبه ..

اوكي هوضح شوية أمور
ما في هكر بيقدر يمسح منتدى او يلغيه للأبد
لعدة أسباب أول سبب لأن في شركات خاصة بالإستضافة متكفلة بالأمر هذا واحنا بندفع لها سنوياً مبلغ
واحنا كنا مستضيفين في شركة قوية وحمايتها مضمونة
اللي بيصير أن الهكر بيظل ورا المنتدى بيخترقه وبيرجعه صاحب المنتدى بيخترقه الهكر وبيرجعه صاحب المنتدى
لما صاحب المنتدى يمل ويزهق ويقرر هو يوقف المنتدى وخاصة لو كان في شركة مش مضمونة وحمايتها مش قوية
لكن في حال انت كنت في شركة قوية وسادة ثغرات الهكر تماماً صعب الهكر يخترقك او يوقف منتداك

بالنسبة للضمان
حالياً المنتدى مستحيل يتهكر او يوقف
لأنه على إستضافة خاصة
لو وقف المنتدى او سكر هذا هيكون برغبة صاحبه وبكيفه يعني صاحبه قرر يوقفه لأسباب خاصة بيه
مش بأي تهديدات من الهكر او بسبب هجمات الهكر

ما بعرف إذا رح تقضوا حياتكوا فالمنتدى مدى الحياة، بس لنفرض وصلتوا انتو لتنين لمرحله إنه خلص ما عاد فيكوا تستلموا هالمنتدى، وقررتوا إنو تعطوه لشخص تاني،
مين ممكن يكون هالشخص؟ في اشخاص معينين ببالكوا؟ او ممكن يكون شخص واحد ويمكن يكون مانو موجود معنا فالمنتدى ..
هذا السؤال هيجاوبك عليه أمير القلوب
لأنه هو صاحب المنتدى الفعلي في الوقت هذا

كإداره ومؤسسين، بتحسوا حالكوا "ناجحين"؟ قديش حوالي؟
شوفي أنا لو هحكم على نجاحي هحكم عليه في عالم الواقع مش في عالم النت
ولو هعطي نسبة لنجاحي هعطي هذه النسبة في الواقع مش في النت
أنا بالنسبة لي أكبر نجاح حققته في النت هو نشر كتاباتي وأشعاري وإظهار إبداعي وموهبتي
وهذا ما هيفرق سواء كنت إداري أو عضو
كلمه بتحبوا تحكوها لأمير القلوب بما إنو مكنش المدير من الاساس، يعني من شي فتره انضم لاإلكوا، فشو بتحكولوا؟
حافظ على المنتدى

لحديت إسا هذول يللي ببالي،
وإذا في اسئله تانيه، ببقى برجع بستحيش انا ..

بتنوري في أي وقت
عجبتني بستحيش أنا هههههه
شكرا ويعطيكوا العافي
العفو ويعطيكِ ألف عافية :137:

اقتباس:

المشاركة الأصلية كتبت بواسطة غَجَريَة ❤ (المشاركة 1841948)

آي آجى ب بآأآلي سؤالْ t140
حسيتوْ شي يوـومْ إنكم غلطتو وئتْ فتحتو المنتدى وآنو لـآزمْ تسكروه ؟

انا أه أجاني هذا الإحساس اني غلطت اني عملت المنتدى بس ما فكرت اسكره
مؤمن ما بعرف اجاه هذا الإحساس أو لا

سؤال جديد

هلا في شي بعالم النت اسمو مكسب وخسارة

وحسابات ماديه وبصراحة كمالكة جروب سابق عشت هالشي

وخسرت مصاري

فكرتو تكسبو من ورا المنتدى مصاري

او حتى خسرتو مصاري ؟؟

البريئه / سمرة / جبروت امراه

الله يعافيكم ي رب

وشكرا لحضوركم وكون الموضوع عجبكم ^^

يسعد صباحكم

اقتباس:

المشاركة الأصلية كتبت بواسطة صمت اللقاء (المشاركة 1842047)

أسئلتك صعبة كثير يا صمت

وصعب أجاوب عليها علناً قدام الكل

في حجات هحتفظ بالإجابة فيها لنفسي وما هطلعها قدام الكل

وأجابات أسئلتك من ضمن هذه الحجات

لهيك اعذرني
وبعتذر منك على عدم الإجابة