منتديات بنات فلسطين - عمرك فكرت بهالشي؟؟

منتديات بنات فلسطين (http://www.bntpal.com/vb/)

- - عمرك فكرت بهالشي؟؟ (http://www.bntpal.com/vb/t50133/)

الحمد لله أن كتب لي العودة
من منَّا تضمن عمرها حتَّى تسوِّف في أن تتوب
والذي لا إله إلاّ هو لا سعادة ولا راحة ولا طمأنينة ولا قرار

إلاّ

في القرب من الله وابتغاء رضاه والسعي في طاعته

موضوعكِ ذكرني بمقال قراته اسمه ماذالوقبضت روحك الليلة

فلنكن مستعدين للموت .. لا بتمني الموت

فتح الله عليكِ اختي الكريمة

احيانا بتمر ع الواحد لحزات ضعف

وبحكي يا رب اموت

بس انو ما بحاول انتحر ﻻ سمح الله

هي لحزة ممكن ما تتعدا الدئيئتين وبرجع اضحكك ع طول هههه

اللهم احسن خاتمتنا وبس

الف عافيةة الملاك للسؤال

وردتي

اقتباس:

المشاركة الأصلية كتبت بواسطة خواطر الصمت (المشاركة 1837893)

أحياناً الإنسان بتمر عليه لحظةة ضعف

واليأس بيسيطر عليه
وبعض هؤلاء الأشخاص
بيتمنوا الموت ..!

طيب يعني تمنيت الموت
هل الموت نهايةة لا والله بل
هي بدايةة لحياةة أخرى
والبعض للأسف يقتل نفسه بيده
إي ينتحر ونسى أنه خسر الدنيا والآخرة

أنت يا إنسان بس لو فكرت
كيف الله سبحانه وتعالى يدير
كون بكامله كون ..!

شمس وقمر ومجرات
ومياةة و و و و

مابيقدر على همك الصغير
حاشاه والله إنه بكل شئ قدير

نصيحةة لكل أحد يضعف
وأولكم أنا اجعلوا هذه اللحظة
لحظةة ضعف مثلها مثل إي لحظةة
بالحياةة ورح تمر كونوا أقوياء أكثر
وعلقوا قلوبكم بالآخرة ستجدوا
الدنيا وهمومها صغيرةة جداً
علقوا قلوبكم بالقرآن الكريم
وأخيراً كل إنسان عنده هموم
ولو تمنينا كلنا الموت
من سيبقى على الأرض ليعمرها ..!؟؟

أما عن حكم تمنى الموت هذآ هو الحكم
من موقع رسمي موثوق

أشعر بالإحباط في بعض الأحيان, وأكره الحياة, وأتمنى الموت, مع العلم بأني أداوم على الصلاة وأذكر الله كثيراً, وأقرأ القرآن, هل عليّ إثم عندما أتمنى الموت، وبماذا توجهونني يا سماحة الشيخ؟
الرسول -صلى الله عليه وسلم- نهى عن تمني الموت، فقال -صلى الله عليه وسلم-: (لا يتمنين أحد الموت لضر نزل به، فإن كان لا بد فليقل: اللهم أحيني إذا كانت الحياة خيراً لي، وتوفني إذا كانت الوفاة خيرا لي)، وفي الحديث الآخر: (اللهم بعلمك الغيب، وقدرتك على الخلق، أحيني ما علمت الحياة خيرا لي، وتوفني إذا كانت الوفاة خيرا لي)، أما أن يقول: اللهم ليتني أموت، لا، لا يجوز هذا، ولكن يقول: (اللهم أحيني إذا كانت الحياة خيرا لي، وتوفني إذا كانت الوفاة خيرا لي)، إذا أحد يدعو بهذا لا حرج، يسأل ربه التوفيق والهداية، ويسأل ربه أن الله يهديه للحق، وأن الله يغني فقره، وأن الله يزيل ما حصل من الكآبة، إن كان من ذرية يقول: اللهم اهدهم اللهم اصلحهم، إن كان من دين عليه يقول: اللهم اقض ديني، اللهم يسر أمري، إن كان من جار سيء: اللهم اهدي هذا الجار، أو أبعده عني أو أبعدني عنه، يعني يسأل ربه العافية مما كدر حياته.

كلام لا غبار عليه خواطر
ما رح اعقب عليه
تحياتي الك

اتمنى الموت عشان ايش وعشان مين؟
ع اساس في حدا سائل عن حدا هالايام ..
الواحد مانو بحاجه لحدا لحتى يسعد حالو ويرضي ربنا، الاشي بإيدو وبس،
تقريبا عم تقصدي عن الانتحار، تنيناتون تقريبا نفس المعنى،
تنيناتون عند الله حرام،
بس الفرقيه إنه يللي بينتحر ع النار وحتى لمن تطلع روحه بتلاقي وجو كلو بصير اسود،
اما اللي بتمنى الموت رح تكون نهايتو غير معروفه عند ربنا، ممكن النار ممكن الجنه ..
شكرا :137:

اقتباس:

المشاركة الأصلية كتبت بواسطة حنين الروح (المشاركة 1837899)

أنا مابقدر أفتي من عندي وأقول انه تمني الموت حرام
لكن ولا حدا فينا بعرف مصيره شو بعد مايموت ربنا وحده اللي بعلم بهاد الشي
لهيك ماحدا يفكر انه الموت ممكن يكون أريح له لأنه ممكن يكون بداية عذاب أبدي ماله نهاية وربنا يبعدنا ويبعدكم عنه
فبلحظة ضعف وضيق وخنقة من الدنيا وكل انسان فينا الا مايمر بهيك مرحلة يقول ربي ان كان موتي خير لي من حياتي فاقبض روحي وانت راضٍ عني

مشكورة ع نقاشك حبيبتي
وردي

طبعا ما فينا نعرف شو مصيرنا بعد الموت
بس لحظة الضعف والحزن بتخلينا غصب نتمناه

كل الشكر الك حنين

اقتباس:

المشاركة الأصلية كتبت بواسطة وَتِين (المشاركة 1837905)

فكرت ب الموت كتير ومو مرة او اتنين كتير مرات

بتذكر ب التوجيهي جربت انتحر بس خفت وما قدرت كفي الجرح ل الشريان وهياتها لليوم بإيدي

جديد حاولت كتير أذي حالي م بعرف هالشي حرام او حلال

بس كتير فكرت وجربت

شكرا الك

يانهار أسود ومنيل
ألطم ولا أجيب لطامة بالكهربا
لا أقلك ماهو اللطم برضو حرام
:37:
:37:
:37:
:37:

اقتباس:

المشاركة الأصلية كتبت بواسطة وَتِين (المشاركة 1837905)

مجنونة شي انتي
انا ما قصدي عالانتحار
كلها كلمة بنحكيها كتير
الله يريحني من هالحياة
مو انك تنتحري وتجرحي حالك ولك
كلها تمني مو فعل

طب اش اعمل كنت بتوجيهي ومعدلي صدمني قال 88.6وانا الي ختمت المنهج عشر مرات ولكو تبا

بهالفترة كتير مرت عليا لحظات حسيت ب الضعف واني غلطت فكان لازم عاقب حالي

اقتباس:

المشاركة الأصلية كتبت بواسطة أجمل مختصر~ (المشاركة 1837946)

مافي حدا ما فكر بالموت او عالاقل اتمنى الموت

كلنا بنضعف و بنوصل لمرحلة بنتعب من كل شي و بنتمناه

لو بدك سبب فالاسباب كتيرة بس غالبا ما بنوصل لهالدرجة

الا اذا تراكمت فوقنا كمية خذلان و مشاكل أكبر من طاقتنا

هناك دعاء يخص هذا الموضوع و دائما أردده ..

"اللهم أحييني ما دامت الحياة خيراً لي و توفني ما دامت الوفاة خراً لي "

دمتي بخير

ودي

يسلمو كتير
دعاء بجنن
بشكرك على المرور اجمل مختصر

اسمعي أنا ماحدا انصدم بنتيجته تبعت توجيهي قدي
أنا طول عمري من أوائل المدرسة ومن الروضة لحد تانية ثانوي عندي شهادات تقدير وكل معلماتي بشهدولي
وعند توجيهي حملت مادة الكيمياء مع اني كنت طالعة من الامتحان أعيط لأنه ماعندي غلط الا سؤال بخمس علامات يعني ع تقديراتي واللي كتبته أنا ومتأكدة منه 95
أطلعلك حاملة مادة واسمي مايطلع مع الناجحين هاي بحد ذاتها كسرة طلعت من نفسي الدراسة وطلع من نفسي كل شي كان كل حلمي ادرس علاج طبيعي وبالأخر خضعت لرغبة أهلي ودرست تعليم أساسي وهيني المفروض من السنة اللي فاتت متخرجة بس ماتخرجت لأني مش قادرة لحتى الآن أتأقلم وأتقبل نتيجتي لكن ماعمرها وصلت معي أفكر أنتحر كلنا بنمر بلحظات ضعف بس التفكير بالانتحار بحد ذاته ضعف ايمان مش بس ضعف قلب واحساس وتفكير والتفكير بالانتحار من علامات الاكتئاب اللي ماله علاج الا بالأدوية اذا ماعندك علم ولو فكرتي تحكي مع دكتور نفسي وعملك اختبارات أنا متأكدة راح يطلع عندك اكتئاب ولو حكتيله انه فكرتي تنتحري ع طول راح يعطيكي دواء
أنا ماراح اتفلسف وأحكيلك انه هاد ان دل مابدل الا ع ضعف ايمان لأني أنا موعايشة عندك ومابعرف كيف ظروف حياتك ولا شو اللي مريتي فيه بس راح أقلك شغلة والله العظيم والله العظيم الحل الأنجح والأفضل للتغلب ع المشاكل كلها تقربك من ربنا طول ماانتي بتحسي جنب ربك بالأمان عمره ماخوف راح يتسلل لنفسك

سامحيني لو كلامي قاسي عليكي بس والله ياحبيبتي مافي شي بهالدنيا راح يفيدك الا عملك ومجرد التفكير بالانتحار بحد ذاته حرام شرعاً بدك تعاقبي حالك عاقبيها بأي طريقة غير هالطريقة ان شاء الله تكون فترة وعدت بحياتك وماتنعاد
يسعدك دنيا وأخرة حبيبة قلبي :136: