|
رسائل على قيد آلإنتظار .. الله يسعدلي مساكوا الجميع، في سؤال خطرلي وحابه اطرحه، صارت معي عدة مواقف فالواقع، خلتني اسال هالسؤال، ويمكن لسه حتصير كتير معي ومع اي واحد فيكوا ممكن تصير .. / لمن تبعث رساله لشخص إن كان لمعلم لصديق او لمين ما كان، وخلينا نحط اي مثال عشان يكون الاشي واضح اكتر، مثلا نقول طالب بالثانويه ضعيف بعدة مواضيع بياخد دروس خصوصيه عند فلان، بعث رساله إلو كرمال يعرف ايمتا يكمل الدروس الخصوصيه مع هالفلان .. بيلاقي هالفلان مردش ع الرساله او ع عالمسج، يمكن يخطر ببال الطالب يستناه اكم يوم، استناه اكم يوم برضه بلاقيش منه رساله ويمكن هالطالب بحاجه لجواب ضروري كرمال يكفّي دراسته .. وكتر الانتظار بيعمل اعصاب وبيخلي الواحد ع اعصابه كل الوقت ... اسئلتي، هل فعلا بتكون ع اعصابك لمن تكون عم تستنى رساله من شي حدا؟ ولا عادي بتهتمش للموضوع؟ يمكن بيتعلق بفحوى الرساله او المسج؟ طيب شو بتعمل بهالحاله؟ هل برأيك هيك تصرف يعتبر تجاهل؟ وهل برأيك عتاب الشخص ع تطنشيه ممكن يكون حل؟ إنه تفرجيه وتبينله إنه تصرف معك تصرف مش حلو، وإنه كان لازم من باب الزوق يرد ع الرساله؟ ولا بتتجاهل الموضوع وتضلك تستنى؟ وهل لازم تضلك تستنى اصلا؟ لنفرض استنيت وطفح الكيل، شو بتعمل؟ ممكن يكون عنده ظروف مانعيته من إنه يرد بس هل هذا بقول إنه ما يردش ع المسج؟ وينسى إنو في حدا عم بستنى منو مسج؟ هل عدم الرد ممكن يكون رد بهالحاله؟! حتى لو كنت بأمس الحاجه لجواب؟ في ناس ممكن تقول، إذا هو بلا زوق بكنش بلا زوق متلو ! لا بكون افهم منه، والتصرفات بتعكس الشخصيات وبلاش ما يرد .. وفي ناس ممكن تقول لأ، رح ببينله إنه طنش لحتى مره تاني ما يتجاهلش ويقول في حدا ناطرو .. ياريت كل واحد يبدي رأيه .. :137: |
صراحةة أنا أكره تصرف الشخص يلي مابيرد ع إتصالي أو مسجاتي من ربي يعني طبع مافيني اضبط نفسي قصدي بكره تصرفه ومابكرهه هو عينه ..! الحل برأيي إني وضحله إنه ليش مابترد وببين له إنه هذآ التصرف مو حلو منك إتجاهي أو إتجاه أي شخص آخر .. توقع إنه صاير شئ مهم كيف ممكن تسامح نفسك إنك مارديت ع الجوال أنا والحمدلله بحب يكون جوالي بجنبي دائم حتى إذا أحد من أهلي إتصل برد بسرعةة وما بخليهم يخافوا ع الفاضي ومابحب أتجاهل رسائل أي أحد وإن كنت زعلانه منه كمان برد وبحاول وضحله الأشياء يلي منزعجه منها بأسلوبه .. بس أتجاهل مستحيل .. وحتى بالمنتدى صارت معي كثير فيه أشخاص بحسهم مضايقين مني برسلهم وبحاول أعرف السبب تفاهمنا الحمدلله مارضي ربي يسامحه ..! إن شآء الله كون وصلت يلي بداخلي وكون فدتك بشئ حبيبتي سمرةة يعطيكي العافية ع السؤال حبيته ..! |
موضوع جميل , وبآب للنقآش بموضوع حسآس رح بسمع أرآء آلأعضآء وبرجع برأي كوني من النوع يلي كثير بيوصلني رسآئل وع الأغلب مآ برد : ) متآبع هنآ مشكورة خيتي سمرة ع الطرح آلجميل ! |
حبيتُ نقاشكً سمرهُ جدآ رائعُ عُ حسبُ الشخصً الليُ مرسلهُ لهُ أذآ كآنُ دكتوريُ بالجامعهُ ارسلت لهً وماردُ عليهُ بحكيُ لحاليُ يمكنُ معرفُ وانحرجُ يردُ عليهُ هههه يمكنُ متخانقُ معُ زوجتهُ بآ لفُ لهُ مليونُ عذرُآ ..َ المهمُ اقنعُ حاليُ .. منً شانُ متتاثرُ نفسيتيُ ..َ أذآ كانتُ وحدهُ منُ صحباتيُ .. ارسلتُ لهاُ وقراءتُ وطنشتً ماردتُ .. بنفسً الاسلوبُ بطبقهُ معاهُ لمآ ترسلُ .. بالنسبهُ ليُ احياناُ ناسُ ترسليُ وتسالنيُ مواضيعُ مُ ابيُ اجاوبُ عليهُ اوُ ما ابيُ اتناقشً فيهاُ فتلقائيُ بقراءُ وما اردُ كرمالُ ما يسالُ مرهُ ثانيهُ أوُ اجعلُ لهُ حدودُ يسعدكُ سمرُ ورداتي |
اقتباس:
حبيت رأيك خواطر، وحبيت انك ولا بحياتك تجاهلتي حدا، يمكن يللي زيك قلال، وعشان يللي زيك قلال اتوقعي ممكن تصير معك كل فتره .. قلتيلي انك كنتي بتتوجهيلو في حال اتجاهلك، يمكن من اللازم، بس رح يضل السؤال يللي بيطرح نفسه، هل رح يحس على دمو ويرد عليكي من بعد ما تكوني عاتبتيه؟! عشان تفهمي علي اكتر، انا قصدت رسائل فالنت او مسجات بلفون مش محادثات وسيحوت .. نورتيني :137: |
اقتباس:
حلوي صراحتك انك بتردش ع اغلب المسجات اللي بتوصلك، طبعا الواحد بيعملش إلا يللي بيريحه مش يللي بيريح غيره، بس اوقات لازم ترد، وخصوصا لمن تكون متأكد انه هالحدا يللي بعثلك الرساله قاعد عم بستناك، اما إذا كان مسج من حدا مش كتير مهم إنك ترجعلو فهون عادي فيك اتطنش المسج .. نورتني :137: |
اقتباس:
هلا غرور، هون المشكله انك بتقعدي تفكري بألف عذر يللي ممكن يكون صاير معه للمعلم، ويمكن ولا عذر من هالاعذار اللي اجت ببالك تطلع بمحلها ! المعلمين وقت ما يردوش ع رسائل الطلاب ع الارجح بكونوا مشغولين، بس هذا بقولش انه يتجاهلوا، اقل ما فيها يقلك انا مشغول / بردلك جواب بعدين / بقدرش حاليا / او شو ما كان .. لإنه رح تحسي بالفرق وترتاحي نفسيا .. حتى لو كان هالتصرف اجا من صحباتك، المفروض تفكري بنفس الطريقه اللي فكرتي فيها مع معلمك، بس فاجئتيني قلتيلي بطنشها مقلتيش بطنش المعلم ! بغض النظر اذا كانت صحبيتك مطنشيتك عن قصد او لا، وبغض النظر عن الفرقيه بين الصاحبه والمعلم، وانه كل واحد مختلف عن الثاني، المفروض تفكري فالكل نفس التفكير، وغالبا بيتعلق بمضمون المسج او الرساله .. نورتيني :137: |
اقتباس:
أناُ جاوبتُ بصرآحةةُ ..! بالنسبةُ للدكتورُ هذآ يترتبُ عليهُ مستقبليُ .. أذآ طنشتهُ ُ اوُ عملتُ نفسً طريقتهُ موُ لصالحيُ درجآتيُ بيدهُ .. علشانً كذآ بقتبسً لكُ عذرُ لكنُ صاحبتيُ ُ بجربُ معهآ نفسً الاسلوبُ علشانً تعرفُ انهُ كلشً موُ زينُ هاُ الاسلوبُ خاصةً لمآ كونُ بحاجتهاُ .. بسً الحمدُ للهُ مآُ عمريُ ارسلتُ لاُ احدُ وطنشً اوُ مردُ عليهُ اوُ احدُ ارسليُ وطنشتهً ..! |
بداية دعيني أٌحيكِ على طرحك الهادف ونقاشك الراقي أدخل الى الموضوع لا شك أن هذه المواقف تؤثر على الشخص وتجعله في قمة السخط والنقم والغضب الشديد ولكن درجة تأثيرها يختلف من شخص لأخر البعض يتجاوزها ويهملها ولا يٌعطيها اي إهتمام وفي الجانبة الأخر هناك ثمة الكثير من الأشخاص تٌزعجهم هذه التصرفات وتضعهم تحت الغضب الشديد شخصياً أكره هذه الأساليب ولا أٌحب التجاهل مهما كانت أسبابه ودوافعه نحن نمتلك من الوقت ما يكفي لنقوم بالرد على اي استفسار والإجابة على اي سؤال هنا أو هناك قد نكون في قمة إنشغالنا والوقت لا يسمح لنا بالرد ولكن من المفترض أن نرد على هذه الرسائل في أوقات الفراغ فهي لا تأخذ الكثير من الوقت حتى لا نشعر الشخص بالتجاهل والتهميش وأنه لا قيمة له أو وزن لديه لو كانت هذه الرسائل من شخص يحتل مكانة مرموقة او منصب ما ..هل سنتصرف بتلك العقلية ونهمش الأمر كما يفعل البعض أعتقد أن الأمر مختلف ولربما يقع الهاتف من اليد من شدة الرجفة لأننا سنقوم بالرد على شخص له ثٌقل كبير |
اقتباس:
كلامك فيو روح، حكيك مقنع بالنسبه للمعلم، بس برضه ما بصير يتعاملوا بهالاسلوب البشع إنون يتجاهلوا رسائل الطلاب، وانا حكيت حكيت بناءا ع مواقف صارت معي كتير مع معلمين فالكليه، والمشكله الاكبر لمن تكون رسالة الطالب كلها كلام عن زوق فشو بيمنعون يردوا؟! حتى لو كانوا مشغولين هذا بيمنعش إنون يكتبوا مشغولين، هاي اذا كانوا مشغولين اصلا ! توصلت لنتيجه ما بعرف إذا ممكن تكون بمحلها، بإنه لمن الرساله تكون من طالب عربي المعلم بتجاهلها لمن يكون معلم يهودي، والواحد بحكيش غير من تجاربه، وانا من كترة هالمواقف اتوصلت لهالإشي .. لإنه اغلبية الكليات والجامعات عنا بتكون ملانه معلمين يهود ويمكن 90 فالميه معلمين ومعلمات يهود، عنصريين بس لمن يتواجدوا بكليه يكون فيها طلاب عرب لازم يشيلوا العنصريه ع جنب ويعملوا اللي عليهون ! يمكن بعدت كتير انا فالحكي، الحكي بجر بعضه وصدفه حبيت اعطي مثال من امثله كتير صارت بحياتي .. عالعموم انبسطت إنه محداش بيطنش رسائلك ومسجاتك وان شاء الله ما بتصير معك .. نورتيني من جديد :137: |
اقتباس:
هلا قصي، هياك حكيتا لمن ميكنش معك وقت ترد وحتى لو كنت مشغول اخرتك بترد ليه؟ لإنك مزوق، لإنك بتكون عم تفكر بهالشخص اللي قاعد عم بستناك، لإنك بتحس، مش اي واحد ممكن يكون متلك وياريت الكل متلك، كتير بدايق هالموقف لمن تكون ناطر جواب ضروري من شي حدا، ع قولتك مش رح ياخد معون وقت سيعات، كلها دقايق، ويمكن مش لازم نتدايق كتير، لإنه اوقات هالمواقف ممكن تعطيك صوره واضحه عن الشخص اللي تجاهلك، وهيك بكون درس للمرات الجاي كيف تصير تتعامل معه، إلا بحاله وحده، لمن توصل لوضع تحس حالك انك ظلمته، وتكتشف إنو كان معذور .. يسعدلي ياك انت وطريقة تفكيرك .. نورتني :137: |
ان لم يكن هذا الطالب الضعيف بحاجه الى سؤال ليستفيد منه لما ارسل مساج والمعلم طنش المساج واحيانا يكون الشخص يحتاجها عند الضروره من المفروض على الطالب ان لا يطنش والمهم ان كان على ابواب الامتحانان وطلب المساعده اي شخص يكون في هذا الموقف ورده سيكون حزين ومؤلم و يجب ان يبحث عن اسباب التجاهل ان لم يكن منطقيا يكون العيب هو التجاهل وان كان مقصودا هذا التجاهل افضل الطرق ان يبتعد عنه لأنه المعلم غير كفؤ بالمعامله ومن المحتمل ان يكون المعلم له علاقات اكبر لان كل يوم يمر في حيات البعض هي لمصالح شخصيه بين البشر الجميع يعلم كل يوم يمضي عندهم اليوم القادم يستغير امما بالنسبه لبعض الاشخاص الغير معروفين لبعضهما البعض لا يجمع بينهما سوى العمل والمصالح فهذا موضوع اخر رغم انا ما عشت بهيك حاله وبحترم المساجات وبرد عليها حتى لو بعد قليل ان كان ليس لدي وقت دائما برد عليها لاحقا لاحترام مساجات البشر الاخرين مشكورة سمره صاحبه الحروف المتألقه الوطن والغربه |
موضوع بسيط لما كون مضطر بحكي مكالمة و بريح راسي من الانتظار و اذا مو مضطر ببعت رسالة اذا رد جيد و اذا ما رد مو فارق معي شكرا الك :136: |
اقتباس:
كبيرنا الوطن والغربه، يسعدلي مساك، بعرفش اذا هوين الواحد يعرف اسباب تجاهل هالشخص اللي تجاهله، الموضوع مش بهالبساطه، لإنه اصلا بيتعلق فالموضوع نفسه ! عم بقول هيك بسبب مواقفي يلي انا عشتها فالواقع .. والمثال يللي انا طرحته جدا بسيط، يعني هالمثال ولا اشي جنب مواقفي اللي صارت معي فالواقع .. عكلن يمكن البعد عن الشخص هو الحل الانسب وقتها، مع إنها ممكن تكون صعبه بس اخرتا بتنحل ومنتقبل الاشي بكل سهوله، انسان متلك كبير وفهمان وزوق واخلاق اكيد مش رح يصير معه هيك اشي، لإنه احترامك فارضه عالكل ان كان بالنت او حتى مع ناسك فالواقع .. نورتني، والله يسعدك :137: |
اقتباس:
هلا بالغالي كماني، وانا كمان بفكر متلك بهالطريقه انه مفش حاجي نعمل من الحبه قبه، بس خليني افرض عليك مثال انه هالشخص وجوده "فرض" بحياتك اليوميه يعني لازم يرد عليك بس متجاهلك، شو فيك تعمل سيعتا؟ وانا عم بحكيك من تجربه شخصيه ولساتني بعاني من هالموضوع ومن "هالمثل بالتحديد" اللي عم بقلك ياه، إذا بتضلك تستنا منه مسج او بتكون قاعد ع اعصابك مش لإنه بتكون عم تعمل من الحبه قبه، بس لإنه هالشخص وجوده فرض يعني اغلب الايام بكون معك وحتى لو قررت تبعد عنه او تتجاهل مش رح تقدر، يعني مفش مفر، عنجد صعبه، كيف بدكش تكون ع اعصابك اذا هو مطنش وانت مش عارف حالك وين؟ فهمت علي؟ نورتني :137: |
انتي ضربتي مثل لتوضحيلنا يعني موضوعك مو متوقف على مسج بعته طالب ثانوية وبنتظر جوابه من المدرس الخصوصي لهيك رح اتكلم بشكل عام انا لمن ابعت مسج لحد واساله سؤال بتعلق باشي بهمني وضروري بكون قاعد على اعصابي وانا بستني بالرد كل شوية بقعد اطلع بالجوال بالرغم من اني عامل نغمة للمسج بس مع هيك كل شوية بقعد اطلع بالجوال ويمكن بعد شوية تفكيري يروح ويجي واقعد اقول معقول هالشخص مطنشني لازم ابعتله كمان مسج لانه هالشي اللى بنتظره متوقف عليه مصيري او اشي بهمني وضروري اعرفه ممكن احاول ارن عليه وممكن اضل ابعتله مسجات لحد ما يرد : ما رح اقول ما بصير ارمي حالي عليه واتقل دم عليه ما بهمني اذا رح ينزعج من كتر مسجاتي او لا اللى بهمني اني اعرف جواب لسؤالي ولو شو ما يصير واذا ما رد رح اتصل عليه من رقم غريب : لانه بهاي الحالة ممكن هو متعمد يطنشني لهيك ما رد ع سؤالي لهيك بحاول اوصله من خلال اتصالي عليه من رقم غريب لحتي يرد ولو اتصلت عليه من شي رقم غريب ورد عليه وسمع صوتي اكيد ما رح يتهرب مني ورح احطه بالامر الواقع وما فيه يهرب الا اذا كان وقح وقليل ادب لدرجة انه يسكر الجوال بوجهي بس اكيد ما بعملها لانه اغلب الناس بهاد الزمن بتمسكو بحبل المثالية والاخلاق واكيد ما رح يبنلي انه زلمة مو محترم وقليل ادب لهيك رح يتعامل مع الموقف بارياحية ورح يعتذر ويقول سامحني ما كنت شايف الجوال لهيك ما رديت على سؤالك وهيك بكون حطيته بخانة اليك وجبرته يرد ع سؤالي ما بعنيني شو هي الطريقة اللي استخدمتها اذا كانت كويسة او كويسة اذا كانت مزعجة او لا المهم انا اعرفت اللى بدي اياه الغاية تبرر الوسيلة زي مابيقولو وما يرميلي خطاه على شماعة الظروف والامور الفاضية اللى بيختروعها لحتي يخرج من المأزق اللى انا حطيته فيه يعني مثلا ممكن لمن انا اصر واحاول اصله ولمن اصله يقولي معلش ما شفت الجوال وما شفت رسائلك وانت عارفني انو انا ما بقصر معك ولو شفت مسجاتك لكان رديت عليك هاد كلو ما بيوكل معي لانه لو فعلا عنده ظروف كان بيقدر يرفع سماعة الجوال ويقوله يا فلان انا عندي ظروف املهني كام يوم وان شاء الله برد ع سؤالك او الشي اللي انتا طالبه اكيد هالكلمتين او مسج منه ما رح يعطلو عن مشاغله بس اكيد بعد ما اعرف سؤالي واعرف اللى انا بدي اياه منه رح ارميه بحاوية واشيله من كل حياتي لانه الشخص المستهتر بمصالح الاخرين او المتجاهل للاخرين ما بلزمني يعني اضربلك مثل انا مرة كنت بدي اشوف شب لاشي ضروري رحتله البيت مرة واتنين وتلاتة وكل مرة يقولوي طالع مش بالبيت واخرة مرة رحتله فيها طلعلي اخوه الصغير بيقولي بيقولك اخوي هو مش بالبيت ههههه اعرفت انه هو ما بده يقابلني بس انا هالاسلوب كله ما حبيته يعني كان فيه يختصر كل هالشغلة بكلمة وحدة انا ما بدي اقابلك او انا ما بدي اجاوبك ع سؤالك او امدك بالمعلومات اللى انتا طالبها بس المصيبة انه بعد كام يوم يجي يقولك معلش انا كان عندي ظروف كان عندي ضيوف معرفتش اطلعلك او معرفتش اشوفك او او او او هاد كله ما بيوكل معي لانه كان فيه يتواصل معي بمسج واانا كان قدرت موقفه وظرفه بس انه يتجاهلني ويسيبني قاعد على اعصابي فما بسمحله بعد ما اخد اللى بدي اياه رح اكبه واهمله وما رح اعبره بعد هيك معلش طولت سمرة موضووعك كتير حيلو وواقعي عوافي |
نـآهه شآن فوضوية مرآتـآ بطنش و مع إنو مو بكون آصصده :( ؟! وهآد الشي غلطط و بحسس حالي نـآهه آنآنيـةة شآن لو حدن طنششني :132: خصوصآ إزآ حدن بححبو و بنكون متخآنئين هيهي و بدي نتصصالـحح بككون ع نـآإر :100: و بنججن و بضل ي الله يلــآه يبآي ع الزنآخةة طآآي مآشي إزآ برد إزآ رديت علي بعدين متل الآرنوبةة برد هيهي ':89:) مبعرف هيكك فهمت سؤال إزآ غلط برجع جآوب هيهي :14: ') مسآككي ورد عسولة ') ورده |
اهلن صمت، بس تعتزرش، فيك تحكي قديش مبدك لإنو بحسك بتحب الفلسفه متلي، وانه لمن بدك تحكي بتعبر بتعطي امثله بتشرح بتوضح من كل النواحي يعني بتفصفص السؤال ع الاخر وانا بحب اللي هيك، انت هيك لاقيتلي حلول انه ايش ممكن اعمل اذا بصير معي متل هيك مواقف، المشكله انه كل مره بتصير مع حدا شكل، ومش كل الناس اللي بتجاهلوك بتقدر تتعامل معن بنفس الاسلوب يمكن الاغلبيه اه بس مش كلون لإنه بيتعلق شو بكون الموضوع او ايش مكتوب فالمسج وانه ايش اللي بدك ياتو من هالحدا اللي عم بتجاهلك متل ما سبق وذكرت للعضوه غرور، والمشكله الاكبر من هيك انه هالحدا اللي مطنشك يمكن بتقدرش تشيلو من حياتك، اتخيل الموقف قديش بكون صعب، حتى لو كان وجوده لهدف وانه وجوده بحياتك لسبب انك توصل لاشي، بغض النظر عن هالاشي، إنه قديش الواحد بدو يتحمل؟ مفش ابشع من قعدة الاعصاب .. التجاهل بكل الحالات تصرف بلا زوء .. مطولتش فجوابك لإنه اوقات كتير كنت طول بأجوبتي متلك، نورتني صمت :137: |
اقتباس:
يعني في احتمال اتطنشيني؟ :| ههههه مطيبك انا سألت بشكل عام، بس انتي اعطيتي مثال عن الحبيب، اي تنين بيحبوا بعض قد ما يطنشوا بعضون اخرتون برجعوا بحكوا .. لإنه العشاق هون صار اشي تاني، مختلف عن اللي بقصده انا، اكيد فهمتي ع سؤالي ليش ترجعي تجاوبي ولو هههههه نورتيني يغالي :137: |
اقتباس:
آصصدي مو ولد و بنت و بس أي 2 بحبو بعض صآحبتين | بآبآ و بنتو | نآهه وآخختي و هكآزآ ') كلـآ م بطنشكك بس مرآتآ جد بحس حالي فوضوية و بآجل الآشي و مو بكون آصده ☺ ') بس يلي بطنش بكون حدن مو منيح صح ؟ ') ورده |
هلأ مسجات الجوال قلت شوي في وتس وفيس وغيرو المهم كله بيبعت رساءل بالنسبة الي بكره ازا بعتت لحدا وما رد عليي ازا كان شخص بعز عليي يمكن يكون النت مفصول او معوش رصيد ليرجعلي هالشي بيتوقف على حسب الشخص سمرة اما ازا صديقة عادية متل ما هو عندي عالوتس متلا ببعت وبترد شوي وما بتكفي مع العلم بتكون فاتحة ف بطنش لانه ما في موضوع مهم بحكي فيو معها كلو سلام وهيك اما ازا كانت الرسالة ضرورية متل انا نزلت يلا وفلانة بالمستشفى وهيك شغلات مهمة ف بيختلف الامر بيرجع الشي للزوء من قبل الطرف الاخر انا بهتم كتير للي ببعتله مين ما كان لذلك لازم كمان هو بهتم بالمسج وازا بهمه امري اكيد برجع وما بطنش الا ازا ظرف منعه |
اقتباس:
طب معناها تنيناتكون مفروضين على بعض بس هو عم يتجاهلك ليش ما فيكي تتجاهليه أكيد في سبب مانعك تتجاهليه متل ما هو عم يعمل بس اعرف هالسبب بقدر ساعدك يعني ما بقدر جاوبك بعشوائية لازم اعرف تفاصيل لان في بكلامك جزء مفقود انا شخصيا اذا حدا تجاهلني ولو كان مفروض عليي ما في شي بيمنعني عاملو بالمثل :136: |
صراحة انا بستعمل هالاسلوب على الفيس ما برد على حدا الا لما يكون اتصل عليه وبدوا اشي او وعدت بحاجة ابعت له ايااها واذا وعدت هو يذكرني فيهاا لغة التطنيش بتعطي شوية من الهيبة او مو كل الناس زي بعضها تحب ترد على كل اشي ويكون اجتماعي اكثر من اللزوم شكرا لطرحك |
اقتباس:
شوفي سمرةة أنا مابخاصمه وبحكيله ليش مابترد ع رسائلي بس بوضحله إنه هذآ الشغلةة خطأ والمفروض تواجه مو تتجاهل إن كانت مني هذآ الرسائل أو من غيري بس إني بخاصمه وبعصب عليه مو تصرفي أنا بس إذا كمان بطل ومارد أكيد هذآ قراره بس من بعد ماوضحله مو أسكت وتصير حساسيه بيني وبينه أو يمكن يكون فهمني غلط فبوضحله إن شآء الله وصلتلك يلي بداخلي يسلموا حبيبتي ..! |
اقتباس:
هلا ملاك، انا قصدت مسجات مش مهم وين ان كانت عاديه او فيس او تيليجرام او واتس او وين ما كان .. بالزبط حكيك وانا هذا اللي قصدته وقت تكوني ناطره جواب من شخص مهم مش ستام شخص، كتير صعب الموقف بيكون .. حبيت تفهمك واسلوبك فالتعامل .. نورتي :137: |
اقتباس:
بالزبط في اسباب بتمنع انك تتجاهل لمن يكون هالشخص موجود بحياتك، تنيناتنا مفروضين على بعض؟ مش بالزبط هالحكي .. عكلن رح اجرب احكيلك برساله عن موقف من هالمواقف يللي صارت معي، اكيد رح تفيدني، لإنه بحب استشيرك بالامور الحياتيه اليوميه لخبرتك .. منور دايما :137: |
اقتباس:
هلا خالد، بتعرف؟ اني بستعمل اسلوبك فالوقت اللازم ان كان فيس او واتس او هودعوت بلفون عاديه وين ما كان، والمشكله انه وقت استعمل هالاسلوب مع حدا بفكرني اتجاهلته، وانا بالاصل لا تجاهلته ولا اشي، بس القصه انه مفش اشي احكيه او اقوله وقت اكون عم بحكي مع حدا ونسكت، او وقت يكون الحكي "حكي فاضي"، لهيك بعدش افطن فيه وخلص بنسى انه حكى معي، هاي صارت معي كتير واكيد دايما رح تصير لإنه هيك طبعي، بحب الحكي اه بس وقت ميكنش في بعد حكي سيعتا خلص بسكت، بس اللي حكيت معه شو بفكر؟ تجاهل وتطنيش ! طيب شو اعملك اذا معدش في حكي ينحكا؟ احكي معي انت اذا حابب تحكيلي بعد اشي ! اما انا احكي وقت اكون شايفي التجاهل او خليني اقول السكوت هو الانسب؟ بتزبطش اني ارجع احكي، كل هالحكي بالنسبه للاسلوب يللي ذكرته انت، اما موضوعي مختلف كليا عن اللي بتقصده، بس حبيت اللي حكيتو انت وحبيت صراحتك اكتر، منورين انت وصراحتك :137: |
اقتباس:
فهمت عليكي عيوني، اكيد هيك شخص بدو عتاب وقت يكون الموضوع بيستحق، بس التطنيش ع الارجح بيطلع من ناس "بلا زوق"، بديش اظلم واقول إنه كل الناس هيك، بس اغلبيتون .. منوره خواطر :137: |
هالشي بعتمد على طبيعة الرسالة واهميتها والشخص يلي انبعتت لاله فلو كانت هالرسالة كتير مهمه اكيد رح اكون على اعصابي ويمكن احاول ارسلها مرة تانيه اذا الامر جدا مهم ولو ما رد بحاول اتصل بأي طريقة تانيه وممكن اروحله بنفسي المهم احصل على الجواب بالنهايه بالعاده انا بعطي عذر للأشخاص لكن لو اتأكدت انه هالانسان قاصد انه يتجاهلني وما يرد اكيد هالشي رح يدايقني ويمكن ما احاول اتعامل معه مرة تانيه ولو كانت هالرسالة لصديقه وما ردت عليها رح استنى يوم ويومين ويمكن ما اعطي الموضوع اهميه كبيره لو كانت رسالة عاديه لكن لو تأكدت انه هي شافت رسالتي وتجاهلتها وقتها ما رح افكر ابعتلها مرة تانيه لكن بنفس الوقت لو هي بعتت بعد فترة رح ارد على الاكيد وما رح اعمل متل ما عملت معها بالنهاية الموضوع بتعلق باهمية الرسالة والاشخاص وبختلف الوضع من رسالة للتانيه موضوع نقاشي جميل شكرا لالك اثار |
هلا سمرة تسلمي على طرحك الراقي قبل كل شيء سوف ألتمس له العذر حتى وان تكرر ذلك , فلعل عنده ظروف خاصة منعته من الرد على رسالتي ... وبعد ذلك سوف أتحرى عن سبب تجاهله , فان كان متعمدا فسوف يحز ذلك في نفسيتي , ولكنني سوف أتجاهله بعد ذلك كليا لانه لا يستحق صداقتي ومعرفتي . بساااااااااااااااااااااااااااااااااااااااام |
اقتباس:
هلا بالغالي، حبيت آخر سطر من جوابك كله، بيتعلق بمضمون الرساله متل ما سبق وذكرت للكل، وملاحظه صغيري بدي قلك هي ، إنه انا بكنش عم بغلط وقت اللي بقولك فيه إنك "إنسانيه"، جملتك هي اكدتلي، "لكن بنفس الوقت لو هي بعتت بعد فترة رح ارد على الاكيد وما رح اعمل متل ما عملت معها" عنجد انك صبيه مميزه بهالانسان اللي موجود جواتك، الله يحميلك هالقلب الطيب، لإنه مش كل واحد عندو هالطيبه :137: .. نورتي عيوني .. |
اقتباس:
اهلين بسام، حلو إنك تحس باللي قبالك وتقدّر ظروفه بس ما بعرف إذا كان بيستاهل لإنه يمكن يكون خصوصي عم يتجاهل، حبيت ردة فعلك بإنه تتجاهله ع طول، مع إنه مش دايما منقدر نعملا لإنه بيتعلق بهالشخص خصوصا وقت اللي ما فينا نستغني عنه رغم معاملته البشعه .. نورتني خيا .. :137: |
اقتباس:
اختي سمرة فهمت على قصدك لكن حابب اضيف اشي ما حكيته بشخصيتي بحس حالي غالي والغالي ما يصح الا للغالي مثل ما بحكوا رسائل التعارف او رسائل من شخص بدو مصلحها انا عن نفسي بغنى الرد عنها لانه في طرق تانية غير الرسائل ممكن تكلمني فيها مثل مقابلتي وجه لوجه صراحة بحس كل واحد برد او انه تحت كلمة انه اجتماعي وكل الناس بتحاكيه هو رخيص كل الناس بتعدوا انسان عادي ما لو قيمة شكرا الك سمرة ولمناقشتك ^^ |
| الساعة الآن 09:32 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.