|
سؤال وحبيت اطرحه ..جاوبوني بصراحة السلام عليكم ورحمة الله وبركاته الموضوع يمكن غريب لكن حبيت اطرحه الواحد صحيح ملتزم وكل الناس بتعرفه ابن عالم وناس وهكذا لو عمل حاجة غلط يمكن ما بتصدق ولو شافووا لكن ذات الشخص ما بحب حدا يعرف انه محترم ويمكن يعمل اشياء يبين للناس انه غير هيك او من كتر ما بسمع كلمةاانه محترم من الناس حابب يغير هالكلمة مثلا صار يدخن مثل حالتي او يكذب او يشتم او يعصب على والديه رأيكم بهالشخص وفعله وليش بعمل هيك من ذات نفسه ؟؟ وهل المجتمع اله سبب بتغيره ؟؟؟ |
أخي خالد أنت شخص ماشاء الله عليك ليست مجامله ولكنها الحقيقةة تريد رأيي هو شيطان لا أكثر فلتستعيذ منه وكن باراً بوالديك وابعد عن التدخين فغيرك أصبح مدمن ويحاول ويتمنى يتركه أنصحك نصيحةة لوجه سبحانه اقرأ السيرةة وإن قرأتها 100 مرةة ستقربك وستحببك على الحق وادعوا الله سبحانه وتعالى فالدعاء وسيلةة لترك المعاصي ولاتجعل المجتمع شماعةة تعلق فيها خطأك وأنا أنصح نفسي قبل أن أنصحك بهذا أنت شاب فيك خير فلا تجعل الشيطان يغويك نصيحة من أختك .. دعواتي لك ..! |
يعني مل من كلمة محترم ؟؟! شكلو اهبل شي ؟؟ المهم الانسان مخلوق ع فطرة وهالفطرة هي اساس اخلاقو ومبادئو فيما بعد والمفروض يكون طبيعي ويتصرف حسب اخلاقو او طبيعتو واهم شي قناعاتو مو لارضي الناس اغير من حالي او مو لمجرد انو بدي اتمرد ع الناس كمان اتمرد المهم اكون مقتنع بحالي ومبسوطة بتصرفاتي وقراراتي والناس اخر همي سواء عجبهم او ﻻء طالما انا مرضي ربي واهلي وانا راضيه وكلمة محترم بالعكس شي بفرح !! |
هي رد فعل عكسي إتجآه المجتمع وعدم رضى عن نفسه ومحآولة تقليد لشخصيآت أخرى ببآطنه هو معجب بهآ ولكن الصوآب صوآب , وهو وأنت أعلم بمآ فيه خير لك وله ودمت بخير ! |
خالد لا أعلم ان كانت كلماتي ستروق لك ام لا ولكن عذراً لو كانت قاسية نوعا ما يا عزيزي الإنسان الضعيف والذي ينقصه من الدين الكثير والكثير هو من يجعل الحياة تعبث به وتتقاذفه شمالاً ويميناً هذا الإنسان عليه مراجعة علاقته مع الله والحرص الدائم على لزوم طاعته وكسب رضاه لا أخفي عليك أني انسان مٌثقل بالهموم والأحزان وأكاد أختنق ليل مساء وأخفي حزني وأحبس دمعتي وراء ابتسامتي ومع ذلك انا انسان مؤمن بالله وعلى يقين أن الله لا يضرنا إلا لينفعنا فيما بعد رغم واقعنا المؤلم والمرير ورغم ضنك العيش وقلة ما في الإيد لكن يجب الا نرمي بالأسباب على الحياة ونعلق أخطائنا وتصرفاتنا على شماعة الظروف والأحوال |
خالد الواحد دايما يسعى للتغيير للافضل مش للاسوء ويحاول يقلد الاحسن مش الاسوء ازا الشخص اللي عم تحكي عنه لسه في بداية الطريق بقدر يتراجع لانه ما في بعد الشخص المحترم الخلوق اللي بيعرف ربه وبيحط مخافة الله قدام عيونه في كل صغيره وكبيره تحياتي |
مين قلك انه التدخين بقلل احترام من الرجال هو عادة سيئة مش اكتر بعدين اللي بصحله تكون سمعته منيحة ويكون محترم ليش لحتى يغير اسلوب حياته للاسوء مثلا هاي مو شخصية متوازنة بكفيه الواحد يحكيله محترم وهالشي حلو برايي الجميع تحياتي |
اذا الشخص محترم و راسو مرفوع ليش بدو يدني قيمتو بين الناس ؟ غريب :136: |
اقتباس:
مش عارف شو احكيلك اللي بيكون في نفسي وبتختزنوا لما كنت اصغير ..كنت استحقر من هيك افعال لما اكبرت ...صارت افعل الافعال اللي كنت استحقر صاحبها لدنئتا ما بعرف اهو تغير القلوب ... شكرا لك |
اقتباس:
لكن بالاخر بتحس حالك ممسوك تحت هالمسمى انت محترم وبصيرش تعمل هيك المجتمع بتحسه ضاغط عليك بكل اشي بتعمله اما غيري ...مسموح ليش واانا مو زي الناس ... حياكِ لله اختي جزيتي خيرا |
اقتباس:
هي شخصيات بستحقرها في نظري لكن بحسهم مبسوطين اكتر مني و حرين باللي بعملوه تسلم اخي لنقاشك انرت |
إذا ممكن وبتوافق ممكن أحكيلك شغلةة ع الخاص إذا لا عادي بحترم قرارك أخي ..؟! |
اقتباس:
فعلا في تقصير باتجاه ربنا لم اقرا قرآن من وين لو ين لما امسكه لما اصلي بصلي بسرعة بس بدي اخلص الذكر على الساني مش زي زمان اكيد ضنك حياتي ببعدي عن ذكر لله يا ريتني ارجع مثل زمان حاولت لكن مش قادر بارك الله فيك اخي قصي ما بزعل من كلامك لانه كلامك فتح ابواب كنت انا بفكر فيها وحاولت اصلحها حياك الله قصي سعدت بردك ^^ |
اقتباس:
الحمد لله كلامك صحيح عبير بارك الله فيكِ |
اقتباس:
شكرا اختي ملاك |
اقتباس:
النفس لما تكون امارة بالسوء شو يلي يوقفها بارك الله فيك |
اقتباس:
|
على ما يبدو من زمان كان ينبسط بنظرة الناس إلو بإنه محترم وابن عالم وناس، فلمن فجأه بطّل يحب هالإشي، من هون اعرف إنه مفش إنسان بغير طبعه او بتتغير افكاره بدون سبب، ممكن يكون جرب اشي جديد بحياته، اللي ولا مره فكر فيه هالإشي، ابصر ايش ممكن يكون، بس بكون اثر ع تفكيره وخلاه يتغير هيك فجأه، يمكن ذاق الغدر وانطعن كتير بحياته وتعرض لخيبات كتيره، خلته يتغير .. يمكن من كتر ما فشل بحياته وهالاشي اللي ممكن كان مخبيه عن الناس اللي ماخذي عنه نظرة حلوه، فا من كتر الفشل صار يفكر إنو انسان فاشل بصلحش لأشي .. ممكن اتعرف ع اشخاص بعاد عن الاحترام وكتر المعاشره إلها تأثير، لحتى خلوه يتغير .. هالإيام اللي عايشينها اليوم؟ صار كل اشي ممكن .. حتى لو كانت حالات شواذ بتلاقيها كترانه ! عكلن الله يهديه، بلكي رح يجي يوم ويوعى ع حالو؟ ما بعرف .. شكرا خالد .. :137: |
صديقي الي يومين بفكر بالموضوع من لما رديت عليي لقيت جواب واحد وكون على ثقة اني مو قاصدك و عم احكي معك بحسن نية و محبة الجواب برأيي " الطبع غلب التطبع " وشكرا الك عالطرح الي زمان ما فكرت :136: |
اقتباس:
قبل هالمرة حكيتلك اني بخاف منك وبعيدها الك بخاف منك كلامك على الجرح جميع ما حكتيه صحيح وزيادة حياكِ لله اختي بارك الله فيكِ |
اقتباس:
طيب الحمد لله اني شغلت فكر شوية كان الحين راح في خبر كان هههه اخي كماني انا معك باللي تحكيه بس المقولة اللي حكيتها هدامة جدا وبتخلي الانسان ييأس جداً ويحزن على حاله ويحكي بنفسه ما عمري هاتغير لازم نكون نبعث بشيء من الامل لشخص اللي امامنا بنحكيله مشكلته وبنغيره للافضل من خلال حلول تساعده في حل الافكار الخاطئة اللي اكتسبها من الناس مع انه المقولة اللي حكيتها منتشرة وصحيحها لكن لا اؤيدها حبذا لو استبدلت بكلمة "التطبع ينسف الطبع " هنا الامل قائم للتغيرر ان شاء الله فهمت قصدي اخي كماني تسلم يا ورد لتعليقك ومرورك الطيب كن بالقرب دوما |
رأيكم بهالشخص وفعله وليش بعمل هيك من ذات نفسه ؟؟ يعني مش عاجبه كلمة محترم من الناس يروح يدور ع حلول محرمة ليلغيها , رأيي انه شخص تفكيره ناقص شوي او انه ممكن بيفكر حاله دخل في محيط الرياء بسماع كلمات التقدير اله من الناس و هوا طبعا بيكره الرياء فشدة التزامه اوهمته بأنه يفعل لأجل الرياء و حاول التغيير فأخطأ وهل المجتمع اله سبب بتغيره ؟؟؟ ممكن |
| الساعة الآن 07:10 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.