|
ايمتا ممكن تتجاهل مواضيع او رد لعضو ؟؟ نادر يعني طيب لو تم تجاهلك شو شعورك ؟؟ مش نهايه الدنيا انا مابهمني كثير الرد ع موضوعي المشاهدات بتهمني بس الردود بتحفزني لاقدم شي جديد واطرح طيب احنا بنعرف بعض من ورا شاشة وما حدا بعرف التاني شخصي وممكن بصير سوء فهم و اختلاف بوجهات النظر هل هالشي مبرر انو نتجاهل بعض ؟؟! لا طبعاً سؤالي الاخير والي بتمنى تجاوبوني عليه بصراحة في عضو عم يتجاهلك ؟؟ او عضو حضرتك عم تتجاهلو ؟! اي في عضو بتجاهلو وبتجاهلني لاني مو مستعد ارد ع كلامو وامدخ فيه وانا بالحقيقه بكرهو انتي طلبتي الصراحه هههه ورده ومشكوره ملك علي طرحك |
عندي فضول اعرف مين هالعضو مؤمن ههههه العفو منك مديري نورت موضوعي بطلتك واجاباتك نورتني ^^ |
اقتباس:
الجميع بعيني انا الوطن والغربه هم اعضاء وما في عضو افضل من الاخر ومين ما بدوا يكون يكون والمنتدى ليس لشخص بل للجميع الوطن والغربه |
الى العضوه المتالقه ملك روحي لي عوده اخرى لارد بكل صراحه وشفافيه على موضوعك وبدون اي خجل يذكر وان حريه التعبير مفتوحه للجميع وبدون اي استثناء الوطن والغربه |
أول شي ملوكةةة أنا كتير بحبك وبحب مواضيعك وانتي من الاعضاء القريبين على قلبي لانك مزوئةةة وحبابةةةة وكتير مهضومةةةة وع طبيعتك وهلأ رح رد ع الاسئلةةةة ايمتا ممكن تتجاهل مواضيع او رد لعضو ؟؟ ازا كان الموضوع مافيو افادةةة او تافه او مابيعنيلي او من النوعيةةة يلي ما بتثير اهتمامي وبتجاهل الرد ازا كان الرد مابيناسب الموضوع المطروح طيب لو تم تجاهلك شو شعورك ؟؟ مابيفرق معي ازا عضو اهتم لموضوعي او ازا ما هتم عادي يعني انا بفوت مشان اتسلى ومابحط براسي هيك شكليات لانو الملتئى مو كل حياتي طيب احنا بنعرف بعض من ورا شاشة وما حدا بعرف التاني شخصي وممكن بصير سوء فهم و اختلاف بوجهات النظر هل هالشي مبرر انو نتجاهل بعض ؟؟! بالنسبةةة ئلي كتير صار معي اختلافات بوجهات النظر وسوء فهم ممكن اتجاهل العضو لكن ما بتجاهل مواضيعووو ليش لأنكد على حالي بركي الموضوع عاجبني وفايت براسي لكن العضو مو مهضوم بالنسبةةة ئلي الاهم عندي الموضوع مو ساحبو سؤالي الاخير والي بتمنى تجاوبوني عليه بصراحة في عضو عم يتجاهلك ؟؟ او عضو حضرتك عم تتجاهلو ؟! يتجاهلني ؟ مابعرف الله عليم بئلوب البشر وعليم بالعضو يلي بيتجاهل او مابيتجاهل اكيد كل حدا الو حدا بيتجاهلووو هي قناعتي ممكن يكون بيتجاهلني ظاهريا بعدم ردو على مواضيعي لكن متل ما خبرتك مابيهمني الردود او التفاعل بتعرفي شو بيهمني ههههههههههههه عدد المشاهدات من وجهة نظري يلي بيتجاهل موضوع ئلي متعمد مشان يوصلي رسالةةة انو مو مهتم بيوصلي رسالةةةة تانيةةةة ... هي انو فارغ من جواتو وبلى وعي وماعندو سالفةةةة وانا بالنسبةةة ئلي اي في عضو هون حضرتي بتتجاهلووو وما بئيمو من ارضووو ومو شايفتو من الأساس ومابيعنيلي شي بالعكس بكرهو لانو كتير بحسو متصنع وانو مو ع طبيعتو ومتل هالشخصيات انا مابحبا لانها بالعادة بتكون شخصيةةة ضعيفةةة بالواقع وحابةةة تستخدم شي اساليب تافهةةة وتلفت الانتباه حتى تعطيها نتفةةة سئةةة بنفسها لكن بتفاعل عادي مع مواضيعو للعضو لاني متل ماخبرتك من ئبل مابحب نكد على حالي مشان عضو خصوصن ازا موضوعو فات براسي يعني بالاخر يلي بيلفت نظري وبيخليني اهتم الموضوع مو العضو . ممنونتك عالنقاش الحلووو ي حلوةةة جوريااات بالكوميااات |
انا ما بحب انزل مواضيع بالعشرات منسوخه ولا اعود اليها ولا ارد على ردود الاعضاء فهل هذا بعيونكم تميز ؟؟؟؟ وانا العضو الوحيد يلي مواضيعي قليقله لكن ردودي كثيرة وبرد على معظم المواضيع ليس بكلمه شكر منسوخه بل ببعض السطور بصلب المواضيع وما بلاقي رد على ردودي كباقي الاعضاء الاخرين الافضل بهاي الحاله ان لا اعود وارد على المواضيع يلي بتتجاهل ردودي وبكل صراحه بكتب هيك واذكر هنا ان مجمل المواضيع مهموله ولا يوجد عليها من ناسخ المواضيع الا بعض الردود على بس يلي بيعرفهم بمعنى اخر لو انا بنت بلاقي عشرين رد حتى ولو كاتب كلمه وحده وهي شكر وانا متابع هذا الشيء وباقي الردود ما بتهم صاحب الموضوع وهنا اذكر ليس موضوع واحد بل بعده مواضيع فهل هذا يعتبر تميز واتمنى من الله ان لا اعود للموضوع مره اخرى لانوا يلي ذكرتوا هون بيكفي واتمنى من جميع الاعضاء الابتعاد عن كلمات الحقد والكراهيه للاعضاء اخرين ذكرت على احد الردود لان هذا لا يليق بمنتدى ثقافي واجتماعي وما في حد افضل من حد بهيك امور وما حد بحاجه لحد اصلا الا ان كانت كراهيته حسد وغيره مشكوره ملك على الموضوع واذا ما بدك تحرجي اي عضو والله اعلم وما تردي على كلماتي هاض شي بيرجع الك انا ما بدور على تميز بالمنتديات ولا على شهادات وهميه معلقه على جدران الحيطان والرأي لا يفسد قضيه والرأي تاعي ما الوا خطوط حمر الوطن والغربه |
اقتباس:
ربي يسعدك ..! |
ايمتا ممكن تتجاهل مواضيع او رد لعضو ؟؟ أول شئ أنا مستحيل أتجاهل عضو بس بعض الأحيان بتحس إن العضو مابيحب تواجدك في مواضيعه فبحاول ما ازعجه مع هذآ أنا مابلاقي مبرر لي إني أتجاهل موضوع أي عضو وإن كآن هذآ العضو أعترف رسمياً بعدم إرتياحه لي وتقبله في مشاركته موضوعه أو التعليق عليه ..! وأنا من هذا المكان أنا من المستحيل إني أتجاهل رد أي عضو علق علي بموضوعي ولكن نحن بشر وكلنا بعيوبنا بعض الأحيان والله العظيم مابنتبه لرده وبحب إنه ينبهني ع هذآ الشئ أفضل من إنه يحبسه بقلبه ويكون بينا حساسيةة أما إني متعمدةة مارد مستحيل وابداً مو من أخلاقي ومبادئي الي تربيت عليها ..! طيب لو تم تجاهلك شو شعورك ؟؟ والله أنا مابنظر لصغائر الأمور يعني حطيت موضوع بس للاستفادةة وابداً مابيكون مقصدي فلان يرد علي في الأخير أنا مابيهمني لأنه ماكان مقصدي فلان ..!؟ طيب احنا بنعرف بعض من ورا شاشة وما حدا بعرف التاني شخصي وممكن بصير سوء فهم و اختلاف بوجهات النظر هل هالشي مبرر انو نتجاهل بعض ؟؟! طبعاً لا يمكن هناك تجاهل لمواقف تحصل بينا وأنا شخصياً مريت فيها إني أنسى الي حصل بيني وبين عضوةة واتجاهل تماماً هذا الموقف أو بالأحرى أتجاهل إني أنساه حتى مايكون بيني وبينها أي حساسيةة وربي يشهد علي أنا بحب كل عضو أو عضوةة هنا وبحترمهم كثير ولا بعمري فكرت إني ازعجهم بأي شئ ..! سؤالي الاخير والي بتمنى تجاوبوني عليه بصراحة في عضو عم يتجاهلك ؟؟ او عضو حضرتك عم تتجاهلو ؟! أنا مابحب أتجاهل أي عضو وكلهم ع عيني ورأسي أما أنه عضو يتجاهلني فمابعرف وبقول من هذآ الكلام أنا بعتذرلك إذا عملت أي شئ بيزعجك من غير قصد مني وخلينا نكون متحابين متعاونين ع البر والتقوي يسلموا اسوم حبيبتي بجد ارتحت وأنا بفضفض ..! |
اقتباس:
وانتي بتعرفي انتي من الناس الي بهمني كتير رايهم لانك صريحة وجريئه وانا بموت بالشخصيه الي هيك واجاباتك ئديش بيعكسو وعيك وثقتك بنفسك بجد ممنونة لالك لوجودك هون ربي يسعدك منورة ^^ |
ايمتا ممكن تتجاهل مواضيع او رد لعضو ؟؟ ولا مرةْ لانه انا بفوت الموضوع دون علم من هو صاحبهْ وان كنت على خلافْ مع صاحب الموضوع او الردْ فما ذنبَ قيمة مواضيعيه اللغُوية الفذةْ والجميلةْ انا ماخد موقف من صاحب الموضوع مو من الموضوع والردود طيب لو تم تجاهلك شو شعورك ؟؟ سَأصيبَ بالإحباطْ ولكن اترك له الحُرية : فما رح اجبرو يفوتْ اشي لالي بده يفوت حيا الله ما بده يفوتْ برضو حيا الله طيب احنا بنعرف بعض من ورا شاشة وما حدا بعرف التاني شخصي وممكن بصير سوء فهم و اختلاف بوجهات النظر هل هالشي مبرر انو نتجاهل بعض ؟؟! بالطبعِ لا : خلافتُنا نستطيع حلّها من خلالْ الوعي والادراكْ وليس من خلال تجاهل موضوع وردْ حتي لا نترك انطباع سيئ عند صاحب الموضوع فيزداد الامرًُ سوءاً سؤالي الاخير والي بتمنى تجاوبوني عليه بصراحة في عضو عم يتجاهلك ؟؟ او عضو حضرتك عم تتجاهلو ؟! انا ما بتجاهل حدن :بس فيه اوقاتْ مواضيع طبيعتها ما بتنول اهتمامي ولكن هذا لا يعني اني مُعادي ومتجاهل لصاحبها بالرغم منه ان تم تجاهلي في بعض الامورْ ولكن زي ما بيقولو كل واحد بعمل باصلوْ وبصراحة وجوده في مواضيعي او عدم وجوده ما رح يقدم ولايأخر مع احترامي وتقديري الشديد لهْ بس انا ما بقدر امسك كل واحد من ايدو واترجاه ليفوت اشي لالي موضوع قيم ويستحقُ الطرحْ ويمكن من خلال هالموضوع تنحل بعض الامور العالقة بين الاعضاءْ يسلمو لطرحك القيم |
| الساعة الآن 03:33 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.