بعتذر منك ...

#1 10-25-2015

لحظة قبل ما تروح بدي قلك شي ، انا بدي اعتذر منك اني حبيتك ، اي بدي اعتذر وكتير ، انا وقت حبيتك غمضت عيوني عن كل شي ، عملت حالي ما بشوف شي من ماضيك ، وقت اجوا وحكوا الي عنك ما صدقت ولا حتى راجعتك ، كنت بشوفك انك الصح وكل العالم غلط شايف شو كنت هبلة قصدي قديه كنت بحبك ، معلش هما بحكوا الحب اعمي وانا كنت عميا ، انا لما حبيتك نسيت انك بلا ضمير ، انك واحد عم يلعب بالقلوب من قلب لقلب ، لك دخلك انت ذاكر كم قلب كسرت !! معقول قلبك لحد هلأ ما حس بذنب !!

انا كنت بشوفك كل شي حبيتك من قلبي ، بعت كل العالم لاشتريك ، نسيت شو كنت بحلم وصرت انت كل احلامي ، يا الله شو كنت بعشقك كنت انت الشريان الي بخلي قلبي لساته عم ينبض ،، اه يعني انا هلأ ميتة لا تفكر اني بعدك راح ضل انا ، انا كتير تغيرت كتير يا انت .، صرت بحب اغيب كتير ، صرت بحب زور المشفى كل يومين ، وصرت مهملة بشكلي وبحالي.، لك اه هالوردة الي كانت حلوة وكلها حياة هلأ بين أيديك ذبلت ومااتت وما عاد حدا راح يقرب الها .. عجبك هالشي صح !!

لك اوعك تفكر اني عم اكتب الك لتضل ، لترجع لقلبي ، لا ابدا حكيتلك انا قلبي مات فما عاد الك مكان جواتي ، انا عم اكتب لارتاح من كل شي جواتي الك ، عم بكتب لاخلص منك ، عم بكتب لاتذكر انك واحد خاين ، لاتذكر شكلك انت وهي واكرهك ، لك تخيل الطفل الصغير لما حدا يكسر لعبته او يضربه كيف راح بكرهه انا بكرهك هيك واكتر ، عارف ليش !! لاني كنت قبلك طفلة صغيرة ما همها شي ، لك ليش جيت الي وسرقتني من العابي واحلامي ، ولعالم الحب البشع دخلتني ، ليش علمت قلبي القسوة والكره وهو الي. ما بيوم ما عرف الا يحب الناس ، ولك انا هلأ مش عارفة انا بحب حالي ولا لا .. !!

دخيلك عندي طلب واحد ، ارحم حالك وبكفي تلعب بالقلوب ولك كل شي عم تعمله بكره راح تشوفه لهيك بكفي وارحم حالك ، صحي جواتك ضميرك الي مات من زمان ، خليه يصحي بربك بكفيه نوم ، ارحم الناس منك ، ما عاد تكسر قلب ، ولك لو تعرف شو يعني كسره قلب !! انك تكسر قلب يعني قتلت انسان بعده عايش ، خلص ما عاد يصدق شئ ما عاد يثق بشي حتى بحاله ، خليت واحد يرجع يدور على الامان جوات امه ونفسه يرجع جواتها ويحكي يا ريتني ما ولدت ، ولك هو خلص ما عاد ينام الا يشوف كابوس وكل ضحكاته خلص صارت مزيفة مو حقيقة ، هو صار كذاب كبير عارف ليش !! لانه كل ما حدا سأله كيفك حكاله انا منيح بس هو ابدا مو منيح هو عم يموت كل دقيقة ، كل ما اتذكرك وتذكر ايامك ،

دخلك يا الله اجبر كل قلب انكسر ....

المصدر: منتديات بنات فلسطين - من قسم: ابداعات أعضاء بنات فلسطين الشعرية والنثرية

fuj`v lk; >>>

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
انا بعتذر	MariaM UA	مطار بنات فلسطين - ωoเcoмє	32	04-26-2015 03:17 AM
لا تترد فان تعتذر لمن اخطأت في حقه	غرام	زوايا عامة	12	03-01-2015 04:36 AM
بعتذر ......	اميره المشاعر	همس القوافي , النثر و الخواطر	13	02-17-2015 10:06 AM