| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
 |
| | LinkBack | أدوات الموضوع | انواع عرض الموضوع |
10-14-2015
| #21 | ||
 
 |  اقتباس:
تسلميلي زينه انتي الاحلى اكيد بتنوريني حبيبتي احكيلهم يناموا بسرعه هههه بستناكي | ||
 |
|
10-14-2015
| #22 | |
| اسئلة ادم / ممكن تقيد حبيبتك بطريقة لبس معينة قبل ما يصير شي رسمي بيناتكم يعني باعتبارك بس حبيب لالها ؟ حسب طبيعة اللبس ومدى حشمته وبالتفاهم والحوار وقليل من الذكاء ستكون الأمور على ما يرام / بتقبل إنو حواء تنفذ مطالبك حتى لو ماكانت مقتنعة فيها.. ؟؟؟ لا أعتقد ان ذلك الشيء يٌرضيني فأنا أعشق الأفعال التي تكون تحت دائرة القناعة / ما وجهة نظرك بالمرأة التي تبارد اولا وتعترف بمشاعرها؟؟ لا أحبذها / عندك مشكلة بأنه تعمل معك زوجتك او حبيبتك في نفس مكان عملك؟؟ ممكن وين المشكلة في ذلك ^ ^ / شو بيعنيلك لون العيون بالنسبة للمرأة اللي رح ترتبط فبها ولا عادي ما كتير بعنيلك الموضوع؟ لا يعنيني اللون بقدر ما يعنيني ما تحمله هذه العيون من كلمات ومعاني / هل ترضى ان تقوم حواء بتصرف او عادة متواجدة فقط في عائلتها ولا تناسب عادات وتقاليد عائلتك؟؟ حرجع وأقول التفاهم والإندماج والتوافق ستحل الكثير من هذه الإشكاليات وطبعا لغة الحوار هامة جدا لحسم اي قرار / هل ترى ان حرمان زوجتك من رؤية اهلها عقوبة جيدة لها؟؟ أعتقد انها عقوبة للرجل أكثر من كونها عقوبة للمرأة حيث أنها يكون وقتها قد تجرد من إنسانيته وخلط الأمور ببعضها وقام بإظهار قوته وإستعراض عضلاته على زوجته / هل تنزعج اذا علمت ان حواء اخفت عنك سرا كي تحميك من شيء كان سوف يلحق الاذى بك؟ سأكون شاكر لها ولحرصها / هل تتقبل من زوجتك او حبيبتك مخالفة رأيك امام الناس حتى لو كان رايك خاطئا؟ حسب طبيعة الموقف وحسب الراي يعني ما بيصح توافقني على ارائي على وترضيني على حساب دينها وخلقها اما ان كان موقف لا يحتاج للمخالفة فلا احبذ مخالفتي والأجدر عليها ان تصحح لي رائيي فينا بيننا / هل تقبل ان تختار حواء طريقة لبسك او نوع عطرك او تسريحة شعرك او...الخ بعد الزواج؟ هي شريكة حياتي إذن من حقها ان تشاركني كل شيء يخصني وأن تختار لي ما يناسبني / هل تعتقد بان الحب يموت بعد الزواج بسب مللك من وجود حواء الدائم الى جانبك؟؟ حسب طبيعة الحب وحسب حجم التفاهم والتناغم بين الزوجين يعني الزوجين هما الي بيجعلوا الزواج جنة وهنا الي بيجعلوه حجيم لا يطاق / ما رأيك في حب من طرف واحد؟؟ حب فاشل بإمتياز / شو المتعة في انك تحب تكلم اكتر من بنت وانت بتحب وحدة وكويسين مع بعض ؟ .. وياريت ما حد يرد ويقول انا مش هيك لا ارى متعة في ذلك وبس اجربها راح احكيلك بس مبدئياً بحكيلك الي بيكون متل هيك بيكون عنده نقص في رجولته وعنده فهم خاطي للحب لانه الحب يجعلنا لا نرى الأشياء من حولنا ولا نرى غير معشوقتنا / هل تهمك المرأة الموظفة أم المتعلمة أم الماكثة في البيت ؟؟؟؟؟؟؟؟ ولماذا؟؟؟ المتعلمة لأنها ستكون نافعة لأبنائي في المستقبل / اذا حصل و اعجبوك بنتين ماذا تفعل؟؟؟؟ بتزوجهم التنتين / برأيك المراة المخلصة ممكن يغيرها هالاخلاص ادوات التواصل اللي في النت والتلفزيون او حتى الفوتة والطلعة؟ لا أن ان يغيرها اي شيء فالإخلاص يبقى إخلاص والحب يبقى حب / لو أحببت فتاة ما حبا جما لا تستطيع التملص منه ،، و علمت بعدها أنها من ديانة أخرى ،، هل كنت لتستمر في حبها و تختارها شريكة لحياتك ؟؟ أم تحجم عن الفكرة و تحاول نسيانها و ذكرياتك معها؟؟ أحاول معها لتكون على ديني ان قبلت سأتزوجها وان لم تقبل فزواجي منها لا يساوي شيئاً من غضب الله ومقته علي وقتها / ما هو الخطأ الذي لا تغفره لحواء؟؟؟؟؟ الخيانة بكل تأكيد / هل تخشى من الارتباط بحواء المتعلمة والمثقفة ؟ لماذا أخشاها بالعكس ستكون الحياة معها أجمل واروع وارقى /هل يمكن ان تبقى مع امرأة تحبك وانت لا تحبها حتى لا تجرح مشاعرها او خوفا من ان تفعل بنفسها شيئاً؟؟ عن نفسي أقبل فأنا لا اقوى على الجرح حقيقة ولا استطيع قتلها وقتل مشاعرها / هل فعلا يخاف الرجل من المرأة الذكية؟؟؟ للاسف الشديد البعض هكذا لكن عن نفسي أرى حواء مهما وصلت من الحنكة والذكاء ستبقى حواء المفعمة بالحب والعاطفة والتضحية والإخلاص ستبقى حواء الممتلئة بالرقة والمشاعر والإحساس وبمزيد من الحب وكثير الإخلاص ستبقى ضعيفة أمام أدم ولن يٌجدى ذكائها نفعاً / ما ذا تحب بحواء قوة الشخصية ام الانثوثة ولماذا؟ أعشق الأنوثة واذوب أمامها / اغلب الرجال لايستطيعون التعبير عن مشاعرهم .. وانت هل تسطيع التعبير عن مشاعرك بصراحة مطلقة لحواء؟ حسب حواء وطبيعتها / متى تستطيع أن تقول عن نفسك أنك رجل بكل معاني هذه الكلمه (ماهي الرجوله بالنسبه لادم)؟ الرجوله حالياً اراها في التحمل والصبر والقدرة على مواجهة الصعاب .... الرجوله افعال لا اقوال فكثير هم الذكور وقليل هم الرجال / ليش بتسمح لحبيبتك تحبك وما بتسمح لاختك وازا عرفت انها حابة بتمنعها ؟؟ فطرة الإنسان التي وجد عليها وطبيعته وحبه لنفسه تجعل هذه الصفات تطغى عليه / شو هي المواقف يلي ما بيستطيع ادم يخبي فيها دموعه ؟؟ دموعي لا تحتاج للمواقف فهي قريبة جداً من عيناي / شو اكتر موقف بتحس فيه بالضعف...؟ في كل المواقف التي تكون فيها حواء / لو حبيبتك خطبت وتركت خطيبها من شانك بترجعلها ؟ بالتأكيد برحيلها سينتهي كل شيء ولن تكون هناك نقطة عودة / لو خطبت بنت وبفترة الخطوبة حسيتها مش الي ببالك او بالاصح ما اجت على مخك ؟ بتفسخ ولا بتستمر منشان ما تكسر خاطرها وتجرحها؟ عن نفسي استمر وهاي مشكلة كبيرة فيني والصح انه ما استمر وانهي العلاقة على الفور وصدقيني وجع كم يوم ولا وجع سنين والعمر / لو كانت إمكانياتك كويسة ومادياتك جيدة وفيك تتزوج اربعة وتصرف عليهم كلهم ؟ ممكن تقدم على هيك خطوة ؟ بالتأكيد اه ^ ^ ليه لا وين المشكلة والجين حلل ذلك / ماهي الانثوة بنظرك؟ الانوثه هي الحشمة والخجل والحياء هي العفه والطهارة والرقه ... وليست كما تظن بعض الفتيان أن الانوثه لبس الملابس الضيقه ووضع المكياج وطلي الوجه بالألوان ,, فالانوثه ليست الجمال المظهرى فقط ولكنها الجمال الروحى والعقلي ايضا ليش الشب بفكر انو يسافر ويطلع من بلده اكتر من البنت ؟ طبيعته الشاب بتختلف عن البنت كونه أكثر قدرة على التحمل والصبر ومعاندة ظروف الحياة وفي الغالب المسؤلية تقع على الشاب أكثر من الفتاة / ماذا تعني لك الرومانسية؟؟ عالم من الاحاسيس الدافئه / لو امك ما وافقت على حبيبتك يلي رايح تخطبها وانت بتحبها كتير كتير / ممكن توافق امك و ما ترووح ؟؟ وامك كانت مقتنعة 100/100 انها ماراح ترضخلك وما حتوافق على حبيبتك شو موقفك؟؟ بالأول والأخير ما حخسر أهلي الي ربوني وكبروني وعلموني واقرب الناس الي قلبي مشان اي بنت مهما كان حبها ومهما وصل في قلبي بس كمان هذا لا يمنع اني احاول اقنعهم وافوت معهم بمعارك طاحنة وأحاول بشتى الطرق أثنيهم عن رائيهم / ممكن تتزوج بنت كانت خاطبة وفسخت خطوبتها ؟ ما بعرف ليش عادات الناس وتقاليدهم بتجعلهم ينفروا من البنت الي كانت خاطبة بس عن نفسي راح اقبل لو كنت مقتنع فيها وهادا بيرجع للنصيب قبل اي شيء تعرفي شيء يا لونلي هلأ الكهربا قاطعة عنا وانتي ضيعتيلي شحنة اللاب توب واخدتي وقتي كله الله يسامحك انا وين اروح هلأ وانا مش نعسان ^ ^ | |
| |
|
10-14-2015
| #23 | |
| ./~ نـَـاْدرْ الـوجُــودْ ./~
| / ممكن تقيد حبيبتك بطريقة لبس معينة قبل ما يصير شي رسمي بيناتكم يعني باعتبارك بس حبيب لالها ؟ طبعاً / بتقبل إنو حواء تنفذ مطالبك حتى لو ماكانت مقتنعة فيها.. ؟؟؟ انا بفضل تكون مقتنعة وأحب أقنعها بكل خطوة بعملها وما بحب أغصبها على شئ لكن في أشياء لازم يكون في تدخل قومي مني مثل اللبس مثلاً سواء اقتنعت ولا ما اقتنعت لازم تلبس اللي انا بشوفه مناسب واللي بيتماشي مع عاداتي وتقاليدي / ما وجهة نظرك بالمرأة التي تبارد اولا وتعترف بمشاعرها؟؟ عادي هذا ما بيعيبها بشئ بوجهة نظري وما بنظر لها نظرة غير سوية / عندك مشكلة بأنه تعمل معك زوجتك او حبيبتك في نفس مكان عملك؟؟ لا أبداً بالعكس احب انها تكون في مجال عملي حتى اكون مطمن عليها ودايماً معها / شو بيعنيلك لون العيون بالنسبة للمرأة اللي رح ترتبط فبها ولا عادي ما كتير بعنيلك الموضوع؟ انا بحب العيون العسلية لكن لو ارتبط بأي وحدة لها عيون غير العسلية عادي يعني الأمر ما هيفرق بالنسبة لي في شئ / هل ترضى ان تقوم حواء بتصرف او عادة متواجدة فقط في عائلتها ولا تناسب عادات وتقاليد عائلتك؟؟ لا ما برضى طالما عايشة معي يبقة تلتزم بعاداتي وتقاليدي / هل ترى ان حرمان زوجتك من رؤية اهلها عقوبة جيدة لها؟؟ هذه اسمها مش رجولة برأيي إن الزوج يمنع زوجته عن اهلها هذا تخلف وجهل وقلة مروءة / هل تنزعج اذا علمت ان حواء اخفت عنك سرا كي تحميك من شيء كان سوف يلحق الاذى بك؟ في البداية ممكن أزعل إنها خبت لكن بعد هيك هقدر الشئ هذا وافهمها انه تحكي أي شئ وما تخبي عني شئ مهما كان / هل تتقبل من زوجتك او حبيبتك مخالفة رأيك امام الناس حتى لو كان رايك خاطئا؟ جدالنا هيكون بينا في بيتنا لوحدنا تغلطني وأغلطها اما بين الناس ما هنتجادل أبداً ولا بقبل اني اغلطها قدام احد / هل تقبل ان تختار حواء طريقة لبسك او نوع عطرك او تسريحة شعرك او...الخ بعد الزواج؟ عادي إذا مقتنع بالشئ بلبس ما عندي مشكلة وإذا ما اقتنعت بإختياراتها ما بلبس / هل تعتقد بان الحب يموت بعد الزواج بسب مللك من وجود حواء الدائم الى جانبك؟؟ لا طبعاً هذا معتقد خاطئ برأيي / ما رأيك في حب من طرف واحد؟؟ صعب جداً ومؤلم / شو المتعة في انك تحب تكلم اكتر من بنت وانت بتحب وحدة وكويسين مع بعض ؟ .. وياريت ما حد يرد ويقول انا مش هيك ههههههه آدم بيحب ياخذ فكرة عن كل الأصناف والأنواع هذه وجهة نظر آدم مش وجهة نظر هل كان حباً / هل تهمك المرأة الموظفة أم المتعلمة أم الماكثة في البيت ؟؟؟؟؟؟؟؟ ولماذا؟؟؟ انا بفضل اتزوج ربة منزل مهمة التكفل بالمصاريف هذه مهمتي أنا وبعدين ربة المنزل تهتم بالزوج والأولاد والبيت أكثر لهيك بفضلها غير عاملة أنا اكون وظيفتها وشغلها مش حد ثاني او شغل ثاني / اذا حصل و اعجبوك بنتين ماذا تفعل؟؟؟؟ صعبة هذه هتجوز الإثنين ههههه / برأيك المراة المخلصة ممكن يغيرها هالاخلاص ادوات التواصل اللي في النت والتلفزيون او حتى الفوتة والطلعة؟ لا أعتقد الإخلاص مرتبط بأصلها وما أحد بيقدر يغير أصله / لو أحببت فتاة ما حبا جما لا تستطيع التملص منه ،، و علمت بعدها أنها من ديانة أخرى ،، هل كنت لتستمر في حبها و تختارها شريكة لحياتك ؟؟ إذا هتسلم هستمر معها إذا هتظل على ديانتها لا ما برتبط فيها / ما هو الخطأ الذي لا تغفره لحواء؟؟؟؟؟ الخيانة / هل تخشى من الارتباط بحواء المتعلمة والمثقفة ؟ لا أبداً أحب أرتبط بإمرة متعلمة ومثقفة تقدر تفهمك وتساعدك وتدعمك لكن ما تكون إمرأة عاملة ما بفضل وهذا ما بيعني اني مش ممكن اتزوج إمرأة عاملة لكن انا بفضل انها تكون غير عاملة /هل يمكن ان تبقى مع امرأة تحبك وانت لا تحبها حتى لا تجرح مشاعرها او خوفا من ان تفعل بنفسها شيئاً؟؟ لا ما بخدعها لازم اصارحها بالحقيقة / هل فعلا يخاف الرجل من المرأة الذكية؟؟؟ يمكن هذا الرجل الغبي / ما ذا تحب بحواء قوة الشخصية ام الانثوثة ولماذا؟ الإثنين قوة الشخصية مطلوبة لأن ضعيفة الشخصية هتسايرك في كل شئ حتى لو كان رأيك خاطئ أو ناقص او ينم عن عدم دراية اما قوية الشخصية هتناقشك وهتطرح عليك آراء جديدة وافكار جديدة يمكن تكون احسن من آرائك وافكارك والأنوثة مطلوبة لو ما في انوثة حياتنا هتكون خشنة ومتعثرة / اغلب الرجال لايستطيعون التعبير عن مشاعرهم .. وانت هل تسطيع التعبير عن مشاعرك بصراحة مطلقة لحواء؟ نعم بقدر أعبر عن مشاعري لو انا حابب أعبر لو مش حابب ما بعبر / متى تستطيع أن تقول عن نفسك أنك رجل بكل معاني هذه الكلمه (ماهي الرجوله بالنسبه لادم)؟ برأيي إذا شعرت حواء بالأمان وهي معك ولايُخيفها شئ عندما تكون في حضنك لا أشخاص ولا أيام ولا مستقبل وأمنتك نفسها بكل ثقة وبدون قلق أو خوف فأنت تستحق أن تنال لقب رجل / ليش بتسمح لحبيبتك تحبك وما بتسمح لاختك وازا عرفت انها حابة بتمنعها ؟؟ لأني رجل شرقي / شو هي المواقف يلي ما بيستطيع ادم يخبي فيها دموعه ؟؟ ممكن لحظات وفاة أعز أحبابك / شو اكتر موقف بتحس فيه بالضعف...؟ هشعر بالضعف لو شعرت اني مش قادر احمي حواء وهذا أصعب شعور / لو حبيبتك خطبت وتركت خطيبها من شانك بترجعلها ؟ إذا أُجبرت على الخطوبة وما ظل عندها حلول إلا إنها توافق وحصل شئ بعد هيك تركوا بعض ممكن ارجع ، مش متأكد ولكن ممكن أما إذا بكيفها وبرضاها وبرغبتها ، لا ما بتلزمني / لو خطبت بنت وبفترة الخطوبة حسيتها مش الي ببالك او بالاصح ما اجت على مخك ؟ بتفسخ ولا بتستمر منشان ما تكسر خاطرها وتجرحها؟ بفسخ / لو كانت إمكانياتك كويسة ومادياتك جيدة وفيك تتزوج اربعة وتصرف عليهم كلهم ؟ ممكن تقدم على هيك خطوة ؟ إذا زوجتي محتوياني كويس لا ما بقدم أما إذا لا ، بقدم / ماهي الانثوة بنظرك؟ الأدب والخجل والأخلاق والثقة وقوة الشخصية والجاذبية والحنان واللطف .. إلخ ليش الشب بفكر انو يسافر ويطلع من بلده اكتر من البنت ؟ لأنه هو اللي عليه كاهل وثقل كل شئ سواء كان زوج او أب أو مسؤول عن إخوة / ماذا تعني لك الرومانسية؟؟ نفس تعريف الإنوثة / لو امك ما وافقت على حبيبتك يلي رايح تخطبها وانت بتحبها كتير كتير / ممكن توافق امك و ما ترووح ؟؟ وامك كانت مقتنعة 100/100 انها ماراح ترضخلك وما حتوافق على حبيبتك شو موقفك؟؟ هتزوج اللي بحبها لو أنا مقتنع فيها / ممكن تتزوج بنت كانت خاطبة وفسخت خطوبتها ؟ ممكن بشرط أن أعرف سبب فسخ الخطوبة شكراً لك لونلي هارت استمعت بالإجابة على الأسئلة | |
| |
|
10-14-2015
| #25 | |
| / ممكن تقيد حبيبتك بطريقة لبس معينة قبل ما يصير شي رسمي بيناتكم يعني باعتبارك بس حبيب لالها ؟ ايه ممكن لانه رح تكون مرتي وبهمني لبسها قبل اتزوج بلاش تحكيلك اخدتني هيك بضل هيك مثل الحجاب / بتقبل إنو حواء تنفذ مطالبك حتى لو ماكانت مقتنعة فيها.. ؟؟؟ لا اكيد لازم تقتنع اول هي كمان انسانه مش بطيخه في البيت / ما وجهة نظرك بالمرأة التي تبارد اولا وتعترف بمشاعرها؟؟ قصدك تبادر والله المشاعر ما فيها بنت وشب لكن عنا ماخدين فكره انه البنت عيب تبادر بمشاعرها انا عندي عادي / عندك مشكلة بأنه تعمل معك زوجتك او حبيبتك في نفس مكان عملك؟؟ شوفي لو كان عمل فيها رجال كتير ما رح اسمحلها اصلا بالعمل بينهم هيا الها مجال واسع للعمل كإمرأه / شو بيعنيلك لون العيون بالنسبة للمرأة اللي رح ترتبط فبها ولا عادي ما كتير بعنيلك الموضوع؟ اهم شي لون العيون عندي وهادا شرط من الشروط عيون اخضر عشان هيك فشلت بكل حب حبيته ههههههههههه الحمد لله هلأ فزت باللون الي بدي ياه / هل ترضى ان تقوم حواء بتصرف او عادة متواجدة فقط في عائلتها ولا تناسب عادات وتقاليد عائلتك؟؟ الاصل تتصرف بعادات اهل زوجها وزوجها عشان ما حدا من العيله يكرهها هي عايشه معنا مو مع اهلها / هل ترى ان حرمان زوجتك من رؤية اهلها عقوبة جيدة لها؟؟ هادا مو عقاب في اشياء غيرها تعاقب المرأه فيها متل ما احكي معها او احرمها من النت او الفيس او اشياء عيب يعني وي وي / هل تنزعج اذا علمت ان حواء اخفت عنك سرا كي تحميك من شيء كان سوف يلحق الاذى بك؟ لا بالعكس فيها تخفي اشياء عني بتزعجني بس ما تكون مهمه جدا جدا يعني مثلا تحكيلي خبيت عنك اني اخدتك غصب ههههههههههه / هل تتقبل من زوجتك او حبيبتك مخالفة رأيك امام الناس حتى لو كان رايك خاطئا؟ لااااااااا هادا خط احمر عندي والله بخلعها كف بهرلها سنانها لو غلطت بشي لازم تسكت ولما نكون لحالنا تناقشني باي شي حصل امام الناس قله قيمه للزوج / هل تقبل ان تختار حواء طريقة لبسك او نوع عطرك او تسريحة شعرك او...الخ بعد الزواج؟ طبعا احلا شي هي تختار وانا بختار لبسها شو كان نوعه / هل تعتقد بان الحب يموت بعد الزواج بسب مللك من وجود حواء الدائم الى جانبك؟؟ لا شو يموت بخف ببهت عشان الحياه بتختلف لكن الحب عمره ما بموت بالعكس بكبر مع وجود الاطفال / ما رأيك في حب من طرف واحد؟؟ اقسى انواع الحب / شو المتعة في انك تحب تكلم اكتر من بنت وانت بتحب وحدة وكويسين مع بعض ؟ .. وياريت ما حد يرد ويقول انا مش هيك هاي مش متعه هاي مرض الي بحب لا يمكن يشوف حدا اجمل ولا احلى ولا اروع من مرته هادا فارغه عينه بكون / هل تهمك المرأة الموظفة أم المتعلمة أم الماكثة في البيت ؟؟؟؟؟؟؟؟ ولماذا؟؟؟ كل واحد حسب ظروفه انا ما بهمني لو ضلت في البيت بكون افضل مش بحاجه لحدا يساعدني / اذا حصل و اعجبوك بنتين ماذا تفعل؟؟؟؟ بحطهم جب بعض وبحكي حادي بادي سيد محمد البغدادي او بغمض وبنقي او بجيب صرصور الي بتهرب الله معها والي بتضل بحضنها هههههههههه يا باخد التنتين الشرع حلل 4 / برأيك المراة المخلصة ممكن يغيرها هالاخلاص ادوات التواصل اللي في النت والتلفزيون او حتى الفوتة والطلعة؟ والله النت فتنه يخرب بيته بدها ديرة بال انما التلفزيون او الخروج ما في خزف منها لكن المخلصه والي بتخاف الله لا يمكن تخون ولا تطلع على حدا غير زوجها خاصه لو كان معبي عينها يعني / لو أحببت فتاة ما حبا جما لا تستطيع التملص منه ،، و علمت بعدها أنها من ديانة أخرى ،، هل كنت لتستمر في حبها و تختارها شريكة لحياتك ؟؟ أم تحجم عن الفكرة و تحاول نسيانها و ذكرياتك معها؟؟ لو كانت من اهل الكتاب شو يعني المهم بحبها باخدها هو معز ابن ابو عصام احسن مني يعني / ما هو الخطأ الذي لا تغفره لحواء؟؟؟؟؟ الخيانه / هل تخشى من الارتباط بحواء المتعلمة والمثقفة ؟ لا ابدا بس بكون ذكي بالتعامل معها /هل يمكن ان تبقى مع امرأة تحبك وانت لا تحبها حتى لا تجرح مشاعرها او خوفا من ان تفعل بنفسها شيئاً؟؟ لو تزوجتها شو اعمل بسكت مع المده يمكن احبها لكن الاصل ما اتزوج من حدا ما بحبه / هل فعلا يخاف الرجل من المرأة الذكية؟؟؟ تقريبا لو كان ضعيف الشخصيه / ما ذا تحب بحواء قوة الشخصية ام الانثوثة ولماذا؟ التنتنين مع بعض الانوثه طبعا اهم / اغلب الرجال لايستطيعون التعبير عن مشاعرهم .. وانت هل تسطيع التعبير عن مشاعرك بصراحة مطلقة لحواء؟ اي نعم انا بعبر بشكل مباشر بحبك خلص بحبك ما عندي مشكله في التعبير / متى تستطيع أن تقول عن نفسك أنك رجل بكل معاني هذه الكلمه (ماهي الرجوله بالنسبه لادم)؟ انه يتزوج الي بحبها وما يلعب بمشاعر اي بنت / ليش بتسمح لحبيبتك تحبك وما بتسمح لاختك وازا عرفت انها حابة بتمنعها ؟؟ بالعكس اختي تزوجت واحد تعرفت عليه عالنت وهلا عندها 3 ولاد هههههههههههه / شو هي المواقف يلي ما بيستطيع ادم يخبي فيها دموعه ؟؟ موت امه او ابنه او حدا غالي عليه او يشوف ابنه مريض او جوعان وما يقدر يوفرله فلوس / شو اكتر موقف بتحس فيه بالضعف...؟ الكذب / لو حبيبتك خطبت وتركت خطيبها من شانك بترجعلها ؟ اي ممكن لو حدا غصبها عليه الحب اقوى من كل شي لكن ما تكون تركتني واختارته وبعدها كرهته وحبت ترجع هون لا ما برجع انا مش فضله عندها / لو خطبت بنت وبفترة الخطوبة حسيتها مش الي ببالك او بالاصح ما اجت على مخك ؟ بتفسخ ولا بتستمر منشان ما تكسر خاطرها وتجرحها؟ انا عملتها وطلقت خطيبتي هاي عيشه عمر مو شهر هلا ولا بعد ما نخلف ولاد ننفصل / لو كانت إمكانياتك كويسة ومادياتك جيدة وفيك تتزوج اربعة وتصرف عليهم كلهم ؟ ممكن تقدم على هيك خطوة ؟ لا انا اكتر شي بكرهه التعدد / ماهي الانثوة بنظرك؟ تكون انسانه عندها عقل تعرف شو بحب زوجها وشو بكره تعرف نقطه ضعفه وقوته رومنسيه طباخه شاطره والاهم يشوفها اجمل انسانه بالكون بتكون كامله الانوثه ليش الشب بفكر انو يسافر ويطلع من بلده اكتر من البنت ؟ لانه المسؤوليه عليه كلها بيت ومهر وعفش وكل شي هي عليها خلف ولاد بس ههههههههههه / ماذا تعني لك الرومانسية؟؟ ييي علينا يعني بتعرف تعمل جو حلو وتخلي الزوج يطير من الفرح بكفي صح هههههههههه / لو امك ما وافقت على حبيبتك يلي رايح تخطبها وانت بتحبها كتير كتير / ممكن توافق امك و ما ترووح ؟؟ ما بتزوج حدا اهلي مو موافقين عليه وامك كانت مقتنعة 100/100 انها ماراح ترضخلك وما حتوافق على حبيبتك شو موقفك؟؟ لا يمكن اغضب امي بس امي متوفيه يعني السؤال ما بناسبني / ممكن تتزوج بنت كانت خاطبة وفسخت خطوبتها ؟ اي ممكن شو ذنبها اصلا اليوم الكل بخطب وبطلق عادي صارت موضه لونلي بتعرفي هلكتيني ههههههههههههه الله يسامحك | |
| |
|
10-14-2015
| #26 | ||
| اقتباس:
الحمد لله انك سامحتني  مش عارفه شو رح تعمل دبر حالك ههههه سوري لاني ضيعتلك شحن اللاب اجابات رائعه قصي حبيت اجاباتك وانبسطت كتير اني شفتك هون شكرا كتير لالك يعطيك العافيه | ||
| |
|
10-14-2015
| #27 | ||
| اقتباس:
او تأكدتي قبل ما ترسليهم انك بالمنتدى عارفه اكيد تنكدتي | ||
| |
|
10-14-2015
| #29 | |
| / في حال طلب منك حبيبك تتقيدي بلبس معين قبل ما يكون في بينكم ارتباط رسمي بتستجيبي لطلبه ؟؟ ولا بتحسي انو هاد الشي أسر لحريتك الشخصية ؟؟ شوفي لأقلك لبسي انا مقتنعة فيه من ناحية شرعية ومن ناحيةة جماليةة فما راح خليه يدخل فيه بتاتا / حواء اذا واجهتي رجل خجول بحياتك وتعرفين بأنه يحبك من خلال أفعاله ولكن لايستطيع أن يقول لك ( بحبك ) من خجله وخوفة من ردة فعلك هل تتجرأين أنت وتكونين المبادرة في هذه الحالة ؟؟ ان كان شاب خلوق وع دين وكنت مقتنعة فيه وبحس اني بحبه اي ليش لا / هل تقبلين بأن تكون رتبتك في عملك تفوق رتبة زوجك وتعاملينه كسائر الموظفين ؟؟ وين المشكلة !! ما بشوف فيها مشكلة ابدا / ما هي الحدود الأدنى التي تقبلين فيها في حال تقدم لك شخص ما : بيت - سيارة - ............... الخ / وفي حال كان صاحب خلق ولكنه لايملك ايا من هذه الأمور ؟؟ هل تقبلين به ؟؟وبصراحة؟؟ لاقلك شغلة الحب م بطعمي خبز صح !! انا ما بدي واحد غني وما عنده اخلاق وكمان ما بدي واحد محترم وكل شي وما راح يقدر يعشيني ويعيش ولاده الي راح يجوا ، الغنى مش شرط عندي بس الاخلاق شرط اساسي مع تكون حالته المادية منيحة ب الاخر م بدي جيب ولاد ل اعذبهم / بتفضلي ادم الجاد ام المرح ؟ الوسط جاد ف مواقف مرح ف مواقف / اذا كنت تحبين شخصا حتى النخاع وطلب منك أمرا خارج عن عاداتنا هل تستجيبين لقلبك ومشاعرك أم تفكرين بعقلك بعيدا عن العاطفة ؟؟؟ بعيد عن العادات ممكن لكن لو بعيد عن الشرع مستحيل / هل ممكن تغيري قناعتك بموضوع ما بمجرد توجيه ملاحظة من حبيب ؟ حسب الملاحظة وحسب الموضوع ممكن اه وممكن لا وهل ممكن تتأثري بقناعات الحبيب ولو كانت خطأ وما تحسني تخالفي قناعاته الخاطئة ؟ لا راح حاول فهمه انو هو غلط / هل تقبلي ان يختار ادم طريقة لبسك او نوع عطرك او تسريحة شعرك او...الخ بعد الزواج؟ شوفي هو حقه انو يشوفني ب احلا صورة صح وممكن يقلي بحب هاد اللون بحب هاد النوع بس يتحكم تحكم كلي م بقبل / لو يوم من الأيام قام باضافتك أحد الأشخاص على احد مواقع التواصل وقمتي بالتكلم معه لمدة مقبولة هل تأمنين له بمجرد بعض الحوارات التي قامت بينكما أو أنك تتخذين اسلوبك الخاص بالتعامل ؟؟ حسب الشخص ف ناس عندي من سنين ما أمنت لها وناس من يومين امنت / هل تتقبلين فكرة الزوجة الثانية اذا كان وضع زوجك يسمح بذلك ؟؟ م بقبل لو شو م صار / ما رأيك بالحب من طرف واحد؟؟ اكيد شي كتير كتير كتير بوجع / هل ما زلتي تنتظرين الزوج المستقبلي أم تعتبريه أمر عادي هام ولكنه غير أساسي ؟ انا مش مقتنعة بفكرة الزواج اصلا وبشوفها اكبر غلطةة ترتكبها حواء ومحدش يقلي فطرةة انا غير / ما هو الخطأ الذي لا تغفريه لادم؟؟؟؟ الخيانةة / هل فعلا يخاف الرجل من المرأة الذكية؟؟؟ فعلا يحذر منها وبخاف وبكون حريص اكتر وراح تعبه اكتر / لماذا عندما تحبين شخصا ما ,, غريسة الغيرة والتملك ,, بتصير عندكـ كبيرة كتير ؟ لانو الفطرة هيك / أكتر شغلة بتكرهيها بالشب ....وليش؟؟؟ بصراااااحة طبعا تكون عينه صايغة لانو وقتها بموت قهر / ليش المجتمع بيغفر للشب خطيئته وما بيغفر للبنت إذا إرتكبت نفس الخطيئة؟ ب إختصآار لانه مجتمع معاق فكريا / ليش ادم بغار من نجاح حواء وبحب دائما تفشل لو كانت ناجحة ؟ مش كل ادم البعض في من ادم بساعد حواء ،اما البعض الاخر ربما يرأها انتقاص ل رجولته / يا ترى فيكي تقولي الي متى بتحبي تكوني وحيدة وبعزلة شبه تامة ؟ لوقت كتير كتير طويل / شو اكتر موقف بتحسي فيه بالضعف...؟ وقت اخسر شي بحبه وما في اعمل شي / ليش ادم بحب يتعرف علي كتير بنات ولما بده يتزوج ما باخدها ؟؟ مش بعرف لانه مش زلمةة يمكن / ممكن تتزوجي شاب كان خاطب وفسخ خطوبته؟ لآا / ماذا تعني لك ِ الرومانسية؟؟ / لو تزوجتي وزوجك طلع ما بنجب بتطلبي الطلاق وبتتركيه ؟ لا / لو رفقاتك جايات عليكي واجا اخوكي وصار يتهبل عندكم بالغرفة واخوكي اكبر منك ومن رفقاتك شو بتعملي؟ م بعملها اصلا / الحب يأتي بعد العشرة ؟ تعليقك ؟ فعلا أؤيد العبارةة وبشدة /ليش الشاب بسمح لحبيبته تحبه وما بتسمح لاخته واذا عرف انها حابة بمنعها؟؟ هاد مرض نفسي لانو / ما رأيك بالفتاة االتي تبدأ باعترافها بحبها لشاب؟؟ مش غلط ولا عيب بس م بحبذه كتير بفضل الشب هو يبلش / هل دمعة الشاب في الحب رجولة ؟؟ احيانا رجولة واحيانا دموع تماسيح ل اللهو بالأنثى | |
| |
|
10-14-2015
| #30 | |
| / في حال طلب منك حبيبك تتقيدي بلبس معين قبل ما يكون في بينكم ارتباط رسمي بتستجيبي لطلبه ؟؟ ولا بتحسي انو هاد الشي أسر لحريتك الشخصية ؟؟ انا ماعندي حبيب بس لو كان عندي اكيد مابستجيب لطلبه / حواء اذا واجهتي رجل خجول بحياتك وتعرفين بأنه يحبك من خلال أفعاله ولكن لايستطيع أن يقول لك ( بحبك ) من خجله وخوفة من ردة فعلك هل تتجرأين أنت وتكونين المبادرة في هذه الحالة ؟؟ بحسب ادا كنت بحبو ولالا / هل تقبلين بأن تكون رتبتك في عملك تفوق رتبة زوجك وتعاملينه كسائر الموظفين ؟؟ ....... / ما هي الحدود الأدنى التي تقبلين فيها في حال تقدم لك شخص ما : بيت - سيارة - ............... الخ مابعرف / وفي حال كان صاحب خلق ولكنه لايملك ايا من هذه الأمور ؟؟ هل تقبلين به ؟؟وبصراحة؟؟ ادا كنت بحبو بقبل / بتفضلي ادم الجاد ام المرح ؟ المرح / اذا كنت تحبين شخصا حتى النخاع وطلب منك أمرا خارج عن عاداتنا هل تستجيبين لقلبك ومشاعرك أم تفكرين بعقلك بعيدا عن العاطفة ؟؟؟ اكيد مابستجيب لا لقلبي ولا مشاعري / هل ممكن تغيري قناعتك بموضوع ما بمجرد توجيه ملاحظة من حبيب ؟ لا وهل ممكن تتأثري بقناعات الحبيب ولو كانت خطأ وما تحسني تخالفي قناعاته الخاطئة ؟ لا / هل تقبلي ان يختار ادم طريقة لبسك او نوع عطرك او تسريحة شعرك او...الخ بعد الزواج؟ لا / لو يوم من الأيام قام باضافتك أحد الأشخاص على احد مواقع التواصل وقمتي بالتكلم معه لمدة مقبولة هل تأمنين له بمجرد بعض الحوارات التي قامت بينكما أو أنك تتخذين اسلوبك الخاص بالتعامل ؟؟ اكيد لا اامن له بمجرد الحوارات معه / هل تتقبلين فكرة الزوجة الثانية اذا كان وضع زوجك يسمح بذلك ؟؟ لالا / ما رأيك بالحب من طرف واحد؟؟ صعب ومؤلم / هل ما زلتي تنتظرين الزوج المستقبلي أم تعتبريه أمر عادي هام ولكنه غير أساسي ؟ اعتبره امر عادي وغير اساسي / ما هو الخطأ الذي لا تغفريه لادم؟؟؟؟ الخيانة / هل فعلا يخاف الرجل من المرأة الذكية؟؟؟ مابعرف / لماذا عندما تحبين شخصا ما ,, غريسة الغيرة والتملك ,, بتصير عندكـ كبيرة كتير ؟ لانو هيك طبعي انا هه / أكتر شغلة بتكرهيها بالشب ....وليش؟؟؟ بصراااااحة طبعا في اشياء كتيرة اكرهها بالشب / ليش المجتمع بيغفر للشب خطيئته وما بيغفر للبنت إذا إرتكبت نفس الخطيئة؟ لانو مجتمع متخلف / ليش ادم بغار من نجاح حواء وبحب دائما تفشل لو كانت ناجحة ؟ مابعرف / يا ترى فيكي تقولي الي متى بتحبي تكوني وحيدة وبعزلة شبه تامة ؟ مابعرف / شو اكتر موقف بتحسي فيه بالضعف...؟ مابعرف / ليش ادم بحب يتعرف علي كتير بنات ولما بده يتزوج ما باخدها ؟؟ المفروض هدا السؤال يكون موجه للشباب لانو هم الي عندهم الجواب / ممكن تتزوجي شاب كان خاطب وفسخ خطوبته؟ ادا كنت بحبو / ماذا تعني لك ِ الرومانسية؟؟ ولا شي / لو تزوجتي وزوجك طلع ما بنجب بتطلبي الطلاق وبتتركيه ؟ لا مارح اطلب الطلاق ولا اتركو / لو رفقاتك جايات عليكي واجا اخوكي وصار يتهبل عندكم بالغرفة واخوكي اكبر منك ومن رفقاتك شو بتعملي؟ بطلعو من الغرفة / الحب يأتي بعد العشرة ؟ تعليقك ؟ مابعرف /ليش الشاب بسمح لحبيبته تحبه وما بتسمح لاخته واذا عرف انها حابة بمنعها؟؟ سؤال المفروض كمان يجاوبو عليه الشباب / ما رأيك بالفتاة االتي تبدأ باعترافها بحبها لشاب؟؟ جريئة / هل دمعة الشاب في الحب رجولة ؟؟ مابعرف اسئلة حلوة كتير يسلموو لونلي | |
| |
|
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| للجريئين فقط | lonely heart | الـטּـِقآشآتُ الجَّآدة والـפـوَآر..! | 34 | 08-08-2015 03:34 PM |
| للجريئين .. !! | lonely heart | الـטּـِقآشآتُ الجَّآدة والـפـوَآر..! | 36 | 07-08-2015 02:28 PM |
| فقط للجريئين... عيوبك هنا~ | ملك روحي | الـטּـِقآشآتُ الجَّآدة والـפـوَآر..! | 29 | 12-28-2014 09:24 AM |
| نزعل .. ونتكبّــر ... وحنا .. من الطيـــن عالم المرأة: نزعل .. ونتكبّــر ... وحنا .. من الطيـــن | اقلام مبعثره | زوايا عامة | 2 | 10-28-2013 01:48 PM |
الساعة الآن 08:18 AM
