|
قضية للنقاش السلام عليكم ورحمة الله وبركاته عندي قضية وبدي آراؤكم عليها يا ريت وحدة بيحكيلها جوزها انتي صلاتك عالفاضي بتحكيلو ليش ال بتعرفيش تربي ولادك منيح مع العلم انه ولادها زغار وبصلو وبصومو علمتهم عالصلاة من لما دخلو المدرسة بس المشكلة انو جوزها ما بصلي وعدا عن هيك بيكفر وبيسب وبالاخر بيحكي هيك عنها ال انتو مفكرين انو الدين بس صلاة وقران شو رح تحكوله هاد اللي مفكر حاله دين وال قبل ما تصلي شوف تصرفاتك واخلاقك على قولتو هو بالله عليكم تحكوله شي كلمة لحتى يقتنع انه هو كل الغلط وما يشوف حالو كتير على شي فاضي بتمنى اسمع رايكم وكلامكم كل تحية لكم |
بعتزر سلفا على ردي ازا كان بيزعجك الك ملاك بس انا هيك الله خلئني مابحب جامل ...... اولا انا مابعرف شو السبب يلي خلاه يئول هيك لمرتو فلو في سبب مفروض كتبتيه ولو مافي سبب فيستاهل يلي رح ئولو .... بدي ئولو التهي بحالك وشوف نفسك وتصرفاتك يلي ما بترضي العبد ولا الرب انك تكفر حدا مسلم وبيصلي هاد هو الغلط زاتو مين عطاك رخصةةة انك تكفر ؟ ولا الله عطاك جزء من علمووو حضرت جنابك ونحنا ما معنا خبر؟؟؟؟ استحي واتأدب مع ربك وماتدخل بعلمووو وع شو شايف حالك انتاا ؟ حتى لو مرتك ئصرت بشي تجاه الزغار وين دورك انتااا ؟ ولا انتا مابتعرف انك الك دور كبير بترباية الزغار؟ ولا انت مفكر ان دورك انك كنت السبب الرئيسي بوجودن عالدنيا وحضرت جنابك اكتفيت بهاد الدور العزيم ؟؟؟ احمد ربك انو الله عطاك زوجة بتصلي وربت زغارها ع الصلاة والدين ومو كل كبيرة وزغيرةةة ترمي مسؤوليتها ع مرتك خليك رجال وخلي عندك نخوةةةة واعرف واجباتك تجاه مرتك وبيتك ممنونتك |
هاد منو موضوع للنقاش الملاكك لانو في شي نائص بالموضوع كان ﻻزم حكتيه يعني اكيد في سبب بخليه يتهتها هيك اتهام !! ع كل حال الصلاه لرب العباد مو للعباد وربنا الي بيحاسب عليها مو البشر يسلمو للطرح حبيبتي تحياتي |
الصلاة عمود الدين ,بتلاقي كثير اشخاص عندهم قناعة أنه في تصرفات او افعال بتغني عن الصلاة وانه اعمل خير والله راح يجازيك , بالوقت الي ما في عمل مقبول لمؤمن بدون صلاة ، هالمبررات بيعطوها الاشخاص لحالهم حتى يشعرو أنهم صح , هي مش غلطان بشيء وترباية الصغار عليه وعليها , وهو دوره أكبر المفروض بهذا الشيء , ومثل ما حكت شام يحمد الله انه متزوج انسانة محترمة وبتصلي وعملت صغاره ع الصلاةة , هو اكيد حاسس بالنقص قدامهأأ لانها ملتزمة بالوقت الي هو فيه مش ملتزم .. |
اقتباس:
|
رغم انا ضد هذه الاقوال ان كانت من الرجل او المرأه موضوع رائع وجميل للنقاش لكن ناقص هل من المعقول هاض الكلام الطائش من الرجل لمرتوا بدون اي سبب يذكر من المفروض نعرف شو سبب الخلاف مذكور هون فقط اقوال الرجل شو بقول لمرتوا من الواجب علينا وقبل ردودنا ان لا نرى بعين واحده بل بالاثنتين حتى نستطيع ان نرد بشفافيه على الموضوع ونكون من البشر المنصفين الوطن والغربه |
خدو الموضوع من شق آخر بغض النظر عن معرفة الاسباب و اذا كان منصف او لا هو بهالجملة " انتو مفكرين انو الدين بس صلاة وقران " غلطان اذا هو بيكفر وما بصلي و ما بصوم ما بصير يتعدى على معتقد الاخرين البنت عم تقوم بواجباتا الدينية و هاد معتقدها و ايمانها ومرفوض انو هو يعترض عليه من جهة تانية الدين أخلاق و المرة عم تربي ولادها هالاخلاق الحميدية و كمان من هاد الشق كلامو مرفوض . . اما باقي القصص لازم نكون أقرب للواقعة حتى نقدر نحكم عليها شكرا عالطرح :136: |
صح لسانك كماني بالنسبه للصلاه والدين يعني ما بدها حكي بس كمان الموضوع منو موضوعي بالمرة وفيو شي مش كامل لهيك حكيت الموضوع منو للنقاش الف عافيه زميل |
ليكي زميلة انا ما بنكر اني شخص غير متصوف لكن مع هالشي سأليني لما تعامل شخص شو هي الممنوعات بقلك ممنوع يتعدى بكلامو و بتصرفاتو على " ديني - عائلتي - رأيي ) شخص متل هاد بجملة و حدة تعدى على دين ور أي المخلوقة ماني مستعد اسمتع باقي حكايتو و قرفتو كمان و مو مستعد اني انتظر باقي حكايتو و بررلو فقط لأنو ذكر .. هلا لو المرة غلطانة ب قشة كنتو قومتو الدنيي عليها وما سالتو البنت و ين باقي الحكاية سعدت بنقاشك :136: |
بالنسبه للدين ما في اي اختلاف بالموضوع بيننا بس ليش بعض الاعضاء معلقين فقط على هذه النقطه اكيد هون في فرض لهيك اشياء الصلاه والصوم وغيرها هو واجب ديني لكل مسلم لم نقرأ بالموضوع فقط كلام االمرأه عن زوجها ما فينا نحكم على شهاده من طرف واحد ونصب غضبنا على الطرف الاخر بدون ما نعرف كامل الاسباب ومن المحتمل ان يكون عكس ذلك والله اعلم ان بعض الظن اثم الشرع ما بيحكم على اقوال من طرف واحد بل من الطرفين والمفروض من كاتبه موضوع النقاش ان ان توضح لنا اكثر من ذلك ما هو دوافع الاسباب لكلام الزوج لزوجته الغير لائقه فهل يوجد نار بدون دخان مع احترامي لردود الاعضاء الوطن والغربه |
| الساعة الآن 01:17 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.