|
شي مجنون خطر ع بالي مسا الخير صبايا وشباب خطر ع بالي هلأ شي نحنا ليش ك صبايا منلوم ع الشب وئت يحب بنت تانية بوئت ئصير ونصير نتهمو انو عديم الوفا وعديم المشاعر او نلوم ع الرجال وئت يتجوز من مرتين وبنعرف انو الشب بيكون بيحب بنت وبنتين وتلاتة بزات الوئت ومنئول عليه خاين ليش مافكرنا انو الله خلئو للشب هيك وانها طبيعتو والدليل انو الرجال مسموح الو يجمع بين زوجتين وتلاتة واربعة بزات الوئت وبالعدل بكلشي حتى المشاعر والعاطفة والمادة والاهتمام شو رأيكون ؟ |
شام تحليل منطقي نوع ما لكن هناك تساؤل اخر اليس هناك رجال يكتفون بواحدة بل معظمهم اوك طيب فيه كمان نساء تتزوج اكثر من مرة ولاتدوم عشرتها مع الرجال فالخلاصة هي التعدد او تمازج المشاعر مع اكثر من شخص هو امر متعلق بالشخص لا بجنسه تسلمي شام على موضوع النقاش يعطيك العافية. |
اقتباس:
اي بيكتفو بواحدة من الزروف المعترة وانا بتحداك لو فيه رجال اكتفى بمرتو وهو رضيان 80 % حتى لو بتسألو بيسير يحكي شو اعمل زروفي مابتسمح اني اتجوز مرة تانية ولو الله عطيه ورازئو ومتيسر بيعرف ع مرتو تنين وتلاتة وبيتزوج بدون علمها منشان يحافز ع بيتو وولادو وانا معك في نسوان عم تتزوج مرة وتنين وتلاتةة لكن انا بحكي عن الجمع بزات الوئت الله خلئها وخلئ طبيعتها لشخص واحد ومابتئدر تتجوز مرة تانية غير بعد الطلاق او الموت ممنونتك ع مرورك الرائع |
شام بدي قلك شي واحد انا م بقبل بشب بحياته ظل بنت غيري يعني مستحيل اقبل ارتبط بشب مطلق او متجوز هاد اولا تانيا لو بعد الارتباط فكر يرتبط ب غيري م بضل معه لحظة يمكن هاي طبيعة بالبعض انو م بكتفي بوحدة بس مش الكل ولاقلك شي ربنا حلل اربعة صح بس في ظل ظروف معينة صعب اي حدا يكوم قدها صدقيني لهيك كل واحد بتجوز ل مجرد الشهوة يسقط من نظري ممكن ابرر اله لو موضوع ولاد وهيك بس كمان بنفس الوقت م بقبل كون تانية او تيجي عليا تانيةة انانيةة جدااا بغار لدرجة قاتلةة |
سأتحدث من ناحية الزواج كأن يتزوج الرجل أكثر من واحدة ويوزع مشاعره وعطفه وحنانه عليهم أما من ناحية الحب فأنا لست متصور فكرة أن يحب الرجل فتاة وفي نفس الوقت يحب أخرى وأخرى وآخرى إختلف العلماء هل الأصل في النكاح( الزواج) التعدد أم الإفراد منهم من قال التعدد بدليل ( مثنى وثلاث ورباع) ومنهم من قال الإفراد بدليل ( وإن خفتم ألا تعدلوا فواحدة) والذين نادوا بالإفراد قالوا لأن العدل شديد وثقيل على الكثيرين ولقوله تعالي ( ولن تستطيعوا أن تعدلو بين النساء ولو حرصتم) بمعنى أن العدل صعب وشديد وطالما كذلك فالإفراد هو الأفضل أو الأولى الرسول صل الله عليه وسلم كان متزوج تسع نساء وكانت عائشة هي الأحب لقلبه لذلك كان يقول "اللهم هذا فعلي فيما أملك فلا تلمني فيما تملك" وهنا يقصد قلبه الذى لا يملكه والذى كان يميل لعائشة رضى الله عنها والعدل المقصود به هنا هو العدل المادي مثل الغذاء والكسوة .. إلخ وليس العدل المعنوي الذى هو الحب كأن يكون حبه مقسم عليهن بالتساوي لا يوجد واحدة أكثر من آخرى في نفس مقدار الحب لأن هذا الأمر شاق على أي رجل وأنت قصدتي في موضوعك العدل في الحب ولم تقصدي العدل المادي الذى تحدثت عنه وفي النهاية هذه تختلف من رجل لرجل فناك رجال تعدل وهناك رجال لا تقوى على العدل لذلك من رأى في نفسه أن يعدل فلا بأس في ذلك ومن لم يرْ ذلك فالأولى أن يلتزم بالإفراد لا أعلم هل خرجت عن محور النقاش أو لا أو ربما اكون تطرقت لكن الأمر يحتاج إلى التطرق وتوضيح بعض المسائل تحياتي لك وشكراً لنقاشك |
اقتباس:
يؤبر ئلبي البغار انا بعرف انو الغيرةةة بئلب البنت شي بيئتلا لكن انا عم بحكي عن طبيعة بشر ليكي بعرف انو مسموح الو بظل زروف معينةةةة لكن كلامي هون عن ئدرتو على الجمع واننا مافينا نلومو ونئهر بحالنا ونرميه بالحكي الجارح وهي طبيعتو يلي الله خلئو عليها انا بعرف حالي مجنونةةةةة واوئات بفكر بشغلات خارجه عن الاستيعاب ممنونتك ع مرورك الجوري |
انا شاب تزوج وانفصل ولم نتوفق في حياتنا هل هذا يعني ان نزواتي نحو النساء هي من تدفعني لتجربة الاخريات سيدة شام الرجل يحمل قلبا مخلصا بقدر ماتحمله المراة والله حلل له الزواج بأربعة لغاية وهي احتواء النساء فالمراة ينقصها رجل يحميها ولقلة عدد الرجال امام النساء اباح التعدد احترامي لك. |
م قصدتك ب كلامي انا بس عني ك وتر ما بحب يشاركني بالي بحبه حدا سواء ماضي او حاضر او مستقبل ، وبعتذر لو كلامي دايقك محمد |
اقتباس:
بالعكس مديرنا انتا تطرقت لنقاط مهمة كتير بالموضوع ووضحتلي اشيا ما كنت فاهمتها بهي الايةةةة وبالنسبة لمحور موضوعي مو العدل المادي ولا العاطفي .لانو بطبيعة الحال نحنا ما منئدر نحقق العدل بكلشي بس انو مانسير نلوم ع شي وهو فطرة الرجل انو ئادر على الجمع والرسول صلى الله عليه وسلم كان يحب السيدة عائشة وكانت احبهن لئلبو لكن مو معنى هيك انو كان يكره زوجاتو بس كان ئادر يجمع بينهن ممنونتك ع مرورك الرائع |
اقتباس:
اولا انسة شام مو سيدة وانا ماحكيت شي يخس الزروف يلي بيمر فيها الرجال انا حكيي عن الجمع وئدرة الرجال على الجمع بين تنين كمان ما تهمتو بعدم الاخلاص بالعكس انا حكيت انو غلط نحكي عنو انو مو مخلص وهي طبيعتو شرفني مرورك التاني |
اقتباس:
لا حلوة الصورة هو هذا العدل إن الرسول صل الله عليه وسلم كان يميل أكثرلعائشة وهي الأحب لقلبه لكن ذلك لا يعني إنه كان يكره باقي نسائه العدل إنه كان يحتويهنَّ او يجمع بينهنَّ كما ذكرتي وإذا الرجل رأى في نفسه ذلك فلا مانع أن يتزوج أكثر من واحدة طالما له القدرة على إحتوائهن والجمع بينهن إما إذا كان لا يقوى على ذلك فالأولى أن يكتفى بواحدة حتى لا يظلم الأخريات |
من ناحيةْ الزواجْ اللهُ سُبحانهُ وتعالي شَرّع للرجُل مثني وثلاث ورُباع بشرط العدل بين الزوجاتْ فقال تعالي وان خِفتم الا تعدلوا فواحدة كما يٌُحق للرجُل ان يتزوج ثانياً وثالثاً في حالة ورودْ شرطينْ الاول ان تكون زوجتهِ عقيمْ اى لا تُنجب والثاني ان تكونَ مريضة مرض يًُصعب او يُستحيل علاجُه كما انه يجب علي الرجُلْ ان يُراعي العدل بين الجميع من حيثُ المبيت والنفقة وهذا لا يستطيعُ عليه سوي الرجُل المقتدر مالياً وهذا هو مربط الفرسْ : يعني يحق للرجل الزواج اكثر من واحدة بشرط العدل من حيث المبيت والنفقة ان تكون زوجتهُ عقيما او مريضة ان يكونَ مقتدر مالياً اما من حيثُ الحُب وما شابه : كاان يُحبُ فتاتان او ثلاثة اواكثر في ذات الوقت هذا يعتبر خيانة وبنظري يعتبر منزوعَ الوفاءْ ولكن يحق له ان يُحب فتاة اخري ان توترت العلاقة بينه وبين حبيبتهِ الاولي كان ينشب خلاف بينهم يؤدي الى الانفصال في هذه الحالة ممكن يحب تاني وتالت بس مو يحب عشرة بنفس الوقت مشكورة ع الطرح |
اقتباس:
الله مايجيب ازاعج او مدايئةةةة حبابةةةة انتي حكيتي وجهة نظرك ولو الكلام مسو لمحمد ف هاد مو معناه انك قاصدتيه ممنونتك ع زوئك |
اقتباس:
الله لا يحرمنا هالطلةةةة الحلوةةةة وممنونتك ع التوضيح |
اقتباس:
انت عم تعرض وجهة نظرك المرتبطة بالدين والقرآن وأنا محور موضوعي ئدرتو للرجال على الجمع معي رفيئي بالجامعة بيحب صبيتين وشو نصحناه انو هاد الشي غلط وانك رح يخسرن بسبب انانيتك ووصلت انو جرحناه بالحكي مع انو شب ادمي وحباب وماشي دغري بالجامعة وطبعن الصبيتين مو معنا هو بيعرفن من برات الجامعة المشكلةةة انو وسلت معو للبكي كرمالن وانا حاسستو صادق بشعورو وبيحكي انو الصبيتين عم بيكملو بعضن بس انا برأيي انن عم بيكملو النئص يلي جواتو انا محور موضوعي صمت انو الرجال بيئدر على الجمع لانو هي فطرتو أيا كانت زروفو او تفاصيل حياتو ممنونتك ع مرورك الرائع |
موضوع حلو للنقاش انا رح اوصل للي بدك ياه لكن رح اشرحلك شي اول شوفي خيتو شام مع انه التعدد ربنا حلله وما ذكر الاسباب بما انه الرجال قوامون على النساء كان التحليل للرجل فقط انا بعطي مبرر للتعدد في حالات الحرب او عدم الخلفه او مرض الزوجه او هو عنده قدره زائده واسباب تانيه هلا نيجي لموضوعك الاصلي الرجال الي بيحب بصدق لا يمكن يشوف حدا احلا من حبيبته وما بظن بقدر يجمع حبين مع بعض الا لو كان من النوع الي بيتسلى لكن ممكن يحب لو ترك حبيبته والدليل انه بس حدا يترك حبيبته هو بلاقي غيرها وهي بتلاقي غيره يمكن لانه احنا عايشين بزمن السرعه والنت والبديل موجود باي وقت بالنسبه للمرأه هي اكثر وفاء لا شك الا انها كمان لحقت الرجل ويمكن سبقته بهالمجال يعني لما بنت بتحب اكثر من 10 خلال سنه ؟؟؟؟ واحد بروح واحد بيجي بداله وهلم جراً يعني تنيناتهم اليوم ما عندهم حب مقدس عذري اما الجمع بين تنين سواء للبنت او الشب هادا مرض نفسي مش حاجه هادا مفهومي للنقاش اشكرك شام |
اقتباس:
ممنونتك مؤيد ع المرور العطر ووجهة نظرك كتير حبيتها ويلي حبيتو اكتر انك ك شب اعترفت انو البنت اكتر وفا من الشب وهاد يلي بدي ئولو كمان انو هي فطرتها اللي الله خلئها عليها بس البعض عم بيشوه هي الفطرة الجوري لعيونك ي حلو |
بكل صراحه هذآ الموضوع الجميع بيختلفوا وبيتشدقوا ونسوا إن الله عز وجل حلله شرعاً من فوق سبع سماوات .. والرسول صلى الله عليه وسلم تزوج أكثر من مرة فهناك حكمة إنه وحتى رسولنا فعلها وهو التعدد .. وأنا معك النساء عندهن غيرة وكل وحدة بتحلم بواحد مابيطلع إلا فيها ولكن لو نظرنا إلى الأمر بجانب آخر لفهمنا إن التعدد لمصلحتنا أيضاً فهناك الكثير من النساء يطلق عليهن مسمى بين قوسين عوانس ..! فمن أنا أو غيري حتى يحط رأيه بشرع الخالق .. ولكن عليه ك رجل بالعدل لأن الله عز وجل بيقول ( فإن خفتم الا تعدلوا فواحدة ) وعلينا بالسمع والطاعة لأوامر ربنا فوراء ذلك حكمة .. ملاحظة ^^ نعم أقبل أن يتزوج علي فهذا حلال ولكن لن ارضاها بالحرام .. موضوع نقاشي جميل يعطيكي العافية شام |
شكلك قريتي النص اللى بدك اياه وتركتي النص التانيْ انتي سؤالك بشمل فئتين من المجتمع العازب او بالاحري العاشق والنص التاني الزوج وتعدد الزوجات انا بينتلك الشغلتينْ وقلت انو ممكن انو الشب يحب فتاة واحدة فقط بس مو يحب اتنين بنفس الوقت لانو ساعتها بيكون منزوع من الوفاء وبيكون زلمة خاين وانا معد انو اذا الشب حب وحدة وما اتفقوا مع بعض انو يحب بعديها وحدة بس ما يحب اتنين سوا بنفس الوقت هيني وضحتلك اياها بطريقتك وبالعامية مشكورة مرة اخري |
اقتباس:
خزيت العين عنك خواطر هي انتي فهمتي شو اسدي انو الرجال عم يئدر بس انو البنت بتتحمل هاد الشي او بترفضو بيرجع للبنت بس من حيث ئدرتو للشب فهو بيئدر ممنونتك ي حلوةةةة |
اقتباس:
مو بعادتي اني اقرا شي واترك شي ئريت ردك كامل وئريت الفئتين يلي حكيت عنن سوا بالزواج او الحب وع فكرا بدرس بالجامعة انا وبعرف وبفهم لغة عربية ما عم بحكي عاميةةة بس بس الهيئة انك انت لهلأ مافهمت شو اسدي انا هون بحكي عن ئدرة الرجال على الجمع مو عن عدالتو بين تنين او تفاصيل علاقتو او خيانتو ليكني وضحتلك وبزن انو حكيتلك حكاية رفيئي بالجامعة وهاد السبب اني كتبت هاد الموضوع ممنونتك لمرورك التاني |
بحب بنت وبنتين وتلاتة بزات الوئت تسئ متزوج 3 صحيح لكن بحب ال 3 مو صحيح لانو لو تزوج الاولى وحبها ما كان تزوج لا التانية ولا التالتة على الاقل خوفا على مشاعرها و حفاظا عليها طبعا انا عم نافشك من منطق الكبار منطق الزواج والحب بعد الاستقرار مو قبلو لانو قبل الزواج البنت مسبعة الكارات اكتر من الشب عالاقل عالنت و بظن كلنا شايفين هالشي الا اللي حابب يعمي عيونو مشكورة عالطرح :136: |
شام لو تسمحيلي بس أنا حطيت رأيي بس رح علق بموضوع صديقك .. أنا معه لصديقك وبعض الأشخاص بيحسوا بهذا الشعور إنه بيحب أكثر من وحدة بنفس الوقت تعرفي ليش ..؟! لأنه تعود عليهم يمكن ما يسمي حب أو مشاعره ملخبطه بس نحن كبشر أحياناً بنتعود ع أشخاص يعني هو أكيد ضحك وأكل وكلم وراسل معهن فصار عنده تعلق بهن ثنيناتهن وماعرف مين بحب ..! فلازم يجلس مع نفسه ويقرر لأنه هذآ مو لعبه وهي حياته ضروري يفكر بجد مين حاببها تكون أم ولاده ويحسم أمره ويتوكل .. لأنه هذآ الشئ بيضره بالاخير صدقيني .. بتمنى لك الخير كله ويتوفق في حياته اعذريني لمروري مرة ثانية حبيبتي .. |
موضوع للنقاش رائع وجميل ومن اجمل ما قرأت لنهايه الاسبوع اتمنى ان تتقبل صاحبه الموضوع شام وجهه نظري تعدد الزوجات بين القبول او الرفض والزواج من واحده هي الرحمه والموده اما بالنسبه لتعدد الزوجات لا خلاف عليها وان يراعي شروطها والرجوع الى وديننا الاسلامي امره واضح فان لم تعدلوا فواحده منهم من يتزوجون اكثر من واحده هي اسباب الانجاب او التقصير او الشهوات وغيرها ومن النساء ايضا يقبلون الزواج من متزوج حتى يتخلصون من العنوسه التي نراها منتشرع في الوطن العربي والاسلامي ايضا وتؤدي الى امراض نفسيه ومنهم ايضا يرفضون هذه المقوله لان تعدد الزوجات لها سلبياتها وايضا ايجابياتها اسال الله ان يوفقنا بزوجه واحده مع اطفالنا ويرضى ويديم علينا الصحه والعافيه مشكوره شام على الموضوع الرائع وجمعه مباركه مع نهايه اسبوع هادئه الوطن والغربه |
اقتباس:
وبخسوس انو البنت مسبعة الكارات فأنا معك البنت والشب ئبلها وكأن الحب متل السلعة يلي عم يشتروها متوفرة بكل محل ولو مازبتت هي بتزبت غيرها والبنت متل الشب عم تتسلى وتضيع وئت لهيك فئدنا المعنى الحلو للحب وفئدنا السئة بين الطرفين وسار الحب مجرد ئصة ممكن تنتهي من اول فصولها ممنونتك لمرورك اللطيف ياسمينة لعيونك الحلوةةةة |
اقتباس:
وتردي اد مابدك مابدا عزر وكتير حبيتو لرأيك وحبيت كمان انك فهمتي عليي وفهمتي شو اسدي هو بيئدر يجمع بين حبيبتين لأنو بحاجة للصفات يلي موجودة بكل واحدة ونحنا كتير حكينالو بدك تحدد موقفك وتختار مشان احترامك لزاتك واحترامك للصبيتين وسدئيني رغم اني مو معو منوب لكن شفئانة عليه من حيرتو ومن شعورو بالزنب وحاسستو صادق بحبو هو شب دغري وادمي بدعيلو من ئلبي انو الله يوفئو بالاختيار او بيبعدو عن الاتنين وهي الئصة مفروض تكون دافع لينا ك صبايا اننا نحاول نلم بكل الصفات الحلوةةة منشان نحافز على ازواجنا بالمستئبل يعطيكي الف عافيةةة |
اقتباس:
حبيتو لرأيك استاز وكتير بحب وجودك وردودك ونقاشك وعم بسعى لقراءتها وفهمها لاني بحس انك كتير فهمان وواعي وعم بتعلم منك وكل يلي زكرتو بيسبت وجهة نظري انو الرجال الله عطاه الئدرة على الجمع مع وجود الأسباب طبعن ولو كانت البنت بتئدر عالجمع كان الله عطاها هي الرخصة فما فينا نستغرب او نلوم على الشب وئت يجمع 2 بزات الوئت لانو الئدرة موجودة ممنونتك كتير عالحضور الرائع جورية لروحك الطيبة |
اقتباس:
|
اول شيء انتي متطرقة لاكتر من شغلة بموضوعك اولا انه الشب بعد ما يفترق عن البنت بفترة بسيطة برتبط بغيرها . وهادا بيتعلق بموضوع الحب بعدين تطرقتي لموضوع انه الاسلام حلل الزواج اكتر من وحدة وهادا بتعلق بموضوع العلاقات ب شكل ديني . برأيي انا انه اولا لو كان الرجل بيحب من كل مشاعره الحقيقية ومن عمقه ف مهما مرت عليه نساء حتبقى بقلبه انسانة وحدة حبها حتى لو حاولت جميع النساء التقرب منه او حتى لو هوا تقرب من غيرها الرجل لما يعشق حقا ف هو بعشق ب عقله و وجدانه عكس البنت الي بتعشق من وجدانها بس . اما بالنسبة لانه ليه ينلام الرجال طالما بالقران مسموح القرآن سمح هالشي لحماية الاناث من العنوسة في مكبرهم او اتجاههم ل امور غير حلال لاشباع حاجاتهم النفسية . قرأت مبارح او اول مبارح موضوع بهادا الخصوص . انه مقابل كل شاب مثلا 5 بنات . ف لو ما كان في زواج متعدد كان وحدة من ال 5 تجوزت بيضل 4 هدول ال 4 مصيرهم حيكون سيء جدا و حيتجهو اما لطرق غير صحيحة لاشباع رغباتهم اما النفسية او الجنسية . ف هيك بيصير المجتمع ركيك تخيل انه اكتر من نصف المجتمع متجه نحو العشوائية باشباع رغباتهم ؟ هالشي لوحده كفيل بالتفكر ب حكمة تعدد الزوجات و بتمنى ما اكون خرجت عن الموضوع الي بترييه . تحياتي .. |
وًّلَمَاَ تَلَمَنَ عَلَىَّ اَلَرَجَاَلَ يَاَ مَعَشَرَ اَلَنَسَاَء اَذاَ كَاَنَ اَلَأصَلَ فَيَ اَبَاَحَةٍ اَلَتَعَدَدَ هَوًّ اَلَقَدَرَةٍ اَلَمَاَدَيَةٍ وًّاَلَبَدَنَيَةٍ وًّعَدَمَ اَلَمَيَلَ فَفَيَمَاَ اَلَلَوًّمَ اَحَتَرَاَمَيَ لَشَخَصَكَمَ اَلَكَرَيَمَ |
اقتباس:
والرجال فعلن عم بيفكر بعئلو ووجدانو يعطيك الف عافيةةةة والله لا يحرمني طلتك الحلوةةة ياسمينةةة لعيونك |
اقتباس:
انو مانلوم لأن الئدرة موجودة يعطيك الف عافيةةة ولا يحرمني من مرورك الطيب |
| الساعة الآن 01:39 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.