|
برأيك : هل ممكن ان يتكرر سيناريو حصار عرفات وقتله مجددا ؟؟ امبارح سمعت بالاخبار مطالبات من ساسه اسرائيلين باعتقال محمود عباس لتحريضه على المقاومة وسماحه لقوات من الامن الوطني بالتدخل بالمواجهات لصالح الشباب المقاومين واعتبرو فتح ارهابيه واخطر من حماس من جهة تانيه الرئيس ابو مازن بمجلس الامم المتحدة تبرأ من كل الاتفاقيات مع الاسرائيليين واعلن فلسطين دوله محتله وعلى العالم انهاء هالاحتلال وكل يوم عم نشوف تصعيد اسرائيلي جديد من هدم بيوت واعتقالات واقتحامات ومنع العمال من دخول اسرائيل وووووو برايك سيناريو حصار ياسر عرفات بالمقاطعه وقتله ممكن يتكرر مع الرئيس ابو مازن ؟؟! ممكن تصعيد الاحتلال يوصل للرئيس شخصيا ؟؟؟؟ مجرد سؤال ببالي |
ممكن يتكرر مع الرئيس ابو مازن ؟؟! لا ما بتكرر لانه ابو مازن حامي الحمى ما بستغنو عنه ممكن تصعيد الاحتلال يوصل للرئيس شخصيا ؟؟؟؟ اكيد لأ هو اصلا في الخارج بقدرو ما يدخلوه يعني انتي حامله هم عباس ومش حامله هم الشعب هو مش افضل من اي شب بستشهد هي الشهاده بتصح لمين ما كان شكرا للاسئله ملك روحي |
لك مو ئصة هامله هم عباس سؤالي التصعيد ممكن يوصل للرئيس !! وبعدين سؤال مؤيد شو طالع بايد السلطة ؟؟ ان حكا عباس قاومو ووزع سلاح العالم كلو راح يهاجمونا ويهاجموه وتنقلب الموازين وان حكا ما تقاومو راح تسئط ورئتو كرئيس ئدام شعبو وبعدين انا شايفة انو موقف السلطة بالظروف كتير مناسب ومسؤؤل كمان ومجرد فكرة حصار عباس او قتله يعني وصولنا لحاله حرب مفتوحة |
خطابه شي مضحك وضعيف بالامم المتخلفه وكأن فلسطين مبارح احتلوها الصهاينه وليس منذ عشرات السنين ورئينا قوات الامن الفلسطينيه وهي تضرب طفل فلسطيني عندما كان يدافع عن الاقصى الشريف في بيت لحم وغيرها اما بالنسبه لفتح فهي ايضا منقسمه في ما بينها بعد وفاه عرفات والمظاهرات تدل على ذلك من الشعب الفلسطيني في رام الله وغيرها برايك سيناريوحصار ياسرعرفات بالمقاطعه وقتله ممكن يتكرر مع الرئيس ابو مازن ؟؟! هو لا يشبه عرفات بمقاومته للاحتلال بيكفي انوا بنسق معهم وتنسيقه مقدس ولا يريد العوده الى بيت اجداده الى مدينه صفد المتبرئه منه اصلا ولا يمثل كافه الشعب الفلسطيني 12 مليون نسمه ممكن تصعيد الاحتلال يوصل للرئيس شخصيا ؟؟؟؟ لا اعتقد ذلك لانوا جواز سفره امريكي وهو دميه كلعبه الاطفال بين ايدي الصهاينه والامريكان الوطن والغربه |
شو طالع بايد السلطة ؟؟ هادا سؤال جميل ما بدنا شي منهم لا يحاربو ولا يوقفو معنا بس يرجعولنا السلاح الي اخدوه منا واحنا منعرف كيف نربي اليهود ونضبهم في بيوتهم متل فيران الليل يوقف اي تنسيق امني معهم قسما بالله الي بده يعمل شي بخاف من السلطه اكتر من اليهود لانه بس يشمو ريحه شي على طول بعتقلوه يا ويل ويله الي بلاقو عنده فشكه بخربو بيت اهله الشعب ولاد للابطال بس يتركونا بحالنا واحنا منعرف شو نعمل الانتفاضه الاولى والثانيه اكبر دليل ما حدا يوقف بوجنا رح ييجي حدا يحكي ما بدنا حرب بلاش يصير فينا متل غزه هو الاقصى ما بستاهل منا التضحيه لايمتى نضل خايفين اليهود معروفين جبنا بخافو من القوه |
اخي الوطن والغربه السلطة بعتت للادارة الامريكيه تجميد تعاونها الامني مع اسرائيل وخطابو كان ع مستوى استطاعتو كرئيس والي شايفتو انو فتح عم تحاول تاخد مكانها الصحيح بالمقاومة بدليل انو بالمواجهات مع الاسرائيليين بالبيرة قوات من الامن الوطني دخلو المواجهات ملثمين ولعلمك خلال يومين سجلو 150 محاوله لاقتحام المستوطنين للقرى والمدن الفلسطينيه وﻻ محاوله نجحت بسبب الشباب والامن الوطني الي حكو مباشرة بدهم يفوتو رام الله يفوتو ع جثثنا ما عم تشوف انو في تمرد للقوات الامن وين سلطة عباس بهالحاله ؟؟ انرت اخي |
اقتباس:
انو يصير متل ما بتحكي ويوزعو سلاح وساعتها علينا وعلى اعدائنا او انو بححححححح ودم الشهداء يروح ببلاش |
الي منع دخول المستوطنين هي لجان شكلتها اهالي القرى للدفاع عن قراهم وانا شاهد على حادثه في قريه تل قرب نابلس بعتو نداء عاجل يا اهلنا في نابلس ساعدونا هب الشباب بالسيارات وساندو اهلهم في القريه وتم صد الهجوم والا كان حصلت مجزره ما كان ولا رجل امن معهم ولا حتى مسدس ولا رشاش كله ممنوع ممنوع لو كان في حرس وطني على مدخل كل قريه ما بتجرا حدا يفوت احنا طلبنا شغله من السلطه والامن في كل قريه مهدده بالاقتحام يحطو تنين حراس مسلحين بالليل لكن لا حياه لمن تنادي ولا من مجيب |
والله كل شيء متوقع عمال قبل يومين اسمعت سمعة انه الشاباك بدهم يرجعوا عميل على غزة بعد ما انتهت مهمته .. اذا عباس انتهت مهمته شو بدهم منه ... امام عباس حالياا امرين الاول انه يوقف مع شعبه ويكون نهايته نهاية كريمة والكل يفتخر فيه وينسى الشعب ماضيه مع التنسيق الامني او الثاني يبقى مع التنسيق الامني المقدس .. ففي كلا الحالتين ميت ..ميت بشرف او بدون شرف !!! |
لا ابدا لا تحكي هيك ما بروح دم الشهدا ببلاش تعرفي ايام المعارك الاسلاميه كان جيش مقابل جيش ونسبه الموت او الشهاده تقريبا 3 بالميه الشب الي دخل القدس مهند حلبي اديش كان نسبه بقائه حي؟ يعني كل واحد منا ممكن يكون جيش لوحده تحضرني ايه في كتاب الله يا ايها الذين امنوا اذا لقيتم الذين كفرو زحفا فلا تولوهم الادبار ومن يولهم يومئذٍ دبره الا متحرفا لقتال او متحيزا الى فئه فقد باء بغضب من الله ومأواه جهنم وبئس المصير |
اقتباس:
ان لم يستعملوا هذا السلاح للدفاع عن القدس فمتى سيستعملونه كلام رائع ومنطقي اخي حبيب على السلطه ان تطلق سراح ايادي المقاتلين وتذويدهم بالسلاح الموجود لديها حتى لو كان قليلا في مقراتها الامنيه قبل ان يصدأ هم لا يريدون ان يدافعوا عن شعبهم فليرحلوا ويتركوا الشعب يدافع عن نفسه وارضه واملاكه الا تستحق القدس الشريف ايضا ان يدافع عنها ابطال شعبها وغسل ساحاتها النقيه بدماء ابنائها من الصهاينه لتعود بهجتها للعرب والمسلمين كما كانت سابقا قبل الاحتلال لا اقول الا حسبيه الله ونعم الوكيل الوطن والغربه |
مؤيد انا ما بعرف عن نابلس بس برام الله الوضع منو هيك قوات الامن الوطني فعلا اشتبكت مع الجنود الاسرائيليين ولهلا ما حاولو يمنعو وﻻ فعاليه ضد الاحتلال بالنسبه لوضع القرى ما بعرف ما تفهم انو بدافع عن السلطة بس انو لسه متفائله فيهم خير الله يهونها ي رب |
اقتباس:
لو انتهت مدة صلاحيه عباس شو بدهم فيه !! اكيد راح يحاولو يصفوه يسلمو للمشاركة |
ان شاء الله خير يا رب لا بدا مو مكزبك انا الخير موجود بكل انسان وطني لو بدي افهمك ليش الامن ما بقاتل معنا رح اختصر عشان الكل يفهم السبب لما ستلم فياض رئاسه الحكومه كان في مؤامره بينه وبين امريكا واليهود كل الشباب النشيطه الفتحاويه استوعبوهم في الاجهزه الامنيه واعطوهم معاشات كبيره وصلت ل 5 الاف شيكل اقل تقدير هلا الشباب الي شرى شقه او سياره بالتقسيط وتراكم عليه ديون كتير هلا همه الاكبر صار السداد مش الدفاع عن الارض وهادا مخطط كان مدروس ما بدي خوض كتير بالموضوع لكن هادا شي مؤكد وموثق انا رأي في الاخر لو الاحتلال صعد الوضع معنا وصار في قتل كتير عنا رح تلاقي ناس تمرد عالاوامر وتصف مع شعبها الخير عمره ما بخلص والشهامه والنخوه موجوده وانا اشهد لرجال فتح بالشراسه في القتال |
انشالله خير والله بتمنى بجد هلا الصفوف تتوحد وننسى الفصائل والاحزاب والسلطة تصحى وما يروح دم الشهدا هيك والاقصى تنضف من نجاستهم هاي امنياتي والله وﻻ مو ئصة هامله هم عباس هو مو احسن من علي الدوايشه وﻻ مهند الحلبي وﻻ وﻻ |
اقتباس:
السلطة بعتت للادارة الامريكيه تجميد تعاونها الامني مع اسرائيل الشعب يريد افعالا وليست اقوالا وخطابو كان ع مستوى استطاعتو كرئيس الخطابات الرنانه فاشله ولا تغير شيء القوه امام الصهاينه هو الطريق الوحيد والامم المتخاذله مع القوي وليس الضعيف والي شايفتو انو فتح عم تحاول تاخد مكانها الصحيح بالمقاومة من الطبيعي ان تدافع حركه فتح عن شعبها فهي من ابناء الشعب فلا اي غبار على كلامك بدليل انو بالمواجهات مع الاسرائيليين بالبيرة ونتمنى ايضا ان تكون على مساحه الوطن اجمع قوات من الامن الوطني دخلو المواجهات ملثمين من الواجب عليهم ان يدافعوا عن ارض اجدادهم ويردعوا هؤلاء المغتصبين قبل فوات الاوان لان هؤلاء لا يردعهم سوى القوه والقوه مقابلها القوه ولعلمك خلال يومين سجلو 150 محاوله لاقتحام المستوطنين للقرى والمدن الفلسطينيه لو كانت المنظمات الفلسطينيه موحده ولا يوجد اي انقسامات في ما بينهم لما تجرؤوا الصهايه على اقتحامات نتمنى ان يتوحد شعبنا بالداخل والخارج من اجل القدس الشريف ان لم نتوحد الان فمتى سنتوحد وﻻ محاوله نجحت بسبب الشباب والامن الوطني الي حكو مباشرة بدهم يفوتو رام الله يفوتو ع جثثنا تحيه واكرام لهم انهم يدافعون عن الارض والعرض ولا ننسى ان فلسطين هي ارض الاسراء والمعراج ومباركه ليوم الدين ما عم تشوف انو في تمرد للقوات الامن نتمنى ان يتمردوا هبه واحده ولهم التوفيق مع جانب الشعب للدفاع عن الارض المسلوبه والمحتله وين سلطة عباس بهالحاله ؟؟ على السلطه ان ترحل ان لم تكن مسؤوليتها كافيه لهذا الشعب الذي يقتل يوميا وتسلب ارادته كفانا تنسيق امني مع الصهاينه الاشرار مشكوره ملك على كلامك الرائع الوطن والغربه |
بل الشكر موصول لشخصك الوطن والغربه كلام بدل ع وعيي سياسي وحدا بغار ع وطنو ارق التحايا |
لو بدي احكي و اناقش مش رح ازيد شي على كلام الشباب مؤيد و خالد و الوطن اناآ معهم باللي احكوه صراحة التشبيه بالموضوع بعيد بين الرئيس ياسر عرفات و محمود عباس ههه صحيح السلطة هاجمت الاسرائيليين انهم يفوتو رام الله بس هالشي ما تكرر او ليش احنا مش شايفين هاد الشي عنا ليش الشباب بس بيسهرو لحمايننا و السلطة ما بنشوفهم الأسلحة اللي معهم يعطوهم للشباب و يوقفوو على جهة لا معنا و لا معهم مش مطلوب منهم شي غير يعطو الأمان للشباب يتصرفوو و ربنا يفرجها |
برايي ميناس رجال الامن الوطني هم شباب البلد ووﻻدو ولو اضطرو انا اكيدة راح يضربو بعرض الحيط السلطة ووظائفهم ويطلعو للشارع كشعب حاسس بللظلم حتى السلطة والقياديين راح يأنبهم ضميرهم بيوم ما و هاليوم كتير ئريب وبالنسبه لتصفيه ابو مازن حاسه انو مصيرو راح يتحدد قريبا واحتمال تصفيتو وارد والله اعلم مشكورة لحضورك مسا الورد |
عباس رجع صرح مرة تانيةُ انه مش مع التصعيد ولا المقاومة المسلحةُ ودعى الاسرائيليين للمفاوضات , بتهيألي مثل هيكآ مش هيوصلهُ لمصير , عرفات ولا بأي شكل |
يخرب بيته من رئيس !! بجد هيك صرح ؟؟ تبا يسلمو الصياد لانك احبطتني كان عندي امل :40: |
الكلمة الآن بيد اهل الضفة والفصائل اذا ارادوها انتفاضة بوجه الاحتلال او لا ؟؟ فالانتفاضة لم تبدأ بعد بمقارنتها مع الانتفاضة الاولى والتانية |
ماعندي شهية للرد لكن هو مجرد رفض او اعتراض على تشبيهك الشهيد ياسر عرفات بابو مازن ممنوتك ملك |
ههههههههههههههههههههههه اولاً : عباسْ دائما ما يُنادي بالسلامْ ويشجبْ استعمال العُنف= المقاومة اصبحت المُقاومة بنظرهِ عُنفْ ثانياً : الخبر الاخير الذي قام بالتصريح بهِ : هو انه لا يُريد انتفاضة ثالثة ويُفضل الحل السلميْ وارجاع المفاوضات بين الطرفينْ واخيراً : لا اذكُر اني رايتُ لهُ اي شجب او استنكار لما يحصل في قطاع غزة او ما يحصل في الضفة كما ما زال التنسيق الامني جارياً بين الطرفينْ : وما شاء الله عليهم الاجهزة الامنية كتير نشيطة هالكام يومْ فلقد تعاونت مع الجيش في القبض على الخلية التي قامت بقتل مستوطن وزوجتهِ عندما اصيب احد المقاومين وتم نقلهُ بمستشفي بنابلس : اول من توصل اليهِ هي الاجهزة الامنية وقامت بالتحقيق معهُ وتسليمه للجيش الصهيونيْ وهذا ليس بكلامي انا بل كلام نتنياهو عندما صرّح لولا الاجهزة الامنية لما قبضنا على الخلية الارهابية التي نفذت العملية بنابلس فالله يرضي عليكي ما تقارني هيك اشكال باابو عمار الله يرحمه عوافي ع الطرح |
الله حيو صمت المشاعر |
برأيي انو لو ضل ع هادا الشي. ف ممكن اه اما ازا كان كلامو والي بيعملو مجرد خطابات وكلام وقرصة ودن لاسرائيل ف ما حينعمل الو شي |
| الساعة الآن 03:15 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.