|
حلوين اسئلتك والله بس لسة احنا مش مصحصحين ههههه عم اسمع فيروز تعا ولا تيجي شو فطورك ههههههههه |
هههه لسا ما افطرت بس الاغلب بفطر حمص وفلافل وبطاطا مقلية وجبنة فيتا ومربي تين مع التغيير المستمر يعني مو كل يوم نفس الشي :) قديش فيه بجيبتك حاليا او بالبنك اذا فيه عندك رصيد بالبنك |
بجيبتي هلا ولا شيكل بالبنك في مبلغ منيح بس مو كلو لالي ئديش بدك مصاري لتحل كل مشاكلك المادية ؟ |
7 الاف دينار لزوم المهر والغدا والصالة والحفلة ههه 3 الاف دينار افتح مشروع صغير يعني مش كتير هههه بتعاني من مشاكل اسرية واجتماعية |
والله منك طماع ههه لا الحمدلله عيلتي كتير طبيعية :11: شخص ببالك بهاللحزة ؟ |
بهاللحزة محدش هل انت انسان متسامح ولا اللى بيأذيك مستعد تأذيه |
بصراحة وحتى ما ادعي المثاليه بستنى فرصة لاردلو ياها ما بحب اكون مديونة لحدا اخر تقييم من مين اجاك ؟ ههه |
لونلي هارت شو انطباعك عن الفتاة التي تبادر بانها معجبة بشخصٍ ما مثلاً عضوة راحت ع الخاص او تقييم وقالت لشخص انا معجبة فيك |
امممم ليك انا مع التعبير عن المشاعر مش كتمها بس ما بفضل هالشي هون وبمبادرة البنت صراحة لسبب انو ما في خصوصيه هوون يعني الخاص والتقييمات بتنشاف ومو حلوة بحئ اي بنت هالشي فهمت علي ؟؟ نفسو طيب ؟ |
شو اعمللها يعني بدي اتزوجها مثلا مودك الان |
تمام الحمدلله عيب بشخصيتكك |
مبادرة البنت ما بتنقص من قيمتها او بتقلل من شأنها هاد اولاً تانياً : طالما هيا عاملة حساب الناس كل هالقد فليش من الاصل تبادر بهيك شغلة لانه بالاول والاخير اكيد فيه كتير من الاصدقاء والمقربين ويمكن من الاهل هيعرفوا واعتقد طالما هالشي بدر منها او بدر منه ما حد رح يعترض عليه . بس يمكن لانه المنتدي حاطط قوانين معنية بتمنع اى عضو يبادر بهيك شغلات لهيك ما رح تلاقي اعضاء رح يعملو هيك مو خوف انهم ينشافوا بس لانه فيه قوانين بتحتم عليهم ما يعملو هيك شغلات برايك كل مشاركة بتصير بقسم المنافذ تعبر عن الشخص ذاته ولا مجرد زيادة عدد مشاركات او مجرد عبارات جميلة اعجبته |
كل واحد في عيوب ما في حدا كامل ملك اخي الظل في هيك وفي هيك والله اعلم بما في النوايا والقلوب شجرة مثمرة متى تحس بها ؟؟ |
راح احكي عن مشاركاتي انا بمعظمها عبارات تعجبني وبنقلها ونادرا لما اكون اعني حدا فيهاا واعتقد المعظم هيكك حتى احكيلكك بمعظم يلي بشاركو بموضوع ي فلان ما في فلان ببالهم مجرد مشاركات لا اكثر بتقييمك للمنتدى اعطيه علامة من 10 ؟ |
اي شجرة خالد ؟ انا ما الي ع الفلسفة يا ابيض يا اسود ههههه |
اختصروا الاجابات 7.5/10 مثله |
ركزي بالسؤال ملك اللبيب بالاشارة يفهم مو فلسفة |
مين لبيب ؟ هههه بصراحة ما فهمت المطلوب من السؤال 😁 |
فيه اجابات بتحتاج تفصيل وفيه بتحتاج اختصار ان رايت منكراً هل تحاول تغييره بلسانك ولا بيدك ولا بضل ساكت وكانك مش شايف اشي |
أَحياناً احاول بِ لساني.. والاغلب أَسكت مَتئ تتعامل مع الناس ب سطحيه |
حينما يعاملوني بذاتِ السطحية او حينما اجد انهم يحاولون تجنبي او حينما اجد انهم اناساً منافقينْ معك قلم وورقة ماذا تود ان تكتب بها ولمن سترسلها |
عَشتُ مَآ يَكفي لِآقرر إِن كَآنَ طَريقي صَحيح أَو لا ، لِ والدي ، وَ انت ؟ |
ﻧﺎ ﻓﻘﻴﺮ ﺑﺎﺋﺲ ﻻ ﺍﻣﻠﻚ ﺳﻮﻯ ﻗﻠﻤﻲ ﺍﻫﺶّ ﺑﻪ ﻋﻠﻰ ﻧﺴﺎﺀ ﺍﻟﺤﺎﺭﺓ ﻓـ ﻳﺘﺴﺎﺑﻘﻦٓ ﻟـ ﻳﻬﺒﻨﻨﻲ ﺍﻟﻤﺎﻝ هل ستربي اطفالك كما رباك والديك |
ان شاء الله برجكك |
ميزان فيه ناس ما بتطلع من البيت ع شغلها غير لمن تشوف طالعها وبرجها انتا منهم |
بصراحه مفهمتش السؤال :/ شو يعني "طالعها" عيدو عشان افهمو / شو اكتر شغله بالحياة اللي دايما كنت تقول انا مستحيل اتركها او اعيش بدونها بحياتي، بس مع الايام اكتشفت انك قدرت تعيش بلاها ! |
يعني حظها بتشوف حظها من خلال برجها الموجود بالجريدة اليومية العيلة نفسه |
اكيد العيلةة اكتر شي ممكن يخليكك تضحكك من ئلبكك |
ممكن الحب .. / وبالنسبه لسؤالك اللي قبله، انا نادر لاقرا برجي إلا إذا بشوف ابوي جاب شي جريده عالبيت بقرا برجي من الجريده مش اكتر، مش كتير مهووسه ومش كتير بآمن بالابراج .. / شو رايك بالمسلسلات يللي بتكون بتحكي عن الواقع؟ إنو هل لازم ينعمل متل هيك مسلسلات؟ مع انو المشاهد يمكن يكون ذاق المرار من عيشه وحياته يللي برجع يشوفن بالمسلسلات .. ولا لازم ينعمل مسلسلات بعيده عن واقعنا لحتى يقدر المشاهد يحضرها وهو مبسوط بدون ما يتمرمر من اي مسلسل بحكي عن واقعو؟ |
بدي اقولك شغلة المخرج لمن بيخرج افلامه او مسلسلاته بيخرجها حسب الكمية يعني مثلاً هو بيدرس حالة الجمهور شو بده وعلى شو بيكون اقباله يعني ما بيهمه اذا كان واقعي او لا المهم هالشي بيخدم مصالحه وبيزيد من الارادات او لا ليش لمن تعدي البنت مرحلة معينة من عمرها يعني مثلا تبلغ 22 سنة او 24 سنة ببطلو يجوا عليها حد ليخطبوها الا اذا كانت موظفة او متعلمة وبيبحثوا عن بنت اصغر منها |
اكتر شي ممكن يخليكك تضحكك من ئلبكك عادل امام سؤالي فوق |
لإنه في مجتمعات افكارها محدوده يعني بكونوا بآمنوا إنو البنت بس تطبق ال 21 وفوق معناتو "عنست"، بعرفش اي مجتمعات بالزبط بس سبق وعرفت هالاشي من شي فتره طويله من صديق من ضواحي القدس يعني من وقتا استوعبت انو الناس اللي عايشين ضواحي القدس هيك بيأمنوا، اما ببلادنا احنا بالشمال؟ بعرفش عن هالنقطه لإنه الجيزه بتصير باعمار مختلفه، واما عن الدول العربيه برضو بعرفش .. بس عن نفسي مش لازم يكون في سن محدد للجيزه، كل إنسان بحقلو يتزوج بغض النظر قديش صار عمرو .. يعني الشب يللي بدور ع بنت صغيري اكيد لإنو اتعود ع معتقدات "مجتمعو" مش اكتر، ويللي بدور ع بنت مش صغيري بس موظفه برضو لحتى الناس متحكيش عن العريس إنو اتزوج وحده معنسه مش نافعه متل مهني بفكروا، هلاء هي معنسه بنظرون بس توظيفها وثقافتها رح يغطي ع هالاشي، ليك قديش جهلا وافكارون محدوده !! ممكن يكون في اسباب شخصيه بينو وبين نفسو "الشب" بس ع الاغلب السبب يللي ذكرتو .. / هل برأيك الجرايد بطل في إلها اهميه ولازم يبطل صناعتها؟ لسبب وجود البلفونات والنت هالايام؟ |
طبعاً لا الجرائد والصحف اليومية هي وسيلة من وسائل الاعلام صحيح بتقدر تعرف الاخبار اليومية والكروية والاجتماعية والاقتصادية من خلال الانترنت والجوالات ولكن لكل وسيلة لها متعتها الخاصة يعني مثلا فيه ناس بتتمتع بقراءة الجريدة اول ما بتصحي الصبح مع فنجان قهوة متل الغرب تماماً يعني انتي اكيد بتلاحظي ببعض الافلام الاجنبية فيه ساعي بريد بيرمي الجريدة على باب البيت مع انه الغرب اكتر الدوال المتحضرة الا انها بتستخدم الجرائد والصحف كمان فيه ناس ما بتعرف كيفية استخدام التقنيات الحديثة كالانترنت والجوالات واغلب هالفئة من كبار السن ما رايك بالابن الذي يُرسل اباه او امه الى دار العجزة بحجة انهم سيعتنون بهم اكثر منه هو |
تصرف مش حلو، ابوه وامه يللي هني خلفوه وجابوه ع هالدنيا وتعبوا لحتى ربوه، هاي اخرتها معو انو يحطون ببيت العجزه؟ يمكن بتكون ضياعه فيه تربية اهلو إلو ! بعرفش كيف هالنوعيه من الاولاد بيطاوعون قلبون .. بس يمكن هو عنجد بقدرش يضل معاهون فالبيت او يقعد قبالون لإنو برضو هو إلو حياتو الخاصه وحقو يعيشها، بس كمان مش لازم ينسى كيف الاهل تعبوا لربوه ولمن اهلو كبروا هون بيجي دورو لحتى يتعب عليون .. / كيف ممكن تحط حد لشخص انك كل ما تتذكرو او تشوف اشي بخصو وعنو او هداياه بتتأثر؟ |
ابسط شي للتخلص من الماضي او من الذكريات التي من الممكن ان تؤثر علي نفسيتي دوماً هي حرق وتمزيق جميع هذه الاشياء من هدايا ورسائل والخ ومن ثم احاول ان اقوم بتغيير الجو الاجتماعي والنفسي واحاول اشغل نفسي بشغلات اكثر اهمية وبهيك بحط حد لهالشخص بدون ما اقربله او بدون ما اشعره انه لساته ببالي واني لساتني متذكره في بلاد الغرب حينما تبلغ الفتاة او الشاب سن ال18 يقوم بالسكن في بيتِ منفرد عن عائلته هل تقبل بذلك وهل ممكن تعمل هيك وشو رايك كمان بالشب اللى ممكن يجيب حبيبته او صديقته للبيت ويعرفها علي اهله والعكس |
صح هالعاده موجوده عند اليهود وحتى عندون عيد لهالعاده "بر متسفا" إنه خلص البنت كبرت وحقها تعيش ع كيفها ! هاي العاده غلط لإنه سن 18 بكون سن المراهقه حتى لو كان الولد/ البنت كوم فهم، إلا إنو لازم يضل عايش عند اهلو فتره، لازم اهلو يربوه اكتر ويتعبوا عليه اكتر، لإنو المراهقه اخطر فتره وممكن الولد او البنت يتعرضوا لمشاكل هني مش قدها بسبب عيشتون لحالون مش مع اهلون، هي الفكره مش غلط بس 18 بكون بعدو صغير من وجهة نظري .. والشب اللي بجيب حبيبتو عالبيت قدام اهلو مش غلط فكره حلوه وخصوصا انو الاهل موجودين مش لحالو هو وياها .. بس طبعا كل هالعادات مش موجوده بمجتمعاتنا .. / شو رأيك بمحلات الشغل يللي بركزوا ع جسم البنت اكتر من شهاداتها او خبرتها؟ وإنه لازم يهتموا للجمال كل هالقد بمحلات الشغل؟ |
ههه عجبني السؤال بالمختصر لان العديد من هؤلاءْ الحمقي يعتقد ان الفتاة مجرد واجهة للمركز او المحل فيختارون الفتاة التي تتمتع بالجمال لاستقطاب اكبر عدد من الزبائن عنا بمحلات الاواعي والاحذية والخ بيشغلو الشباب الوسيمة والجذابة لاستقطاب الفتيات واكبر عدد ممكن من هالزبائن بس اعتقد انه هالشي سيئ من ناحيتين . لانهم بيقوموا باستغلال الفتاة او الشاب لتقضية مصالحهم والشغلة التانية بيحرموا المجتهدين والخريجين من الشغل بيقولك اخطب لبنتك قبل لتخبط لابنك هالشي ممكن يصير عنا يعني ممكن ابو البنت يطلب من شي شب انه يخطب بنته |
وين السؤال :37: |
بيقولك اخطب لبنتك قبل لتخبط لابنك هالشي ممكن يصير عنا يعني ممكن ابو البنت يطلب من شي شب انه يخطب بنته |
القصد برأي انو الواحد لازم يجوز بنتو قبل ابنه لانو وجود البنت في بيت ابيها ممكن يؤدي لمشاكل متل الاخ بيتزوج وبجيب مرته عالبيت ممكن بنت حماها تغار او يدور براسها ليش لحد هلاء ما تزوجت هي ومرت اخوها تزوجت وهاد بآدي انها بنت الحمى تظل متمشكلة مع نسوان اخوتها لانو هن عايشات حياتهن بس هي محرومة او لسى مش متزوجة هاد برايى انا شو اكتر شي ما بتحب تشتغله |
| الساعة الآن 10:23 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.