امو رنت عليه حكالها يما مش فاضي افف حبيبتو رنت عليه اه حياتي

هو : ألوووووووو
الأم : وينك يا إبني؟
ملامحه إتغيرت وإتضايق
هو : شو بدك يا إمي ، أنا في مشوار
الأم : معي أغراض كثير تعال إحمل عني ووصلني، وإرجع مشوارك
هو : مش فاضي وعندي موعد مع ناس
الأم : ربنا ما يحوجني إلك سلام
هو : سلام
وسكّر الخط مع إمه، ورن تلفونه مرة ثانية، كانت حبيبته، رد عليها بكل سعادة وإرتياح...
هي : حبيبي
هو : حياتي
هي : كان تلفونك مشغول، مع مين كنت بتحكي؟
هو : مع إمي
هي : شو بدها؟
هو : كان بالسوق ومعاها أغراض كثير، وطلبت مساعدتي
هي : بدك تروح؟
هو : لا طبعاً يا قلبي، ربع ساعة وبكون عندك
في طريقه على حبيبته، رن تلفونه!
هو : أوفففففففففففف إمي مرة ثانية خير شو فييييييي
صوت غريب مش صوت إمه !
الغريب: السلام عليكم، إنت بتعرف صاحبة الرقم؟
قلبه وقع من الخوف ودقاته صارت أسرع
هو : أيوااااااااااا هاد رقم إمي، خير شو فييييييييييييي؟
الغريب: والدتك إندهست وهي حالياً في المستشفى! ولقينا رقمك آخر رقم في تلفونها
هو : ١٠ دقايق وبكون عندك! ، بعد ما وصل المستشفى، دخل غرفة إمه مثل المجنون، كانت نايمة على السرير كلها دم وفي نفسها الأخير!
الأم: إنت جيت؟ قلتلهم ما حدا يقولك عشان ما تخاف، إطمن أنا بخير، بس ليش ما جيت وصلتني كنت بدي أعملك الأكلة اللي إنت بتحبها
هو : خلص يا إمي إنتي رح تتشافي وتعمليلي أحلى أكل إن شاء الله
ماما ماما
ماما....... مافي رد! إتوفت الأم
إنهار وصار يصرخ والناس تشد فيه
قوم يابني البقاء لله
هو : ما حدا يقولي البقاء لله إمي عايشة، حضن إمه ويقول:

قومي يا إمي إنتي عايشة صح؟ إنتي بتعملي هيك عشان تقلقيني، والله ما رح أزعلك مرة ثانية، بس قومي قومي نروح على البيت، وخُديني بحضنك زي زمان، قومي يا إمي أنا عارفك بتختبري فيي وفي حبي إلك، والله بحبك، قووووووووووووووووومي قووووووووووووومي قومي يا إمي قومي
الدكاترة بيشدوه وهو منهار مش مصدق إنها إمه ماتت، إمه اللي عصّب عليها، إمه اللي رفض يوصلها ونزل بسرعة عشان يلحق حبيبته، يا ريت نعرف قيمتهم قبل ما نندم عليه !!!