|
ظآهرة التسول مابعرف شو بدي قول شو صار بالبلد وشو صار بالناس قبل اسبوع كنت رايحة ع الرمال ع السوق بكل زاوية بكل شارع بتلاقي متسوليين في منهم الصادق وفي منهم الكذابين ولو فعلا همة محتاجيين مستحيل يتسولو في ناس عندهم عفة شو منظرهم لما بتسولو الانسان مهما كان مش لاقي اللقمة مابتهون عليه حالي يروح يتسول انا هالظاهرة نفسي الغيها من القاموس كل مااشوف متسول بحاول ابعد عن المكان مترين مابحب امر من حدا متسول مو لاني ماعندي قلب لا ممكن ساعدهم بس مابحب لاني مابعرف ازا كذابين اولا بس الحق ع الدولة مش ع الناس لو وفرت عيش منيح وعمل لكل هالناس كان ماشفنا هيك متسولين وكمان مصر لما زرتها انا كان فيها كتييير عالم متسولة بكل الشوآرع وغزة هالايام صارت متل مصر الله يصلح الاحوال ياااااارب السؤال : شو رائيك بيهك ظاهرة ؟ :mad: |
اختي الكريمه ظاهره التسول تدل على فشل اي دوله في رعايه المحتاجين هلا في البلدان العربيه ما في لا ضمان اجتماعي ولا بطيخ الي بشتغل بعيش والي ما بقدر بروح بين الرجلين هلا التسول لو كان بحاجه بالفعل لازم انه نساعد بكل ما نستطيع لكن للاسف من كتر العصابات الي عم تشغل عالم لتشحد بطل الواحد يعرف الصادق من الكاذب الواحد يتأكد قبل يعطي فلوسه انها رح تروح للشخص المحتاج شكرا الك شاعرتنا |
انا من وحهة نظري اغلب المتسولين مش بحاجة ويمكن كمان في ناس بحاجة بس صار الواحد يبعد عنهم وما يعطيهم بسبب كذبهم هاي ظاهرة سيئة كثير شكرا على النقاش يعطيكي العافية |
ظاهرة خطيرة موجودة في المجتمع منذ فترة طويلة، ومنتشرة في العديد من الدول، وهي ظاهرة اعتبرها مرض أو وباء إذا لم نعالجه انتشر واستشرى في جسد المجتمع. فهناك العديدْ من يدعي المرضْ والاصابة ببعضِ العاهات الجسديةْ فَقط لنيلِ المالْ وهم ليسوا بحاجة اليهْ ولهذا نرجو انْ نبذِل الجهود للقضاء على ظاهرة التسول التي تمثل ظاهرة سلبية خطيرة، وتمثل مرض خطير تصيب جسد الوطن ، وأن نرى هذه الظاهرة تتضاءل، ومع زيادة الاهتمام بمكافحة هذا الوباء نحلم بأن تختفي هذه الظاهرة وهذا الوباء من مجتمعنا تماماً. عوافي للطرحْ |
اقتباس:
معك حق حبيب العمر شاكرة مرورك العطر نورت |
اقتباس:
فعلا ممكن يكونو بيمثلو بس علشان يكسبو فلووس وهالشي غلط الواحد مو قادر يميز مين فعلا محتاج ومين لا يعطيك العافية نورت |
اقتباس:
والله فعلا ان ماتم علاجها حتنتشر اكتر واكتر في بيدعو المرض منشان يتسولو والادهى من هيك بيكونو اطفال الله يصلح الحال يعطيك العافية ع المرور نورت |
لفتت نظري هذه الظاهرة في غزة فعلاً أصبحت منتشرة بشكل ملحوظ وفي كل مكان الناس وضعها صعب جداً في غزة وفي كثير عائلات معدومة لكن في نفس الوقت في كثير متسولين ماخذين هذا الأمر وكأنه وظيفة ولا حول ولا قوة إلا بالله لا حكومة تراعي شرع الله في الناس ولا حد سائل ومدور عليهم والحمد لله على كل حال مشكور أخت على الإدراج |
اقتباس:
معك حق هل كان حبا الله يصلح الأحوال |
ضد شو ما كانت الظروف يعني مش بعرف وين كرامة هيك ناس وصدقيني انو الفقير بجد والي محتاج بكون انسان عفيف النفس لا والي بقهرني اكتر الي باخد ابنه يشحد عليه لك الله ياخد هيك اب او ام انت مخلف ل تربي ولا ل تهين وكمان الحق ع الحكومة يعني تراقب هيك ناس لو جد محتاج تساعده لو لا تسجنه الف عافيةة ل قلبك |
مع إنه صار صعب ينوثق بالناس هالإيام لإنه معدش ينعرف الصادق من الكذاب، بس في حال اشوف شحاد بالشارع بعطيه مصاري، شيكل او 5 شيكل او عشرين، شو بكون معي بعطيه، لازم اعمل حسنه، لإنه يللي بيعطي وبيطعم الله رح يعطيه ويطعمه، اما إذا طلع ابن حرام وكذاب وممثل فا بكون اللي علي عملته والباقي على الله .. :137: |
رغم انا ضد هذه الظاهره في البلدان العربيه والاسلاميه لكن لنكون واقعيين ولو قليلا عندما نناقش موضوع رائع وجميل بهذا الشكل لنتذكر اولا اين مقولتك يا عمر أنثروا القمح على رؤوس الجبال لكي لايقال جاع طير في بلاد المسلمين اين هو الان لقد هاجروا وقتلوا وتيتمت اطفالهم وهدمت بيوتهم وجاعوا المسلمين ببلدانهم وجاعت حتى بالسماء طيورهم ظاهرة التسول اصبحت في البلدان العربيه والاسلاميه تنتشر وهي تسيء لصوره للمسلمين ومن الواجب على الدول ان ان تنشيء صندوق الزكاه لان بالفعل هنالك فقراء كثيرون لمساعده الاسر الفقيره والحل الملائم لهؤلاء هو محاربه الفساد المنتشره في بلداننا لان هؤلاء المتسولين يفتك بهم المرض والفقر وسببها المرتشيين الذين يسرقون اموال الشعب ايضا من اسباب التسول لكن بالمقابل يوجد متسولين يجمعون الاموال بدون تعب واصبحت مهنتهم الوحيده ليحصلوا على اموال غيرهم ويوجد بالمقابل فقراء ومحتاجين واسبابها اقتصاديه ولا احد يبحث عنهم او عن احوالهم فاين اموال ينابيع النفط التي يتربعون عليها امراء وملوك العرب انها تكفي لاطعام المسلمين اجمعين ومن الواجب على الدول ان تامن لهم حاجاتهم لتجنبهم مد اياديهم للتسول ايضا الوطن والغربه |
ظاهرة سيئة بالفعل و الرضا بأقل الاعمال افضل من التسول قال رسول الله " لأن يحتطب أحدكم حزمة على ظهره خير له من أن يسأل أحدًا فيعطيه " |
| الساعة الآن 06:58 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.