|
في الحب ..؟ يسعد صباحكوا، كيفكوا الجميع؟ في سؤال من فتره محيرني ويمكن البعض يستغرب منه بس انا حابه اعرف آرائكوا بهالموضوع، متل ما احنا منعرف انه من الاشياء المميزه اللي بتكمن فالحب هي "الرومنسيه"، او بالاحرى الرومنسيه ممكن نعتبرها من ضمن الاشياء يللي ممكن تساعد بتطوير العلاقه بين التنين واطالتها وتغييرها للأحلى .. بس بنفس الوقت انا بحس انه الرومنسيه مش كل اشي لإنه من وجهة نظري الحب مواقف، الحب اهتمام، الحب مش حكي وبس، ومش شرط يكون في كلمتين حلوات فالعلاقه لحتى نتأكد إننا عايشين حالة حب، هذا رأيي، بس بتضل اسئلتي إلكو، هل بتشوف الرومنسيه من الاشياء الثانويه؟ ولا بتحس حالك ناقص اذا محكيتش كلمتين حلوات لشريكك؟ كيف بتكون نظرتك للإنسان اللي مش رومنسي؟ سلبيه، ايجابيه وليه؟ مع العلم اي شخص رومنسي ممكن يسمي هيك إنسان "بارد"؟ ولنفرض حبيت إنسان واتبينلك مع الوقت إنه يللي حبيتو مش رومنسي وحسيت إنه بعيد عن هالشغلات، وحسيت كمان إنه ممكن ياخد معه وقت لحتى يتغير ويصير رومنسي، بتستمر فعلاقتك معه؟ الموضوع بيعنيلي شخصيا، لهيك مطرحتش هالموضوع وهالاسئله من فراغ وستام، وبتمنى اعرف رأيكوا .. :137: |
شوفي خيتو من وجهة نظري ... الحب هو حاجة حلوة جواتها كل شي حلو ... عامل متل المبنى الو اساسيات ولازم تكون متواجدة بشكل صحيح لحتى تقام كلمة حب بصدق وهي انو يتقى ربنا فيكي ويحافط عليكي يكون صادق بمشاعرو معك ويكون جدي يكون ليكي السند والحماية ويهتم فيكي ... بالنسبة للومانسية هي بتكون وسيلة للتعبير عن مشاعرنا للناس الي بنحبها من خلال الأربع اركان الي ظهرتها ممكن يكون الشخص غير قادر على توصيل مشاعرو ليكي بالكلام لكن ممكن موقف يعملو يدافع عنك بموقف معين وانتي تطلعي بعيونو بهي اللحظة وتلاقي بعيونو نظرات رومنسية وخوف عليكي ممكن وانتوا بتتخانقو على موضوع معين هو يكون بيخانقك ومعصب عليكي وتنظري بعينو تشوفي انو هو بيزعق عليكي وبيخانقك بس كلو من ورى قلبو وهو بيعمل كدة من خوفو عليكي وبيحاول يوصل خوفو عليكي من خلال هدا الشي مهما كان عندك معرفة بدك تعرفي انو الشب لانو بيخرج وبنزل وبيقعد مع ناس اشكال والوان فهو بيفهم بالتعامل مع الناس اكتر منك ولمن يحكيلك حاجة بيكون بناء على موقف معين ما بدو اياكي تنحطي فيه ومن هنا المفروض تكون المبادرة منك بكلمة ممكن تكون بسيطة لكن راح تكون بالنسبالو كبيرة جدا مثلا. .. انت تأمر حبيبي وانا ما راح ازعلك انا راح اسمع كلامك حبيبي وما راح اعمل كدة تاني حبيبي انا اسفة ما بدي من الدنيا غير رضاك ممكن تكون هي الكلمات بسيطة لكن تاكدي انو ليها تأثير كتير بمودة العلاقة بين اي شخصين |
شوفي خيتو من وجهة نظري ... الحب هو حاجة حلوة جواتها كل شي حلو ... عامل متل المبنى الو اساسيات ولازم تكون متواجدة بشكل صحيح لحتى تقام كلمة حب بصدق وهي انو يتقى ربنا فيكي ويحافط عليكي يكون صادق بمشاعرو معك ويكون جدي يكون ليكي السند والحماية ويهتم فيكي ... بالنسبة للومانسية هي بتكون وسيلة للتعبير عن مشاعرنا للناس الي بنحبها من خلال الأربع اركان الي ظهرتها ممكن يكون الشخص غير قادر على توصيل مشاعرو ليكي بالكلام لكن ممكن موقف يعملو يدافع عنك بموقف معين وانتي تطلعي بعيونو بهي اللحظة وتلاقي بعيونو نظرات رومنسية وخوف عليكي ممكن وانتوا بتتخانقو على موضوع معين هو يكون بيخانقك ومعصب عليكي وتنظري بعينو تشوفي انو هو بيزعق عليكي وبيخانقك بس كلو من ورى قلبو وهو بيعمل كدة من خوفو عليكي وبيحاول يوصل خوفو عليكي من خلال هدا الشي مهما كان عندك معرفة بدك تعرفي انو الشب لانو بيخرج وبنزل وبيقعد مع ناس اشكال والوان فهو بيفهم بالتعامل مع الناس اكتر منك ولمن يحكيلك حاجة بيكون بناء على موقف معين ما بدو اياكي تنحطي فيه ومن هنا المفروض تكون المبادرة منك بكلمة ممكن تكون بسيطة لكن راح تكون بالنسبالو كبيرة جدا مثلا. .. انت تأمر حبيبي وانا ما راح ازعلك انا راح اسمع كلامك حبيبي وما راح اعمل كدة تاني حبيبي انا اسفة ما بدي من الدنيا غير رضاك ممكن تكون هي الكلمات بسيطة لكن تاكدي انو ليها تأثير كتير بمودة العلاقة بين اي شخصين |
هل بتشوف الرومنسيه من الاشياء الثانويه؟ﻻء ابدا منا ثانويه .. الكلمة الحلوة اساس العلاقه والرومانسيه متل الملح بالاكل بدونو دالع وما الو طعم ومو ضروري رومانسيه كل دئيئه وكل يوم يعني بس انو احساس للطرفين بالاهتمام و تجديد للعلاقه كل فترة ولا بتحس حالك ناقص اذا محكيتش كلمتين حلوات لشريكك؟مو ئصة نائص او كامل الموضوع احساس حلو وشعور ما بينوصف لما شريكك يحكيلك كلمة حلوة او يجيب هديه او يعطي وردة ما بعرف ليش مستئلين بهيك امور هههه كيف بتكون نظرتك للإنسان اللي مش رومنسي؟ سلبيه، ايجابيه وليه؟ مع العلم اي شخص رومنسي ممكن يسمي هيك إنسان "بارد"؟ اممم فعلا بارد هههههه ليكي لكل وئت واعطيه حئو .. وئت الجد حلو يكون جدي... ووئت المزح يكون روحو حلوة .. ووئت الحب يكون رومانسي غير هيك طبعا انسان بارد وممكن ممل ولنفرض حبيت إنسان واتبينلك مع الوقت إنه يللي حبيتو مش رومنسي وحسيت إنه بعيد عن هالشغلات، وحسيت كمان إنه ممكن ياخد معه وقت لحتى يتغير ويصير رومنسي، بتستمر فعلاقتك معه؟ طبعابصبر وبصبر وبصبر وبعلمو الرومانسيه كمان حتى لو غصب هههه ليكي سمرة احنا البنات كتير رومانسيات ويمكن الشباب بحسو هالشي تفاهة او سذاجه بس رغم هيك الشريك الرومانسي بجد علاقتك فيه كل يوم بتجدد بكلمة او حركة حلوة منو حبيت طرحك وانشالله اكون فدتك هههه الف عافيه |
اقتباس:
حبيت وجهة نظرك وهذا يمكن كنت بدي اصلو انه مش لازم يكون مفهومنا محدود لكلمة رومنسيه، لإنه الرومنسيه مش بس حكي، ممكن تصرفات من خلالها رح يتبين قديش إحنا رومنسيين، متل المواقف يللي ذكرتها انت كمثال .. شكرا ع ابداء رأيك خيا، نورت .. :137: |
اقتباس:
اهلا ملك، حبيت رأيك المقنع، الرومنسيه بشكل عام حلوه ولا بُد من وجودها، بس مثل ما بقولوا عنا بالشمال "منو ولا كلو" .. نورتي .. :137: |
هل بتشوف الرومنسيه من الاشياء الثانويه؟ شوفي سمره الرومانسية مش كلام ينقال هي تصرفات وافعال لهيك هي مش شي ثانوي وهي شي مهم لكل بنت لانه بطبيعتها هي انسانه حساسه وعاطفيه وبتحب تشعر بالاهتمام لو زعلت بتحب هالانسان يلي بتحبه يراضيها ولو فرحت يشاركها بفرحها ولو تكلمت يستمع لالها ويهتم برأبها ولو بكت يمسح دمعتها ويحضنها يعطيها اهتمام يالشي يلي تلبسه من وقت للتاني يهديها هديه ويطلع معها مشوار يعني الرومانسيه هي اهتمام من كل النواحي وما في مانع لو حكالها كم كلمة حلوه تحسسها بذاتها وتبينلها انه بحبها صحيح انه الرومانسية شي وقتي لكن تأثيرها كبير وبتعمل تجديد للحياة وبتخلي الحب يستمر بتقوي الحب و بتخليه يضل متأجج ومشتعل بين التنين ولا بتحس حالك ناقص اذا محكيتش كلمتين حلوات لشريكك؟ مو قصة انه بحس حالي ناقصه الرومانسيه مش كلام هي تصرفات واهتمام متل ما قلت قبل وبتحسسك بمدى أهميتك لهادا الانسان وبتشعرك بالسعاده كيف بتكون نظرتك للإنسان اللي مش رومنسي؟ سلبيه، ايجابيه وليه؟ مع العلم اي شخص رومنسي ممكن يسمي هيك إنسان "بارد"؟ ما رح احكي عنه بارد لكن ممكن ما يكون بقدر يعبرعن مشاعره وممكن يكون بحبني كتير بس ما عنده الاسلوب والطريقه لحتى يقدر يعبر عن مشاعره هون بيجي دوري واقدر اطلع الرومانسيه الموجوده جواته ولنفرض حبيت إنسان واتبينلك مع الوقت إنه يللي حبيتو مش رومنسي وحسيت إنه بعيد عن هالشغلات، وحسيت كمان إنه ممكن ياخد معه وقت لحتى يتغير ويصير رومنسي، بتستمر فعلاقتك معه؟ مو ضروري اقطع علاقتي فيه الرجل بطبيعته ومعظم الرجال هيك ما بكونوا رومانسيين بس انتي بامكانك تغيريه وتعلميه الرومانسيه ومع الوقت هو ممكن يصير انسان رومانسي موضوع حلو سمرة حبيبته بتمنى اكون فدتك |
انا دايما اقول ان الرومانسية هي اكسير الحب زي الميه بنقول عليها اكسير الحياة بس مش معنى كدا اننا نفضل نشرب 24 ساعة يعني الرومانسية حلوة ومطلوبة عند احتياجنا ليها والشخص اللي مش رومانسي بيكون جاف جدا ومتبلد ومش بيقدر اللي قدامه ولا بيشبعه عاطفيا والبنت بطبيعتها بتحتاج اشباع عاطفي وبالنسبة لاخر سؤال لو حبيت شخص مش رومانسي معتقدش ابدا ان الحياة هتمشي حتى لو حاولت امشيها مش هستمر اكيد يعني ممكن احبه بساني استمر في حبه وهو جاف وطباعه غير مرنة ومش مقدر مشاعريومش بيشبع احتياجي للرومانسية اكيد هنهي الموضوع حتى لو كنت انا مش في احتياج الرومانسية في الوقت الحالي ف ده مش معناه اني اقدر اواصل حياتي من غيرها خدي بالك كمان الرومانسية بتقل عند الرجل بعد الجواز وبتكون الحياة خنقة فمابالك لو مفيش رومانسية ابدا سلام ي سكر |
اقتباس:
اهلا بالغالي، كتير حبيت اجوبتك، بس في شغله لفتت نظري انه الشب بطبيعته بعبرش عن اللي جواته بسهوله او بارد متل ما ذكرتي، مع إنه انا اللي بعرفه هو العكس، صحيح يمكن اغلبيتون هيك بس الشب بيحب الرومنسيه، فكيف ممكن يكون الوضع بيناتون في حال البنت هيي يللي تطلع مش رومنسيه عكسو؟ ما بعرف اذا هاي حاله غريبه من نوعها بس كمان مش كل الاناث واحد، صحيح طبعون بيحبوا الاهتمام والحنان بس ما بقول إنه كلون رومنسيات، عكلن بالنهايه لازم يكون في اهتمام من الطرفين يعني الدور بيرجع عليون التنين وقت ينوجد اي اهمال او تقصير من كل النواحي مش بس فالرومنسيه .. نورتي يغالي .. :137: |
اقتباس:
اهلا مستكه، حبيت وجهة نظرك وتعريفك للرومنسيه بأول جوابك، بس ما بعرف ليش حكيتي انه مستحيل يصير في استمراريه فالعلاقه، عكلن سؤالي الاخير هو اكتر سؤال انا ركزت عليه، واللي كنت بدي اصلو زياده عاللي ذكرته بالمشاركات اللي قبل بإنه مش لازم الواحد يترك اللي بحبو كرمال إنو مش رومنسي، يللي فعلا بيحب من قلبه مستحيل يفكر هيك لإنه الحب مش رومنسيه لحالها، الحب اكبر من هيك .. وإذا كانت الرومنسيه شبه معدومه هذا بيقولش انه العلاقه فاشله يمكن الطرف الاول اللي مش رومنسي عم بيحب الطرف الثاني بطريقته الخاصه، حتى لو كانت طريقته مش كلام حب بس بيكفي انها تشعر الطرف التاني فالحب من خلال كتير شغلات معامله اهتمام احترام، فوقتها مستحيل الرومنسي يترك شريكه اللي مانو رومنسي .. نورتي .. :137: |
لو طلعت البنت مش رومانسيه اكيد رح تتعلم منه متل ما قلتي في رومانسين من البنات والشباب والعكس كمان رح احكيلك شغله اثار الحب نفسه هو يلي بخلق الرومانسيه حتى لو ما كان الانسان رومانسي رح يصير هيك بعتقد وما بعرف اذا اعتقادي صحيح او لا |
هل بتشوف الرومنسيه من الاشياء الثانويه؟ ولا بتحس حالك ناقص اذا محكيتش كلمتين حلوات لشريكك؟لا هي ولا هي الرومنسية بتستعمل في اوقات خاصة بتشعر انها وقتها لازم تحكيها وتشارك شريكك فيها كيف بتكون نظرتك للإنسان اللي مش رومنسي؟ سلبيه، ايجابيه وليه؟ مع العلم اي شخص رومنسي ممكن يسمي هيك إنسان "بارد"؟ نظرة ايجابية لانه مو متعود على الكلام المعسول لجلب الاخر ...صريح للغاية اكثر من الرومانسي ولنفرض حبيت إنسان واتبينلك مع الوقت إنه يللي حبيتو مش رومنسي وحسيت إنه بعيد عن هالشغلات، وحسيت كمان إنه ممكن ياخد معه وقت لحتى يتغير ويصير رومنسي، بتستمر فعلاقتك معه؟ بستمر بعلاقتي ما دام بده وقت ..راح يجي هالوقت ^^ شكرا لكِ لطرحك اختي سمرة |
أولاً حابه اتشكرك أختي سمرة ع النقاش المهم وسبب في نزاع العلاقة الزوجية وتفكك الأسرة رأيي أنا الرومانسية بعتبرها أمر مهم للعلاقة فالحياة بتصير حلوة بالاهتمام والكلام اللطيف يعني مثال .. الزوج بيجي من الشغل تعبان رح يرتاح ببيته بيلاقي زوجته مستعده له وتفتحله الباب بتجيبله ماء أو شئ بارد يشربه بعد ساعه بتسمعه كلام حلو والفرق بينه وبين زوج جاي من الشغل تعبان وبيلاقي صراخ وكلام زفت وبعتذر ع الكلام الزفت ..! يعني اكيد الزوج بالحالة الأولى رح تكون حياته حلوة وبيكون فيه حب أكبر للزوجته من الثاني وبعدين في رسولنا محمد صلى الله عليه وسلم قدوة حسنه وكيف كان يتعامل مع زوجاته وكان يعترف بحبه لعائشة قدام الصحابه وكان يأخذها لتتفرج للاحباش لما كانوا بيعملوا مثل العرض وكان بيحكيلها كلام لطيف ياحبيبي يارسول الله .. وأنا بنصح كل شب وبنت قبل مايتزوجوا يقرأوا كتاب محمد الزوج يعطيكي العافية حبيبتي 🌹 |
هل بتشوف الرومنسيه من الاشياء الثانويه؟ ولا بتحس حالك ناقص اذا محكيتش كلمتين حلوات لشريكك؟ الرَسول صلي اللهُ عليهِ وسلمْ كانَ يُداعِبْ سيدتُنا عائشةْ بالطَف واعذبْ الكلماتْ فَلا ضيرْ من استخدام بعض الكلمات اللطيفة والجميلةْ لتعبر فيها عنْ مدي حُبكْ لِشريكةْ حياتِكْ بسْ بعتبرها امورْ ثانويةْ مو شغلة اساسيةْ لان الحُبْ يبقي في القلبْ ومن الممكن انْ يلجأ الزوج الي مثلِ هذه الكلماتْ العذبةْ لِ مُجاملة زوجتِه وارضائها في حالة غضَبِها يعني ذريعة للتخلًصْ من شكوك زوجتهِ ومن غضبِها وما شابهْ كيف بتكون نظرتك للإنسان اللي مش رومنسي؟ سلبيه، ايجابيه وليه؟ مع العلم اي شخص رومنسي ممكن يسمي هيك إنسان "بارد"؟ يعنيْ لو ما كُنت رومانسيْ بكون شخصْ مُتبلدْ وبَارد المشاعِرْ الانسانْ يمتلكْ في قلبِهِ كُتلة من المشاعِر والأحاسيسْ ولكنهُ قد لا يستطيع انْ يُعبر عما بداخِلهِ كونهُ مثلاً خجولْ اوْ يعتبر مثلِ هذه الامورْ اموراً ثانويةْ لا نفعَ منهاْ مع العلمْ انه ما فيه رجلْ ما بلاطفْ زوجته بكلمة حيلوةْ لو بمعدلْ كلمة وحدة باليومْ بعتقد انها بتكفيْ وبتوفيْ ولنفرض حبيت إنسان واتبينلك مع الوقت إنه يللي حبيتو مش رومنسي وحسيت إنه بعيد عن هالشغلات، وحسيت كمان إنه ممكن ياخد معه وقت لحتى يتغير ويصير رومنسي، بتستمر فعلاقتك معه؟ اه بتستمرْ لانهْ هو هيكْ طبيعتوْ : وطالما انا حاسسْ وشاعرْ بحبه اليْ فمش ضروري اسمع كل يوم كلمة حيلوةْ لانه ممكن زي ما قلت بالسابق يكون بستخدم هالكلمات فقط للمجاملة وتخطي بعض المعيقات التي تواجههُ منها كغضبِها وحساسيتها في هذا الجانِبْ الموضوع بيعنيلي شخصيا، لهيك مطرحتش هالموضوع وهالاسئله من فراغ وستام، موضوع ملفت للانتباه وجميل يسلمو للطرح |
م بدي جاوب ع الاسئلةة بدي جاوبك كيف انا بشوف الحب الحب بنظري اهتمام اكتر من كلام شو بدي بواحد عم يتغزل فيا ليل ونهار بس ما بحس بهالشي ب افعاله الحب فعل مش كلام موقف انك تكون مهتم لابسط تفصيل بحبيبك صح الحكي الحلو مطلوب بس مش اساس الحب ممكن لو قلي بحبك ي هبلةة تغني عن الف كلمة انا بنت بسيطة بحبش التكلف بالحب ب الاهتمام بكفي حس انو بغار انو بفقدني وقت غيب بساال عني بوقف حدي بأي مشكلة حس انو بحب بجد مش عم اتسلى الاغلب فاهم الحب غلط وانو يلي بحبك بحكي الك كلام حلو اكتر لا والله الحب مش هيك الحب اهتمام احساس وصلة مشتركة روح وحدة الحب شي كتير حلو احنا خربناه يسسلموا ديأآتكك اثار |
اقتباس:
وانا كمان بفكر متلك، بظن اعتقادك بمحله، حتى لو كان الاشي فالبدايه عدم مع الوقت رح ينوجد لإنه فش اشي مستحيل .. نورتي مره تاني يغالي .. :137: |
اقتباس:
اهلا خالد، :137:جوابك اكتر اشي شجعني او بالاحرى ريّحني نفسيا خصوصا لمن ذكرت بإنه نظرتك للإنسان اللي مش رومنسي "نظرة ايجابية لانه مو متعود على الكلام المعسول لجلب الاخر ...صريح للغاية اكثر من الرومانسي"، كنت عم بستنى حدا يحكيلي هالجواب، لإنه الاغلب بتكون نظرتون لللانسان اللي مش رومنسي بإنه مانو طبيعي او سلبي وهو مش هيك بالمره، المسأله مسألة وقت مش اكتر .. نورت خيا .. |
اقتباس:
اهلا يغالي، حبيت جوابك مع اني بعتبر الرومنسيه من الاشياء الثانويه إلا إنه يللي بيقرا جوابك رح يقتنع .. معنديش مشكله اقرا هالكتاب بس ما بعرف وين ممكن لاقيه حولينا، عندي مواقع اكتر من كتب، مواقع تحكي عن الحياة اليوميه والاجتماعيه والاسريه والزوجيه .. هالكتاب لو في منه بالنت رح بقراه من النت لانه متل هيك كتب كتير بتهمني حتى لو مكنتش متزوجه وبعدني عزابيه، ع الاقل الواحد بيتعلم وبيتنور شغلات جديده ويصير عنده خبره .. وبس بدي الفت بنظرك انه الرومنسيه برضو تصرفات مش بالضروره حكي زي المثل يللي انتي ذكرتيه، انو وقت الزوج يرجع من الشغل تعبان الزوجه تكون محضريتلو كباية مي، هاي اصبحت رومنسيه بالاهتمام والاحترام .. ورجعتي قلتي "بعد ساعه تسمعه كلام حلو"، من هون منفهم انه الافعال بالاول وبعدين الحكي، يعني الافعال اهم من الكلمات بس تنيناتون بيساعدوا وبيقووا العلاقه .. نورتي صمت .. :137: |
اقتباس:
كتير حبيت اجوبتك العميقه، وخصوصي لمن ذكرت "الانسانْ يمتلكْ في قلبِهِ كُتلة من المشاعِر والأحاسيسْ ولكنهُ قد لا يستطيع انْ يُعبر عما بداخِلهِ"، من هون منفهم انه مفش اشي اسمه "إنسان بارد"، يعني؟ مش لازم تكون نظرتنا للإنسان اللي مانو رومنسي نظره سلبيه، لإنه مفش اشي اسمه انسان بارد، القصه وما فيها بإنه بكون عندو صعوبه بإنه يحكي عن اللي جواته وانه بياخد معه وقت او ؟ بكون عندو اسلوب معين يعبر فيه عن حبه للي قبالو، يعني رومنسيه بطريقه معينه مش بالكلمات حبيبي وبحبك .. كتير حبيت وجودك هون، نورت .. :137: |
اقتباس:
الشعور ي سمرة بيجي من الاحساس الحلو والخجل والرومانسية المحسوسة في نظرة او كلمة او لمسة ايد حلوة احنا مش الة بتتحرك بريموت كنترول او زراير كهربا وطريقته الخاصة انا هعرفها ازاي لو محسسنيش بيها انا لازم احس واشوف تعبيره عن حبه مش شرط تكون الرومانسية طاغية والا همل منها ومش لازم يكون رومانسي 24 ساعة والا هطق منه ومنها لكن الجفاف والاسلوب الخالي من الرومانسية ده صعب وصعب اني اكمل حياتي بالشكل ده |
هل بتشوف الرومنسيه من الاشياء الثانويه؟ حآليآ آججل مع إنو نآهه رومنسةة هيهي ') ولا بتحس حالك ناقص اذا محكيتش كلمتين حلوات لشريكك؟ مو جربت الحب بعمري ككلو بس بضضل آحكي بحكبك لـ بآبـآ و كلآم حلو ♥ بس مو بحس حالي نآئصةة مكيفةة آصلآتن كيف بتكون نظرتك للإنسان اللي مش رومنسي؟ سلبيه، ايجابيه وليه؟ مع العلم اي شخص رومنسي ممكن يسمي هيك إنسان "بارد"؟ مممم ؟ ') مبعرف بس بدي يلي بحبو يكون رومنسي بس مو يهديني ورد بموتو هيهي ') إيجآبيةة ممكن إزآ كآنت بس لـ ييلي بحبهآ مو لكل النآس إزآ زآدت سلبيه ') ولنفرض حبيت إنسان واتبينلك مع الوقت إنه يللي حبيتو مش رومنسي وحسيت إنه بعيد عن هالشغلات، وحسيت كمان إنه ممكن ياخد معه وقت لحتى يتغير ويصير رومنسي، بتستمر فعلاقتك معه؟ يعني شي ومنو يعني تخيلي مو يهديني اغنيه ؟ ') أو نو يحكيلي شي بحبو شبدي فيو نـآهه احكيلك شغلةة مشعآرفة إشي ممكن مو بتركو حرآم مو زنبو ممكن مو بعرف يعبرلي عن حبو ') يسلمو سمرة ع الاسئلةة ممكن تجآوبي نتي ؟ ') ورده |
| الساعة الآن 03:00 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.