|
الفتاة و تقليد الشب السلام عليكم ورحمة الله وبركاته هلا اخواني حبيت اشاركم فالموضوع بعد ما حصلت معي هي الحادثة كنت انا و بشمهندس مشرفين على عمل صرف صحي و مضخة لمنطقة بشرق خانيونس المهم كنا مجتمعين انا والبشمهندس والمقاول و مهندس المقاول بنتناقش بالمخططات بخصوص المشروع في غرفة فكان ممول المشروع هي الأونروا فكان كل يوم بالمشروع بيجوا بطمنوا على سير المشروع والمواد مثل الإسمنت والحصمة والرمل لعمل غرفة مضخة تحت الارض فالمهم اجت مهندسة ومهندس من الأونروا على الغرفة اللي قاعدين فيها فصرنا نتناقش بالمخططات ونتبادل بعض الخبرات فالمهم حكت فجأة البشمهندسة وقالت "عن اذنكم " فقلت بسري اكيد عنا اخطاء بالمخطط وراح تعطي رأيها فقلتلها اتفضلِ الا وفجأة : حطت ايدها بالشنطة . . . . . طلعت سيجارة من بكت الدخان اللي موجود بالشنطة وصارت ادخن علماً كل الموجودين ما في حدا بدخن والله استغربت من هالشوفة لانه اول مرة اشوف بنت بدخن والاذكى من هيك البشمهندسة متزوجة كمان زوجها ما بعرف كيف راضي عليها انها ادخن .. سؤالي الكم بعد ما سمعتوا قصتي : ما رأيكم بفعلت البشمهندسة تعتبر قلة احترام ام اثبات وجود ؟ هل تفكيرها وصلها انه اللي لازم يكون رجال ويجاريهم يعني يدخن ؟ بالاجمالي شو رأيكم بالفتيات اللي بدخن وربما بتأرجل ؟؟ دمتم بود من غير دخان ولا شمة ريحته |
مع إنو هآد حريةة شخصيةة و كل حدن حر بحيآإتو ') بس برآي يلي بتدخن فقدت انوثتهآإ ') ورده |
حرية شخصية !!لا بس عشني بغزة اول مرة اشوف هالشوفة شكرا لكن |
آهه حريةة ؟ ') لو مو حريةة كآن حكيت الهآ مو تدخني ؟ ') بس مآ بتقدر آسفةة يعني ح تحكي الكك مخصصك صح |
هادا لو كانت داخل الغرفة ولعتها بالغرفة وراحت برة ^^ |
الموضوع مفهوم والاسئلة محددة والفلسفة ما بحبها اللي عندو كلمة حلوة يحكيها و نقاشه محترم يتفضل^^ |
يالهوي يالهوي لك اخ خالد تعا شوف عنا بالخليل الكوفي شوبات كلها بنات و بتأرجل عنا هالشي طبيعي كونو هالشي حرية شخصية و اهاليهم قبلانين بهالشي لكن بنظري اناآ التدخين للرجال من الرجولة و للبنات بفقدهم الأنوثة كل التحية |
هالشغله عاديه وكتير بشوفها عنا بالقدس والزوج هو نفسه بكون يشجع زوجته على التدخين بنظري هالشي حرية شخصيه مع اني ضد التدخين بشكل عام سواء للشباب او البنات وكتير البنت تفقد من انوثتها وهي بتعمل هالشي شكرا خالد على موضوعك تحياتي |
انا بدي احكي من ناحية العادات والتقاليد هون بتختلف الاراء حسب المنطقة انا ابن قري واسمها دير الغصون عنا التدخين ل البنت مرفوض بشكل قطعي بس يمدن تانية عندهم شي عادي من جهتي انا انا برفضو |
اقتباس:
ههههه من خلال كلماتك الاخيرة حكيتي التدخين للرجال من الرجولة هل بتعتبري التدخين من احد اسباب اللي بتخلي الانسان يتحلى بصفة الرجولة ؟؟ سعدت بتعليقك وتواجدك الطيب منورة |
اقتباس:
التدخين للفتاة وبحضور الزوج كمان والشد على ايدهاا المتعلم ليس ما يتعلمه ولكن هو الذي يطبق ما يتعلمه كمان انتم لازمكم داعش ^^ ربنا يجيرنا من هالزمن شكرا لونلي لتعليقك وتواجدك الكريم انرتِ |
تعتبر قلة احترام ام اثبات وجود ؟ لا هاي ولا هاي التدخين كله محرم هل تفكيرها وصلها انه اللي لازم يكون رجال ويجاريهم يعني يدخن ؟ مش شرط يكون تفكيرها وصل لهون بالاجمالي شو رأيكم بالفتيات اللي بدخن وربما بتأرجل ؟؟ ما بحب كون علاقات معهم بالاخر بدي احكي شي التدخين محرم سواء ل البنت او الشب بس احنا عايشين پ مجتمع وقت الرجل يعمل الحرام م بنحكي شي بس وقت البنت تعمل شي محلل الكل بقف الها وطبعا مش قصدي ع التدخين ع شغلات تانية كتير وشي تاني التدخين عمره ما كان رجولة ، الرجولة مواقف مش سيجارة مولعة ^^ |
اقتباس:
فلسطين ما قبل النكبة كان عنا التفرقة بين القرية والمدينة ابن قرية وابن مدينة بتعرف انه القرية هي اللي بتخرج شباب بتفتخر فيهم الامة عكس اللي بتخرجوا المدينة لانه الحضارة و التحضر للاسف فهمنها بالغلط عشان هيك الاشياء مثل هيك بتحصل بارك الله فيك اخي صمت اللقاء ولتعليقك الرائع منور يا طيب |
اقتباس:
بالنسبة لموضوع التدخين انا شفت رجل بعمل لزوجته الارحيلة هو بعتبرها عادي هو حر بتفكيرو عجبني نقاشك يا طيب |
اقتباس:
بالنسبة للفتاة خلينا احكيلكي ايها بالعامية " يحنا بنعص عليها ومتشددين عليها اكتر من الشب ...لانها باالأخر هي مدرسة و هي الاصل بنشأة الشب وتربيته واخلاقه " يعني اذا البنت طلعت لسمح الله متبرجة لابسة هالبنطلون او بشعرها كيف هتكون تربية الابن ؟ لو البنت بدخن كيف راح تكون تربية الابن ؟؟ بعكس الرجل سواء كان بدخن او غيره ..مشلط او غيره ....راح يكون تأثير التربية على الابناء اقل من تأثير الام .. عرفتي ليش متشددين عليكم المجتمع^^ حياكِ لله اختي وتر سعدت بتعليقك الراقي انرتِ |
اقتباس:
الام مربية والاب شو وقت تكون الام ملتزمة وتربي ولادها صح ويكون الاب عامل السبعة وذمتها الابناء مش هيتأثروا ب افعال ابوهم !!! وشي تاني ليش احنا بنشدد ع البنت تلتزم ب الشرع والشب لا كأنو البنت ربنا راح يحاسبها والشب لا !! انا مش ضد انو الاهل لازم يحافظوا ع بناتهم وينتبهوأ الهم اكتر بس بنفس الوقت ما تحاسب البنت ع كل صغيرة وتترك الشب ع راحته ^^ |
اقتباس:
بتعتبر فلسطين ارض محتلة ويحنا بظل احتلال محتاجين رحمة ربنا ونصره ؟؟ التدخين من الافات اللي بضر الانسان واللي بتعتبر معصية لرب العباد قديما في زمن موسى عليه السلام حبس المطر على نزول 40 سنة من اجل معصية فرد من قوم موسى عليه السلام حتى ننتصر وربنا يكرمنا بالتحرير ويوقف معنا لازم نتخلص من هيك اقة شو الطريقة برأيك لتخلص من هي آفة .. لانه التثقف او البرامج التوعوية ما لها فايدة خاصة مكوب على بكت الدخان يؤدي الى الموت ... ^^ |
اقتباس:
اذا انتي بدك الجنة ورضا ربك شو بدك في اللي بعملو الشب و يعمل السبع وذمتها ... سؤالي الكِ نبض بعيداً عن نسق الموضوع شو الاشياء اللي بتعتبريها صغيرة اللي نفسك ما يعارضها الاهل او المجتمع ؟؟ ^^ |
اقتباس:
يعني انا ما باجي اجبر حد انو يترك التدخين ان كان شب ولا بنت التدخين صحيح هو معصية في في اشياء ابشع من هيك الناس قاعدين بعملوها كل لي بنغدر نحكيه انو ربنا يهدي الجميع |
مثلا وقت حكيت بدي اتخصص صحافة الكل عارض قال عيب ومن هالحكي وقت بدي اشتغل ب مؤسسة خاصة عيب بدي اعرف وين العيب طالما محترمة نفسي ولبسي محترم !؟ |
اقتباس:
ما النا غير الدعاء ربنا يهدي الجميع الى ما يحبه ويرضاه وان لا يسخط علينا ويحرمنا النعم خاصة نعمة النصر بسبب ذنوب ومعاصي غيرنا اشكرك مرة اخرى لتواجدك اخي صمت والله يكثر من امثالك يا طيب سعدت بك ^^ |
اقتباس:
العيب مو من المجتمع .. سامحيني على هالكلمة "العيب بعقلية اهلك وطريقة تفكيرهم " .. ^^ |
عادي اخي كل انسان حر بحاله ليش الشباب مسموح والبنات ممنوع الغلط غلط والحرام حرام والا احنا مجتمع ذكوري ممنوع للبنت اي شي بعمله الشب مع اني ضد التدخين للشب والبنت لكن بدنا ننتقد مننتقد الجهتين شكرا اخي |
اقتباس:
ليك هلأ الرجولة بتكون مبنية على اكتر من شي من ضمن هالإشيا بنظري هو التدخين |
اقتباس:
يعني كنا في مشكلة الشباب صرنا كمان في مشكلة تانية اللي هي تدخين البنات اخي مؤيد بارك الله فيك في تواجدك الطيب انرت |
اقتباس:
^^ |
شششو !! أول شي هذآ لايليق بالفتآة مطلقآ ولربمآ فعلهآ قلة أدب وعدم احترآم للحضور وفعلهآ أمآم الجنس الآخر لربمآ تريد فرض أنوثتهآ بمزيج من الرجولة أي مترجلة والتدخين بالعآم ليس حرية شخصية بل هو محرم كبآقي المحرمآت لآ أدري مآذآ كآنت ردة فعل الشبآب يلي كآنو موجودين عندهآ .. |
اقتباس:
ردنا لم يتجاوز عن الصمت والذهول فقط انا عن نفسي اول مرة اشوف هالشوفة صدقاً شكرا لكِ اختي مآسة انرتٍ |
لو كنتُ مكآنكم لأمرتهآ بالخرووج حتى تنتهي لربمآ تخجل على نفسهآ وتعيد حسآبآتهآ خزي أقسم بالله .. |
اقتباس:
المشروع كله بروح البنات وعصبيتهم و زعلهن بتعرفي كيف اكيد هو خزي على كل شاب و بنت ^^ |
فعلآ فإن لم تستحِ فاصنع مآ شئت .. |
ما رأيكم بفعلت البشمهندسة تعتبر قلة احترام ام اثبات وجود ؟ اعتقد الاثنان هل تفكيرها وصلها انه اللي لازم يكون رجال ويجاريهم يعني يدخن ؟ ما فهمت !! بالاجمالي شو رأيكم بالفتيات اللي بدخن وربما بتأرجل ؟؟ قلة ادب و سوء تربية |
| الساعة الآن 07:39 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.