|
قابل الاحسان بالاساءة..قصة صارت معي انا حبيت اطرح عليكو عالقصة صارت معي من فترة قصيرة بدي رايكو باللي صار عشان تعرفو ليش بحكي الناس ما بترحم وبتقابل الاحسان بالاساءة هي اكبر دليل وحدة ساكنة عنا بالعمارة كانت طالعة من دارها وتاركة ولادها نايمين ورايحة انا ما بعرف ع وين راحت بصراحة فقت انا من النوم سمعت صوت ولادها بعيطو جبتهم لعندي كان الولد فاقع من العياط غيرتله وحممتو ولبستو اواعي من ابني الزغير وطبعا امه ضلت للعصر ولما صار بدها الولد بعتت حد لحتى تاخده المهم انا كنت مصورة الولد وهو مرتب بعد ما فطرتو وطعميتو بعتلها صورة ابنها عالوتس اب عشان تفرح فيه ال يعني شوفو ردة الفعل بتحكيلي ليش باعتة الصورة وما حكيتيلي الحمدلله عالسلامة انا ما كنت اعرف انها عند الدكتور تاني يوم بعتتلي الاواعي اللي لبستهم لابنها وسخين ومش مغسولين شفتو جزاتي انا شو هو عملتلها كل شي منيح كلمة يسلمو ايديكي ما سمعتها عشان هيك بحكيلكو فش خير باغلب الناس صارت بس ليش هيك بيعملو انا ما بعرف كيف ضميرهم عايش شو رايكو انتو |
لاحول ولا قوة إلا بالله حبيبتي لو أحكيلك عن بعض الناس وايش عملوا فيني من ظلم وكلام جارح لاقشعر بدنك بس الصبر والواحد يعطي لله ولا تستني من أحد جزءا أو شكر انتى نوي إي عمل لله سبحانه حتى شربة الماء لولادك لأنه بعض الناس للأسف ما عندهم ذوق وأسلوب في الشكر جد ربي يصبرك حبيبتي 🌹 |
يييييي كتيييير متل هيك مواقف بتصير معي اصلاتن صار روتين الحساة متل هيك مواقف بس الواحد بعمل خير وحسناتو بوخحها من الله لانو كل واحد بعمل في اصلو وع شو هو متربي صحيح الناس ما بتستاهل بس كمان الناس ما بتستاهل انو الواحد يغير طبعوو كرمالو وانتي اعملتي باصلك وهي عملت باصلها وجرائك عند الله وعوافي ع ئلبك والله يسعدك |
اقتباس:
والواحد مش مستني كلمة شكر على شي عمله بس الواحد بتدايق من اللي بصير اعمل وزت بالبحر متل ما بيحكو بعين الله خواطر لازم نصبر لنعيش |
أول شئ قلة ذوق منها انها ترجع لك الملابس مش مغسولين ومرتبين ثاني شئ للأسف انت عملتي المعروف مع الشخص الخطئ وغير المناسب وبعدين كل واحد وبيعمل بأصله أنتِ إهتمتيتي بالولد وخذتي بالك منه وعاملتيه كويس ورتبتيه لأنك بنت أصول هي تصرفها ما دل على إنها بنت أصول وما قدّرت هذا الشئ اللي عملتيه وبرضو مش علشان صادفتي شخصية مثل هيك في حياتك تبطلي تعملي معروف مع أحد لا طبعاً الناس أصناف وأنواع وياما تشوفي وبرجع بقول لك كل واحد بيعمل بأصله وطالما أنتِ عملتي الصح لا تندمي على شئ صح عملتيه حتى ولو كان مع الإنسان الخطئ المهم أنتِ عملتي الصح وعملتي بأصلك تحياتي لك يا بنت الأصول |
اقتباس:
بالاخر هي بينتلي اديشها ما بتعرف الزوء بشي والمعاملة مع الله تسلمي عسولة عالمداخلة |
فعلا اتقِ شر من احسنت اليه لكن هاذا الكلام لا ينطبق على كل البشر احنت منتعامل مع نفسات مختلفه منها الي بيشكر وبيحفظ المعروف ومنها الي بتعامل مع الناس بتكبر الواحد يعمل خير ويرمي في البحر الا ييجي يوم وانا بذكرك ربنا ينشلك من ضيق او يحمي ولادك ما في شي عند ربنا ببلاش لعلمك المعروف بضل دين برقبه صاحبه لو الدنيا بتخلا من الخير بتخرب وما بعود الها طعم انتي انسانه اصيله وعملتي وتصرفتي صح في الاخير بقولك اذا اكرمت الكريم ملكته واذا اكرمت اللئيم تمردا الخير والشر موجودان اختاري الخير واتركي الشر لغيرك الله يحماكي ويسعدك |
ناس هيك ما تعرف ذوق بالمرة فعلا ناس ما تستحق العطف والمساعدة بس علشان الاولاد شكرا على القصة ملك يعطيك العافيه |
اقتباس:
كيف بدنا نعرف هاد شخص صح وهاد غلطط بتقدرش تقرر اصلا الا بعد عدة مواقف وبالاخر رح تتجنبه ومتل ما حكيت الواحد بعمل لله مش للناس كل احترام الك |
اول شي هي ما عندها ذوق بالمرة بس انت خليكي متل ما انتي وما تهتمي لكلامها اعملي خير وما تستنى شي من اي حد |
قصة رائعة مشكورة على |
اقتباس:
بس مرات الواحد بقول يا ريتني ما سويت وما عملت مع ناس عندها الشر بجري بعروقها ومع ذلك اللي عليي انا عملتو بكرة حتلقى مين يسيئلها وانت ابن اصل اكيد مؤيد احترامي الك |
بجد ئلة زوءء جارة متلك المفروض تتمسك فيكي بس ما تندمي الملاك كل واحد بعمل باصلو والله يكتر خيرك وردتي |
فعلا خيرا تعمل شرا تلقى ايش هاي الناس بس اعملي متل ما بابا دايما بحكيلنا اعملي خير وكبي بالبحر واجرك عند الله في ناس لو عملتيلها شي صغير بتضلك فاكرالك ابياه وبتضلها تفكر كيف تردلك هالمعروف وفي ناس لا بتقدر وما بتفهم معنى العطاء متل جارتك بيني وبينك ولو اني ما بحب الغيبة شكلها ما بتفهم اصلن لو عندها قلب ومسؤولة ما بتخلي ابنها باليت وبتتركه بدري عليها اتزكرته عالعصر كوني متل ما انتي اختي الملاك انتي الصح |
سيكون ردي على القصه الاقوى وتختلف عن ردود الاخرين الانسانيه ماتت في قلوب البشر وانتقلت الى مجتمعاتنا وجيراننا وحتى احبائنا بعض أشخاص من البشر من الصعب أن يغيروا ضمائرهم أو ان يبيعوها وهنالك أشخاص اخرون يبيعون ضمائرهم وكرامتهم مثل موضة الملابس في قاعه المحلات التجاريه والتنزيلات المهترئه ومعدومه في نفوس هؤلاء البشر ماتت ضمائرهم ولم يبقى على السنتهم سوى الكتمان والشر لكن نتعلم منها العبر المتكبرون كالواقفون على جبال عاليه يرون الناس صغارا من اعلى القمم والاخرون يرونهم ايضا صغارا مساعده اي طفل بكل جهد هوعمل خيري اما الاحسان في هذا الزمن الرديء يفهمونه بعض البشر بالخطأ وتجدي صعوبه في بعض الاعمال الحسنه لتقابل بالسيئه ونتمنى ان يرتاح بالك لانك ارضيت الله ورسوله الكريم الوطن والغربه |
يعطيك العافيه بالنسبه لي ما استغرب لاني اعرف المعروف متلوف بس لازم الواحد يعمل المعروف من غير مقابل متلي كل معروفاتي راميها بالبحر ختى صار فيضان من كثر المعاريف بس صدقو عند ربنا ما بيضيع شي ابد شو مكان ختى لو نويتو تعملو معروف ما قدرتو ربنا بيجازيكم ويثيبكم خيتو اذا طلعت كمان مره جارتكم ديري بالك على اولادها هاي دنيا متل ما بتقدم بتلاقي تحياتي |
| الساعة الآن 05:04 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.