طيب وبعدين يا زمن ، "

#1 08-13-2015

عايشين بالدنيا بدون هدف ، مش عارفين شو بدهم ، مش حاطين شي ببالهم ، زي ما تحكوا ماشيين على البركة ، معتمدين على غيرهم بكل شي وعلى الحظ ، وبالاخر بيحكوا العيب بالحياة ، هالزمن كتير قاسي ، طيب انت يلي بتحكي هيك عمرك سعيت ولا حاولت تحط هدف قدامك او تمشي على خطة !؟
الحياة صعبة صح ما بنكر هالشي ، بس في الها مفتاح لو مسكته بايديك راح تنجح وتكون مبدع وصاحب شخصيةة ، كتير بشر لاقوا المفتاح وهياتهم ناجحين ، بس لأقلك شي حطه ببالك ، احبانا النجاح ابتلاء كيف يعني !؟ انو في ناس بتنجح وبتصل اعلى المراتب بس مع هالنجاح بتنسى ربنا الي وفقها وخلاها على هالحال ، بتنسى صحابها واهلها ، بتنسى مبادئها واخلاقها الي تربت عليها ، اوعك تكون من هاي الناس لانو زي ما طلعوا بسهولة راح ينزلوا ، وربنا مش ناسيهم بس تاركهم يزيدوا بظلمهم ، وقت تتقي ربنا وتراعي اهلك ربنا راح يعطيك ليرضيك ، ربنا مش ناسيك ربنا بمتحن فيك وبده يشوف صبرك واحتمالك ليعطيك ، بس ربنا مش راح يعطيك الا وقت تاخد بالاسباب ، وقت تسعي وتتعب ، وقت تحاول وتحاول ، مش راح يعطيك وانت نايم ولا ساهي ، حط برأسك ما في شي بيجي بسهولة ويلي بيجي بسهولة بروح بسهولة ، لازم تتعب وتجتهد ما تحس بيأس ولا ملل ، ما تخلي الفتور والتشاؤم يسيطروا عليك خليك متفائل رغم گل شي ، عارف ابتسامتك البسيطة هاي لو حطيتها بدل الكشره راح تفتح الك ابواب ، الابتسامةة ابسط وسيلة تواصل بتحكي فيها للشخص يلي قدامك فيها انا بحترمك انا بحبك انا شايفك ، يعني حتى وقت تنكسر تنخذل تنجرح تفشل اضحك وخلي الضحكة على وجهك ما تبين ضعفك انكسارك ، خلي الكل يعرف انك انسان قوي م بكسره شئ ،
اقلك شي حطه ببالك احلامك واهدافك ان ما كانت موجودة فانت فاشل ب امتياز ، عارف ليش لانو كل انسان فينا لازم يكون عنده حلم او هدف او طموح حتى يكون عنده دافعية ليشتغل ليعمل ليكون ، الانسان بدون هدف بدون خطة زي سفينة بدون قطبان غرقانة غرقانة على الأكيد ، فلا تضيع حالك وتمشي بطريق الفشل وانت فيك تكون لانو ربنا م خلق انسان فاشل ، كل شخص فينا عنده قدرات ولازم نشتغل لنعرف قدراتنا شو فينا نعمل بشو احنا بنبدع ، وقت تحط هالشي ببالك راح تعرف انك مش فاشل وانك قادر وانك راح تصل وراح تصير ، يعني بالمختصر يا انسان العيب مش بالزمن العيب فينا احنا ، "

المصدر: منتديات بنات فلسطين - من قسم: حصريـات بـنات فلٍسطين

'df ,fu]dk dh .lk K "

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
"ضباط مصر" : الفريق "سامي عنان" لديه أدلة تقود "السيسى" للإعدام	خالد	الأפֿـُبآر والـأפـدَآث	7	06-28-2015 11:45 AM
"هتلر" ينافس "اساحبي" على "الفيس بوك " .. صور ساخرة	امير القلوب	ะ» رُكُن آلصۈرٍ ..!	10	03-25-2014 10:19 PM
"حماس" توافق على اقامة مهرجان فتح في ملعبي "اليرموك" أو "فلسطين"	لمشتاقة لروحي	الأפֿـُبآر والـأפـدَآث	8	01-01-2014 08:03 PM